Еларна қолфон нұсқасына ену

Жүктеу-Албомым-Албомдар-Желі
Осы торды сақтаймын! | Осы торды бас бет етемін!

Біздің байланыс: elarna2012@gmail.com


Халықтың медициналық көмек сапасына қанағаттануы туралы индикатор ұсынылды



Тіркеліңіздер Кітапхана Қожалар торабы Албомдар Қазақтың 1001 ертегісі

Түрі: Қазақпарат

Жолданған уақыты: 20:48 - 2021/01/14

Нақты Көзі: https://www.inform.kz/kz/halyktyn-medicinalyk-komek-sapasyna-kanagattanuy-turaly-indikator-usynyldy_a3741196


НҰР-СҰЛТАН. ҚазАқпарат – ҚР Денсаулық сақтау министрлігі Денсаулық сақтауды дамыту орталығы Республика аумағында халыққа медициналық көмектің сапасын арттыруға бағытталған шараларды іске асыру жөніндегі 2020-2025 жылдарға арналған Жол картасын таныстырды, деп хабарлайды ҚазАқпарат тілшісі.

Ұқсас жаңалықтар
МӘМС: Алматы тұрғындарының 82% сақтандырылған Бас санитар аязды күндері балаларды мектепте оқыту шешіміне пікір білдірді Елдегі эпидемиологиялық ахуал нашарлауы мүмкін бе – Бас санитар жауабы

Бүгін Денсаулық сақтауды дамыту орталығында «ҚР халқына медициналық көмектің сапасын арттыру» тақырыбында онлайн пікірталас өтті. Оған ҚР ДСМ құрылымдық бөлімшелерінің, медициналық және фармацевтикалық бақылау комитетінің, өңірлік денсаулық сақтау басқармаларының және өзге де ұйым, мекемелердің жүзден астам өкілдері қатысты.

«Медициналық көмектің сапасын арттыру жөніндегі Жол картасы үш бөлімнен тұрады: адами ресурстардың сапасын арттыру; пациентке бағдарланған медициналық көмектің сапасы мен қауіпсіздігінің жоғары деңгейін қамтамасыз ету; барлық деңгейде денсаулық сақтау жүйесінің қаржылық тұрақтылығын қамтамасыз ету.

Медициналық көмектің сапасын бақылау үшін «Халықтың медициналық көмектің сапасына қанағаттануы» нысаналы индикаторы ұсынылады, ол 2025 жылға қарай медициналық көмектің барлық деңгейлерінде (стационарлық, амбулаториялық және оңалту деңгейінде) 75%-ға жетуі мүмкін», - деп хабарлады Денсаулық сақтауды дамыту республикалық орталығының баспасөз қызметі.

Сонымен бірге, пікірталаста отандық инновациялық технологиялар мен оларды енгізу тетіктерін әзірлеу талаптарына қатысты мәселелер көтерілді. Қатысушылар индикаторларды жақсарту немесе шекті деңгейді өзгерту және оқыс оқиғалардың алдын алу мен оған жол бермеу бойынша уақытылы шаралар қабылдау қажеттігін айтты. Халықтың медициналық көмек сапасына қанағаттану индикаторымен қатар «Медицина қызметкерінің (дәрігердің, медбикенің) қанағаттануы» нысаналы индикаторын да енгізу ұсынылды.

Ұсыныстарды қарау және енгізу үшін Жол картасы жобасы Денсаулық сақтауды дамыту орталығының сайтына салынады. Барлық тұрғындар жол картасын талқылай алады.

Нақты қайнары: http://www.elarna.net/koru_kk.php?tur=3&id=1335713
Пікірлер

Көрші сілтемелер