Еларна қолфон нұсқасына ену

Жүктеу-Албомым-Албомдар-Желі
Осы торды сақтаймын! | Осы торды бас бет етемін!

Біздің байланыс: elarna2012@gmail.com


Нұрсұлтан Назарбаев: Бүкіл өмірімді Қазақстанның тәуелсіздігіне арнадым



Тіркеліңіздер Кітапхана Қожалар торабы Албомдар Қазақтың 1001 ертегісі

Түрі: Қазақпарат

Жолданған уақыты: 21:18 - 2020/12/01

Нақты Көзі: https://www.inform.kz/kz/nursultan-nazarbaev-bukil-omirimdi-kazakstannyn-tauelsizdigine-arnadym_a3725181


НҰР-СҰЛТАН. ҚазАқпарат – Елбасы Нұрсұлтан Назарбаев «Qazaqstan» ұлттық арнасындағы «Түркістан: Көне мен келешек көпірі» деректі фильмінде бүкіл өмірін Қазақстанның тәуелсіздігіне арнағанын мәлім етті, деп хабарлайды ҚазАқпарат тілшісі.

Ұқсас жаңалықтар
Нұрсұлтан Назарбаев: Жаңа заман келді – бәріміз өзгеруіміз керек Түркістаннан Ташкентке темір жол салынады – Нұрсұлтан Назарбаев Елбасы: Абылай ханның арманын орындап жатырмыз

«Біздің қазіргі заманда ғалымдар, сарапшылар «барлығын білеміз, бәрін де игереміз» деп ойлайды. Бірақ ешкім осындай вирус келеді деп ойлаған жоқ. Бір жерден шықты – ол енді табиғаттың құбылысы. Әлі де ондайлар болуы мүмкін. Сондықтан адам бәрін игерді, барлығын білді деп айтуға болмайды. Жастарға сөзімді ылғи айтып келем. Қазіргі айтарым, мен бүкіл өмірімді Қазақстанның тәуелсіздігіне сарп етіп келе жатырмын. Кеңес өкіметі кезінде 5 жыл Қазақстанның үкіметін басқардым. 30 жыл Президент болдым. 35 жыл бойы тынбай, күндіз-түні осы жұмысты істеп келе жатырмыз. Еліміздің, қазақтың, ата-бабамыздың арманы – тәуелсіздік. Қолымызға келді. Ол болмаса түк болмайды. Ол болмаса тағы да бодан боламыз. Ол болмаса біздің тіліміз, дініміз болмайды. Ол болмаса біздің басқалар басқарады», - деді Елбасы.

Нұрсұлтан Назарбаев бұл сөзі насихат емес, шынымен жадынан, жанынан айтып отырғанын атап өтті.

«Жалпы қанша айтсақ та қазақ деген басқалармен салыстырғанда ат төбеліндей халықпыз. Екі жағымызда екі алып мемлекет тұр. Бір жарым миллиардтық Қытай мына жағымызда, Ресей мына жағымызда. Олардың саясаты болашақта қалай болады? Мен енді қолымнан келгенше шекараны шегендеп, барлық төңірекпен достық қарым-қатынас жасадым. Қазақстанның жауы жоқ қазір. Ал заман өзгереді, ел мен жұрт өзгереді. Не болады? Сол тәуелсіздігімізді көре алмай, қазірдің өзінде көз тігіп отырғандар бар. Себебі біз экономика, реформа жағынан түп-төңірегімізден озып кеттік. Әрине, оның бәріне қызғанышпен қарайды. Сондықтан Тәуелсіздігімізді сақтап қалуымыз керек», - деді ол.

Нақты қайнары: http://www.elarna.net/koru_kk.php?tur=3&id=1312071
Пікірлер

Көрші сілтемелер