Еларна қолфон нұсқасына ену

Жүктеу-Албомым-Албомдар-Желі
Осы торды сақтаймын! | Осы торды бас бет етемін!

Біздің байланыс: elarna2012@gmail.com


Берел қорымы - құнды жәдігерлер мекені



Тіркеліңіздер Кітапхана Қожалар торабы Албомдар Қазақтың 1001 ертегісі

Түрі: Қазақпарат

Жолданған уақыты: 22:45 - 2020/08/01

Нақты Көзі: https://www.inform.kz/kz/berel-korymy-kundy-zhadigerler-mekeni_a3678829


Берел қорымы - құнды жәдігерлер мекені

НҰР-СҰЛТАН. ҚазАқпарат - Мыңжылдықтар тарихын арқалаған Берел қорымы – Қазақстанның жалпыұлттық киелі орындары қатарына енген қасиетті мекен. Бұл туралы ҚазАқпарат ШҚО Ақпарат орталығына сілтеме жасай отырып хабарлайды.

«Берел қорымы Шығыс Қазақстан облысы Катонқарағай ауданы, Бұқтырма өзенінің оң жағалауында орналасқан. Құнды жәдігерлер мен обалар тарих қойнауынан сыр шертіп, археологиялар зерттеулердің айнымас орталығына айналды», - делінген ШҚО Ақпарат орталығының баспасөз хабарламасында.

Обаларды жүйелі түрде зерттеу Зейнолла Самашевтың есімімен тікелей байланысты.

«Оның басшылығымен жүргізілген қазба жұмыстардың нәтижесінде 1998-1999 жылдары қолдан жасалған мәңгі мұздықтағы № 11 «Патша қорғанынан» сақ көсемі мен әйелдің және ер тоқымымен бірге жерленген 13 жылқының мүрдесі табылды. Оған қоса патшаның салтанат киімі, мініс аттардың ат әбзелдері, ағаштан, былғарыдан, киізден аң стилінде жасалған мыңнан астам қолөнер жәдігерлері бар. Кейінірек тағы да мәңгі тоң басқан екі қорған зерттеліп, олардан да жерленген жылқылардың мүрделері табылды», - делінген хабарламада.

2016 жылы облыс әкімі Даниал Ахметовтің бастамасымен археология саласында ғылыми-зерттеу жұмыстарын дамыту бағдарламасы қабылданған болатын. Бағдарламаның негізгі мақсаты - өңірдің туристік бағытын дамыту үшін мәдени брендін қалыптастыру, Әлемдік ЮНЕСКО қорын толықтыру.

Бұл жерде құнды жәдігерлерді келушілердің көруіне мүмкіндік жасау үшін қорғанның үстінен шыны саркофаг тұрғызылды. Қатты шыныдан жасалған саркофагтің аумағы 90 шаршы метр, ал биіктігі жәдігерлер жатқан жерден бастап 8,5 метрді құрайды.


Нақты қайнары: http://www.elarna.net/koru_kk.php?tur=3&id=1232014
Пікірлер

Көрші сілтемелер