Нұрәлем Facebook-ке Жазыл Тәңіртау YouTube-ке Жазыл Қазақтың 1001 Ертегісі (PDF)

Жүктеу-Албомым-Албомдар-Желі
Осы торды сақтаймын! | Осы торды бас бет етемін!

Біздің байланыс: elarna2012@gmail.com


ЖАСЫЛ АЙМАҚТАҒЫ МЕШІТТЕРДЕ ЖҰМА НАМАЗЫН ӨТЕУ ТӘРТІБІ - Қазақстан Мұсылмандары Діни басқармасының рес



Нұрәлем Facebook-ке Жазыл Тәңіртау YouTube-ке Жазыл Қазақтың 1001 Ертегісі (PDF)

Түрі: Қазақстан мұфтйат

Жолданған уақыты: 00:15 - 2021/03/05

Нақты Көзі: https://www.muftyat.kz/kk/news/qmdb/2021-03-04/35217-zhasyl-aimaktagy-meshitterde-zhuma-namazyn-oteu-trtibi


ЖАСЫЛ АЙМАҚТАҒЫ МЕШІТТЕРДЕ ЖҰМА НАМАЗЫН ӨТЕУ ТӘРТІБІ - Қазақстан Мұсылмандары Діни басқармасының ресми сайты
ЖАСЫЛ АЙМАҚТАҒЫ МЕШІТТЕРДЕ ЖҰМА НАМАЗЫН ӨТЕУ ТӘРТІБІ

Өткен аптада Ведомствоаралық комиссия (ВАК) шешімімен 1 наурыздан бастап жасыл аймақта тұрған өңірлерде жұма намазын өткізуге рұқсат етілген болатын. 

Осы шешімге сәйкес ертең еліміздегі жасыл аймақтағы бірқатар мешіттерде жұма намазы оқылады. Алайда COVID-19 жұқпалы дерті әлі сейілген жоқ. Осыған орай Қазақстан мұсылмандары діни басқармасы жасыл аймақтағы мешіттерде жұма намазын оқудың арнайы тәртібін белгіледі.

Жұма намазын өтеу үшін мешітке келушілерге қойылатын талаптар:

• Мешітке міндетті түрде бетперде тағып кіру;

• Мешіт кіреберісінде арнайы антисептик заттарды пайдалану; 

• Дәретті барынша үйден алып келу;

• Мешіт ішінде белгілі арақашықты сақтау, бір-бірімен қол алыспау;

• Намаз оқығанда арақашықтық 1,5 метрден жақын болмау, намазды арнайы белгіленген орында оқу; 

• Мешіт ішінде ұзақ уақыт қалмау;

• Дене қызуы 37°-тан жоғары, сондай-ақ тұмау және басқа да ауру белгілері бар адамдардың мешітке келмегені абзал;

• Жасы 65-тен асқан қариялардың, балалар мен әйелдердің мешітке келмегені дұрыс. 

 

Жұма намазы оқылатын мешіттерге қойылатын талаптар:

• Мешітке келушілерді дене қызуын арнайы құрылғымен тексеріп кіргізу;

• Мешіт кіреберісі мен ішіне тазалағыш антисептиктер, маскалар қою;

• Мешіт ішін 1,5 метр арақашықтықты сақтай отырып арнайы сызып қою;

• Мешіт сыйымдылығын 30%-дан асырмау;

• Парыз намаздарында қысқа сүрелер немесе қысқа аят оқу;

• Мешітке келген жамағаттың ұзақ уақыт мешітте болмауын ескерту;  

• Мешітте қол алыспау;

• Намаз оқу залдарына жиі залалсыздандыру жұмыстарын жүргізу;

• Мешіт қызметкерлерінің бетперде тағуы міндетті;

• Мүмкіндігінше (оңтүстік аймақтар) жұма намазын мешіт ауласында оқу;

• Жамағаттың мешіт ауласында намаз оқуына жағдай жасау;

• Мешітке келушілерге қойылатын талаптарды мешіт кіреберісіне іліп қою.

Айта кетейік, 4 наурыздағы эпидемиологиялық ахуал бойынша Қазақстанның төрт өңірі сары аймақта тұр. Олар – Нұр-Сұлтан, Алматы қалалары және Батыс Қазақстан, Қостанай, Павлодар облыстары. Ал қалған өңірлер жасыл аймаққа кірді. 

Тағы да еске салсақ, жоғарыда көрсетілген сары аймақтарда тұрған облыстар мен қалаларда әзірге жұма намазы оқылмайды.

Нақты қайнары: http://www.elarna.net/koru_kk.php?tur=16&id=1366094
Пікірлер

Көрші сілтемелер