Еларна қолфон нұсқасына ену

Жүктеу-Албомым-Албомдар-Желі
Осы торды сақтаймын! | Осы торды бас бет етемін!

Біздің байланыс: elarna2012@gmail.com


Қазақстан «онлайн қызмет көрсету» бойынша 26 орында тұр – Астана Ақшамы



Тіркеліңіздер Кітапхана Қожалар торабы Албомдар Қазақтың 1001 ертегісі

Түрі: Ақжол мақалалары

Жолданған уақыты: 03:00 - 2020/06/27

Нақты Көзі: https://www.astana-akshamy.kz/qazaqstan-onlajn-qyzmet-korsetu-bojynsha-26-orynda-tur/


Қазақстан «онлайн қызмет көрсету» бойынша 26 орында тұр – Астана Ақшамы

Премьер-министрі Асқар Мамин ҚР Президенті жанындағы Цифрландыруды енгізу мәселелері жөніндегі комиссия отырысын өткізді. БҰҰ-ның рейтингінде Қазақстан «онлайн қызмет көрсету» бойынша 26 орында тұрғаны мәлім етілді.

Сонымен қатар БҰҰ рейтингінде Қазақстан электрондық үкіметті дамыту бойынша 39-орынды, «онлайн қызмет көрсету» индикаторы бойынша 26-орынды, киберқауіпсіздік деңгейі бойынша 40-орынды иеленді. Қазақстан интернетке қолжетімділік бойынша әлемдегі көшбасшылардың бірі – ҚР-да 1 Гб құны $0,49, халықты қамту 84,2% құрайды, ал мысалы, Украинада аталған көрсеткіштер – $0,51/62,5%, Қытайда – $9,89/61,2%, АҚШ-та – $12,37/87,3%. Қазақстан халқының цифрлық сауаттылық деңгейі 82,1%-ға жетті. Елімізде мемлекеттік қызметтердің 83,7%-ы онлайн-режимде көрсетіледі, 7 мыңға жуық АT-компания тіркелген.
Еліміз бойынша 2018-2019 жылдары «Цифрлық Қазақстан» мемлекеттік бағдарламасын жүзеге асырудың жалпы экономикалық тиімділігі 802,5 млрд теңгені құрады, негізінен, электрондық коммерцияның және онымен аралас салалардың белсенді дамуының арқасында 120 мың жұмыс орны құрылды. «Цифрлық Қазақстан» аясында 58 заң мен 11 кодекстің 700 нормасына өзгерістер мен түзетулер енгізілді.
Кәсіпорындарда «модельді цифрлық фабрикаларды» ашу жұмыстары жүргізілуде, бұл еңбек өнімділігін 25%-ға, ресурс тиімділігін 18%-ға, жабдықтың қызмет ету мерзімін 5%-ға арттыруға, өндірістік шығындарды 20%-ға, еңбек шығындарын 30%-ға, энергия шығындарын 35%-ға төмендетуге мүмкіндік береді. «Цифрлық Қазақстан» мемлекеттік бағдарламасын одан әрі өзекті ету аясында әртүрлі салаларда 10 технологиялық платформаны енгізу жоспарланған, атап айтсақ: Govtech, Smart city, Industry 4.0, Agritech, Blockchain, Space-Geotech, AI (жасанды зерде), E-Industry, Fintech, Greentech. Олар дайын техникалық инфрақұрылымды, ашық деректердің үлкен массивтерін, сондай-ақ отандық АT-компаниялар мен стартаптар үшін әзірлеу және талдау жүйелерін шоғырландырады.
Отырысқа қатысушылар роботтарды, үлкен деректерді және жасанды зердені қолдана отырып, өндіріс процестерін автоматтандыруға бағытталған «Индустрия 4.0» технологиялық платформасын дамыту мәселесіне ерекше көңіл бөлді.
Платформа қаржылық, ақпараттық сервистерді, сауда алаңдарын және технологиялар трансферті жүйелерін, бірінші кезекте тау-кен металлургиялық және отын-энергетика кешендері, өңдеу өнеркәсібі кәсіпорындары үшін біріктіреді. Оны құру аясында Smart Industry Management талдамалық базасын енгізу, саланың ірі кәсіпорындарымен корпоративтік инновациялар жүйесін дамыту және басқа да шаралар қабылдау жоспарланған.
Үкімет басшысы Индустрия және инфрақұрылымдық даму министрлігіне бір ай мерзімде Индустрия 4.0 элементтерін дамыту және «Модельді цифрлық фабрикалар» жобасын кеңейту бойынша реттеуші және ынталандырушы шаралар кешені бойынша іс-шаралар жоспарын әзірлеуді тапсырды.
Энергетика министрлігіне осы жылдың соңына дейін көмірсутегі шикізаты бойынша жер қойнауын пайдалану құқығын беруге аукциондар өткізу жүйесін іске қосуды қамтамасыз ету, кейіннен процестің барлық кезеңдерінде қағаз форматын шектеу, сондай-ақ шикі мұнай мен газ конденсатын есепке алудың ақпараттық жүйесін енгізуді жеделдету тапсырылды.

Нақты қайнары: http://www.elarna.net/koru_kk.php?tur=7&id=1209082
Пікірлер

Көрші сілтемелер