«Р-Фрам» компаниясының директорлар кеңесінің басшысы Алексей Репик «Россия-24» телеарнасына берген сұхбатында коронавирусқа қарсы ресейлік вакцинаның 2 дозасы шетелдіктер үшін кем дегенде 10 доллар тұратынын айтты.

«Егер экспорттық нарыққа келетін болсақ, біздің бағалауымыз бойынша вакцинаның 2 дозасы кем дегенде 10 долларды құрайды. Алғашқы шығарылған вакцина құны айтарлықтай қымбат болуы мүмкін», — деді «Р-Фрам» басшысы.

Алексей Репик вакцинаның өндірісі жеткілікті көлемге жеткенде, бағасы да арзандайтынын айтты.

Еске сала кетейік, 11 тамызда РФ президенті Владимир Путин үкімет мүшелерімен жиында Ресейде коронавирус инфекциясына қарсы вакцина әлемде алғашқы болып тіркелгенін мәлімдеді.