Еларна қолфон нұсқасына ену

Жүктеу-Албомым-Албомдар-Желі
Осы торды сақтаймын! | Осы торды бас бет етемін!

Біздің байланыс: elarna2012@gmail.com


Көбейтұз көлінде мобильді бекеттер жұмыс істеп тұр



Тіркеліңіздер Кітапхана Қожалар торабы Албомдар Қазақтың 1001 ертегісі

Түрі: Хабар арнасы

Жолданған уақыты: 10:54 - 2020/07/27

Нақты Көзі: https://khabar.kz/kk/news/kogam/item/126559-kobejtuz-kolinde-mobildi-beketter-zhumys-istep-tur


Kobeituz

«Елорда маңындағы көлдер карантин аяқталғанша күзетіледі», – деп хабарлайды Polisia.kz.

Санитарлық норманың сақталуы үшін Ақмола облыстық Полиция департаменті бастығының тапсырмасы бойынша Көбейтұз көліне баратын екі көлік жолында үш мобильді бекет қойылған. Олар тыйым салынған көл аумағына кіру және шығатын тұсты бақылайды. Көл жағалауы маңын қосымша полиция экипаждары шолып жүреді. Карантин шектеулерінің сақталуына 15 полиция қызметкері, сонымен қатар аудан әкімдігі мен санитария саласының қызметкерлері жұмылдырылған. Сондай-ақ ауданның жергілікті атқарушы органдары көл жағасына көлік өте жақын келмеуі үшін жасанды кедергі орнатуды қолға алды. Алғашқы демалыс күндері ғана осы маңда полиция 34 әкімшілік құқық бұзушылықты анықтады. Адамдар 18 рет қоғамдық тәртіпті бұзып, 16 жағдайда жол қауіпсіздігіне қатер төндірген.
Еске сала кетсек, Экология, геология және табиғи ресурстар министрлігі Көбейтұздың ластанып, ол жақтан тұздың тиеліп әкетілуіне байланысты алаңдаушылық білдірді. Кейін Көбейтұз және сол маңдағы тағы үш көл карантинге жабылып, онда баруға тыйым салынды. Сонымен қатар көлдің тұзын сатқандар анықталды. Ақмола облысының полицейлері көлігімен көлге кіріп кеткен адамның табылып, жазаланғанын хабарлады. Ақмола облысының Табиғи ресурстар және табиғатты пайдалануды реттеу басқармасы Көбейтұз бен Қоржынкөл көлдерін 49 жылға жалға беруге байқау жариялаған еді. Кейіннен Көбейтұз жалға берілмейтін болды.

 

Нақты қайнары: http://www.elarna.net/koru_kk.php?tur=31&id=1228161
Пікірлер

Көрші сілтемелер