Еларна қолфон нұсқасына ену

Жүктеу-Албомым-Албомдар-Желі
Осы торды сақтаймын! | Осы торды бас бет етемін!

Біздің байланыс: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-21821284855 %45 %

Мамин: "Арысты қалпына келтіру 1 тамызға дейін аяқталуы тиіс" | DalaNews



Тіркеліңіздер Кітапхана Қожалар торабы Албомдар Қазақтың 1001 ертегісі

Түрі: Қала-дала және Ақшам

Жолданған уақыты: 12:15 - 2019/07/12


Мамин: "Арысты қалпына келтіру 1 тамызға дейін аяқталуы тиіс" | DalaNews

Мамин: “Арысты қалпына келтіру 1 тамызға дейін аяқталуы тиіс”

ҚР Премьер-Министрі Асқар Мамин Арыс қаласында болып, зардап шеккен үйлерді, әлеуметтік нысандар мен инженерлік желілерді қалпына келтіру жұмыстарының барысымен танысты деп хабарлайды Үкіметтің ресми сайтына сілтеме жасап, Dalanews.kz.

ҚР Үкіметінің басшысы өңірлік штабтар жұмысын тексеріп, “Көктем-1”, “Көктем-2” ықшам аудандарындағы тұрғын үйлердің, мектеп, балабақша, темір жол вокзалы ғимараттарының, қалалық аурухананың қалпына келтірілу қарқынын көрді.

Сонымен қатар Мамин Халыққа қызмет көрсету орталығына барды. Үкімет басшыға Арыс қаласының тұрғындарына 100 мың теңгеден өтемақы төлеу бойынша жүргізіліп жатқан жұмыстар туралы баяндалды.

Нысандарды аралап көрген соң ҚР Премьер-Министрі Асқар Маминнің төрағалығымен Арыс қаласын қалпына келтіру мәселелері жөнінде кеңес өтті.

Түркістан облысының әкімі Өмірзақ Шөкеев қала тұрғындарына әлеуметтік көмек көрсету тұрғысында 650 аз қамтылған және көп балалы отбасыларға атаулы әлеуметтік көмек тағайындалып, төлем жүргізілгенін хабарлады.

Қорғаныс, еңбек және халықты әлеуметтік қорғау, денсаулық сақтау, индустрия және инфрақұрылымдық даму, ішкі істер, цифрлық даму, инновациялар және аэроғарыш өнеркәсібі министрліктерінің басшылары әлеуметтік қолдау шаралары, медициналық қызметтер көрсету, тұрғын үйлерді қалпына келтіру бойынша жүргізіліп жатқан жұмыстар туралы баяндады.

Өз кезегінде Алматы облысының әкімі А.Баталов, Ақмола облысының әкімі Е.Маржықпаев, Ақтөбе облысының әкімі О.Оразалин, Атырау облысының әкімі Н.Ноғаев, Шығыс Қазақстан облысының әкімі Д.Ахметов, Шымкент қаласының әкімі Ғ.Әбдірахымов бөлінген секторлардағы құрылыс жұмыстарының қарқыны туралы ақпарат берді.

Бүгінде 676 тұрғын үйге жөндеу жұмыстары аяқталған. Қазіргі кезде барлық секторлар жұмыстармен қамылған, 3 040 жеке тұрғын үй құрылысы мен көпқабатты тұрғын үйлер нысандарында қалпына келтіру жұмыстары жүргізілуде, 190 құрылыс компаниясы, 5 мыңға жуық құрылысшылар мен 207 арнайы техника жұмылдырылған. Әлеуметтік инфрақұрылым бойынша жұмыстар 66 денсаулық сақтау, білім беру, спорт нысандарында жүргізіліп жатыр.

Кеңесті қорытындылаған ҚР Премьер-Министрі Асқар Мамин қаланы қалпына келтіру жұмыстарына еліміздің барлық өңірлері, ұлттық компаниялар, ірі бизнес өкілдері белсенді қатысып жатқанын айтты.

“Арыс қаласын қалпына келтіру бойынша барлық негізгі жұмыстар 1 тамызға дейін аяқталуы тиіс”, – деді Асқар Мамин.

ҚР Үкіметінің басшысы зардап шеккен бизнес нысандарын, көлік және инженерлік инфрақұрылымды уақытылы қалпына келтіру жұмыстарын күшейтуді, медициналық қамтамасыз ету бойынша кешенді шаралар қабылдауды және білім беру нысандарын жаңа оқу жылының басталуына дайындауды тапсырды.

Нақты қайнары: http://www.elarna.net/koru_kk.php?tur=25&id=1022224
Пікірлер

Көрші сілтемелер