Еларна қолфон нұсқасына ену

Жүктеу-Албомым-Албомдар-Желі
Осы торды сақтаймын! | Осы торды бас бет етемін!

Біздің байланыс: elarna2012@gmail.com


Ақтөбе реанимациясы балалардың өмірін құтқаруға жаңа жабдық алды | «Жас Өркен» танымдық порталына қо



Тіркеліңіздер Кітапхана Қожалар торабы Албомдар Қазақтың 1001 ертегісі

Түрі: Жас-өркен торабы

Жолданған уақыты: 14:40 - 2020/08/06

Нақты Көзі: http://zhasorken.kz/?p=33992



«АЯЛА» қайырымдылық қоры «Ақтөбе медициналық орталығы» МКК балалар стационарының реанимациясына дене салмағы өте аз болып туған сәбилердің қарқынды терапиясына арналған инкубатор және сарғайып туған нәрестелерге фототерапия шамын жеткізді. Ақтөбеге берілген жабдықтың жалпы құны 7,2 млн теңгені құрады. Бұл сома 2019 жылы «Өмір сыйлайық» жобасының шеңберіндегі шаралар және GAZ Energy желісінің бокстары, қазақстандықтардың Касса24 терминалдарымен аударымдар арқылы, «KOMPRA» ЖШСмен бірге жасалған шаралар, сондайақ жеке тұлғалардың қайырымдылыңы арқылы жиналды.

Жыл сайын «Ақтөбе медициналық орталығының» (бұрынғы Облыстық балалар клиникалық ауруханасы)балалар стационары арқылы 80 мың бала өтеді, оның ішінде 12 мыңы ауруханаға жатқызылады. Бұл медициналық мекеменің басшылығы балалар реанимациясы үшін медициналық жабдықтар сатып алуға көмек сұрап, «АЯЛА» қорына жүгінді.

«Он мыңдаған қайырымды қазақстандықтар біздің қордың осы ауруханаға ең озық, тиімді және қауіпсіз жабдық сатып әперуіне көмектесті. 14 жылдан бері біз дәрігерлеріміздің елімізде  неғұрлым көп баланың өмірін құтқарып қалуы үшін жұмыс істеп келеміз. Неонатологтар үшін біліктілікті арттыру курстарын өткіземіз, жаңа туған сәбилерге медициналық көмек көрсетудің заманауи әдістері бойынша әдістемелік ұсынымдар шығарамыз. Менің философиям қарапайымбұл денсаулық сақтаудың проблемаларын дәрігерлермен, Денсаулық сақтау Министрлігімен өнімді және кәсіби диалог арқылы жүйелі түрде шешу үшін ресурстар шоғырландыру. Жыл сайын күшімізді біріктіріп, еліміздің мыңдаған балаларының өміріне араша болып жүргенімізге қуанамын», – деді «АЯЛА» қорының президенті Айдан Сүлейменова.      

Дене салмағы өте аз болып туған сәбилерге арналған ИДН-03-«УОМЗ» инкубаторы шала туған балалардың өміршеңдік және денсаулық мүмкіндігін арттырады. Ол ауаның температурасы мен ылғалдылығы, оттегі шоғырланымы, баланың дене температурасы мен салмағының параметрлерін микропроцессорлық басқарумен жарақтандырылған. Инкубатор шала туған және әлсіз балаларға күтім жасауға және тиімді реанимация жүргізуге арналған, сондықтан сәбилер патологиясы бөлімшелерінде базалық терапия үшін қолданыла алады.

ОФН-2-УОМЗ  фототерапевттік неонаталдық сәулелендіргіш тікелей сәбидің инкубаторнына орнатылады немесе кронштейннің көмегімен оның діңгектерінің біріне бекітіледі. Онда көк-жасыл спектрдегі сәуле көзінің жаңа түрі пайдаланылады, ол баланың ағзасына мүлдем зиянсыз.

Фототерапия шамы сәбидің сарғаюын емдеп, саулығы мен ақыл-парасатын сақтап қалуға көмектеседі. Сәбилердің сарғаюы – бұл орталық жүйке жүйесінің ауыр бұзылуына алып келетін уытты билирубин деңгейінің жоғарылуы. Ол әсіресе шала туған балалар, анемиясы және құрсақішілік жұқпасы бар балалар арасында жиі кездеседі. Қанда уытты билирубин деңгейінің аса жоғары болуы дамудың тежелуі, атетоидтік церебрал сал ауруы, ішінара немесе толық сал ауруы, толық жоғалтуға дейінгі есту проблемасы сияқты баланың бас миының қайтымсыз зақымдануының себебі болуы мүмкін.

Фототерапия шамы қызметінің шекті мерзімі 1000-нан 2000 сағатқа дейін болады. Бұдан кейін ол ауыстырылуы тиіс. Сондықтан мұндай шамдарға сұраныс өте жоғары.

Фототерапия  шамдарын қордан Ақтөбеден басқа Алматының перинаталдық орталықтары алды. Екі шам Қалалық перинаталдық орталыққа, тағы үшеуі – Перинатология және балалар кардиохирургиясы орталығына орнатылды. Бұл жабдықтың жалпы құны 6 млн теңгені құрады, мұны қазақстандықтар 2019 жылы «Өмір сыйлайық» жобасы шеңберінде жинаған болатын.

13 жыл ішінде «АЯЛА» қорының «Өмір сыйлайық» жобасы еліміздің 36 қаласы мен елді мекендеріндегі 67 медициналық мекемені қамтыды. Бокстар, Касса24 терминалдарымен аударымдар арқылы және жеке қайырмалдықтар арқылы жиналған қаражатқа Қазақстанның балалар реанимацияларына 95 фототерапия аппараты, 9 өкпені жасанды желдету аппараты, жаңа туған сәбилерге арналған 7 инкубатор, 18 реанимация үстелшелері, 140 инфузиялық және шприцтік мөлшерлегіштер, 7 СИПАП аппараты, 26 төсек жанындағы монитор, 2 наркоз аппараты, дефибриллятор, ЭЭГ аппараты және балалардың өмірін құтқару үшін маңызды жүздеген басқа медициналық құрылғылар орнатылды.

Нақты қайнары: http://www.elarna.net/koru_kk.php?tur=10&id=1235089
Пікірлер

Көрші сілтемелер