«Мемлекеттік қызметтерді көрсету тиімділігін арттыру үшін Петропавл қаласында Көші-қон қызметі орталығын ашу бағытында дайындық жұмыстары жүргізілуде» деп хабарлады Ішкі істер министрлігінен Олег Ивашенко.
Алдағы уақытта Солтүстік Қазақстан об­лысында көші-қон саласындағы қыз­мет­терді көрсету шарттары жақсарады. Пет­ропавл қаласында Көші-қон қызметі ха­лыққа қызмет көрсету орталығы ашы­латын болды.
– Жаңадан тұрғызылған тоғыз қабатты тұр­ғын үйдің бірінші қабатында орна­ласқан фронт-офис соңғы үлгідегі қажетті са­налатын барлық талаптарға жауап бе­ретін болады. Жоспар бойынша көші-қон қыз­мет көрсету орталығы жалпы аумағы 500 шаршы метр жерге орналасады. Келу­шілер үшін қолайлы жағдайлар жасалып, ұзақ күтіп отыратын адамдарға жайлы орындықтар қойылады, электрондық ке­зек жүйесі жұмыс істейтін болады, барлық са­наттағы азаматтардың жүріп-тұруына ың­ғайлы жағдай жасалады, мүгедектер үшін ғимаратқа кіретін жол пандуспен жә­не шақыру түймесімен жабдықталған, 300 шаршы метр аумақта рецепшн жұмыс іс­тейтін орын, күту залы және мемлекеттік қыз­мет көрсету нүктелері, төлемдер қа­былдайтын кассалары бар Операциялық зал орналасады деп жоспарланған. Көші-қон қызметінің қызметкерлері отыратын ка­бинеттер де осы ғимаратта орналасады, – дейді Солтүстік Қазақстан облыстық кө­ші-қон полициясының бастығы Талғат Әбілов.
Орталықтың негізгі міндеті – халыққа көші-қон саласында барынша ыңғайлы қызметтер спектрін ұсыну. Талғат Әбілов­тің айтуынша, қазіргі уақытта Солтүстік Қа­зақстан облыстық көші-қон полициясы халыққа 17 түрлі мемлекеттік қызметтерді көр­сетеді, оның 8-і – «Азаматтарға арнал­ған Үкімет» Мемлекеттік корпорациясы ҰАҚ-ның Солтүстік Қазақстан облысы бойын­ша филиалының «Халыққа қызмет көр­сету орталығы» департаменті арқылы жү­зе­ге асырылады. Жыл басынан бері об­лыс бойынша 19 мыңнан астам шетел­дік­тер уақытша тіркелген, 2200 еңбек патент­тері берілген.
Көші-қон заңнамасын бұзған 2 972 шет­елдік жауапқа тартылды, олардың 163-і сот шешімімен елден шығарылды.

Қайыржан ТӨРЕЖАН