Еларна қолфон нұсқасына ену

Жүктеу-Албомым-Албомдар-Желі
Осы торды сақтаймын! | Осы торды бас бет етемін!

Біздің байланыс: elarna2012@gmail.com


Төл дінімізге сай танымдық сайт ашылды



Тіркеліңіздер Кітапхана Қожалар торабы Албомдар Қазақтың 1001 ертегісі

Түрі: Айқын газеті

Жолданған уақыты: 14:31 - 2014/12/08

Нақты Көзі: http://www.aikyn.kz/articles/view/62192



Төл дінімізге сай танымдық сайт ашылды

Негізгі бет  >  Көзқарас  >  Автор бағанасы  >  Төл дінімізге сай танымдық сайт ашылды
Төл дінімізге сай танымдық сайт ашылды
08.12.2014 20:16 Төре ҒАЛИ
0 17
Интернетте ғылыми, танымдық көптеген сайттардың ашылып жатқанынан хабардармыз. Сондай жаңадан ашылған сайттың бірі –www.nurfeyz.kz сайты.

Сайттың ерекшелігі – дүние жүзіне «Қасиетті Құранның тәпсірі – Рисалей-Нұр шығармалар жинағы» атымен кеңінен танымал кітаптардың қазақ тіліндегі аудармаларының жариялануы. Және оған Қазақстан Республикасы Дін істері комитетінен дінтану сараптамасының оң қорытындысы берілгендігі.

Аталмыш сайт турасында «Нур Фейз» ЖШС қызметкері, аудармашы Захреддин Батайұлы бірқатар сұрақтарымызға бы­лай­ша жауап берді: 

– Құран Кәрімнің тәпсірі – Рисалей-Нұр шығармалар жинағы қазіргі кезде дү­ние жүзіне кеңінен танымал болуда. Соң­­ғы жиырма жылда қазақ тіліне де ауда­­ры­­ла бастады. Рисалей-Нұр шығармалар жи­нағы қандай тәпсір түріне жатады? Бұл жа­ғы­нан қарайтын болсақ, адамдарды дінсіздіктің қараңғылығынан шығарушы Құран ақиқаттарын ғылыми тұрғыдан тү­сі­­­нікті етіп баяндайтын «Рисалей-Нұр» тәпсірі әркімді мазалайтын «Мен кіммін? Қайдан келдім? Қайда барамын? Не іс­теуім керек? Болмыс атаулы қалай пайда бо­лып, қайда барады? Оның мән-мағы­на­сы не?» секілді өте маңызды сұрақтарға қа­на­ғаттанарлық жауап береді. Оның жан­ды рахаттандыратын, ақылды кемел­ден­діретін, жүректі нұрға, көңілді шат­тыққа бөлейтін ерекше тәсілі бар. Әр адам­­ға бел­гілі өмірлік мысалдар арқылы Құ­­ран­­ның мақсатын түсіндіреді. Мысалы, Құран­ның әр сүресінің бастауы – «Бис­мил­лах» сөзі бүкіл тіршіліктің, бар­лық игі­­лік­тің қозғаушы күші екенін тама­ша дә­лел­дейді.

«Рисалей-Нұр» Құранның заманауи тәпсірі саналады. Тәпсір екі түрлі болады. Біреуі көпшілікке белгілі тәпсір. Олар Құран­ның сөз бен сөйлемдерінің мағы­насын қысқаша баяндайды. Екіншісі, Құран­ның имани ақиқаттарына бұл­тарт­пас дәлелдер келтіріп, жан-жақты түсін­діреді. Міне, тәпсірдің осы сирек түріне «Рисалей-Нұр» жатады. Мәселен, адам­затқа рухани апат болып келген мате­риализм, коммунизм секілді дінсіз ағым­дарды Құран аяттары арқылы әшкерелейді. Құран аяттарының нұрлы тәпсірі десе бо­лады. Ол басынан соңына дейін иман мен тәухид туралы баяндайды. Ілімге негіз­дел­гендіктен, көңілдегі күдікті жойып, ақи­қатқа бастап, ақиқатқа көзді әбден жет­кі­зеді, толық қанағаттандырады. Мысалы, намаздың бес уақыт болу себебін әлем жа­ра­тылысы, адамзаттың даму дәуірі, жеке адамның өмірі секілді кезеңдермен байланысты екенін ғажайып қызықты түсіндіреді. Пайғамбарымыз Мұхаммед (с.ғ.с.) мұғжизаларын өтірік, ертегі секілді көретін адамдарға мұғжизалардың шы­найы ақиқат және нақты өмірде болған уақиға екенін түсіндіреді.

Ол жүз отыз кітапшадан тұрады. Зама­науи сұраныстарға толық жауап береді. Оқырманды Құран Кәрімнің мән-мағына­сына терең үңілуге үйрететін тәпсір. Ол болған әрі болатын сұрақтарға, көңілге келген, келуі мүмкін күдіктерді жояды. Иманның дәреже-деңгейін көрсетіп, Алла­ның бір әрі жалғыз, пайғамбарлардың хақ екенін дәлелдейді. Сөйтіп, иманның алты шартын бір-біріне байланыстыра отырып, мұсылман адамға терең ислами білім береді.

Мәселен, аспан мен жер қабаттарында періштелер мекендейтінін, рухтың бақи екенін, оның жоқ болмайтынын түсін­ді­реді. Өлім мен өмір, уақыт дегеніміз не? Өлген соң тірілу қалай болмақ? Ақырет жайы, жәннат пен жәһаннамның рас еке­нін, оның мәнісін ашып, мәңгі бақытты болу үшін не істеу керек екенін анықтап береді. Және адамды мәңгі-бақи сорла­та­тын нендей себептер екенін атап көрсетіп, одан қалай сақтанудың жолын үйретеді. Рисалей-Нұр әһлі сүннет уәл жамағаттың ұста­нымына сәйкес өте күрделі мәсе­ле­лерді тамаша түсіндіреді. 

Заманауи тәпсір дегенді қалай түсінуге болады десек, бұрынғы заманда ілімге сүйеніп адасу, бірбеткейлік таныту бұл заман­мен салыстырғанда, өте аз болатын. Сондықтан ислам ғалымдарының кітап-тәп­сірлері, имам-молдалардың уағыз-наси­хаттары адамдарды толық қана­ғат­тан­дыратын. Ондай күмәнді күпірліктің тез алдын алып, жол берілмейтін. Жұрт жаппай Аллаға сенетіндіктен, Құдайды айтып, жәһаннамды еске түсірсе болды, көп­шілік тәубесіне келіп, алған бетінен қайта қоятын еді. 

Бұрын оқып-шоқып, ғы­лымға сүйеніп, иман ақиқаттарына қарсы шығатындар некен-саяқ болса, қазір­де жүздеп сана­ла­ды. Мұндай қырсық адамдар перғауындай көкірек керіп, Құран ақиқаттарын мойын­дамай, өзінің дегенімен жұртқа қарсы шыға­ды. Олай болса, олардың пікірлерін ілім арқылы тас-талқан ететін жойқын ақи­қат қажет. Сонда ғана көкірек көзі ашыл­ған кейбіреуі иманға келеді.

Құдайға шүкір, заманның дертіне ши­па боларлық қасиетті Құранның мағы­науи шуағы Рисалей-Нұр тәпсірі көптеген те­ңеу-мысалдар өз оқырмандарына иман шуа­ғын шашуда, қазақ оқырмандарының да қатарын молайтуда.

«Нур Фейз» ЖШС туралы және алдағы жұмыс жоспарларымыз жайында айтсақ, Құран тәпсірінің аудармасын халыққа та­ныстыру мақсатында «Нур Фейз» ЖШС құрылды. Аудармашылар алқасы құрыл­ды. Олар: З.Батайұлы, Ж.Қиянбек, Р.Тә­жі­бай, С.Сейілбекұлы, А.Хамза, Ә.Бек­ұлы, С.Кен­жебаев, Д.Айдарбекұлы. Ау­дар­­ма­шы­лар алқасындағы азамат­тары­мыздың әрқайсысы діни сауатты және аударма сала­сында іс-тәжірибесі бар адам­дар. Аудармашылар әрқайсысы кітаптың өзіне берілген бөлігін аударған соң, жалпы ақыл­дасу арқылы баспаға кітап болып жинақталады. Бірнеше рет ақылдасып, нақтыланған соң, діни сараптамаға, кейін баспаханаға жіберіледі. Алдағы жұмыс жоспарымыз мүмкіндігіміз жеткенше Ри­са­лей-Нұр шығармалар жинағын қазақ­шаға толықтай аудару болмақ.

Елімізде діни тақырыптағы кітап жа­рия­лануы үшін Дін істері агенттігінің дін­тану сараптамасынан өтуі қажетті. Бұл қа­жеттілік баспаханаларда ең бірінші болып сұралатын талап болып есептеледі. Сондықтан біз аудармаларымызды Қа­зақстан Республикасы Дін істері агент­ті­гінің дінтану сараптамасына тапсырып, оң қорытындысы алынған соң баспаханадан бастырып шығардық. Кітаптар туралы www.nurfeyz.kz cайтымызда кеңінен ақпа­рат алуға болады.

Атап өтетін басты мәселе, дінтану сараптамасының оң қорытындысы дегені­міз елі­мізде Құран ақиқаттары­ның тара­лымына жағдай жасалып отырғанының белгісі деп білемін. Құранды түсінген ел – болашағы бар ел деп сеніммен айтуға бо­ла­ды. Әлемде Рисалей-Нұр шығармалар жинағының аудармалары кеңінен тарал­ған. Бір ғана мысалы ретінде, Түркия бас­шысы Режеп Тайып Ердоған мырзаның Рисалей-Нұр шығармалар жинағын Түр­кия мүфтияты тарапынан баспаханадан бастырып, халқына сыйлағанын жаңа­лықтардан оқыдық. Және Мысырдағы ха­лы­қаралық Әл-Азхар Ислам универ­си­теті де оқытуды қолға алуда.

«Қасиетті Құранның тәпсірі – Риса­лей-Нұр шығармалар жинағы» авторы Бәдиүззаман Саид Нұрси дегеніміз кім де­сек, ол кісі 1877 жылы Түркияның Бит­лис облысына қарасты Нұрс ауылында дүниеге келген. Ілімге деген құштарлық жасы алтыға енді толған баланы ата-ана­сынан айырып, жыраққа алып кетеді. Те­рең ақиқаттарды тез меңгеріп, бір оқы­ған кітабын тез ұғып қана қоймай, оны жаттап алатын зерек бала көп жыл тәлім алуы тиіс медресе білімін үш айда тәмамдап, жетік мең­геріп алады. Пікірталаста, іліми сайыс­та зеректігімен үнемі жеңіске жететін жас жеткіншек замандас ғалымдары тара­пы­нан «Бәдиүззаман», яғни «заманның озы­ғы» деген атқа ие болады.

Өмір жолында дінсіздердің, коммунис­тердің қудалауына душар болса да, ол бәріне сабыр етіп, қаймықпастан ислам әлеміне төнген күпірліктің қара бұлтын қақ жарып, Құранның нұрына айна болып айналасына жиналғандарды иманның нәрімен сусынын қандырады. Халықтың назарында Исламның үстем абыройын асқақтатып кішіпейілдік, ықылас тұрғы­сынан жұртқа үлгі-өнеге болады. Өмірінің соңына дейін имандылыққа адал қызмет етеді. Сөйтіп, сол қиын-қыстау кезеңдерде жазылған алты мың парақтан тұратын «Рисалей-Нұр» тәпсірін толық аяқтап әрі оны өз оқырмандарының қолдарына тап­сырып, міндетін толық атқарған әскер­дей көңілі жай табады.

ҚМДБ тарапынан мешіт сайттарының көптеп ашылғаны және сайттардың ин­тер­нет қолданушыларға қызмет етуі – өте қуанышты жағдай. Себебі қазір техно­логия дамыған заманда адам өзіне қажетті ақпаратты жеткілікті ала алады. Осы жа­ғы­нан мешіт сайттарының маңызды еңбегі бар. Мешіт сайтынан ҚМДБ жаңалықтары, пәтуалар, сұрақтарға жауап, намаз сабақ­тары, т.б. барлық ислам дінінің шарттарын үйренеді. ҚМДБ сайттары діни сайттар деп есептеледі.

Ал www.nurfeyz.kz сайты ғылыми, та­ным­дық және «Нур Фейз» ЖШС аудар­машылар алқасының еңбегінің жемісі деп айтуға болады. Оқырманмен байланыстың заманауи бір түрі. 

Ислам ақиқаттарына қызмет ету жо­лын­да ҚМДБ-ның мешіт сайттарына кө­мекші және тілектес сайт ретінде та­нылса, мақсатымыздың орындалғаны деп білемін. Рисалей Нұр тәпсірі – өзін зиялы­мын деп санайтын әр азамат оқып-үйре­нуге лайық рухани қазына. 

Нақты қайнары: http://www.elarna.net/koru_kk.php?tur=5&id=339976
Пікірлер

Жолдаушы №: 6105 - Уақыты: 2020/06/06 - 08:01

Ол сайт осы адреске көшіп кетті www.risalekz.com

Көрші сілтемелер