Нұрәлем Facebook-ке Жазыл Тәңіртау YouTube-ке Жазыл Қазақтың 1001 Ертегісі (PDF)

Жүктеу-Албомым-Албомдар-Желі
Осы торды сақтаймын! | Осы торды бас бет етемін!

Біздің байланыс: elarna2012@gmail.com


Астанада вакцина салатын пунктілер түн жарымына дейін жұмыс істейді



Нұрәлем Facebook-ке Жазыл Тәңіртау YouTube-ке Жазыл Қазақтың 1001 Ертегісі (PDF)

Түрі: Қазақпарат

Жолданған уақыты: 01:30 - 2021/04/09

Нақты Көзі: https://www.inform.kz/kz/astanada-vakcina-salatyn-punktiler-tun-zharymyna-deyin-zhumys-isteydi_a3774121


Астанада вакцина салатын пунктілер түн жарымына дейін жұмыс істейді

НҰР-СҰЛТАН. ҚазАқпарат - Нұр-Сұлтан қаласының әкімі Алтай Көлгінов онлайн режимде медицина мекемелерінің бас дәрігерлерімен кездесу өткізіп, қазіргі жағдайды талқылады, деп хабарлайды ҚазАқпарат.

Ұқсас жаңалықтар
Қазақстандық QazCovid-in вакцинасы таныстырылды 25 сәуірде қазақстандық вакцинаның 50 мың дозасы жеткізіледі Барлық тұрғындарды вакцина салдыруға шақырамын - Ақтоты Әлназарова

«Әлемдік пандемия адамдарды екі сценарийдің алдына қояды: біріншісі – вакцина егіп, өзін және айналасындағыларды қорғау, екіншісі – індетке шалдығу. Екінші нұсқаға келетін болсақ, адам өзінің денсаулығына қауіпті әрі иммунитетті әлсірететін коронавирус инфекциясын жеңе алатынын алдын ала біле алмайды. Жағдайға немқұрайлықпен қарап, вакцинацияны елемей, айналадағы адамдарға вирус жұқтыруы мүмкін. Ал бұл инфекцияның хаотикалық таралуына мүмкіндік береді. Медицина қызметкерлері вакцинацияны 1 ақпаннан бастады. Бірінші кезеңде екпе індетпен күресте алдыңғы шепте жүрген медицина қызметкерлеріне, мұғалімдерге, тәртіп сақшыларына және басқалар егілді. 20 мыңнан астам адам қамтылды» деп жазды шаһар басшысы Instagram парақшасында.

Оның айтуынша, екінші кезеңде тұрғындарды вакциналау қарастырылған.

6 сәуірде қала тұрғындары арасында екпе алуға алдын ала жазылу басталды.

Бұл адамдардың бір мезгілде жиналуын болдырмауға, вакциналарды медициналық мекемелерге біркелкі таратуға мүмкіндік береді.

«Бірінші. Тұрғындарды жаппай вакциналау медицина қызметкерлерінен кәсібилікті, жауапкершілікті талап етеді. Дәрігерлерге тағы бір мәрте нұсқау берілді. Олар вакцинаны екпей тұрып науқастың денсаулығын тексеруі керек.

Екінші. Медициналық мекемелерге қосымша жабдықтар орнатылды: 40-тан астам тоңазытқыш қондырғылары, вакциналарды тасымалдауға арналған 80-нен астам термоконтейнер және басқа. Егу пунктілерінің саны 36-дан 100-ге дейін өсті. Вакцинация пунктерінің жұмыс уақыты сағат 8:00-ден 00:00-ге дейін ұзартылды.

Үшінші. «Mega Silk Way» сияқты бірқатар СОО-да вакцинация пунктін ашу үшін инфрақұрылым дайындап жатырмыз. Тіркеу, күту, тексеру және басқа аймақтар болады» дейді Алтай Көлгінов.

Әкімнің сөзіне қарағанда, мұндай орындар адам көп жиналатын жерлерде жұмыс істейтін ұжымдарды уақытылы қамтуға мүмкіндік береді, осылайша оларды қорғайды.

Қажет болған жағдайда қаланың қонақ үйлерінде де егу пунктері ашылады.

«Тек жаппай вакцинация ұжымдық иммунитетті қалыптастыруа, коронавирустың таралуын тоқтатуға көмектеседі» деп түйіндеді сөзін қала басшысы.


Нақты қайнары: http://www.elarna.net/koru_kk.php?tur=3&id=1385984
Пікірлер

Көрші сілтемелер