Нұрәлем Facebook-ке Жазыл Тәңіртау YouTube-ке Жазыл Қазақтың 1001 Ертегісі (PDF)

Жүктеу-Албомым-Албомдар-Желі
Осы торды сақтаймын! | Осы торды бас бет етемін!

Біздің байланыс: elarna2012@gmail.com


БҚО-да елді мекендерді су басу қаупі сейілген жоқ – ТЖД бастығы



Нұрәлем Facebook-ке Жазыл Тәңіртау YouTube-ке Жазыл Қазақтың 1001 Ертегісі (PDF)

Түрі: Қазақпарат

Жолданған уақыты: 17:54 - 2021/04/08

Нақты Көзі: https://www.inform.kz/kz/bko-da-eldi-mekenderdi-su-basu-kaupi-seyilgen-zhok-tzhd-bastygy_a3773922


БҚО-да елді мекендерді су басу қаупі сейілген жоқ – ТЖД бастығы

ОРАЛ. ҚазАқпарат – Батыс Қазақстан облысында елді мекендерді су басу қаупі сейілген жоқ, деп хабарлайды ҚазАқпарат тілшісі.

Ұқсас жаңалықтар
Қарағанды облысында еріген қар суы үш жолды басып қалды Елорда маңындағы Қоянды кентіндегі үйлерді су басты Жамбыл облысында 19 елді мекенде су тасқыны қаупі төмендеді

БҚО ТЖД бастығы, генерал-майор Жасұлан Жұмашевтің өңірлік коммуникациялар қызметі алаңында облыстың өзендері мен су қоймаларында су жиналып жатқандықтан, Орал қаласы, Тасқала, Теректі, Бөрлі, Шыңғырлау және Бәйтерек аудандарында әлі қауіп бар екендігін мәлім етті.

Ал қалған аудандарда су басу қаупі төмен.

Жасұлан Қыдырғожаұлының сөзіне қарағанда, Ресейдің Саратов және Орынбор облыстарынан трансшекаралық өзендердің жай-күйі туралы күнбе-күн ақпарат алынуда.

«Приволжье гидрометеорология және қоршаған ортаны қорғау басқармасы» федеральдық мемлекеттік бюджеттік мекемесінің болжамы бойынша биыл Жайық өзені тасыған кезде су деңгейі Орал мен Көшім бекеті тұсында 400-500, Тайпақ ауылы маңында 350-450 сантиметрге (қауіпті деңгей – 850 см) көтерілуі ықтимал. Сең 7-13 сәуір аралығында жүруі мүмкін.

Облыста барлығы 59 гидротехникалық құрылым болса, соның 28-і республикалық, 28-і коммуналдық, үшеуі жеке меншікке жатады. Тексеру қорытындысына сәйкес 15 гидроқұрылым жөндеу мен қалпына келтіруді қажет етеді.

Күні бүгінге дейін елді мекендерден 984 мыңнан астам текше метр қар шығарылып, 90 мыңнан астам текше метр су сорылды.

Мұз кептелісі болмас үшін Жайық, Деркөл, Шаған өзендерінде 91 мыңнан астам текше метр мұз ойылып, 5 мыңнан астам ойық бұрғыланды.

Облыс жолдарындағы 1578 тұрба толықтай тазартылды. Жолдарда су басып кетуі мүмкін 46 жер анықталып, бақылауға алынды.

7 сәуірден бастап ТЖ департаменті қызметкерлері күшейтілген режимге көшірілді. Су тасқыны кезінде күш-құралдардан 2591 адам, 734 техника, 45 жүзу құралы, 295 мотопомпа тартылмақшы. Облыс бойынша 170 эвакуациялық қосын әзірленді.

«Өңірде төтенше жағдайларды жою үшін резервте 1,5 млрд теңге қарастырылды. Күні бүгін 443 тонна жанар-жағар май, 88 мың қап, 22 мың тонна инертті материалдар дайындалды. Жарушылар бригадасын тарту үшін 6,820 млн теңгеге, аэровизуалды зерттеу жүргізуге ұшаққа 16,7 млн, қап алу үшін 2,895 млн теңгеге келісімшарт жасалды», деді Ж.Жұмашев.

Еске сала кетейік, бұдан бұрын БҚО-да тұрғын үйлерді су басу қаупі туындағанын жазған болатынбыз.




Нақты қайнары: http://www.elarna.net/koru_kk.php?tur=3&id=1385744
Пікірлер

Көрші сілтемелер