Нұрәлем Facebook-ке Жазыл Тәңіртау YouTube-ке Жазыл Қазақтың 1001 Ертегісі (PDF)

Жүктеу-Албомым-Албомдар-Желі
Осы торды сақтаймын! | Осы торды бас бет етемін!

Біздің байланыс: elarna2012@gmail.com


Мерт болғаны майдандастар арманы (Олардың ұрпақтары 77 жылдан кейін кездесті)



Нұрәлем Facebook-ке Жазыл Тәңіртау YouTube-ке Жазыл Қазақтың 1001 Ертегісі (PDF)

Түрі: Егемен торы

Жолданған уақыты: 09:12 - 2021/04/08

Нақты Көзі: https://egemen.kz/article/270938-mert-bolghany-maydandastar-armany-olardynh-urpaqtary-77-dgyldan-keyin-kezdesti


Бұл оқиға 77 жыл бұрын бол­ған: екі майдандас дос, ненец Иван Яптик пен қазақ Мұхтар Қайшатаев бір-біріне соғыстан кейін қазақ жерінде кездесуге уәде берген екен. «Майдандас дос­тар – ненец Иван Яптик пен қазақ Мұхтар Қайшатаев Қа­зақстаннан келген хатты оқып отыр» деген жазуы бар, бірге түс­кен фотосурет әлі күнге сақ­таулы.

Жауынгерлер 2-ші Беларусь майданының 46-шы атқыштар дивизиясының 340-шы атқыштар полкінің құрамында болған. Өкі­нішке қарай, екеуі де уәде­лерін орындай алмай, 1945 жылы майдан даласында қаза табады.

«Екі ел іздеушілерінің бір­лес­кен жұмысының арқасында қа­рулас жолдастардың немерелері табылды. Олар 77 жыл бұрын аталары берген уәделерін орындау үшін Қазақстанның бас қаласында бас қосып, осылайша фашизмді жең­ген Қазақстан мен Ресей ха­лықтарының бірлігін, уақыт ар­қылы сақталған құрмет пен са­бақ­тастықтығын көрсетті», деді «Ямал плацдармы» іздеу отря­­ды» коммерциялық емес се­рік­­тес­тігінің төрағасы Андрей Гу­ничев.

Іс-шара аясында іздеушілер мен жауынгерлердің ұрпақтары өздерінің қызметтері мен кезде­су­дің тарихы туралы ақпарат береді.

Сонымен қатар Мұхтар Қай­шатаевтың туыстарымен кездесу үшін Ресей делегациясының Семей қаласына сапарын ұйым­дастыру жоспарланған.

«Отан тарихын, халықтың мә­дениетін, салт-дәстүрін білу – патриотизм және ұлттық бі­ре­гейлікті жаңғыртудың не­гізі. Қазіргі уақытта тарихи сананы қалыптастыруға, мем­ле­кеттілікті және қазақ хал­қы­ның ұлттық біре­гейлігін ны­ғайтуға ерекше мән беріліп отыр», деді «Атам­ның амана­ты» ҚБ басқарма төр­ағасы Мұрат Мол­дағалиев.

Іс-шараны «Атамның ама­наты» қоғамдық бірлестігі, «Ру­­хани жаңғыру» қазақстандық қоғам­дық даму институты, Нұр-Сұл­­тан қалалық ардагерлер ке­ңе­сі және Нұр-Сұлтан қаласы бо­­йынша «Рухани жаңғыру» жо­ба­лық кеңсесі ұйымдастырды.

 

 

Нақты қайнары: http://www.elarna.net/koru_kk.php?tur=4&id=1385322
Пікірлер

Көрші сілтемелер