Нұрәлем Facebook-ке Жазыл Тәңіртау YouTube-ке Жазыл Қазақтың 1001 Ертегісі (PDF)

Жүктеу-Албомым-Албомдар-Желі
Осы торды сақтаймын! | Осы торды бас бет етемін!

Біздің байланыс: elarna2012@gmail.com


Теннис: Путинцева Аделаида турнирінің екінші айналымына шықты



Нұрәлем Facebook-ке Жазыл Тәңіртау YouTube-ке Жазыл Қазақтың 1001 Ертегісі (PDF)

Түрі: Қазақпарат

Жолданған уақыты: 16:03 - 2021/02/23

Нақты Көзі: https://www.inform.kz/kz/tennis-putinceva-adelaida-turnirinin-ekinshi-aynalymyna-shykty_a3756683


Теннис: Путинцева Аделаида турнирінің екінші айналымына шықты

НҰР-СҰЛТАН. ҚазАқпарат – Қазақстандық, әлемнің 28-ракеткасы Юлия Путинцева Аделаида (Аустралия) турнирінің екінші айналымына шықты, деп хабарлайды ҚазАқпарат тілшісі.

Осы жарыстың 7-ракеткасы болып тіркелген қазақстандық теннисші алғашқы айналымда дүниежүзілік рейтингте 54-орында тұрған германиялық Лаура Зигемундпен кездесті.

Бірінші партияда Ю.Путинцева брейк жасап, жеңіске жете алды – 6:4.

Екінші сетте есеп 2:1 болған мезетте қазақстандық теннисші брейкке қол жеткізді. Алайда Л.Зигемунд сол бойда қарымта қайырып, таразы басын теңестірді – 3:3. Дегенмен Ю.Путинцева матчты тағы бір брейкпен бітірді – 6:4.

Біршама тартысты өткен бәсеке 1 сағат 49 минутқа созылды.

Юлия ширек финалға шығу үшін рейтингте 292-сатыдағы аустралиялық Сторм Сэндерспен таласады. Ол бастапқы кездесуінде отандасы, әлемнің 74-ракеткасы Айла Томляновичті 6:1, 6:2 есебімен тізе бүктірді.

Әлемнің 1-ракеткасы, аустралиялық Эшли Барти бастаған теннисшілер қатысып жатқан дода 27 ақпанда мәреге жетеді. Жалпы жүлде қоры – 535 мың АҚШ доллары. Өткен жылы осы турнирде финалда украиналық Даяна Ястремскаяны ұтқан Э.Барти чемпион атанған болатын.

Еске сала кетейік, бұдан бұрын М.Кукушкиннің Нұр-Сұлтан турнирінің екінші айналымына шыға алмағанын жазған болатынбыз.

https://www.inform.kz/kz/tennis-kukushkin-nur-sultan-turnirinin-ekinshi-aynalymyna-shyga-almady_a3756319


Нақты қайнары: http://www.elarna.net/koru_kk.php?tur=3&id=1359590
Пікірлер

Көрші сілтемелер