Нұрәлем Facebook-ке Жазыл Тәңіртау YouTube-ке Жазыл Қазақтың 1001 Ертегісі (PDF)

Жүктеу-Албомым-Албомдар-Желі
Осы торды сақтаймын! | Осы торды бас бет етемін!

Біздің байланыс: elarna2012@gmail.com


Түркістанда жеке кәсіпкердің 13 жылға созылған мәселесі шешімін тапты



Нұрәлем Facebook-ке Жазыл Тәңіртау YouTube-ке Жазыл Қазақтың 1001 Ертегісі (PDF)

Түрі: Қазақпарат

Жолданған уақыты: 15:30 - 2021/02/23

Нақты Көзі: https://www.inform.kz/kz/turkistanda-zheke-kasipkerdin-13-zhylga-sozylgan-maselesi-sheshimin-tapty_a3756665


Түркістанда жеке кәсіпкердің 13 жылға созылған мәселесі шешімін тапты

ТҮРКІСТАН. ҚазАқпарат - Түркістан облысында «Бизнесті және инвестицияны қорғау» тақырыбында мәжілісі өтті.

Ұқсас жаңалықтар
Үкімет кәсіпкерлікті дамыту тұжырымдамасын әзірлейді Ақмола облысында сыбайлас жемқорлыққа қарсы алғашқы виртуалды көрме өтті Түркістан облысына коронавируқа қарсы вакцинаның 10 мыңға жуық дозасы жеткізілді

Басқосуда бизнес ортада сыбайлас жемқорлыққа қарсы мінез-құлық үлгісін қалыптастыру мен кәсіпкерлердің сыбайлас жемқорлыққа ықпал ететін себептер, жағдайларды жоюға белсенді қатысуын қамтамасыз ету мәселелері талқыланды, деп хабарлайды ҚазАқпарат тілшісі.

Бизнес ортадағы өзекті мәселелер ортаға салынған алқалы жиынға ҚР Сыбайлас жемқорлыққа қарсы іс-қимыл агенттігінің Түркістан облысы бойынша департаментінің басшысы Хаким Көшқалиев,Түркістан облысы Кәсіпкерлер Палатасының директоры Тимур Нахипбеков және жергілікті атқарушы және аумақтық органдар мен бизнес-қауымдастық өкілдері қатысты.

Жиында отандық және шетелдік инвесторлар үшін қолайлы жағдай жасау және кәсіпкерлердің құқықтары мен заңды мүдделерін қорғау мәселелері сөз болды.

Х.Көшқалиев ел экономикасына инвестициялардың келуін жеңілдету, бюрократия тәртіптерін және сыбайлас жемқорлық деректерін болдырмау мақсатында Агенттіктің бастамасымен «Protecting Business and Investments» жобасы Түркістан өңірінде қарқынды жүзеге асырылып жатқандығын баяндап, жоба аясында бүгінгі күні Департамент тарапынан жалпы сомасы 621 млрд теңге құрайтын 49 инвестициялық жоба сүйемелдеуге алынғандығын жеткізді.

Сондай-ақ, кездесуде сөз алған Агенттіктің Түркістан облысы бойынша департаменті басшысының бірінші орынбасары Мирас Қарғабай аталған жоба шеңберінде түркістандық жеке кәсіпкердің 13 жыл бойы шешілмей жүрген шаруасы 7 күн ішінде шешімін тапқандығын айтты. Сондай-ақ 2020 жылы жалпы саны 15 кәсіпкерлік субъектісінің құқықтары қалпына келтіріліп, шағын және орта кәсіпкерлік бизнесіне заңсыз араласудың 18 дерегі әшкерелену арқылы жергілікті атқарушы органдардан 10 лауазымды тұлға сот үкімімен сотты болған.

Бұдан бөлек, құқық бұзушылықтардың алдын алу және ұйымның іскерлік беделін қорғау мақсатында квазимемлекеттік және жеке сектор ұйымдарында корпоративтік адалдық стандарттарын сақтауға жауапты сыбайлас жемқорлыққа қарсы комплаенс-қызметтер институты енгізілгенін алға тартты.

Сонымен қатар Түркістан облысында квазимемлекеттік сектордың барлық ұйымдарында комплаенс бөлімшелерін құру арқылы коммерциялық компаниялар арасында сыбайлас жемқорлыққа қарсы күресті күшейту қажеттігін айтты.

Бизнесті қорғау мәселелері еркін форматта талқыланған жиын соңында Түркістан облысындағы кәсіпкерліктің дамуына кедергі келтіретін өзекті проблемалық мәселелер мен карантин режимінде сақталуы тиіс негізгі шектеулер ортаға салынып, өңірдегі кәсіпкерлердің ұсыныс-пікірлері тыңдалды.

Айта кетсек, Департаментпен келісімге қол қойған инвесторлар алдағы уақытта 100% сыбайлас жемқорлық фактілерінен 24/7 принципі негізінде қорғалатын болып келісілді.


Нақты қайнары: http://www.elarna.net/koru_kk.php?tur=3&id=1359552
Пікірлер

Көрші сілтемелер