Нұрәлем Facebook-ке Жазыл Тәңіртау YouTube-ке Жазыл Қазақтың 1001 Ертегісі (PDF)

Жүктеу-Албомым-Албомдар-Желі
Осы торды сақтаймын! | Осы торды бас бет етемін!

Біздің байланыс: elarna2012@gmail.com


Қарағандыда студенттер арасында облыстық онлайн спартакиада басталды



Нұрәлем Facebook-ке Жазыл Тәңіртау YouTube-ке Жазыл Қазақтың 1001 Ертегісі (PDF)

Түрі: Қазақпарат

Жолданған уақыты: 03:18 - 2021/02/23

Нақты Көзі: https://www.inform.kz/kz/karagandyda-studentter-arasynda-oblystyk-onlayn-spartakiada-bastaldy_a3756347


Қарағандыда студенттер арасында облыстық онлайн спартакиада басталды

ҚАРАҒАНДЫ. ҚазАқпарат – Қарағандыда облыс әкімінің жүлдесіне студент жастар арасында ХV онлайн спартакиада басталды. Дене шынықтыру және спорт басқармасы ұйымдастырған спорттық шара Қазақстан Республикасы Тәуелсіздігінің 30 жылдығына арналған, деп хабарлайды ҚазАқпарат тілшісі.

Жарыс 22-28 ақпан аралығында өтеді. Жеке және командалық біріншілік жоспарланған. Облыстың сегіз жоғары оқу орнының әрқайсысынан 43 қатысушы өнер көрсетеді. Жарыс форматына байланысты командалық ойындардан бас тартуға тура келді.

«Пандемияға байланысты біз баскетбол мен волейболдан жарыс өткізе алмаймыз. Барлығы сегіз спорт түрі болады: шаңғы жарысы, гір спорты, жеңіл атлетика, дойбы, тоғызқұмалақ, асық ату, конькимен жүгіру спорты, президенттік көпсайыс. Спартакиаданың барлық түрлері бізге спорттық шараны онлайн режимінде өткізуге мүмкіндік береді», - деді спартакиаданың бас төрешісі Нұрлан Түсіпов.

Жалпы командалық сынақтың жеңімпаздары мен жүлдегерлері Е. Бөкетов атындағы Қарағанды университетінің кубогымен, диплом және бағалы сыйлықтармен марапатталады. Әр спорт түрі бойынша алғашқы үш орын алған команда қатысушыларына грамота мен медаль тапсырылады.

«Мен жеңіл атлетикадан жарысқа қатысамын. Мен оқып жатқан Е. А. Бөкетов атындағы университеттің студенттері осы оқу ордасына 11 рет жеңіс алып келді. Осындай спорт жарысына қатысу мүмкіндігі үшін ұйымдастырушыларға алғыс айтамын. Біздің ЖОО бұл жолы да бірінші болады деп үміттенемін», - деп бөлісті жарысқа қатысушы Лаура Жәнібекова.

Нақты қайнары: http://www.elarna.net/koru_kk.php?tur=3&id=1359126
Пікірлер

Көрші сілтемелер