Нұрәлем Facebook-ке Жазыл Тәңіртау YouTube-ке Жазыл Қазақтың 1001 Ертегісі (PDF)

Жүктеу-Албомым-Албомдар-Желі
Осы торды сақтаймын! | Осы торды бас бет етемін!

Біздің байланыс: elarna2012@gmail.com


Карантин: Алматыда екі бір тәулікте 370 кәсіпкерлік нысан тексерілді



Нұрәлем Facebook-ке Жазыл Тәңіртау YouTube-ке Жазыл Қазақтың 1001 Ертегісі (PDF)

Түрі: Қазақпарат

Жолданған уақыты: 16:18 - 2021/01/24

Нақты Көзі: https://www.inform.kz/kz/karantin-almatyda-eki-bir-taulikte-370-kasipkerlik-nysan-tekserildi_a3744660


Карантин: Алматыда екі бір тәулікте 370 кәсіпкерлік нысан тексерілді

АЛМАТЫ. ҚазАқпарат – Өткен екі тәулік ішінде Алматының мониторингтік топтары 370 нысанда карантиндік шаралардың сақталуын тексеру барысында 58 кәсіпкерлік нысанында карантиндік талаптарының бұзылғандығын анықтады, деп хабарлайды ҚазАқпарат.

Ұқсас жаңалықтар
Гонконгте індет тарағалы алғаш рет локдаун енгізілді Қазақстанда коронавирустан емделіп жатқан 50 адамның жағдайы өте ауыр Өткен тәулікте коронавирус пневмониясынан 2 адам қайтыс болды

Құрамына аудан әкімдіктерінің, жергілікті полиция қызметінің қызметкерлері, сондай-ақ «Атамекен» кәсіпкерлер палатасының өкілдері кіретін мониторингтік топтар кәсіпкерлік нысандары бойынша карантиндік режим талаптарының бұзылу фактілерін анықтау және жолын кесу, коронавирустық инфекцияның таралуына жол бермеу үшін қолданыстағы шаралардың қажеттілігін түсіндіру мақсатында ағымдағы жылғы 22-24 қаңтар аралығында аудандарды аралап шықты.

Аралау барысында 370 нысан тексерілді. 58 нысаннан бұзушылықтар анықталды.

Барлық материалдар әкімшілік шаралар қабылдау үшін жіберілді. Шектеу шаралары мен санитарлық ережелерді жүйелі түрде (2-3 рет) және қасақана бұзу фактілері анықталған жағдайда материалдар ӘҚБтК-нің 462-бабының 3-бөлігі бойынша құқық бұзушыларды жауапқа тарту және сотқа беріп, іс қозғау үшін аумақтық прокурорларға беріледі. Заңнамаға сәйкес, құқық бұзушыларға жауапкершілік ретінде ұйымның қызметін тоқтатуға дейін қарастырылған.

Алматы әкімдігі маска режимін және әлеуметтік қашықтықты, жеке гигиена шараларын қатаң сақтауға шақырады. Кәсіпкерлік субъектілері пандемия кезеңінде қауіпсіздік шараларының талаптарын мүлтіксіз сақтауы қажет — бұл жұмыс режимі, қызметкерлер мен келушілердің термометриясы, әлеуметтік қашықтық пен бетперде режимін сақтауды, жеке қорғаныш құралдарының (бетперделер, қолғаптар) ауысуын, санитайзерлердің және дезинфекциялау құралдары қорының болуын, үй-жайлардың желдетілуін қамтамасыз ету. Жоғарыда аталған талаптардың бұзылуы ұйым қызметкерлері арасында сырқаттанушылыққа және кәсіпорындардың жұмысын тоқтатуға әкеп соғады. Бүгінгі күні Алматы қаласының соты 18 кәсіпкерлік субъектісінің қызметін 1,3 айға тоқтата отырып, 100 АЕК мөлшерінде айыппұл салу туралы қаулы қабылдады.

Естеріңізге сала кетейік, бұған дейін қала әкімінің орынбасары Ержан Бабақұмаров сырқаттанушылықтың өсуі жағдайында мониторингтік топтардың жұмысын күшейтуді, оның ішінде карантиндік шараларды сақтауға тексерілетін нысандардың тізімін ұлғайтуды тапсырған еді. Басты міндет — Алматы қаласында коронавирус инфекциясын жаппай жұқтырудың алдын алу.

«Эпидемиялық жағдай ушығуда. 2020 жылғы желтоқсан айының басынан бастап, алдыңғы онкүндікпен кейінгі онкүндіктікті салыстырғанда, COVID-19 ауруының орташа есеппен 1,2 есе өсуі тіркелді. 1-10 қаңтар аралығында -1,3 есе, ал 11-21 қаңтарда – 1,1 есе өсті. Инфекцияны жұқтыру қоғамдық орындарда, қоғамдық көліктерде, ойын-сауық орындарында болады. Мейрамханалар мен басқа да қоғамдық орындардың жұмыс режимін ерекше бақылауға алу қажет», - деген болатын Е.Бабақұмаров.


Нақты қайнары: http://www.elarna.net/koru_kk.php?tur=3&id=1340994
Пікірлер

Көрші сілтемелер