ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-13946291737 %63 %
2019-10-141301382836 %64 %
2019-10-15565158330 %70 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: انا-ءتىل گازەتى

جولدانعان ۋاقىتى: 12:28 - 2019/10/10


ۇستاز تۋرالى اڭگىمە قوزعاۋ ءبىر عانيبەت.
ۇستاز دەگەن بالاعا ءبىلىم بەرۋشى عانا ەمەس، مەنىڭ تۇسىنىگىمدە، شاكىرتتىڭ تال بويىنا اسىل قاسيەتتەر دارىتۋشى، جۇرەگىنە اسقان ماحابباتپەن شىراق جاعۋشى ەرەكشە تۇلعا. جوعارى وقۋ ورنىنان مۇعالىمدىك ماماندىق الىپ، مەكتەپكە بارعانداردىڭ بارلىعى ۇستاز دارەجەسىنە كوتەرىلە المايدى. ۇستاز دەگەن ۇلى ات ىلەۋدە بىرەۋدىڭ ماڭدايىنا جازىلماق.

ورتا مەكتەپ پەن جوعارى وقۋ ورنىندا كوپتەگەن مۇعالىمدەردىڭ الدىن كوردىك، ولاردىڭ قادىر-قاسيەتىنە ساي ءارقايسىسىنىڭ ءوز ورنى بار. ۇستازدار قاۋىمىن ءبولىپ-جارا المايسىڭ، دەگەنمەن، سانامىزعا ماڭگىلىك ۇيالاپ، سۇيىسپەنشىلىگىمىزگە بولەنگەندەرى قاداۋ-قاداۋ. وقۋشىلىق كەزەڭنىڭ، اسىرەسە ستۋدەنتتىك شاقتىڭ جارقىن بەتتەرىن ولارسىز ەلەستەتۋ استە مۇمكىن ەمەس. قىزىلوردا پەداگوگيكالىق ينستيتۋتىندا ءبىلىم بەرگەن، ءبىزدى ۇنەمى العا جەتەلەۋدەن ءبىر ءسات جالىقپاعان اسىل ۇستازىمىز تەمىرحان ساقاۇلى تەبەگەنوۆ اعاي تۋرالى وسىنى ىركىلمەي ايتا الار ەدىم.
قۇدىرەتتى پوەزيا ايدىنىنا جەلكەن كەرىپ، ەندى عانا باستالعان ساپارىمىزدىڭ ءساتتى ­بولۋىن تىلەگەن ۇستازىم تۋرالى بۇرىنعى جازعان ماقالامدا ايتىلعاندى قايتالاماي، ءبىر عانا جايدى تىلگە تيەك ەتپەكپىن.
تەمىرحان اعاي ينستيتۋتتى بىتىرگەن سوڭ، ءبىرتالاي جىل اۋىل، قالا مەكتەپتەرىندە وقىتۋشى بولىپ، بالالار تاربيەسىنىڭ ىستىق-سۋىعىن بىردەي كورەدى. ينستيتۋت وقىتۋشىلىعىنا ەسەيگەن شاعىندا قولى جەتەدى. بۇل عىلىم جولىن مۇرات تۇتقان تالاپكەرگە ەداۋىر بوگەسىن. سوندىقتان با، ينستيتۋت رەكتورى اباي ايتمۇحامەدوۆتىڭ ەسىگىن توزدىرىپ ءجۇرىپ، وقۋ بىتىرگەلى تۇرعان ءبىزدىڭ وقىتۋشى بوپ ينستيتۋتتا قالۋىمىزعا مۇرىندىق بولىپ ەدى. بۇل ءبىز سياقتى اۋىلدان كەلگەن، قالادا تۇراقتاپ قالۋ-قالماۋىمىز نەعايبىل ستۋدەنتتەر ءۇشىن وتە زور قولداۋ بولاتىن. ءسويتىپ، اعاي ءبىر توپتا وقىعان قالدىگۇل (قالبيكە) ەسەنوۆا، بازاركۇل رامانقۇلوۆا جانە مەن ۇشەۋمىزدىڭ الدىمىزعا مول مۇمكىندىك اشىپ تاستاعان-تۇعىن.
ينستيتۋتتى بىتىرە سالىپ، جوعارى وقۋ ورنىنا وقىتۋشىلىق قىزمەتتە قالۋ، ءبىز وقىعان قىزىلوردا ينستيتۋتىنىڭ تاريحىندا بۇرىن-سوڭدى بولماعان ەكەن. قازمۋ-دا بولىپتى. اتاقتى عالىم زەينوللا قابدولوۆتى مۇحتار اۋەزوۆتىڭ ءوزى قولقالاپ وقىتۋشى ەتىپ الىپ قالعان كورىنەدى.
سونىمەن، تەمىرحان اعاي بىزگە اۋەزوۆ بولا ءبىلدى، ەندىگى سىن ءبىزدىڭ قابدولوۆ داستۇرىندەگى عالىم بولۋ-بولماۋىمىزدا ەدى. قالدىگۇل (قالبيكە) مەن بازاركۇل «قازاق ءتىلى» كافەدراسىنا، مەن «قازاق ادەبيەتى» كافەدراسىنا بەكىتىلىپ، تەمىرحان اعايدىڭ ارقاسىندا ءبىر كۇندە ينستيتۋت وقىتۋشىسى بولىپ شىعا كەلدىك. «ادەبيەت تەورياسىنان» پراكتيكالىق ساباق جۇرگىزە باستادىم. ماعان تەوريانىڭ تاپسىرىلۋى دا كەزدەيسوق ەمەس، سەبەبى اعايدىڭ جەتەكشىلىگىمەن تەوريا ماسەلەلەرى بويىنشا ديپلومدىق جۇمىس جازىپ، ونى وتە جاقسى دەگەن باعامەن قورعاپ شىققانمىن. كەشە عانا وقۋ بىتىرگەن ۇشەۋمىز عىلىم مۇحيتىنىڭ شالقارىنا قاراي سولايشا ساپار شەگىپ بارا جاتتىق. كوكىرەگىمىزدە، ارينە، قوبالجۋ بار.
شىنى كەرەك، مەنىڭ ومىرلىك ماقساتىم جوعارى وقۋ ورنىندا وقىتۋشى بولىپ، ادەبيەتتى زەرتتەۋ ەمەس ەدى. سول ادەبيەتتىڭ ءوزىن جاساۋشى – جازۋشى بولۋ-تۇعىن. «وسىدان ينستيتۋتتى بىتىرسەم، ەش قىزمەت ىزدەمەي، شىعارمامدى جازىپ، تىنىش جۇرەرمىن» دەپ ويلايتىنمىن. سويتكەن ادام، ءبىر كۇنى قاراسام، جانىمدا قالدىگۇل بار، بازاركۇل بار، عىلىم اتتى الىپ مۇحيتتىڭ تورىنە قاراي اتتانىپ بارا جاتىرمىز. باعىت باسقا جاق سياقتانعانى. سودان جالما-جان، ازىرگە جاعالاۋدان الىستاماي تۇرعاندا قام جاساپ قالايىن دەپ ويلاسام كەرەك، ءتىپتى ويلانىپ تا ۇلگەرمەستەن اعاي قولتىعىمىزدان دەمەپ مىنگىزىپ جىبەرگەن الىپ كەمەدەن قارعىپ ءتۇسىپ قالايىن. مەنىڭ عىلىمداعى ساپارىم وسىلاي تامامدالدى. ەندىگى ءومىرىم جۋرناليس­تيكامەن بايلانىستى بولدى. ال قالدىگۇل مەن بازاركۇل ەكەۋى بولسا، شەتى دە شەگى دە كورىنبەيتىن، ءتۇبى دە تۇڭعيىق، ءتوسى ءارقاشان تىنشىماي تۋلاپ جاتاتىن، اسپانمەن استاسىپ كەتكەن تىلسىمى مول عىلىم مۇحيتىنىڭ تورىنە قاراي قورىقپاي، قايمىقپاي، ءتىپتى قوبالجىماستان تارتا بەردى. كەيىن ەستىدىم، بازاركۇل دە جەمە-جەمگە كەلگەندە مەن سياقتى العان بەتتەن تايقىپ شىعىپتى. ەندى كەمەدە قالدىگۇل جالعىز ءوزى عانا قالىپتى. اقىرى ول تاباندىلىق تانىتىپ عىلىم دوكتورى بولدى، پروفەسسور اتاندى. تەمىرحان اعايدىڭ ءۇمىتىن اقتادى. عالىم بولمادى دەمەسەڭىز، مەن دە ادەبيەت الەمىنەن كەتكەن جوقپىن.
عىلىممەن اينالىسۋ دەگەن دە ءبىر عانيبەت تىرلىك، ءبىراق وداق تاراپ، ەكونوميكا­ قۇلدىراعان توقسانىنشى جىلداردىڭ ­باسىندا عىلىممەن اينالىسۋ قيىندىعى دا، ماشاقاتى دا مول ءىس ەدى. عىلىم سالاسىندا جۇرگەندەردىڭ سودان بەرى كوسەگەسى كوگەرەر ءتۇرى كورىنبەيدى. ءبىزدىڭ ەلىمىزدە عىلىمنىڭ قاي سالاسىنا دا مەملەكەت تاراپىنان جاعداي جاسالۋى ءتيىس، ونسىز تاۋەلسىز ەل بولۋىمىز قيىن. مەملەكەتتىك ءتىلىمىزدىڭ شىن مانىن­دەگى مەملەكەتتىك ءتىل بولۋى دا عىلىمنىڭ وركەندەۋىمەن تىكەلەي بايلانىستى.
ءبىر اڭگىمەسىندە اعايدىڭ «وقۋشى كەزىمدە اۋىلدا جانتاق شاۋىپ، جىڭعىل بۋىپ، اۋىر ەڭبەكپەن ءوستىم» دەگەنى بار ەدى. جانتاقتى ءبىز دە شاپتىق، جىڭعىلدى ءبىز دە بۋدىق، الايدا ءبىز ونى ويناپ ءجۇرىپ ىستەپپىز، اعاي بولسا سوعان ەرىكسىز ءماجبۇر بولىپتى. ارينە، سوعىستان سوڭعى ەلۋىنشى-الپىسىنشى جىلدار مەن سەكسەنىنشى جىلدار سالىستىرۋعا كەلمەيتىن كەزەڭ. وسى قيىن كەزەڭ ونى شىڭداپ قانا قويماپتى، ارمان اسۋلارىنا قاراي ۇمتىلدىرىپتى. الايدا قولتىعىنان دەمەپ جىبەرەر جاناشىرى بولماعان سياقتى. مۇراتقا قاجىر-قايراتسىز، تىنباي ەڭبەكتەنۋسىز جەتۋ مۇمكىن ەمەسىن ەرتە تۇيسىنگەن تەمىرحان اعاي، ۇنەمى ءوزىن-وزى قامشىلاۋدان، ۇنەمى العا قاراي ۇمتىلۋدان ءالى كۇنگە تانباي كەلەدى. ءسويتىپ، عىلىم قورجىنىنا قىرۋار ولجا سالىپ، وسى كۇنگە ابىرويمەن جەتتى.
تەمىرحان اعايدىڭ سونداعى بار ويى، كوكىرەگىندە تالپىنىس وتى جىلت-جىلت ەتكەن،­ ءبىراق دەمەۋشىسى، اقىلشىسى جوق ءبىز سياقتى شاكىرتتەرىن العا جەتەلەپ، عىلىم سوقپاعىنا ەرتەرەك ءتۇسىرىپ جىبەرۋ ەكەن عوي. كەزىندە سۇيەنىشى بولماعان ءوز تاعدىرىن ­تالاپتى شاكىرتتەرى قايتالاماسىن، مۇمكىندىگى شەكتەۋلى ءوزى سياقتى التىن ۋاقىتىن ءولتىرىپ الماسىن دەگەن قامقورلىعى ەكەن عوي. سول اعالىق قامقورلىعىن تۇسىنە قويماعان اقىماقتىعىما كادىمگىدەي وكپەلەگەن كەزى دە بار. ءبىراق «جاقسى كىسىنىڭ اشۋى – شاي ورامال كەپكەنشە» دەگەن ەمەس پە، كەيىن گازەت-جۋرنالعا شىققان العاشقى تۋىندىلارىمدى وقىعان سوڭ، سۇيسىنە پىكىر ايتىپ، ءبىر جادىراعانىن قالاي ۇمىتايىن.
قىزىلوردادا اعاي عىلىم كانديداتى-تۇعىن. سول كەزدەرى ستۋدەنتتەرگە ءدارىس وقۋمەن شەكتەلمەي، تاربيە جۇمىسىمەن دە كوپ اينالىستى. قاشان كورسەڭ، قايناعان تىرشىلىكتىڭ ىشىنەن كورەتىنبىز. وسى ەرەسەن ەڭبەگىنىڭ ارقاسىندا، ەگەر قىزىلوردادا جۇرە بەرسە، ­ينستيتۋت پرورەكتورى، ءتىپتى رەكتورلىققا دا قول جەتكىزەر ەدى، ءبىراق اعاي قىزمەتتى ەمەس، عىلىمدى تاڭدادى. عىلىمنىڭ اششى بەينەتىنە، سول اششى بەينەتتىڭ ءتاتتى ءلاززاتىنا اسىق بولدى. ءسىرا، ونى الماتىعا سۇيرەلەگەن سەبەپ تە وسى بولار. راسىندا، كوپ ۇزاماي، عىلىم دوكتورلىعىن ابىرويمەن قورعادى، پروفەسسور، اكادەميك بولدى. بۇل اتاقتاردىڭ بارلىعى اعايعا تەكتەن-تەك كەلمەگەنىن ىشتەي جاقسى تۇسىنەمىن. ادەبيەتكە دەگەن قۇشتارلىق، وسى جولدا تىنباي ىزدەنۋ مەن تالماي ەڭبەك ەتۋ اعايدى عىلىم بەلەسىنە شىعارىپ، ابىروي بيىگىنە كوتەردى.
وسى ارادا اعايدىڭ مونوگرافيالارى مەن وقۋلىقتارىن، ادەبيەتتىڭ سان ءتۇرلى تاقىرىبىن قوزعاعان ماقالالارىن سانامالاپ جاتۋدان اۋلاقپىن. الايدا اق پاراققا ارىپتەردى شيىرىپ سالىپ، توقتاۋسىز، تايبۋرىلدىڭ شابىسىنداي ۇدەتىپ جازاتىنىنا، ءارى سول باياعى وتىز جاسىنداعى قولتاڭباسىنان ەش اينىمايتىنىنا ءتانتى بولامىن، تاڭعالامىن. توقتاماي جازاتىنى كوڭىلدەگى ويدىڭ ابدەن ءپىسىپ، قورىتىلىپ تۇرعانى، ال قولتاڭبادان اينىمايتىنى ومىردە دە ءبىرقالىپتى، سابىرلى، شىدامدى، ءتوزىمدى، العان بەتىنەن اينىماس قاسيەتى. ءارىپتى شيىرىپ سالۋى – مىنەزىنىڭ شالتتىعى. تۇتاستاي العاندا، اعايدىڭ قولجازباسىنان بۇرقىراپ ءوزىنىڭ ەموتسياسى سەزىلىپ تۇرادى. ادەبي جۋرنالدا ءبىراز جىل جۇمىس ىستەي ءجۇرىپ، قالامگەرلەردىڭ قيلى-قيلى قولجازبالارىن كوپ اقتارىپ، كوپ وقىپ، وزدەرىنىڭ مىنەزدەرىن تاني كەلە تۇيگەن ويىم ەدى بۇل.
تەمىرحان اعايدىڭ عىلىم جولىنداعى ەڭبەكتەرى ايرىقشا ءبولىپ ايتۋعا تۇرارلىق، ال ول تۋرالى ءبىر ايتا باستاساق تاۋ سۋىنداي تاۋسىلماس تەلەگەي-تەڭىز تاقىرىپقا تاپ ­بولامىز.
اعايدىڭ سوڭىن الا مەن دە الماتىعا كوشىپ كەلدىم. «انا ءتىلى» گازەتىنە جۇمىسقا تۇردىم. جۋرناليستيكانىڭ ىستىق-سۋىعىنا مالىنىپ جۇرگەن كەزىمدە ۇستازىممەن قايتا قاۋىشتىم. ول مەنىڭ گازەتكە جازعان ماقالالارىمدى وقىپ تۇراتىنىن ايتىپ، عىلىم جولىنا قايتا ءتۇسۋىم كەرەگىن ەسكەرتىپ ءجۇردى. «سەن ويىڭداعىنى، وقىعانىڭدى قورىتىپ جازا الاسىڭ» دەپ سەنىم بىلدىرەتىن. اعايعا وسى سەنىمى ءۇشىن دە قارىزدارمىن. شاكىرت ءۇشىن ۇستاز سەنىمى – كەز كەلگەن اتاقتان قىمبات.
سونىمەن، تەمىرحان اعاي مەنىڭ اۋەزوۆىم بولا بىلگەن ۇستاز، امال نە، مەن ونىڭ ءۇمىتىن اقتاپ، قابدولوۆ بولا قويمادىم. «سەنىڭ شىعارمالارىڭدى تالداپ، عىلىمي اينالىمعا تۇسىرسەم دەگەن ويىم بار» دەگەنى بار ەدى. ەندى وسى كۇنگە دەيىن جازعان-سىزعانىمدى مىسە تۇتپاي، كەسەك شىعارمالار تۋدىرىپ، سول سەنىمنەن شىعا السام، اعايدىڭ ءاۋ باستاعى ءۇمىتىن اقتاعانىم.

نۇرلىبەك ساماتۇلى،
رەسپۋبليكالىق «تاڭ-شولپان»
جۋرنالىنىڭ باس رەداكتورى


كەلۋ قاينارى: http://www.elarna.net/koru.php?tur=9&id=1058093

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


فرانتسيادا سوتتالعان ءت 2 مينوت
الماتىدا بالاسىن ۇرعان 8 مينوت
الماتىدا تاعى دا جىلۋ ق 9 مينوت
ءبىر وتىنىشپەن الۋعا بو 10 مينوت
اعاجاي التاي تورى 10 مينوت
اسكەري قاقتىعىستارعا قا 10 مينوت
ۆحود ۆ ماۆزولەي حودجا ا 14 مينوت
قازاقستاندا ەڭ كوپ ساتى 14 مينوت
كۇزگى باس كيىمدەر ءبىز 19 مينوت
وقيعالار حرونيكاسى. 15 20 مينوت
ەلوردادا ونكولوگياداعى 20 مينوت
شەكارادان زاڭسىز وتكەن 20 مينوت
ەلەكتروندى دەنساۋلىق پا 26 مينوت
دەۆيات منوگودەتنىح سەمە 29 مينوت
اعاجاي التاي تورى 29 مينوت
سقو-دا ءۇي ورتەنىپ، ادا 29 مينوت
中国哈萨克语广播网 29 مينوت
الماتىدا بۇگىن جىلۋ بەر 29 مينوت
شىداي تۇر، ۋاقىتىڭ كەلە 29 مينوت
شەكارا قىزمەتى: زاڭسىز 1 ساعات
15 قازاندا دۇنيەگە كەلگ 1 ساعات
جامبىل وبلىسىندا قىرعاۋ 1 ساعات
الماتىدا تاعى دا جىلۋ ق 1 ساعات
قازاقستاندا ەلەكتروندى 1 ساعات
كەنتاۋدا گاز باللونى جا 1 ساعات
ۆلاديمير پۋتين ساۋد ارا 1 ساعات
مەيىر جەتكىزگەندەرگە قا 1 ساعات
وسى ارانى باسىپ كورىڭىز 1 ساعات
اقتوبەدە ءسابيلى بولۋدى 1 ساعات
الماتىدا جارىلعان جىلۋ 1 ساعات