ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-08-21580410755 %45 %
2019-08-22656264749 %51 %
2019-08-238643265 %35 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجۇنىس ماقالالارى

جولدانعان ۋاقىتى: 21:00 - 2018/07/29

كارى قىز  ەلەكتروندى پوشتاما بەيتانىس قىز سۇراق جولداپتى: «جۇمامۇرات اعا،  وزىڭىزبەن اقىلداسقىم كەلدى… جاسىم 34-تە، تۇرمىسقا شىقپاعانمىن. ەندى ءوزىمنىڭ دەنساۋلىعىم ءۇشىن بىرەۋدەن بالا تۋىپ الايىن با، الدە قيالداعى جىگىتتى كۇتىپ جۇرە بەرەيىن بە؟..»

بەيتانىس ارۋدىڭ بۇل تراگەدياسى مەنى تەرەڭ ويعا باتىردى…

بۇگىنگى قازاق قىزى وزىنە ءتان نازىكتىگىمەن قاتار ءبىلىمدى، سىمباتتى، يناباتتى بولۋعا تىرىسادى. ءارقايسىسىنىڭ بولاشاققا قويعان  ماقساتى شەكسىز.  سايىپ كەلگەندە، سول ارمانداردىڭ ۇشتاساتىن جەرى – تۇرمىسقا شىعۋ. قاي بويجەتكەن سۇيىكتى جار، اياۋلى انا بولۋدى ارماندامايدى دەيسىز؟! ءبىراق ۋاقىت وزعان سايىن، زامان وزگەردى مە، الدە ادام وزگەردى مە، ءقازىر ۇيلەنۋ مەن تۇرمىس قۇرۋ قيىننىڭ قيىنى بولىپ بارادى. كەيبىر ۇزەڭگىلەس قۇربىلارمەن وتباسىن قۇرۋ جايىندا سۇحبات وربىتسەڭ ەستيتىنىڭ سول باياعى اڭگىمە – ء«جىبى ءتۇزۋ قىز جوق». ءالايدا،بىزدىڭ ەلدە باسى بوس قىزداردىڭ سانى، قۇداي-اۋ، جارتى ميلليونعا جەتىپتى. ءبىر جىگىتكە توعىز قىزدان كەلەدى. جىل وتكەن سايىن قىزداردىڭ سانى ارتىپ كەلەدى. ال جاسى وتىزدان اسقان قىزداردان تۇرمىس قۇرماۋىنىڭ سەبەبىن سۇراساڭ – «جىگىت جوق». ويپىرم-اي، قازاق ەلىندە باسى بوس جىگىت قالماعان با دەپ ويعا قالاسىڭ…

بۇل، ارينە، قىزدار مەن جىگىتتەر اراسىندا پاك سەزىمنىڭ مۇلدە جوقتىعىن بىلدىرمەيدى. سەزىم، سۇيىسپەنشىلىك بولعانىمەن، بىرنەشە جىل بويى كەزدەسىپ جۇرگەن جىگىت پەن قىزدا ۇيلەنۋگە دەگەن قۇلىق بولمايدى. نەگە؟ جىگىتتەر وتباسىلىق قىم-قۋىت ومىردەن قورقا ما الدە مويىندارىنا ارتىق جاۋاپكەرشىلىك ارتقىسى كەلمەي مە؟ الدە بۇعان ءوز كەلىسىمىن بەرمەيتىن قىزدار كىنالى مە؟ مەنىڭ ويىمشا، تۇرمىسقا شىعا الماي جۇرگەن قىزدار جاۋاپتى وزدەرىنەن ىزدەگەندەرى ابزال. ماسەلەن، ءسىزدىڭ سۋ ىشكىڭىز كەلسە، كوشەگە شىعىپ، سۋ ساتاتىن جەردى ىزدەپ تاباسىز، تاپپاساڭىز جولدا وتكەن-كەتكەندەردەن سۇرايسىز. وسىلايشا ماقساتىڭىزعا جەتەسىز. ال ۇيىندە تىعىلىپ وتىرعان قىزداردى كىم بىلەدى؟ ونىڭ وتىرىپ قالعانىن، تۇرمىسقا شىققىسى كەلەتىنىن كىم ءبىلسىن؟ قازاقستاننىڭ تۇكپىر-تۇكپىرىنەن ءىرى قالالارعا كەلگەن قىزدار العاشىندا وقۋباستى بولىپ جۇرەدى. وقۋ بىتىرگەن سوڭ عىلىمي دارەجەگە قول جەتكىزگىسى كەلەدى. ونان قالسا، جۇمىس دەيدى… وسىلايشا، جۇمىس پەن ءۇيدىڭ اراسىن جول قىلادى. قازاقي قيسىنعا سالار بولسام،«تۇيەگە جانتاق كەرەك بولسا، موينىن سوزادى» دەمەكشى، ەشكىممەن تانىسپاسا، قوعامدىق جەرلەرگە شىقپاسا، ولاردى كىم كورىپ-بىلىپ جاتىر؟!.

قازىرگى قىزداردىڭ كوپشىلىگىنىڭ باستى ماقساتى وتباسىن قۇرىپ، ۋاقىتىندا انا اتانۋ ەمەس، ءبىلىم الۋ، نارىقتىق زاماندا بىرەۋگە تاۋەلدى بولماۋ ءۇشىن اقشا تابۋ، مانساپقا جەتۋ. ەر-ازاماتپەن تەرەزەسىن تەڭ ەتۋگە تالپىنعان نازىك جاندار وسىلايشا ۋاقىتتىڭ قالاي ءوتىپ كەتكەنىن بىلمەي دە قالادى-اۋ، ءسىرا. سانسىز سەبەپتەردىڭ قاتارىنا اتقامىنەر ازاماتتار سانىنىڭ تىم ازدىعى دا قوسىلىپ وتىر. وسىلايشا، قازاقستاندا 350 مىڭعا جۋىق بايان سۇلۋ قوزى كورپەشىن تابا الماي جۇرگەنگە ۇقسايدى.

كەي قىزداردىڭ ۇيقىسىن ۇرلاعان، سوزىنە سەندىرىپ، ىرقىنا كوندىرە بىلگەن العاشقى ماحابباتى الداپ كەتكەن نەمەسە كوڭىلىن قاتتى قالدىرعان بولۋى مۇمكىن. ءسويتىپ، جىگىت اتاۋلىدان ءۇمىتىن ۇزگەندەر دە بارشىلىق. ءبىر جىگىت جامان بولسا، بۇكىل جىگىت اتاۋلى جامان دەگەن ءسوز ەمەس قوي. وسىلاي ۋاقىت وزدىرىپ قالىپ قويادى. وسىلاي ءوزىن-وزى تىرىدەي قاماپ قويادى. بۇل توپتاعى ۇيالشاق قىزدار جىگىتپەن تانىسا المايدى، قالاي تانىسۋدى بىلمەيدى. ابدەن ۋاقىت ءوتىپ كەتكەندە، تىم قۇرىعاندا ءبىر بالا تاۋىپ الۋدى كوزدەيدى. الايدا، وتىرىپ قالعان قىزداردىڭ كوشەدەگى كورىنگەن بىرەۋدەن بالا تۋىپ الۋى – ادامگەرشىلىك اياسىنا دا، اتا ءدىنىمىزدىڭ ۇستانىمىنا دا جات ەمەس پە؟

جالپى، ادامزات بالاسىنىڭ «مەن ەشكىمگە تاۋەلدى ەمەسپىن، ەركەكسىز (نەمەسە ايەلسىز) ءومىر سۇرە الامىن» دەۋى جالعان پىكىر. اللا تاعالا بارلىق جاراتىلىس يەسىن جۇپ-جۇبىمەن جاراتقان. اركىم ءوز جۇبىمەن جاراسىمدى. سوندىقتان ەركەك ايەلسىز، ايەل ەركەكسىز عۇمىر كەشە المايدى. بۇل – جاراتقان جاراتىلىستىڭ زاڭدىلىعى.كوپتەگەن قىزداردىڭ قيالىنداعى جىگىت قانداي؟ ونىڭ كولىگى، مول تابىسى، ءۇي-جايى بولۋى شارت. ءوزى اقىلدى، ءوزى كورىكتى، ءوزى باي دەگەندەي… ءبىراق بارىنە بىردەي الەن دەلوندى قايدان تاباسىڭ؟!. ولار تراكتوريست قوشقارباي مەن قويشى جىلقىايدارلاردى مەنسىنبەيدى.«ساباقتى ينە ساتىمەن» دەگەندەي، مانساپ پەن بايلىقتى قۋىپ جۇرە بەرمەي، ۋاقىتىندا جاسالعان ۇسىنىستى ۇتىمدى پايدالانا بىلگەن ابزال.

قۇراندا «زيناعا جولاماڭدار» دەگەن ايات بار. زينا – نەكەسىز قارىم-قاتىناس جاساۋ. نەكەسىز جىنىستىق قاتىناسقا ءتۇسۋ – ۇلكەن كۇنا. وسىلايشا كۇناعا باتىپ تۇرىپ،«بالا تاپتىم» دەپ ماقتاناتىن، شاتتاناتىن بولدىق. ءتىپتى، استانا قالاسىنداعى اكەسىنىڭ قۇنىن سۇرايتىن مەيرامحانالاردا ۇلان اسىر توي جاساعانداردى كوردىم. ول ازداي، سونشا ادامنىڭ كوزىنشە، «مەن ومىرىمدە بىرەۋدى الداپ-ارباپ، كىسىنىڭ الا ءجىبىن اتتاعان ەمەسپىن» دەپ بەتى بۇلك ەتپەستەن اقتالاتىنداردى كوردىم. كوشەدە قىزىل كويلەك كيگەن قىز كورسە، اسارىن اساپ، جاسارىن جاساپ العان كەيبىر ەل اعاسى جاسقا كەلگەندەر، قىزىل تۇلكىنىڭ قۇيرىعى سەكىلدى بۇراڭداپ كەتەتىندەرىن ەستىپ تە، كورىپ تە ءجۇرمىز.

دەگەنمەن، زامان وزگەرمەيدى، ادام وزگەرەدى.ويتكەنى ءالىمساقتان بەرى كۇن سول شىعىستان شىعىپ، باتىسقا باتادى. ادام ءوزىنىڭ اسىل قاسيەتتەرىن ۇمىتقاندانەمەسە بىلمەگەن كەزدە ءارتۇرلى قاتەلىكتەرگە بوي الدىرادى. مۇنداي ارسىز ارەكەتتىڭ ورىن الۋىنا تەك ايەل زاتى كىنالى دەۋگە بولماس. كورىنگەن ۇياعا جۇمىرتقالاعان كوكەك ەركەكتەر بولماسا، ء«وزى ءۇشىن» بالا تۋاتىندار كۇلگە اۋناپ تۋماسى انىق. تاريحتا تاپقىرلىعىمەن اتى شىققان جيرەنشە شەشەننىڭ زايىبى قاراشاشقا كوزى تۇسكەن سول زاماننىڭ حانى قاراشاشتىڭ كۇيەۋىنە تاپسىرما جۇكتەپ، الىس ساپارعا جىبەرىپ، ءوزى وڭاشا قالعان قاراشاشقا كەلەدى. حاننىڭ كەلەتىنىنەن حاباردار قاراشاش تاماق ءپىسىرىپ، ءارتۇرلى ىدىسقا قۇيىپ قويادى. ارام ويمەن كەلگەن حان داستارقان ۇستىندەگى ءارتۇرلى ىدىسقا سالىنعان ءبىر عانا تاعامدى كورىپ، ءوز قاتەلىگىن ءتۇسىنىپ، دەرەۋ ۇيدەن شىعىپ كەتىپتى. وسىلايشا، قاراشاش انامىز حانعا ءناپسىنىڭ كوزىمەن قاراساڭ، ايەلدەر ءارتۇرلى بولعانىمەن، ونىڭ ىشكى بولمىسى ءبىر دەگەندى تاپقىرلىعىمەن ۇقتىرعان.

جۋىردا مەنىڭ بايبىشەمنىڭ وتىرىپ قالعان بەس-التى سىنىپتاس قۇربىلارى ۇيگە جينالدى. سوندا مەن ازىلدەپ سۇرادىم:«قىزدار، قىرىققا كەلىپسىزدەر، قۇتتى بولسىن! ەندى ۇلكەن توي قاشان بولادى؟» دەسەم، قۇربىلاردىڭ ءبىرى:«جيزن ناچيناەتسيا پوسلە سوروكا» دەپ تارقىلداپ كۇلدى. «جيزن پوسلە سوروكا نە ناچيناەتسيا، ا كونچاەتسيا، – دەپ مەن دە ورىسشا كەتتىم.– تام بوليت، تۋت كوليت دەپ، تۇلا بويىڭ سىرقىراپ، سىزداي باستايدى. ورگانيزم شارشايدى، كۇندەلىكتى كۇيبەڭ تىرشىلىكتىڭ ءوزى قاجىتىپ جىبەرەدى. بالاعا قاراماق تۇگىل، «بايتال تۇگىل باس قايعى» كەيپىن كيەسىز…» دەپ ەدىم، ءبارى سىرەسىپ قاتىپ قالدى.

وتىرىپ قالعان قىزدارعا جىگىتتەر تاراپىنان ەكىنشى ايەل بولۋعا ۇسىنىس جاسالسا، توبە شاشتارى تىك تۇرادى. ويتكەنى اۋپىرىمدەپ ءجۇرىپ قولى زورعا جەتكەن كۇيەۋىن بايبىشەمەن بولىسكەنشە، ءومىر باقي قوس تىزەسىن قۇشاقتاپ ءوتۋدى قۇپ سانايدى. جالپى، كەشەگى قازاق بايبىشە، توقال، ناقسۇيەر، اققولتىقتان تۋىپ تاراسا دا، بۇگىنگى ايەل بىتكەننىڭ پىكىرى – وسى.

ايەلگە نەكەلى كۇيەۋىنىڭ ۇرىعىن پايدالانعان جاعدايدا عانا جاساندى ۇرىقتاندىرۋ ءادىسىن قولدانۋعا بولادى. دەمەك، كىم  ەكەنى بەلگىسىز، بەيتانىستىڭ ۇرىعىن قۇرساعىنا سالۋ دا حارام. تاقىرىپتىڭ ءتۇيىنىن تولاسسىز تىيىم دەپ تۇسىنبەڭىز، قارىنداس. اللا رۇقسات ەتكەن جولدارى دا بار. بويجەتكەن باعىنىڭ بايلانۋى باسقا بىتكەن بالە ەمەس، اللانىڭ باسقا سالعان سىناعى دەپ بىلگەن ابزال. اللا تاعالا اركىمدى ءارتۇرلى سىناقپەن سىنايدى. قانشا جىل وتباسىلى بولسا دا، بالالى بولۋ باقىتى بۇيىرماعاندار قانشاما؟!. سوندىقتان دۇنيەگە بالا اكەلۋ ءبىر مىندەت بولسا، ونى تاربيەلەپ ءوسىرۋ ودان دا اسا جاۋاپتى مىندەت. كۇندەردىڭ ءبىر كۇنى ويناستان تۋعانىن بىلگەن بالا پسيحولوگياسىندا وزگەرىستەر پايدا بولادى. كەيىن ونىڭ دا انا قاتەلىگىن قايتالاماسىنا كىم كەپىل؟ ءسىزدىڭ تاڭداۋىڭىز – ءسىزدىڭ تاعدىرىڭىز. تاڭداۋىڭىز توزاقتىڭ تۇبىنە ءتۇسىرۋى دە، اللانىڭ مول جاقسىلىعىنا كەنەلتۋى دە بەك مۇمكىن. سونداي-اق، بۇل تەك ءسىزدىڭ جەكە باسىڭىزدىڭ ءىسى عانا ەمەس، بۇل مۇسىلمان قازاق قوعامىنا تەكسىزدىك تەڭەۋىن تاعاتىن ءقاۋىپتى دەرت. جەڭىل ءجۇرىس، ارزان وي قوعامنىڭ ىندەتىنە اينالدى.

ادامدارعا جاۋ بولعاندىقتان ەمەس، بۇل ىس-ارەكەت قوعامدا داۋ بولعاندىقتان قوزعاپ وتىرمىن. بىلەم، مۇنداي ىسكە ەشكىم ەرىگىپ بارمايدى. اركىمنىڭ ايتار ءبىر ءۋاجى بار. الايدا، ءبىزدىڭ كەيبىر سىلتاۋلارىمىز ادامي بولمىسىمىزدى اياقاستى ەتۋگە ەش سەبەپ بولا المايتىندىعىن ەستەن شىعارماڭىز، بەيتانىس قارىنداس!…

جۇمامۇرات  ءشامشى

سايتىمىزدىڭ جاڭا ماقالالارىنا جازىلىڭىز

پودەليتسيا ۆ سوتس. سەتياح

وپۋبليكوۆات ۆ Facebook
وپۋبليكوۆات ۆ Google Buzz
وپۋبليكوۆات ۆ Google Plus
وپۋبليكوۆات ۆ LiveJournal
وپۋبليكوۆات ۆ موي مير
وپۋبليكوۆات ۆ ودنوكلاسسنيكي
وپۋبليكوۆات ۆ ياندەكس

كەلۋ قاينارى: http://www.elarna.net/koru.php?tur=8&id=852146

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ءۇندىستان ەلەكتروندى سي 5 مينوت
يسلام ينستيتۋتى 67 ءدىن 1 ساعات
تارازدا جىل سوڭىنا دەيى 1 ساعات
امازونياداعى الاپات ءور 2 ساعات
«بارىس»  شۆەيتساريالىق 2 ساعات
اتىراۋ وبلىسىندا جىل با 3 ساعات
ءبىرجان احمەر | ادەبيەت 4 ساعات
تاۋعا شىققان تۋريستەرگە 4 ساعات
شىمكەنتتە ءۇش اۋىسىمدى 4 ساعات
گونكونگتا ورتا مەكتەپ و 4 ساعات
پاۆلودار وبلىسىندا  175 4 ساعات
اقۇشتاپ باقتىگەرەەۆا | 4 ساعات
23 تامىز، جۇما كۇنگە ار 4 ساعات
گونكونگتە ەرەۋىل ءوتىپ 4 ساعات
ەۋروپا ليگاسى: «استانا» 5 ساعات
22.08.2019 - اقپارات - 5 ساعات
وسى ارانى باسىپ كورىڭىز 5 ساعات
ەلىمىزدە حيميا ونەركاسى 5 ساعات
وسى ارانى باسىپ كورىڭىز 5 ساعات
جامبىل وبلىسىندا جوو-دا 5 ساعات
ۆاكانسيالار مەن تولەمدە 5 ساعات
الماتىدا ورتالىق ازيا ج 5 ساعات
اتىراۋدا ورتەنگەن تەاتر 5 ساعات
قر كاسىپوداقتار فەدەرات 5 ساعات
پولشادا جاي ءتۇسىپ، بىر 5 ساعات
«سارىارقا» گاز قۇبىرى ە 5 ساعات
ساراپشى ەلوردانىڭ راديا 5 ساعات
بۇگىن تاتارستان استاناس 5 ساعات
ەۋروپا ليگاسى. "استانا" 5 ساعات
قوسشى اۋىلىندا قىرۋار ق 5 ساعات