ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-06-14567185653 %47 %
2019-06-15442152155 %45 %
2019-06-16397193347 %53 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجۇنىس ماقالالارى

جولدانعان ۋاقىتى: 19:00 - 2017/09/10

7بۇگىنگى ءداۋىر – عىلىم مەن ءبىلىمنىڭ ءداۋىرى. بۇگىنگى زامان – ءبىلىمدىنىڭ زامانى. كوزى اشىق، كوكىرەگى وياۋ جاننىڭ وڭگە جۇرتتان ءبىر ساتى بيىك تۇراتىنى – دالەلدەۋدى قاجەت ەتپەيتىن اكسيوما. سونداي جانداردىڭ ءبىرى، ءومىرىنىڭ باسىم بولىگىن عىلىمعا جانە شاكىرت تاربيەلەۋگە ارناعان – و.جولداسبەكوۆ اتىنداعى ەكونوميكا جانە قۇقىق اكادەمياسىنىڭ عىلىم جانە حالىقارالىق بايلانىس جونىندەگى پرورەكتورى، زاڭ عىلىمدارىنىڭ كانديداتى، دوتسەنت باقىت كەنەسارىقىزى چينگاەۆا. ءوزى عالىم، اسىل جار، ارداقتى انا باقىت كەنەسارىقىزىمەن سۇحباتتاسقانىمىزدا، قانداي سالادا ەڭبەك ەتسە دە، قازاق ايەلى – ءوزىنىڭ مارتەبەلى «قازاق ايەلى» دەگەن اتىنا لايىق بولىپ قالا بەرەتىنىنە تاعى ءبىر كوز جەتكىزدىك…

«اۋىلىم – التىن بەسىگىم»

– مەن تۋعان ولكە – باق قاراعان، قىدىر دارىعان قاسيەتتى ولكە ءۇرجار اۋىلى، – دەپ باستادى اڭگىمەسىن باقىت كەنەسارىقىزى. – ءۇرجار – شىعىس قازاقستان وبلىسىنداعى ء«شوبى مايسا، جۇرتى جايساڭ»، تىنىسى كەڭ اۋدانداردىڭ ءبىرى. كارى تارباعاتايدىڭ ەڭ بيىك شىڭدارى – نايزاقارا، بالاتوبە، جايتوبە، ارقارلى تاۋلارى دا وسى ءۇرجاردا ورنالاسقان. ءۇرجاردىڭ ءوڭىرى – دالالى-تاۋلى، جازىقتى-قىراتتى، وزەندى-كولدى، نۋ ورماندى… كورىكتى دە كوركەم ايماق. سول سۇلۋلىعىنان حالىق ءۇرجارعا «ەكىنشى الماتى» دەپ ات قويعان…
باقىت كەنەسارىقىزى وسىنداي سۇلۋ تابيعاتتىڭ باۋرايىندا 1964 جىلدىڭ 3 ماۋسىمىندا دۇنيەگە كەلگەن. اكەسى كەنەسارى شىڭعايۇلى (1923-1970)، اناسى باتەن بازاربايقىزى (1931-1992) قاراپايىم شارۋا ادامدارى ەدى. ولار بالالارىنىڭ جوعارى ءبىلىم الۋىنا بار جاعدايدى جاسايدى.
222– اكەم مارقۇم ومىردەن ەرتەرەك وزدى، نەبارى 47 جاسىندا دۇنيە سالىپتى. مەن ول كەزدە نەبارى التى جاستا ەكەنمىن، اكەمنىڭ بەينەسى ەمىس-ەمىس ەسىمدە. ول كىسى جۇمىستان كەلگەندە، قاقپادان كىرە بەرە الدىنان جۇگىرىپ شىعىپ موينىنا اسىلاتىنىم، ونىڭ «قۇلىنىم سول» دەپ شاشىمنان يىسكەپ، ماڭدايىمنان سۇيەتىنى، سوسىن قولىنداعى تۇيىنشەگىن شەشىپ قولىما كامپيت-پىراندىك ۇستاتاتىنى ەسىمدە قالىپتى. كوزىن كورگەن كىسىلەر اكەمدى مەيىرىمدى، جۇمساق مىنەزدى، بالاجان، ەرەكشە ەڭبەكقور، كوپ سوزگە جوق، وتە سابىرلى دا كوركەم مىنەزدى ادام بولعان دەسەدى.
انام جارىقتىق ءوقۋ-بىلىمنىڭ ءقادىرىن بىلەتىن، كوكىرەك كوزى وياۋ، اقىل-پاراساتى تەرەڭ، ايەلگە ءتان ادەمىلىگىمەن قوسا، ەر-ازاماتقا لايىق كەسەك مىنەزدى كىسى بولعان. نەبارى 39 جاسىندا جەسىر قالىپ، سەگىز بالانى جالعىز ءوزى جەتكىزگەن. انامىز ءبارىمىزدىڭ جوعارى ءبىلىم الۋىمىزعا مۇمكىندىك جاسادى…
باقىت كەنەسارىقىزى ەڭ ۇلكەن ەكى اعاسى – وسپان مەن قۇماردىڭ شال-كەمپىرگە ءتان بولىپ، اتا-اجەسىنىڭ باۋىرىندا وسكەنىن ايتادى. بۇگىندە ول كىسىلەردىڭ وزدەرى بولماسا دا، ارتىندا قالعان ۇرپاعى بار.
ەكى ۇلدان كەيىنگى التى قىزدىڭ ەڭ ۇلكەنى تولەۋحان اپاي بۇگىندە 64 جاستا.
444– «شىققان قىز شيدەن تىسقارى» دەگەن ءسوز قاتە ايتىلعان، – دەيدى باقىت اپاي. – اكە ورنىنا اكە، انا ورنىنا انا بولىپ، اۋلەتىمىزدىڭ بار ىستىق-سۋىعىن كوتەرەتىن، اقىلىن ايتىپ، ءجون سىلتەيتىن – ءۇرجاردا تۇراتىن تولەۋحان اپايىمىز. ول كىسىنىڭ ايتقانى ءبىز ءۇشىن زاڭ. ەكىنشى اپايىم باقىتحان زەينەتتىك دەمالىستا. ودان كەيىن پانۋ، فاريدا دەگەن پەداگوگيكا سالاسىنا زور ۇلەستەرىن قوسىپ جۇرگەن اپكەلەرىم، وزىمنەن كەيىنگى مەديتسينا سالاسىنىڭ قىزمەتكەرى راۋشان دەگەن ءسىڭلىم بار. ۇل وسىردىك، قىز وسىردىك، ەتكەن بەينەتىمىزدىڭ زەينەتىمەن قاتار، ۇرپاعىمىزدىڭ قىزىعىن، زاماننىڭ راحاتىن قاتار كورىپ ءجۇرمىز، قۋانىش-قايعىدا دا، توي-تومالاقتا دا، كۇنەلىكتى ومىردە دە قاتىناسىمىزدى ۇزبەي، ءجيى حابار الىسىپ تۇرامىز. اۋىلعا دا اتباسىن بۇرىپ تۇرۋعا، اتا-انامىزدىڭ باسىنا بارىپ قۇران باعىشتاۋعا تىرىسامىز. «اۋىلىم – التىن بەسىگىم» دەمەكشى، قانشا شالعايدا جۇرسەڭ دە، تۋعان اۋىل، وسكەن ورتانى ۇمىتۋ مۇمكىن ەمەس، – دەيدى باقىت اپاي.

«انام – مەنىڭ يدەالىم»

1971-1981 جىلدار ارالىعىندا ءۇرجار اۋىلىندا م.گوركي اتىنداعى ونجىلدىقتى بىتىرگەن سوڭ باقىت كەنەسارىقىزى «دارىگەر بولسام، ءجيى اۋىراتىن انامدى ءوز قولىممەن ەمدەپ جازسام» دەپ ارماندايدى. ءبىراق ول كەزدە دارىگەرلىك وقۋعا ءتۇسۋ قيىن ەدى. ونىڭ ۇستىنە، اناسىنىڭ قاسىنان، اۋىلىنان الىستاپ كەتكىسى كەلمەگەن باقىت ارمانعا تەك الىستان قول بۇلعاپ، اۋدانداعى 1 جىلدىق بۋحگالتەرلىك كۋرستى وقيدى. ءوندىرىس بۋحگالتەرى دەگەن ماماندىقتى الىپ شىققان سوڭ، تۋعان اۋىلىندا بۋحگالتەر بولىپ جۇمىس ىستەيدى. بەس جىلدان سوڭ باسقا ماماندىقتا باعىن سىناپ كورگىسى كەلگەن تالاپشىل قىز تالدىقورعانداعى زاڭ تەحنيكۋمىنا قۇجات تاپسىرادى.
333– انام اركەز: «ادال بولىڭدار، دۇرىس ءجۇرىپ-تۇرىڭدار، كىسىنىڭ الا ءجىبىن اتتاماڭدار، قولدارىڭنان كەلسە جۇرتقا جاقسىلىق جاساڭدار، جاقسىلىق ادامنان قايتپاسا دا، قۇدايدان قايتادى، شىنشىل دا شىنايى بولىڭدار» دەپ قۇلاعىمىزعا قۇيىپ وتىراتىن. ەسەيە كەلە، ادالدىق، شىندىق تۋرالى كوبىرەك ويلاناتىن بولدىم. ادۆوكات، پروكۋرور نەمەسە سوتتىڭ وقۋىن وقىسام دەگەن ارمان پايدا بولدى. زاڭ سالاسىنا جوعارى وقۋ ورنىنا ءتۇسۋ وتە قيىن ەدى، سوندىقتان ەكى جىلدىق زاڭ تەحنيكۋمىنا قۇجات تاپسىردىم. جولىم بولىپ، وقۋعا قابىلداندىم. 1987-89 جىلدار بۇل وقۋدى وقىپ، قولىما ديپلومىمدى العان سوڭ ءۇرجار اۋداندىق الەۋمەتتىك قامسىزداندىرۋ بولىمىندە زەينەتاقى تاعايىنداۋ مامانى بولىپ جۇمىس ىستەدىم، – دەپ ەسكە الادى باقىت اپاي.
ءوز ماماندىعى وزىنە ۇنايتىن، جۇمىسىنا دا كوڭىلى شات ەدى. الايدا…
1991 جىلى اناسى باتەن قىزىنا «لەنينسكايا سمەنا» گازەتىنەن ءبىر حابارلاندىرۋدى كورسەتەدى. «قىزىم، تالدىقورعاننىڭ زاڭ ينستيتۋتى تالاپكەرلەردى قابىلدايدى ەكەن، وسى وقۋعا تاپسىرىپ كورسەڭ قالاي بولادى؟.. جوعارى ءبىلىم العانىڭ ءجون بولار ەدى…» دەپ كەڭەس بەرەدى. كورەگەن اناسىنىڭ اقىلىنا قۇلاق اسقان جاس باقىت ارمان ارقالاپ تالدىقورعانعا كەلەدى. قالاعان وقۋ ورنىنا قينالماي ءتۇسىپ، 1997 جىلى «قۇقىقتانۋ» ماماندىعى بويىنشا ءبىلىم الىپ شىعادى. ستۋدەنتتىك جىلدارى بىلىممەن قاتار كوعامدىق جۇمىستاردى دا قاتار الىپ جۇرەدى. ءارتۇرلى ءىس-شارالاردىڭ ۇيىمداستىرۋشىسى، جاقسىلىقتىڭ ۇيتقىسى بولىپ ءجۇرىپ، ءبىلىمى مەن ەڭبەكقورلىعىنىڭ ارقاسىندا، جولداستارىنا دەگەن ادالدىعىنىڭ ارقاسىندا ستۋدەنتتەر اراسىندا دا، وقىتۋشىلار اراسىندا دا بەدەلى جوعارى بولادى.
– زامانعا ساي ءبىلىم الىپ، ومىردەن ءوز ورنىمدى اداسپاي تاپقانىم ءۇشىن اناما قارىزدارمىن. دۇرىس جول كورسەتىپ، باعىت-باعدار بەرگەن انام مەنىڭ يدەالىم بولىپ قالادى… وقۋ وقيمىن، عىلىم جولىن قۋامىن دەپ ءجۇرىپ تۇرمىسقا كەشتەۋ شىقتىم. انام جارىقتىق جاسىم ۇلعايعان سايىن: «جالعىز قالما، تۇرمىسقا شىق، تەڭىڭدى تاپ…» دەپ ءجيى ايتاتىن. بۇيرىق سولاي شىعار، 1995 جىلى 31-دەن اسقاندا تۇرمىس قۇردىم، 32 جاسىمدا انا بولدىم. الىشەرىم بيىل 18-گە تولدى، جەتىسۋ مەملەكەتتىك ينستيتۋتىنىڭ زاڭ فاكۋلتەتىندە وقيدى…

«عىلىم – ينەمەن قۇدىق قازعانداي»

5551998 جىلى ينستيتۋتتى بىتىرگەننەن كەيىن باقىت كەنەسارىقىزى عىلىمي-پەداگوگيكالىق ەڭبەك جولىن باستايدى. 1998-2000 جىلدارى قازاق ەڭبەك جانە الەۋمەتتىك قاتىناستار اكادەمياسىنىڭ تالدىقورعانداعى فيليالىندا زاڭنان ءدارىس وقيدى. ال 2000-2003 جىلدار ارالىعىندا حالىقارالىق زاڭ جانە نارىق اكادەمياسىنىڭ تالدىقورعان فيليالىندا زاڭ كافەدراسىنىڭ مەڭگەرۋشىسى قىزمەتىن اتقارعان باقىت كەنەسارىقىزى كاسىبي بىلىگى مەن جان-جاقتى ءبىلىمىنىڭ ارقاسىندا وسى اكادەميانىڭ ديرەكتورى بولىپ تاعايىندالادى. ودان سوڭ 2006 جىلى قازاق قۇقىقتانۋ جانە حالىقارالىق قاتىناستار ينستيتۋتى زاڭ فاكۋلتەتىنىڭ دەكانى، ال 2007-2011 جىلدارى و.جولداسبەكوۆ اتىنداعى ەكونوميكا جانە قۇقىق اكادەمياسىنىڭ جەكە قۇقىق كافەدراسىنىڭ مەڭگەرۋشىسى قىزمەتىن اتقارادى. باقىت كەنەسارىقىزى قاي جەردە، قانداي قىزمەتتە بولماسىن، تەك ادال ەڭبەك ەتۋدى ءوزىنىڭ باستى قاعيداسى سانايدى. قاي جۇمىسقا دا ۇلكەن جاۋاپكەرشىلىكپەن قاراپ، ىسكەرلىك كورسەتە بىلەدى.
– «عىلىم – ينەمەن قۇدىق قازعانداي» دەپ تەگىن ايتپاعان. بۇل ءسوزدىڭ ءمانىن عىلىم جولىن تاڭداعاندار جاقسى بىلەدى، – دەيدى عالىم اپاي. – ايەل ادام ءۇشىن ەكى ەسە اۋىر. تىرەپ تۇرعان «تاتە، كوكەم» جوق، سوندىقتان ءوز بەتىمشە تالپىنىپ، تىرىسىپ، كوبىرەك بىلسەم، كوبىرەك وقىسام، بىردەڭەگە قول جەتكىزسەم دەپ ماقسات ەتتىم. جولداسىم – تولەگەن بيداحمەتۇلى 30 جىلدان استام ۋاقىت قازاقستان رەسپۋبليكاسىنىڭ ىشكى ىستەر ورگاندارىندا قىزمەت اتقارىپ، بۇگىنگى كۇنى قۇرمەتتى زەينەتكەر اتاندى. عىلىمعا جەتۋ جولىندا ماعان اركەز قولداۋ كورسەتە ءبىلدى، «ايەل ادامعا وسىنىڭ كەرەگى نە؟..» دەپ ءبىر رەت تە رەنجىگەن ەمەس. ەڭبەكتىڭ قيىندىعىمەن قاتار، راحاتى دا بولادى، بەلگىلى ءبىر بەلەستى ەڭسەرگەندە، ىستەگەن جۇمىسىڭا ءوزىڭنىڭ كوڭىلىڭ تولعاندا، سودان جانىڭ راحات تابادى.
666كۇندىز-تۇنى وقىپ، زەرتتەپ، ەڭبەك ەتكەنىنىڭ ناتيجەسى دە جامان بولعان جوق. توككەن ماڭداي تەردىڭ وتەۋى – عىلىم جولىنىڭ ەڭ ءبىر جاۋاپتى كەزەڭى – كانديداتتىق ديسسەرتاتسيانى جاقسى قورعاپ شىققانى ەدى. 2007 جىلى باقىت كەنەسارىقىزى ءال فارابي اتىنداعى قازاق ۇلت-تىق ۋنيۆەرسيتەتىنىڭ ديسسەرتاتسيالىق كەڭەسىندە قر ۇعا اكادەميگى سالاحيدەن نۇرسارىۇلى سابيكەنوۆتىڭ جەتەكشىلىگىمەن «قر ەڭبەك تۋرالى» زاڭىنىڭ كونستيتۋتسيالىق-قۇقىقتىق نەگىزدەرى» تاقىرىبىندا عىلىمي ەڭبەگىن زور ابىرويمەن قورعاپ شىقتى. سونىڭ ناتيجەسىندە باقىت چينگاەۆاعا زاڭ عىلىمدارىنىڭ كانديداتى دەگەن عىلىمي اتاق بەرىلدى.
باقىت كەنەسارىقىزى ستۋدەنتتەر مەن ماگيسترانتتاردى وقىتىپ قانا قويماي، ولار ليتسەنزيا الۋ ءۇشىن قۇجاتتاردى ازىرلەۋ بارىسىندا ولشەۋسىز ۇلەس قوستى. پەداگوگ-عالىمنىڭ عىلىمي-پەداگوگيكالىق، ۇيىمداستىرۋشىلىق جانە قوعامدىق ەڭبەكتەرىنە زەر سالساڭىز، «تالانتتى ادام بارلىق نارسەدە تالانتتى» دەگەن قاعيداعا كوز جەتكىزەسىز. كافەدرا ءىسى بولسىن، فاكۋلتەت نەمەسە اكادەميا جۇمىسى بولسىن، ءار كەزدە جاڭاشىل يدەيالار مەن يگى باستامالاردىڭ ۇيىتقىسى بولىپ جۇرگەنى. قانداي ماسەلە بولماسىن، ۇقىپتىلىق پەن جاۋاپكەرشىلىكتى باسشىلىققا الادى.
بۇگىنگى تاڭدا باقىت كەنەسارىقىزى جەكە قۇقىق كافەدراسىن باسقارادى. بۇل كافەدرا وسى اكادەميانىڭ تالانتتى تۇلەكتەرىنەن قۇرالعان. ارىپتەستەر اركەز عىلىمي-ادىستەمەلىك ىزدەنىس ۇستىندە جۇرەدى، ولاردىڭ بىر-بىرىنە دەگەن دوستىق، ارىپتەستىك قارىم-قاتىناستارىنىڭ ارقاسىندا كافەدرا جۇمىسى دا اۋىزبىرشىلىك پەن ۇيىمشىلدىققا، تاتۋلىققا نەگىزدەلگەن.
111– «بىرلىك بار جەردە تىرلىك بار» دەگەن ەمەس پە؟ مەنىڭ ارىپتەستەرىم وسى قاعيدانى باسشىلىققا الىپ جۇمىس ىستەيدى، بىر-بىرىنە قولداۋ تانىتۋ، بىر-بىرىمەن تاجىريبە الماسۋ ءبىز ءۇشىن قالىپتى جاعداي. سونداي ىنتىماقتىڭ ارقاسىندا جۇمىسىمىز دا العا ورلەي بەرمەك، – دەيدى باقىت كەنەسارىقىزى.
ءبىلىم جانە عىلىم سالاسىنا قوسقان زور ۇلەسى ءۇشىن باقىت چينگاەۆا كوپتەگەن العىسحاتتارمەن، گراموتالارمەن ماراپاتتالعان، زاڭ سالاسىنداعى بىرنەشە سەرتيفيكاتتىڭ دا يەسى. عالىمنىڭ عىلىمي ەڭبەكتەرىن ءتىزىپ شىعۋ مۇمكىن ەمەس، ويتكەنى ونداي جۇمىستارى وتە كوپ. زاڭ عىلىمىنىڭ دامۋىنا ۇزدىكسىز ۇلەس قوسىپ جۇرگەن ايەل-انا-عالىم باقىت كەنەسارىقىزىنىڭ ءومىر جولى كوپكە ۇلگى بولارلىق.

ساۋلە ابەدينوۆا

ء

«اقجۇنىس-استانا» جۋرنالى

ء

«اقجۇنىس-استانا» جۋرنالى

سايتىمىزدىڭ جاڭا ماقالالارىنا جازىلىڭىز

پودەليتسيا ۆ سوتس. سەتياح

وپۋبليكوۆات ۆ Facebook
وپۋبليكوۆات ۆ Google Buzz
وپۋبليكوۆات ۆ Google Plus
وپۋبليكوۆات ۆ LiveJournal
وپۋبليكوۆات ۆ موي مير
وپۋبليكوۆات ۆ ودنوكلاسسنيكي
وپۋبليكوۆات ۆ ياندەكس

كەلۋ قاينارى: http://www.elarna.net/koru.php?tur=8&id=814152

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


سەمەيدە ەركىن ورانحاەۆت 2 مينوت
شي جينپيڭ پاكيستاننىڭ ز 7 مينوت
«نوماد» پەن «گورنياك» ر 17 مينوت
شي جينپيڭ شاڭحاي سەلبەس 17 مينوت
تۇركيادا اۋە شارلارى فە 26 مينوت
زەيىن - زەردەنى، كۇش - 27 مينوت
نايب ءمۇفتي مەشىت جاماع 27 مينوت
«Nur Otan» پارتياسى ءتو 27 مينوت
17 ماۋسىمدا قازاقستاندا 1 ساعات
شاڭحاي سەلبەستىك ۇيىمىن 1 ساعات
باۋىرجان يسلامحان بيىلع 1 ساعات
مەملەكەت ءتوراعاسى شي ج 1 ساعات
«رامازان تاقۋالىققا جەت 1 ساعات
قپل: «استانا» «قايساردى 1 ساعات
تاجىكستاندا 2 مىڭنان اس 1 ساعات
FOREX ساۋداسىمەن اينالى 1 ساعات
شي جينپيڭ «2019. جۇڭگو 1 ساعات
قازاقستان قىزدار كوماند 1 ساعات
پەر كورنەل – كلاسسيتسيس 1 ساعات
«تاراز» - «ەرتىس»: نەگى 1 ساعات
شي جينپيڭ قازاقستاننىڭ 1 ساعات
EU business should be f 1 ساعات
جازدا تاعامنان ۋلانۋدان 1 ساعات
بارماقتاي باق بۇيىرماعا 1 ساعات
اجەتحاناعا باس كيىمسىز 2 ساعات
NINETY ONE - E.YEAH ءبى 2 ساعات
كۇي 2 ساعات
شي جينپيڭ يىنديانىڭ زۇڭ 2 ساعات
دينا نۇرپەيىسوۆانىڭ بەل 2 ساعات
گارەت بەيل «باۆارياعا» 2 ساعات