ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: شينجياڭ گازەتى

جولدانعان ۋاقىتى: 10:30 - 2020/09/21

Нақты Көзі: http://kazakh.xjdaily.com.cn/system/2020/09/21/036437988.shtml

جوعارى دەڭگەيدە جوبالاۋدى كۇشەيتۋ مەن حالىقتان كەڭەس الۋعا تاباندى بولۋدى بىرلىككە كەلتىرىپ، ”14 - بەسجىلدىق“ جوبانى جاساۋدىڭ حالىقتىڭ ارمان - تىلەگىنە ۇيلەسۋىن ىلگەرىلەتەيىك

  شي جينپيڭ نەگىزگى ساتى ۋاكىلدەرى اڭگىمە ماجىلىسىندە بىلاي دەپ باسا دارىپتەدى

  جوعارى دەڭگەيدە جوبالاۋدى كۇشەيتۋ مەن حالىقتان كەڭەس الۋعا تاباندى بولۋدى بىرلىككە كەلتىرىپ، ”14 - بەسجىلدىق“ جوبانى جاساۋدىڭ حالىقتىڭ ارمان - تىلەگىنە ۇيلەسۋىن ىلگەرىلەتەيىك

  9 - ايدىڭ 17 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ چاڭشادا نەگىزگى ساتى ۋاكىلدەرىنىڭ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى، نەگىزگى ساتى كادر - بۇقاراسىنىڭ ”14 - بەسجىلدىق“ جوبانى جاساۋ جونىندەگى پىكىرلەرىن جانە ۇسىنىستارىن تىڭدادى.□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  شينحۋا اگەنتتىگىنىڭ 9 - ايدىڭ 19 - كۇنى چاڭشادان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 - ايدىڭ 17 - كۇنى تۇستەن بۇرىن حۋنان ولكەسىنىڭ چاڭشا قالاسىندا نەگىزگى ساتى ۋاكىلدەرىنىڭ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى، نەگىزگى ساتى كادر - بۇقاراسىنىڭ ”14 - بەسجىلدىق“ جوبانى جاساۋ جونىندەگى پىكىرلەرىن جانە ۇسىنىستارىن تىڭدادى. ول بىلاي دەپ باسا دارىپتەدى: حالىقتىڭ تاماشا تۇرمىسقا تالپىنىسى ءبىزدىڭ كۇرەس نىسانامىز. بەسجىلدىق جوبانى جاساۋ ەكونوميكالىق، قوعامدىق دامۋدىڭ بارلىق جاقتارىنا سايادى، حالىق بۇقاراسىنىڭ وندىرىسىمەن، تۇرمىسىمەن تىعىز بايلانىستى، جوعارى دەڭگەيدە جوبالاۋدى كۇشەيتۋ مەن حالىقتان كەڭەس الۋعا تاباندى بولۋدى بىرلىككە كەلتىرۋ قاجەت، قالىڭ حالىق بۇقاراسى مەن قوعامداعى ءار سالانى ءتۇرلى تاسىلدەرمەن اقىل - كەڭەس بەرۋگە ىنتالاندىرىپ، ”14 - بەسجىلدىق“ جوبانى جاساۋدىڭ حالىقتىڭ تىلەگىنە ساي كەلۋىن، حالىقتىڭ ارمان - تىلەگىنە ۇيلەسۋىن ىلگەرىلەتۋ كەرەك. 

  شي جينپيڭ حۋناندا تەكسەرۋ - زەرتتەۋ جۇرگىزگەن كەزدە وسى رەتكى اڭگىمە ءماجىلىستى ارنايى اشتى. اڭگىمە ماجىلىستە، حىڭياڭ قالاسى چاڭنيڭ قالالىق تاشان ياۋزۋ اۋىلىنىڭ سەنترلى باستاۋىش مەكتەبىنىڭ ورىنباسار مەكتەپ باستىعى پان جيۋرىن، شاۋياڭ قالاسى لۇڭحۇي اۋداندىق پارتكومنىڭ شۋجيى ۋاڭ يۇڭحۇڭ، چاڭشا قالاسى ۋاڭچىڭ رايونى گۋاڭيۋان ەگىمشىلىك كاسىپتىك سەلبەستىك كووپەراتيۆىنىڭ القا باستىعى شياۋ ديڭ، جۇڭگو قۇرىلىس 5 - مەكەمەسى باس كوتەرمەگە الۋ سەرىكتەستىگىنىڭ ساپا باسقارۋشىسى زوۋ لين، چاڭدى قالاسى تاۋيۋان اۋدانىنداعى جەكە جۇك تاسىمال شوفەرى لۇڭ بيڭ، حۋنان رۇيتۋ زەردەلى عىلىم - تەحنيكا شەكتى سەرىكتەستىگىنىڭ باس ديرەكتورى جوۋ بوۋىن، شياڭشي وبلىسى فىڭحۋاڭ اۋدانى لياۋجياچياۋ قالاشىعى چاڭپۋتاڭ قىستاعى پارتكومىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى جوۋ زۋحۇي، حۋنان چيچي عىلىم - تەحنيكا جارنا شەكتى سەرىكتەستىگىنىڭ باسالقاسى ياڭ شۋتيڭ، چاڭشا قالاسى يۋەلۋ رايونى شيانجياحۋ رۇنزى باقشاسى جياڭحان يۇنيۇن اسحاناسىنىڭ قوجايىنى ليۋ چۋان، حۋنان جۇڭچۋ ادۆوكاتتار ءىس ورنىنىڭ كۋالىكتى ادۆوكاتى يىن حاۋميڭ سياقتى 10 نەگىزگى ساتى ۋاكىلى ىلگەرىندى - كەيىندى ءسوز سويلەپ، اۋىل - قىستاقتاردىڭ وقۋ - اعارتۋ ىستەرىن ويداعىداي جۇرگىزۋ، كاسىپ سالاسى ارقىلى كەدەيلەردى سۇيەمەلدەۋ سەرپىنىن ارتتىرۋ، شاعىن، ۇساق كاسىپورىنداردىڭ دامۋىن قولداۋ، اۋىل - قىستاقتى گۇلدەندىرۋ ستراتەگياسىن اتقارۋ، ت. ب جونىندە پىكىر بەرىپ، ۇسىنىس قويدى. شي جينپيڭ ءبىر - بىردەن باعا بەرىپ جانە جاۋاپ قايتارىپ، كوپشىلىكپەن ىشكەرىلەي پىكىرلەستى، ناق مايدان قىزۋ دا جالىندى بولدى.

  كوپشىلىكتىڭ ءسوزىن مۇقيات تىڭداعاننان كەيىن، شي جينپيڭ ماڭىزدى ءسوز سويلەدى. ول مىنالاردى ءبىلدىردى: بۇگىن ماجىلىسكە قاتىناسقان نەگىزگى ساتىداعى كادرلار مەن بۇقارانىڭ ۋاكىلدەرى ءارى اۋىل - قىستاق، الەۋمەتتىك اۋماق، كاسىپورىن سياقتى جاقتاردان، ءارى وقۋ - اعارتۋ، عىلىم - تەحنيكا، دەنساۋلىق ساقتاۋ، ساياسي - زاڭ سياقتى شەپتەن كەلىپ وتىر؛ ءارى ءار دارەجەلى پارتيا قۇرىلتايى ۋاكىلدەرى، حالىق قۇرىلتايىنىڭ ۋاكىلدەرى، ساياسي كەڭەستىڭ مۇشەلەرى، ەڭبەك وزاتتارى، كەدەيلەردى سۇيەمەلدەۋ كادرلارى بار، ءارى جاڭا قوعامدىق جىكتەردىڭ قايراتكەرلەرى، شارۋا جۇمىسكەرلەر، جەدەل جەتكىزۋشىلەر، تور دۇكەنىنىڭ قوجايىندارى سياقتىلار دا بار. كوپشىلىكتىڭ ءبارى رەفورمانىڭ، دامۋدىڭ جانە ءوندىرىستىڭ ءبىرىنشى شەبىندە تۇرىپ، ەكونوميكالىق، قوعامدىق تۇرمىسقا ەڭ تىكە ات سالىسىپ، بۇقارامەن ۇنەمى بايلانىس جاساعان، پارتيانىڭ لۋشيان، باعىت - ساياساتتارىنىڭ تياناقتانىپ، ونىمدىلىك كورسەتكەندىگىن ەڭ شىنايى سەزىنگەن، قويعان پىكىرلەر جانە ۇسىنىستارى نەگىزگى ساتىنىڭ ءىس جۇزىندىگىنە اناعۇرلىم جاناسادى، بۇقارانىڭ جۇرەك ءۇنىن جەتكىزدى. كوپشىلىكتىڭ قويعان پىكىر جانە ۇسىنىستارىن قاتىستى جاقتار مۇقيات زەرتتەۋ، تولىق قابىلداۋ كەرەك.

  شي جينپيڭ بىلاي دەپ اتاپ كورسەتتى: الدىڭعى ءبىر مەزگىلدە ءبىز ”14 - بەسجىلدىق“ جوبانى جاساۋ جونىندە ينتەرنەتتە پىكىر الۋ قيمىلىن ورىستەتتىك، قالىڭ كادر - بۇقارانىڭ نازار اۋدارۋ دەڭگەيى، ات سالىسۋ دەڭگەيى تۇگەلدەي وتە جوعارى بولدى، وتە كوپ پىكىر جانە ۇسىنىستار ورتاعا قويىلدى. ”14 - بەسجىلدىق“ جوباعا ۇسىنىس بەرۋدە وسى ماسەلەلەر جونىندە بەلسەنە جاۋاپ قايتارۋ كەرەك.

  شي جينپيڭ بىلاي دەپ باسا دارىپتەدى: كەزەكتەگى جانە الداعى ءبىر مەزگىلدە ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇرادى، دەسە دە، وراي مەن سىن - سايىستىڭ بارىندە تىڭ دامۋلار، وزگەرىستەر بولادى. ءبىز جاعدايعا عىلمي تالداۋ جاساپ، دامۋدىڭ ۇلكەن اۋقىمىن يگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، دامۋدىڭ جاقسى جاعدايىن قادىرلەپ، دامۋدىڭ جاقسى بەتالىسىن بەكەمدەپ، ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ اۋقىمىن جەدەل قالىپتاستىرۋىمىز كەرەك. ۇزاق ۋاقىتتان بەرى ءتۇرلى شۇعىل، قيىن، قاتەرلى، اۋىر مىندەت جانە حاۋىپ - قاتەر، سىن - سايىس الدىندا، قالىڭ حالىق بۇقاراسى قاشاندا تىلەكتەس، مۇراتتاس بولىپ، ءبىر جاعادان باس، ءبىر جەڭنەن قول شىعارىپ، قايراتتانا ەرلىكپەن كۇرەس جۇرگىزىپ، ەلەۋلى ۇلەس قوستى. پارتيا مەن مەملەكەت ىستەرىندە قول جەتكەن جەڭىستىڭ بارلىعى حالىقتىڭ جەڭىسى! حالىق ناعىز قاھارمان!

  شي جينپيڭ بىلاي دەپ اتاپ كورسەتتى: پارتيامىز − بۇكىل ىنتا - پەيىلىمەن حالىق ءۇشىن قىزمەت ىستەيتىن پارتيا، جالپى ءۇشىن پارتيا قۇرۋعا، حالىق ءۇشىن بيلىك جۇرگىزۋگە تاباندى بولىپ، حالىقتىڭ تاماشا تۇرمىسقا تالپىنىسىن باستان - اياق بۇلجىماس كۇرەس نىساناسى ەتەدى. ”14 - بەسجىلدىق“ مەزگىلىندەگى دامۋدى جوسپارلاۋدا حالىقتى وزەك ەتكەن دامۋ يدەياسىن دايەكتىلەندىرۋگە تاباندى بولىپ، دامۋدىڭ حالىق ءۇشىن بولۋىنا، دامۋ جەتىستىكتەرىنەن حالىقتى بىرگە يگىلىكتەندىرۋگە تاباندى بولىپ، جوعارى ساپالى دامۋدى ىلگەرىلەتۋ بارىسىندا حالىق تۇرمىسى ىستەرىن ويداعىداي ىستەۋگە، حالىق تۇرمىسى سالاسىنداعى ولقىلىقتاردى تولىقتاۋعا قۇلشىنۋ كەرەك. حالىق بۇقاراسى جاپپاي كوڭىل ءبولىپ، نازار اۋدارىپ وتىرعان حالىق تۇرمىسى ماسەلەلەرىنە ونان ارى نازاردى شوعىرلاندىرىپ، اناعۇرلىم باعىتتامالى شارالار قولدانىپ، ءبىر - بىرلەپ تياناقتاندىرۋدى يگەرىپ، جىلدان - جىلعا جالعاستىرا ىستەپ، حالىق بۇقاراسىنىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ اناعۇرلىم مىعىم بولۋىنا، اناعۇرلىم قامتاماسىز ەتىلۋىنە، اناعۇرلىم باياندى بولۋىنا مۇمكىندىك جاساۋ كەرەك.

  شي جينپيڭ بىلاي دەپ باسا دارىپتەدى: نەگىز بەكەم بولماسا، جەر قوزعالىپ، تاۋ شايقالادى. نەگىزگى ساتى پارتيا ۇيىمدارىن مىعىم ەتىپ قۇرىپ، نەگىزگى ساتى بيلىگىن ويداعىداي بەكەمدەگەندە عانا، جۇڭگوشا سوتسياليزمنىڭ ىرگەسى بەرىك بولادى. ”14 - بەسجىلدىق“ مەزگىلىندە نەگىزگى ساتىنىڭ نەگىزىن كۇشەيتۋ قىزمەتى، نەگىزگى ساتىنىڭ جونگە سالۋ قابىلەتىن جوعارىلاتۋ جاعىندا اناعۇرلىم كوپ كۇش سالۋ كەرەك. پارتيانىڭ اۋىل - قىستاق نەگىزگى ساتى قىزمەتىنە جالپى بەتتىك باسشىلىعىن كۇشەيتىپ جانە جاقسارتىپ، اۋىل - قىستاق نەگىزگى ساتى ۇيىمدارىنىڭ قۇرىلىس ساپاسىن جوعارىلاتىپ، اۋىل - قىستاقتى جاپپاي گۇلدەندىرۋگە پارمەندى ساياسي جانە ۇيىمدىق كەپىلدىك ازىرلەۋ كەرەك. نەگىزگى ساتىداعى قوعامدىق جونگە سالۋدى كۇشەيتىپ جانە وندا جاڭالىق اشىپ، جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى كەمەلدەندىرىپ، قالا مەن اۋىلداعى الەۋمەتتىك اۋماق قۇرىلىسىن كۇشەيتىپ، توركوزدەندىرىپ باسقارۋدى جانە قىزمەت وتەۋدى كۇشەيتىپ، قوعامدىق قايشىلىقتار مەن داۋ - شارلاردان كوپ نەگىزدى جولمەن ساقتانۋ، ونى جاراستىرۋ، شەشۋ كەشەندى مەحانيزمىن كەمەلدەندىرىپ، شىنايى تۇردە قايشىلىقتاردى نەگىزگى ساتىدا شەشىپ، قوعام ورنىقتىلىعىن ويداعىداي قورعاۋ كەرەك.

  شي جينپيڭ بىلاي دەپ اتاپ كورسەتتى: جاپپاي دوڭگەلەك داۋلەتتى قوعام ورناتۋ سوڭعى مارە ەمەس، قايتا جاڭا ءومىردىڭ، جاڭا كۇرەستىڭ باستاماسى. حالىق بۇقاراسىندا مول اقىل - پاراسات جانە شەكسىز جاسامپازدىق قۋات بار. قالىڭ نەگىزگى ساتى بۇقاراسىن ۇيىمداستىرىپ، جۇمىلدىرىپ، ۇيىستىرىپ، حالىق بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن تولىق قاۋلاتۋ كەرەك. پارتيا مۇشەلەرى، كادرلار اۆانگارد ۇلگىلىك رولدارىن تولىق ساۋلەلەندىرۋ، حالىق قۇرىلتايى ۋاكىلدەرى بۇقارامەن اناعۇرلىم تىعىز بايلانىس ورناتۋ، ساياسي كەڭەس مۇشەلەرى ءوز سالاسىنداعى بۇقارامەن اناعۇرلىم ويداعىداي بايلانىس ورناتۋ جانە ولارعا اناعۇرلىم ويداعىداي قىزمەت وتەۋ، اۋىل - قىستاقتاعى بايۋدىڭ باستاماشىلارى الدىمەن بايىعاندار سوڭعىلاردىڭ بايۋىنا كومەكتەسۋ رولىن اناعۇرلىم بەلسەندى تۇردە ساۋلەلەندىرۋ، قالىڭ نەگىزگى ساتى بۇقاراسىن اناعۇرلىم تاماشا جاڭا تۇرمىس جاراتۋ ءۇشىن قۇلشىنا كۇرەس جۇرگىزۋگە ىنتىماقتاستىرۋ، ۇيىستىرۋ كەرەك.

  شي جينپيڭ بىلاي دەپ باسا دارىپتەدى: سوتسياليستىك جۇڭگو دامىپ بۇگىنگە جەتكەندە، قول جەتكىزگەن جەتىستىكتەر اسپاننان تۇسە قالعان جوق، باسقا بىرەۋ ەسىركەپ بەرە سالعان دا ەمەس، ونى قالىڭ حالىق بۇقاراسى پارتيانىڭ باسشىلىعىندا قاجىرلى ەڭبەكپەن، اقىل - پاراساتپەن، جۇرەكتىلىكپەن ىستەپ بارلىققا كەلتىرگەن! ءبىر ميلليارد 400 ميلليون حالقى بار ءبىزدىڭ مەملەكەتىمىزدە ءار ادام ءبىر ۇلەس كۇش شىعارسا، جينالا كەلە تاۋ قوپارىپ، تەڭىز قوتاراتىن جويقىن كۇشكە اينالادى، ءار ادام ءبىر ءىستى تىندىرسا، ءبىر قىزمەتتى ويداعىداي اتقارسا، پارتيا مەن مەملەكەتتىڭ ىستەرى ءبىر قادام الدىعا ىلگەرىلەيدى. سىزدەر نەگىزگى ساتىدان جانە ءوندىرىستىڭ ءبىرىنشى شەبىنەن كەلىپ وتىرسىزدار، ءار سالا، ءار كاسىپتىڭ ۋاكىلىسىزدەر، مۇرات - سەنىمدى بەكەمدەپ، ۇيرەنۋگە، دەڭگەيدى وسىرۋگە ءمان بەرىپ، بەلدى بەكەم بۋىپ قاجىرلىلىقپەن كۇرەس جۇرگىزىپ، بىرتەلەي ىستەپ، كىشى - گىرىم ىستەردى ۇلكەن ءىس رەتىندە ىستەپ، ىستەپ جاتقان ىستەرىڭىزدى تاباندىلىقپەن ويداعىداي تىندىرىپ، ەڭبەكشىل قوس قولدارىڭىزبەن وزدەرىڭىزگە ءتان ءومىر كەلبەتىن تۇلعالاپ، باقىتتى ءومىرىمىز بەن جارقىن بولاشاعىمىزدى بىرگە جاراتۋلارىڭىز كەرەك.

  ديڭ شۋەشياڭ، ليۋ حى، چىن شي، حى ليفىڭ اڭگىمە ماجىلىسكە قاتىناستى.

  ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، حۋنان ولكەسىنىڭ جاۋاپتى جولداستارى جانە ءار جاقتاعى نەگىزگى ساتى ۋاكىلدەرى، ت.ب اڭگىمە ماجىلىسكە قاتىناستى.

جاۋاپتى رەداكتور: نۇربولات قابىل


كەلۋ قاينارى: http://www.elarna.net/koru.php?tur=65&id=1264237

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


باس ءمۇفتي ءىح رەسپۋبلي 3 مينوت
شقو-دا 1047 كوپبالالى ج 3 مينوت
الدىڭعى 3 توقساندا ەلىم 3 مينوت
«استانا» مينيمالدى ەسەپ 3 مينوت
شقو-دا 100 شاقىرىمنان ا 6 مينوت
ءدارى تاپشىلىعى بولمايد 13 مينوت
التاي كولگىنوۆ ەلوردالى 13 مينوت
كوروناۆيرۋستىڭ ەكىنشى ت 15 مينوت
«ورىندالماس ارمان» تەلە 24 مينوت
سقو-دا كەڭەس كەزىنەن قا 30 مينوت
الەمدە كوروناۆيرۋسقا شا 1 ساعات
10-ايدىڭ 21-كۇنى جاڭادا 1 ساعات
بەك نۇرماعانبەت تانزاني 1 ساعات
توقاەۆ وڭتۇستىك كورەيا 1 ساعات
ەلوردادا جالعان ديپلوما 1 ساعات
پرەمەر-ليگا: «قايرات» پ 1 ساعات
ماڭعىستاۋ وبلىسىندا جاب 1 ساعات
ساقتانساڭ – ساۋ بولارسى 1 ساعات
وڭتۇستىك كورەيا قازاقست 1 ساعات
كارانتين: شقو-دا قازان 1 ساعات
كاسىپتەنۋ ورنىقتى بولىپ 1 ساعات
پرەزيدەنتتىك كلۋب پرەزي 1 ساعات
"كارانتين جاقىنىڭا 1 ساعات
ءماسليحات قۇرامىندا ناز 1 ساعات
4 وڭىرگە ارنالعان قويما 1 ساعات
شىۇ+ حالىقارالىق پارتيا 1 ساعات
سۇيىتىلعان مۇناي گازىنى 1 ساعات
باس ءمۇفتي ءىح رەسپۋبلي 1 ساعات
ەلوردا كوللەدجدەرىنىڭ پ 1 ساعات
«سق-فارماتسيا» قويماسىن 1 ساعات