ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-171587416432 %68 %
2019-10-181098330835 %65 %
2019-10-19000 %100 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ىلە ايماعى اقپاراتتارى

جولدانعان ۋاقىتى: 13:20 - 2018/12/17

داۋىستاپ وقىعان ءۇن ەڭ جاعىمدى دىبىسقا اينالدى

 

 ءتىلشىمىز جاۋ شييا 

    11 - ايدىڭ 25 - كۇنى كونەءشار اۋدانى سايباق اۋىلى جوعارعى كاپا قىستاعىندا اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ مۇشەلەرى شاعىن ساباقحانا اشىپ، قىستاق تۇرعىندارىنا مەملەكەتتە ءبىر تۇتاس قولدانىلاتىن ءتىل - جازۋدى ۇيرەتتى.

سۋرەتتى ءتىلشىمىز شيە لۇڭ تۇسىرگەن



    «سالەمەتسىز بە»، «قايىرلى تاڭ»، ءار كۇنى تاڭەرتەڭ حوتان اۋدانى باقچى قالاشىعى جوعارعى باقچى قىستاعىنىڭ تۇرعىندارى پۋتۇڭحۋامەن ءوزارا امانداسادى. اۋىل اراسىنداعى جولداردا، بالاباقشاعا بارا جاتقان بالالار دا جولدا كەزىگە قالعان ادامدارعا ولشەمدى پۋتۇڭحۋامەن قيىلا سالەمدەسەدى. قازىرگى تاڭدا، وڭتۇستىك شينجياڭدا مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋ قاۋىرت ستيلگە اينالىپ، شارۋالار كەشكى مەكتەبىنىڭ ساباقحاناسىنداعى داۋىستاپ وقىعان ۇندەر تىنىش قىس كەشىندە ەڭ جاعىمدى دىبىسقا اينالدى.

    كەشكى مەكتەپ ءىشى - سىرتىنداعى «ءبىلىم تولىقتىرۋ» قاربالاستىعى

    11 - ايدىڭ 25 - كۇنى تاڭەرتەڭ ەرتە قاشقار قالاسى داۋلەتباق اۋىلى جاركولباسى قىستاعىنىڭ تۇرعىنى قيۇم مامەت ساۋدا دۇكەنىنىڭ ەسىگىن اشىپ، دىبىس ساندىعىنىڭ كنوپكاسىن باستى، «سالەمەتسىز بە! بىردەڭە قاجەت پە؟»، «قازىر جۇمىسىم بار، كەلەسى جولى سويلەسەيىك». دىبىس ساندىعىنان ءبىر سويلەم ءسوز پۋتۇڭحۋامەن جانە ۇيعۇرشا اۋدارماسىمەن ايتىلىپ جاتتى، قيۇم تازالىق ىستەي ءجۇرىپ، ريتىممەن ىلەسە وقىپ، ءبىر كۇنگى تۇرمىسىن باستادى.

    «كۇندىز قولىم تيگەندە ءبىراز ۇيرەنىپ، جازىپ جاتتىعامىن، كەشتە كەشكى مەكتەپتە وقىتۋشى ۇيرەتەدى». مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋدەن العان اسەرىن ايتقان 43 جاستاعى قيۇم جانىنداعى شاعىن اق تاقتاعا رەتتى جازىلعان جازۋلاردى ۇيالا نۇسقادى.

    قيۇم بۇرىن جەرگىلىكتى توقىماشىلىق زاۆودىنىڭ جۇمىسشىسى بولاتىن، 2014 - جىلدان باستاپ وسى ساۋدا دۇكەنىن جۇرگىزە باستاپتى. «حانزۋ دوستار ۇنەمى كەلىپ زات الىپ تۇرادى، كەيدە جارتى كۇن ىمداسادا، مەن ولاردىڭ نە العالى تۇرعاندارىن بىلە المايتىنمىن». قيۇم مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋدىڭ ماڭىزدىلىعىن تانىپ جەتەدى. 2016 - جىلى قىستاقتا شارۋالاردىڭ كەشكى مەكتەبى اشىلعاندا، ول ءبىرىنشى بولىپ تىزىمدەلىپ، 500دەن استام قىستاق تۇرعىنىمەن بىرگە ساباقحاناعا قايتا كىردى. «e ,o ,a» دەن باستاپ ۇيرەنىپ، ءبىر ءارىپ، ءبىر ءارىپ، ءبىر ءسوز، ءبىر سوزدەن ىلەسىپ وقي باستادى.

    كەشكى مەكتەپتەگى ۇيرەنۋدەن ءشولىن قاندىرا الماعان قيۇم بيىل 9 - ايدا ساباقحانانى ساۋدا دۇكەنىنە كوشىرىپ اكەلىپتى. ول مەملەكەتتە ءبىر تۇتاس قولدانىلاتىن ءتىل - جازۋدىڭ دىبىس - جازبا ۇيرەنۋ ماتەريالدارىن تاۋىپ، ساۋدا دۇكەنىنىڭ ءبىر بۇرىشىنا كىشكەنتاي اق تاقتاي ءىلىپ، جازىپ جاتتىعادى. ونىڭ ۇيرەنۋگە ەرەكشە ىنتالى ەكەنىن كورگەن كەيبىر الارماندار ىرىقتى تۇردە ونىڭ دۇرىس دىبىستاۋىنا، سىزىق ءتارتىبى بويىنشا جازۋىنا كومەكتەسسە، كەيبىرەۋلەر وتىرا قالىپ، ونىمەن بىرگە ۇيرەنەدى.

    «پۋتۇڭحۋانى جاقسى ۇيرەنگەن سوڭ، ىشكى ولكەلەردەن زات كىرگىزۋ ءتىپتى قولايلى بولدى. كەلەر جىلى تاعى كەلشى، مەنىڭ دۇكەنىم، ءسوز جوق، بۇدان دا ۇلكەن بولادى!». سۇحبات اياقتاعان سوڭ، قيۇم تىلشىمەن قول ۇستاسىپ، ۋادە بايلاستى.


    قىستىڭ تۇنىندە اياز بەتتى قارىعانىمەن، قىستاق تۇرعىندارىنىڭ مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋ ىنتاسىنا اسەر ەتە المادى. 11 - ايدىڭ 25 - كۇنى كەشكى ساعات 10دا، كونەشار اۋدانى زەمىن اۋىلى بوستان قىستاعىنداعى شارۋالار كەشكى مەكتەبىندە ءارىپ تانۋ، ىلەسىپ وقۋ، جاعدايات بويىنشا ديالوگ جۇرگىزۋ، ويىن ارقىلى ىقپالداستىق جاساسۋ سياقتى ساباق وقىتۋ تاسىلدەرى قىستاق تۇرعىندارىنىڭ ۇيرەنۋ قىزعىندىلىعىن وياتتى.

    «وقۋشى كەزىمىزدە جاقسى وقىماپتىق، قازىر سول كەزدە كەم قالعان بىلىمدەردى تولىقتاپ الساق دەيمىز، ءبىز تاعى پارتيانىڭ حالىققا ءتيىمدى ساياساتتارىن ءبىلىپ، زاڭ ەرەجەلەر ۇيرەنەمىز. قايسى جولمەن ءجۇرۋ جايلى جۇرەگىمىزدە باعىت ايقىندالا ءتۇستى». قىستاق تۇرعىنى تۇرسىن كەرىم ساقا پارتيا مۇشەسى ەكەن، ول: مەملەكەتتە ءبىر تۇتاس قولدانىلاتىن ءتىل - جازۋدى جاقسى ۇيرەنىپ السام، پارتيا 19 - قۇرىلتايىنىڭ رۋحىن مىڭداعان، ون مىڭداعان وتباسىلارىنا جەتكىزە الامىن، جۇرەك ءسوزىمدى پۋتۇڭحۋامەن جەتكىزىپ، ءار ۇلت قىستاق تۇرعىندارىنىڭ پارتياعا العىس ايتۋىنا، پارتيانىڭ سوزىنە قۇلاق اسۋىنا، پارتياعا ىلەسۋىنە مۇمكىندىك جاساي الامىن، - دەيدى.

    پۋتۇڭحۋانى جاقسى ۇيرەنىپ، بايۋ جولىن اشتى

    قاراقاش اۋدانى بۇرشاقشى اۋىلى بازاربويى قىستاعىنداعى 26 جاستاعى ءانۋارجان ەركىن تاپقىر جىگىت. ويى ۇشقىر، پۋتۇڭحۋانى دا تاماشا سويلەيتىن ول قىستاق تۇرعىندارىن كەدەيلىكتەن ارىلىپ، بىرگە بايۋ جولىنا تۇسۋگە باستادى.

    ءانۋارجان تۇرعان بازاربويى قىستاعى اۆتونوميالى رايوننىڭ اۋىر كەدەي قىستاعى، كەدەي حالىق %20ىن ۇستايدى، جان باسىنا شاققانداعى ەگىستىك جەر كولەمى 0.5 مۋعا جەتپەيدى، ماقتا، ءبيداي سياقتى داقىل ەگۋدى نەگىز ەتەدى.

    «كەدەيلىكتەن ارىلۋ ءۇشىن، ەڭ الدىمەن، ميدى <بايىتۋ> كەرەك». 2016 - جىلى ءانۋارجان اۆتوماتتى كورپە تىگۋ ماشيناسىن جانە ماقتا ءتۇتۋ ماشيناسىن ساتاتىن انحۇيلىق ءبىر ساۋداگەرمەن تانىسادى. «مەنىڭ پۋتۇڭحۋانى جاقسى سويلەيتىنىمدى ءارى جاس ەكەنىمدى كورىپ، ول شينجياڭ بازارىنداعى ساتۋ وكىلدىك ۇقىعىن ماعان بەرۋدى ءجون كوردى». سول جىلى 10 - ايدا ءانۋارجان قاراقاش اۋدانىندا تۇڭعىش اۆتوماتتى كورپە تىگۋ ماشيناسىن ساتتى. كىسىگە ادال، ساتۋدان كەيىنگى قىزمەت كورسەتۋى دە جاقسى بولعاندىقتان، تاپسىرىستار ءانۋارجانعا قاراي ءۇستى - ۇستىنە كەلىپ تۇسەدى. ساتۋ تاجىريبەسىنىڭ ۇزدىكسىز مولايۋىنا ساي، ءانۋارجاننىڭ وي ءورىسى اشىلادى، ناتيجەدە ول نازارىن ينتەرنەتتە ساتۋعا اۋدارادى.

    «قىستاعىمىزداعى ەرەكشە اۋىل شارۋاشىلىعى ونىمدەرى نە ءۇشىن ساتىلماي قالادى؟ ىشكى ولكەلەرگە اپارساق، ءسوز جوق، جاقسى باعامەن ساتىلار ەدى». بيىل 4 - ايدىڭ 13 - كۇنى «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ كومەگىندە ءانۋارجان قاراقاش اۋدانى نۋانشينچۇن ساۋدا شەكتى سەرىكتەستىگىن اشتى. قازىر ول قىستاقتان ساتىپ العان 100 توننادان استام جاڭعاق پەن شىلاندى چىڭدۋ، حاڭجوۋ سياقتى جەرلەردەن ينتەرنەتتە تاپسىرىس بەرگەن كاسىپورىندارعا جونەلتۋدىڭ قامىندا.


    «پۋتۇڭحۋانى سويلەي الاتىندىعىم سەبەپتى ىشكى ولكەلەردەگى دوستارمەن پىكىرلەسە الاتىن بولدىم ءارى ولاردان ساۋدا جاساۋدىڭ كوپتەگەن جولدارىن ۇيرەندىم. ولار مەنى كەلەر جىلى ىشكى ولكەگە بارىپ، بازارلاردى تەكسەرىپ، سىرتقى دۇنيەنى كورىپ قايتۋعا شاقىردى». ىشكى ولكەدەگى ساۋداگەرلەرمەن ارالاسقان بىرنەشە جىلدا، ءانۋارجاننىڭ پۋتۇڭحۋاسى بارعان سايىن جاقسارىپ، پينيىنمەن ءارىپ باسۋ جىلدامدىعى بارعان سايىن تەزدەي ءتۇسىپتى.

    ءانۋارجان سياقتى پۋتۇڭحۋا بىلگەندىكتەن تەحنيكا ءتىلىن يگەرگەن قاشقار قالاسى جاڭاوستەڭ اۋىلى يىڭنەقاش قىستاعىنىڭ تۇرعىنى گۇلبوستان روزىنىڭ ءومىر جولى وزگەردى.

    «شيكىزاتتى مىنا جەردە دورباعا سالامىز، ونان سوڭ ەگىپ، جوعارى تەمپەراتۋرادا اشىتامىز، ساڭىراۋقۇلاق جىپشەسى 10 كۇن مولشەرىندە اعارادى، سونان سوڭ ونى جىلىجايعا ەنگىزۋگە بولادى». 11 - ايدىڭ 28 - كۇنى. قىزىل ءتۇستى جۇمىس كيىمىن كيگەن، شاشىن توبەسىنە ءتۇيىپ العان گۇلبوستاننان كاسىپتىك ايەل زاتىنىڭ جيناقى ىسكەرلىگى اڭعارىلادى. ساڭىراۋقۇلاق ەگۋ تەحنيكاسىن تانىستىرعاندا، گۇلبوستان مامان بولىپ شىعا كەلەدى، ءبىر جىلدىڭ الدىندا عانا ول وت باسى، وشاق قاسىنان ۇزاماعان وتباسى ايەلى بولاتىن.

    بيىل قىستاق تۇرعىندارىنىڭ كەدەيلىكتەن ارىلىپ، بايۋ جولىنا ءتۇسۋ قادامىن جەدەلدەتۋ ءۇشىن، شينجياڭ قارجى قوسۋ - دامىتۋ (توبى) شەكتى سەرىكتەستىگىنىڭ قاشقار قالاسى جاڭاوستەڭ اۋىلى يىڭنەقاش قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى قىستاقتان ساڭىراۋقۇلاق زاۆودىن سالدى. مەملەكەتتە ءبىر تۇتاس قولدانىلاتىن ءتىل - جازۋدى بىلەتىندىكتەن، گۇلبوستان الدىمەن جۇمىسقا الىنادى. 3 اي تاربيەلەنۋدەن كەيىن، ول تەحنيك بولىپ، ومىرىندەگى تۇڭعىش قىزمەتكە يە بولادى.

    «كۇيەۋىم اۋىلدا اسپاز، ەكەۋىمىزدىڭ ايلىق كىرىسىمىز 5000 يۋان. پارتيانىڭ ساياساتى قانداي جاقسى، ءبىزدىڭ تۇرمىسىمىز كۇن سايىن جاقسارىپ كەلەدى». بولاشاققا گۇلبوستان تولىق ءۇمىت ارتادى. شينجياڭ قارجى قوسۋ - دامىتۋ (توبى) شەكتى سەرىكتەستىگىنىڭ يىڭنەقاش قىستاعىندا تۇراتىن قىزمەت اترەتىنىڭ باستىعى ليۋ يۋانشيننىڭ تانىستىرۋىنشا، جاقىنعى جىلداردان بەرى، كورشىلەس قىستاقتاردا ىركەس - تىركەس سەرىك زاۆودتار قۇرىلىپ، قىستاق تۇرعىندارى ءۇشىن، اسىرەسە، كەدەي وتباسىلار ءۇشىن جۇمىس ورايىن جاراتقان. مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋدىڭ ماڭىزدىلىعىن تانىعان قىستاق تۇرعىندارى بارعان سايىن كوبەيىپ، ءار كۇنگى كەشكى مەكتەپتە ساباق باستالماي جاتىپ ساباقحاناعا ادام تولىپ الاتىن بولىپتى.

    جۇڭحۋانىڭ تاڭداۋلى ءداستۇرلى مادەنيەتىنىڭ تۇقىمىن سەپتى

    «الىستاعى كوشە شامدارى جانىپ، جارىق شاشتى سانسىز جارىق جۇلدىزداي. اسپاندا جۇلدىزدار جامىرادى، سانسىز كوشە شامدارىن جاندىرعانداي...». 11 - ايدىڭ 27 - كۇنى كونەشار اۋدانى توققىزاق قالاشىعىنىڭ سەنترلى باستاۋىش مەكتەبىنىڭ مۋزيكا ساباقحاناسىندا جەڭىل مۋزيكا ءۇنى ىشىندە بالالار گومورونىڭ «اسپانداعى كوشە» ولەڭىنە اناعۇرلىم كوركەم ولەڭدىك ءار بەردى.


    ءبىر جاقتا، گۋاڭدۇڭنان شينجياڭعا كومەككە كەلگەن وقىتۋشى ما شاۋفاڭ تاكىت قاعىپ وتىرىپ، وقۋشىلارعا ميميكا وزگەرىسىنە ءمان بەرۋدى ەسكەرتىپ وتىردى. «ءبىز مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋدى مەكتەپتىڭ مادەنيەت قيمىلىمەن بىرلەستىرىپ، جۇڭحۋانىڭ تاڭداۋلى ءداستۇرلى مادەنيەتىنىڭ تۇقىمىن بالالاردىڭ جۇرەگىنە سەۋىپ، ولاردىڭ وتانشىلدىق سۇيىسپەنشىلىكتەرىن كۇشەيتەمىز». ما شاۋفاڭنىڭ ايتۋىنشا، كلاسسيكالىق كوركەم شىعارمالاردى داۋىستاپ وقۋدان سىرت، مەكتەپ حاتكەرلىك، تاقپاق، شيچۇي سياقتى وننان استام الەۋمەتتىك توپ قۇرىپ، مەملەكەتتە ءبىر تۇتاس قولدانىلاتىن ءتىل - جازۋ وقىتۋىن تەرەڭدەتىپ، جۇڭحۋا ۇلتى ورتاق تۇلعا تانىمىن بەرىك ورناتتى.

    2014 - جىلى 4 - ايدىڭ 28 - كۇنى باس شۋجي شي جينپيڭ شينجياڭعا كەلىپ قىزمەت تەكسەرگەن كەزدە، كونەشار اۋدانى توققىزاق قالاشىعى سەنترلى باستاۋىش مەكتەبىنە كەلىپ، وقىتۋشى - وقۋشىلارعا امانداسىپ، قوس ءتىل وقىتۋىنىڭ جاعدايىمەن تانىستى.

 سونان بەرى 4 جىلدان استام ۋاقىت ءوتتى، پارتيا مەن ۇكىمەتتىڭ كوڭىل بولۋىندە جانە قامقورلىق كورسەتۋىندە، قازىر توققىزاق قالاشىعى سەنترلى باستاۋىش مەكتەبى مەملەكەتتىڭ مىندەتتى وقۋ - اعارتۋ مەكتەبىنىڭ جابدىقتاۋ ولشەمىنە جەتىپ قالماستان، وتانشىلدىق تاربيە بازاسىنا جانە قوس ءتىل وقىتۋىنان ۇلگى كورسەتۋشى باستاۋىش مەكتەپكە اينالىپ، وقىتۋشىلاردىڭ ولشەمگە جەتۋ مولشەرى %100كە جەتىپ، وقۋ - وقىتۋ ساپاسى جەدەل جوعارىلاپ، وسىنداعى ءار بالا مەملەكەتتىڭ قوس ءتىل وقۋ - اعارتۋىن دامىتۋدى ىلگەرىلەتۋىنىڭ ەڭ تىكە پايداسىن كورۋشىلەرگە اينالدى. 2014 - جىلدان قازىرگە دەيىن، اتالعان مەكتەپتەن 162 بالا شينجياڭ ىشىندەگى ورتالاۋ كلاستارىنا ەمتيحان بەرىپ ءوتتى.

    جۇڭحۋانىڭ تاڭداۋلى ءداستۇرلى مادەنيەتىنىڭ حيكىمەتى مەملەكەتتە ءبىر تۇتاس قولدانىلاتىن ءتىل - جازۋدى جالپىلاستىرۋمەن جانە ۇيرەنۋمەن بىرگە، شينجياڭداعى ءار ۇلت بۇقاراسىنىڭ جۇرەگىنە ءنار بەرۋدە.

    11 - ايدىڭ 25 - كۇنى قاشقار قالاسى داۋلەتباق اۋىلى جاركولباسى قىستاعى مادەنيەت قيمىلى اپتالىعىندا ءار ۇلت قىستاق تۇرعىندارى ءبىر اراعا باس قوسىپ، پۋتۇڭحۋامەن جيڭجۇيدى شىرقاپ، قىزىل اندەر ايتىپ جارىسىپ، كلاسسيىك شىعارمالاردى داۋىستاپ وقىدى، قيمىل دۋماندى بەينەدە ءوتىپ، كىسىنى جەلپىندىردى.

    جۋىقتا قىستاق تۇرعىنى ابدىكەرىم قادىردىڭ «جاراسىمدى قاشقار»، «وتان جۇرەگىمدە» سياقتى حاتكەرلىك تۋىندىلارىن قىستاق كادرلارى اشەكەيلەپ، مادەنيەت قيمىل ۇيىنە ءىلىپ قويدى. «ءار كورگەن سايىن ىشتەي قاتتى تەبىرەنىپ، ەرەكشە ماقتانىش ەتەمىن! حاتكەرلىك ەلىمىزدىڭ مادەنيەت جاۋھارىنىڭ ءبىرى، ونى ويداعىداي جالعاستىرۋدا ءار جۇڭگولىقتىڭ جاۋاپكەرشىلىگى جانە بورىشى بار»، - دەيدى ابدىكەرىم.


جاۋاپتى رەداكتور: گۇلدەن ماقسات قىزى

كەلۋ قاينارى: http://www.elarna.net/koru.php?tur=62&id=918273

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


باس مەشىتتەگى قايىرىمدى 9 مينوت
ماڭعىستاۋعا جاڭا وكىل ي 24 مينوت
中国哈萨克语广播网 24 مينوت
وسى ارانى باسىپ كورىڭىز 24 مينوت
قىتايلىق تاۋار تيەلگەن 1 ساعات
قىزىلوردالىق جىگىتتەر ۇ 1 ساعات
اتىراۋعا جاڭا وكىل يمام 1 ساعات
قالامگەرلەر سايىسىنىڭ ك 1 ساعات
كاتالونيادا ەرەۋىلگە قا 1 ساعات
دەمالىس كۇندەرى ەلورداد 1 ساعات
اقش سيرياداعى كۇردتەردى 1 ساعات
中国哈萨克语广播网 1 ساعات
قاراعاندىدا اۆتوبۋس اۋد 1 ساعات
سەمەي وڭىرىنە جاڭا وكىل 1 ساعات
قاراعاندىدا جولاۋشىلار 1 ساعات
رايىمبەك ساتىبالدى feat 1 ساعات
中国哈萨克语广播网 1 ساعات
اقمولا وبلىسى ەلدەگى قۇ 1 ساعات
قىزىلورداداعى كوپ سالال 2 ساعات
جامبىلدا «جومارت جۇرەك» 2 ساعات
KeshYou - Hosh endi ءبى 2 ساعات
اقتاۋداعى داعدارىس ورتا 2 ساعات
تسۋكەربەرگ: Facebook سا 2 ساعات
اللانىڭ كوركەم ەسىمدەرى 2 ساعات
中国哈萨克语广播网 2 ساعات
الماتىدا قىزىمەن بىرگە 2 ساعات
اقتوبەلىك وتباسىلاردا ق 2 ساعات
نازارباەۆ 1 ناۋرىزعا دە 2 ساعات
وسى ارانى باسىپ كورىڭىز 2 ساعات
اۋديوكاسسەتالار قايتا و 2 ساعات