ءتۇرى: Ult.kz ۇلىت تورابى
جولدانعان ۋاقىتى: 01:50 - 2021/02/24
اقمولا وبلىسىندا ۆاكتسينانىڭ ەكىنشى كومپونەنتىن 200-گە جۋىق مەديتسينا قىزمەتكەرى الدى، دەپ حابارلايدى "ۇلت اقپارات".
«QazCovid-In» ەكىنشى ۆاكتسيناسى – قاراعاندى فارماتسەۆتيكالىق زاۋىتىنىڭ ءونىمى. رەسەيلىك «سپۋتنيك V» ۆاكتسيناسىنان ايىرماشىلىعى تەك اتاۋىندا عانا، وزگە ايىرماشىلىعى جوق. ءار قۇتىدا بەس ادامعا ارنالعان دوزا بار»، - دەيدى اقمولا وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ناريمان سىزدىقوۆ.
باسقارما باسشىسىنىڭ ايتۋىنشا، بۇگىنگى تاڭدا اقمولالىق دارىگەرلەرگە ەلىمىزدە وندىرىلگەن ۆاكتسينانىڭ ەكىنشى دوزاسىن سالۋ جۇمىستارى جۇرگىزىلۋدە.
«وبلىسىمىزدا ۆاكتسينانىڭ ەكىنشى كومپونەنتى 200-گە جۋىق مەديتسينا قىزمەتكەرىنە سالىندى. تاعى 1300 ادامعا ەكىنشى كومپونەنتىن الىپ، ۆاكيتسينالاۋدىڭ تولىق ساتىسىنان وتكىزىلەدى. بۇدان بولەك، ءبىرىنشى كەزەڭى بويىنشا پەداگوگتارعا جانە كۇش قۇرىلىمدارىنىڭ قىزمەتكەرلەرىنە ۆاكتسينا سالۋ جۇمىستارى قاتار جۇرگىزىلۋدە»، – دەپ تولىقتىردى ناريمان سىزدىقوۆ.
ايتا كەتەيىك، اقمولا وبلىسىندا ۆاكتسينا سالۋ جۇمىسى 24 ەگۋ پۋنكتىندە جۇرگىزىلۋدە. كەيىنىرەك تاعى ەگۋ كابينەتتەرى مەن كوشپەلى بريگادالاردى ىسكە قوسۋ جوسپارلانۋدا. 1104 مەديتسينا قىزمەتكەرى جۇمىسقا تارتىلىپ، دايىندالدى.
