بۇل تۋرالى ەلوردادا پرەزيدەنت جانىنداعى ورتالىق كوممۋنيكاتسيالار قىزمەتىندە تىكەلەي ەفيردە وتكەن بريفينگتە قازاقستان مۇسىلماندارى ءدىني باسقارماسىنىڭ ءتوراعاسى ناۋرىزباي قاجى تاعانۇلى مالىمدەدى.

باس ءمۇفتي قمدب رامازان ايىندا ايتىلاتىن ۋاعىز-ناسيحات، سۇراق-جاۋاپ جۇمىستارىن ونلاين رەجيمدە جۇرگىزۋدى جالعاستىراتىنىن، قۇران حاتىم جاساۋ راسىمدەرى دە قاشىقتان وقىلاتىنىن حابارلادى.

ء

«بىز رامازاندا ءبىر اي بويى جالعاساتىن ءدىني دارىستەردىڭ، قاسيەتتى ءقادىر كەشىنىڭ، ۇلىق مەيرام – ورازا ايتتىڭ ونلاين باعدارلاماسىن دايىنداپ قويدىق. ينتەرنەت جەلىسى ارقىلى سۇراققا جاۋاپ الىپ، ونلاين ناسيحات تىڭداپ، ۇيدەن شىقپاي ساۋاپتى امالدارعا ورتاقتاسۋعا بولادى. ءبىز قازىرگى جاعدايدى ەسكەرىپ، وتكەن جىلى جۇزەگە اسىرعان جوبامىز بويىنشا ءپىتىر ساداقاسى مەن زەكەتتى ونلاين رەجيمدە بەرۋدىڭ وڭتايلى جولىن تاعى ۇسىنىپ وتىرمىز»، - دەدى ناۋرىزباي قاجى تاعانۇلى.

دەرەككوز: قمدب ءباسپاسوز قىزمەتى