ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-191340442541 %59 %
2019-09-2010832600477 %23 %
2019-09-21667272339 %61 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: Muslim.kz ماقالالارى

جولدانعان ۋاقىتى: 15:00 - 2019/08/19




نامازىن ايالاعىسى كەلەتىن، ەڭ ۇلى قۇلشىلىقتىڭ ءوزىن تاستاپ كەتۋىنەن قورقاتىن مۇسىلمان باۋىرلارىمىز ءۇشىن پايدالى كەڭەستەر:

كۇنادان تىيىلۋ.

كۇنا ادامدى تاعات-عيباداتتاردان ماقرۇم ەتەدى. جۇرەكتى ولتىرەدى. كۇنا ارتقان سايىن ونىڭ قارسىسىنداعى تاعات-عيباداتتار كەمي بەرەدى. پەندە ناماز وقىعانداعى، قۇران وقىعانداعى ءلاززاتتارىنان اجىرايدى. يماننىڭ تاتتىلىگىن جوعالتا باستايدى. نامازدا راببىسىنان بولعان قورقىنىشتاردى جوعالتادى. جۇرەگى قاتايىپ، كوزىنەن جاس تامبايتىن بولادى. ال، ادام كۇنادان الىستاسا بۇل نارسەلەر كەرىسىنشە بولادى. كىم تاعات-عيباداتقا بەرىلىپ، حارام ىستەردەن تىيىلا باستاسا، اللا ونى تارك ەتكەن نارسەسىنەن دە ارتىقشا نارسەگە جولىقتىرىپ، ونى يمان لاززاتتارىمەن، عيبادات لاززاتتارىمەن باقىتتى ەتىپ قويادى.

ساليحالى ادامدارمەن جولداس بولۋ، اللا ەسكە الىناتىن ماجىلىستەرگە قاتىسۋ.

پايعامبارىمىز (س.ع.س.):«ادامنىڭ جاقسى دوسى قاي دىندە بولسا، ول دا سول دىندە بولعانى، سوندىقتان، ادام دوستاسايىن دەپ جاتقان ادامىنا مۇقيات زەر سالسىن»،[1]– دەگەن. ورتا – ادامنىڭ جۇرەگىنە، تاربيەسىنە، مىنەز-قۇلقىنا اسەر ەتەدى. اللا ەسكە الىناتىن ورتالار، ۇنەمى كوركەم ناسيحات ايتاتىن ادامدار ءسىزدىڭ يمانىڭىزدىڭ كۇشەيۋىنە، ءبىلىمىڭىزدىڭ ارتۋىنا سەبەپ بولادى. مۇنداي ورتادان شايتاندار دا الىس بولادى. قۇلشىلىقتا وزىڭىزدەن جوعارىلارعا قاراپ، العا قاراي ۇمتىلاسىز. حاديستە:«جاقسى دوس پەن جامان دوستىڭ مىسالى ءاتىر ساتۋشى مەن كورىك باسۋشى سەكىلدى. ءاتىر ساتۋشى ساعان ءاتىرىن سىيعا بەرەدى نەمەسە ودان ءاتىر ساتىپ الاسىڭ نەمەسە جاقسى يىستە بولاسىڭ. ال، كورىك باسۋشىنىڭ قاسىندا نە كيىمىڭدى كۇيدىرەسىڭ، نە ساسىق يىستە بولاسىڭ»،[2]دەلىنگەن.

ياعني، جاقسى ورتادا وتىرعان ادام بويىنا تەك جاقسىلىقتاردى جيناپ شىعادى. ال جامان ورتا يمانىنا كەرى اسەرىن تيگىزەدى. يسلامداعى باۋىرلاستىق – ءبىر اللاعا قۇلشىلىق ەتۋدەن كەيىن اتالاتىن ۇلكەن عيبادات. اللا رازىلىعى ءۇشىن جاقسى كورەتىن باۋىرلارىڭىزدىڭ بولۋىنا كوڭىل قويا باستاڭىز. باۋىرلاستىق بولسا ءدىن وسەدى.

نامازدى تاستاماۋعا تىرىسۋ.

«بارىبىر قازا بولادى» دەپ قول سىلتەي سالماي، سوڭعى مۇمكىندىك قالعانشا دەر كەزىندە وقۋعا تىرىسۋ، ۇلگەرمەسەڭىز ۋايىمداۋ، ءوزىڭدى كىنالاۋ، جەگىدەي جەۋ، نەمقۇرايلىلىق تانىتپاۋ – ناماز وقىلماي قالعاندا جۇرەگى سەلت ەتپەيتىندەي كۇيگە ۇشىراماۋعا مۇمكىندىك بەرەدى. شاريعات نامازدى سەبەپسىز وقىماۋعا رۇقسات ەتپەيدى. سەبەپ دەگەنىمىز – مۇمكىندىك بولماي قالعاندا وقىماي قويۋ ەمەس. ءبىزدىڭ باراتىن توي-جيىندارىمىز، قىزمەتىمىز، ءتۇرلى كەزدەسۋلەر – نامازدى قازا قىلۋعا سەبەپ بولا المايدى. تىرىسقان ادامعا اللا تاعالا مۇمكىندىكتى بەرىپ قويادى. حاديستە:«كىم ءبىر نامازدىۇمىتسا نەۇيىقتاپ قالسا،ەسىنە تۇسكەن كەزدە وقىسىن. ونىڭباسقاوتەۋى جوق»،[3]دەلىنگەن. ياعني، تەك ەكى جاعداي عانا كورسەتىلگەن.

يسلام ءسىزدىڭ نەمەسە ءبىزدىڭ ويىمىزدان، كوڭىل قالاۋىمىزدان تۇرمايدى. بۇل الەمدەردىڭ راببىسىنىڭ ءدىنى بولعاندىقتان، نەنىڭ دۇرىس، نەنىڭ بۇرىس ەكەندىگىن يەسى عانا شەشەدى. بىزگە ۇناماعان نارسە ءدىن بويىنشا دۇرىس دەگەن ءسوز ەمەس. قۇلشىلىق اللاعا ۇنامدى ما، ۇنامسىز با دەگەن ساۋالدىڭ جاۋابى ارقىلى انىقتالادى:«اللانىڭ تۋرا جولىنسىز كوڭىل قۇمارلىعىنا ەرگەننەن وتكەن اداسۋشى بار ما؟»[4]. سول سەبەپتى، نامازىڭىزدى كەز كەلگەن ۋاقىتتا ءوز كوڭىل قالاۋىڭىزعا بايلانىستى قازا ەتىپ، اللانىڭ حاقىسىنا قول سۇعۋدان ساق بولىڭىز.

قۇران مەن سۇننەتتە اللا تاعالاعا ەڭ ۇنامدى امالداردىڭ ساۋساقپەن سانارلىعى عانا كورسەتىلگەن. سونىڭ نەگىزگىسى – ۋاقىتىسىندا وقىلعان ناماز. اللانىڭ رازىلىعىن ىزدەگەن ادام وسىنى ءاردايىم ەستە ۇستاۋى قاجەت.

يمانىڭىزدى بۇتىندەۋ.

وتباسىن قۇرعان بولساڭىز، جولداڭىزدى نامازعا شاقىرىڭىز.«يماندى ء(مۇمىن) ەرلەر مەن ايەلدەر – بىر-بىرىنە دوس، قامقورشى»[5]. يماندارىنىڭ جارتىسى، بىر-بىرىنە كيىم. جاقسىلىققا ۇگىتتەۋشى، جاماندىقتان تىيۋشى. كۇن سايىن بىرگە جاڭا ءبىلىم ۇيرەنىپ، جارىڭىزعا جەتكىزىپ وتىرىڭىز، بىرگە امال جاساڭىزدار. بىرگە قۇران وقىپ، تاپسىرلەرىنە وي جۇگىرتىڭىزدەر، بىلمەگەنىڭىزدى ودان سۇراۋمەن بولىڭىز.

دۇعا جاساۋ.

قۇلشىلىقتاعى ىقىلاستى، تاقۋالىقتى، يحسان دارەجەسىن (سەن اللانى كورىپ تۇرعانداي نەمەسە اللا سەنى كورىپ تۇرعانداي قۇلشىلىق ەتۋ)اللا تاعالادان سۇراڭىز.سەبەبى، جۇرەكتەردىڭ يەسى – اللا. اللا جەڭىلدىك بەرمەسە، اللا قالاماسا، ەشكىمنىڭ شاراسى جوق. يمانى ەڭ كامىل، ەڭ تاقۋا بولعان مۇحاممەد پايعامبار (س.ع.س.):«ۋا، جۇرەكتەردى وزگەرتۋشى! جۇرەگىمدى ءوزىڭنىڭ دىنىندە بەكەم ەتە گور!»–دەپ دۇعا جاسايتىن بولعان. ال، جاراتۋشىمىزدىڭ يمان كەلتىرگەندەرگە ۇيرەتكەن دۇعاسى مىنداي: «راببىمىز! ءبىزدى تۋرا جولعا تۇسىرگەننەن كەيىن جۇرەكتەرىمىزدى اۋىتقىتپا جانە بىزگە وزىڭنەن ءبىر مەيىرىم سىيلا. اقيقاتىندا، سەن – سىي بەرۋشىسىڭ»[6].ار نارسەگە كۇشى جەتۋشى اللادان ىسىڭىزگە جەڭىلدىك سۇراڭىز. دۇعاسى دۇرىس، تىرىسۋى، امالى شىنايى ءار ورنىمەن بولسا، مۇنداي ادامدى نامازدىڭ تاستاپ كەتۋى مۇمكىن ەمەس.

يمانىڭىزدى كۇشەيتۋ.

ناماز – يمانىمىزدىڭ ولشەم بىرلىگى. سەبەبى، عالىمدار «اللانىڭ الدىنداعى ءقادىرىڭدى بىلگىڭ كەلسە، مىنا دۇنيەدە نە ىستەتىپ قويعانىنا قارا» دەگەن. يماننىڭ السىزدىگى يا كۇشتىلىگى، اللانى، اقىرەتتى نەمەسە دۇنيەنى كوپ ويلايتىندىعىمىز – نامازعا دەگەن قارىم-قاتىناسپەن انىقتالادى.

قولداعى اقشانى، التىندى ساقتاۋعا تىرىساتىنىمىز سەكىلدى، يماندى دا كۇزەتۋ تالاپ ەتىلەدى. جانە قۇران مەن سۇننەتتە يماندى ساقتاۋدىڭ، كۇشەيتۋدىڭ وسىنداي بىرنەشە ادىستەرى كورسەتىلگەن:

1. ءىلىم ۇيرەنۋ.
2. قۇرانعا وي جۇگىرتىپ وقۋ.
3. پايعامبارلار قيسساسىنان ونەگە الۋ ءارى ولارعا امال قىلۋ ءۇشىن ءتۇسىنىپ وقىپ، تەرەڭ زەرتتەۋ.
4. ساليحالى، تاقۋا، شىنشىل ادامدار تۋرالى وقۋ.
5. اللا تاعالانىڭ قۇدىرەتىن تانىتاتىن جاراتىلىستار، قۇبىلىستار تۋرالى ويلاۋ.
6. اللانىڭ بەكىتكەن شاريعاتىنا، ساليحالى امالدارعا ۇقىپتى بولۋ.
7. دۇعا–تىلەك.
8. جۇرەك امالدارىنا كوڭىل ءبولۋ.
9. جاقسى كىسىلەرمەن جولداس بولۋ، ساليقالى ادامدار بولاتىن وتىرىسقا قاتىسۋ.
10. كوپ تاماق، كوپ ءسوز، كوپ ۇيقىدان تىيىلۋ.
11. كوزدى حارامنان تىيۋ.
12. ەلدىڭ قولىنداعىعا قىزىقپاۋ.
13. «دىندە وزىڭنەن جوعارىعا، دۇنيەدە وزىڭنەن تومەنگە قاراۋ».
14. ءولىمدى ءجيى ويلاۋ.

اللانىڭ الدىنداعى نامازدىڭ دارەجەسىن ءاردايىم ەستە ساقتاۋ.

ناماز – ادامدى اللاسىنا جاقىنداتىپ، دۇعاسى قابىل بولاتىن، ادامدى ادام ەتىپ قالىپتاستىراتىن، جۇرەكتى جانداندىرىپ، داقتان تازارتاتىن، كۇنالاردى شاياتىن، شۇكىرلىكتىڭ ۇلكەنى جانە ءجانناتتىڭ كىلتى بولاتىن ۇلكەن قۇلشىلىق،«ادامنىڭ امالدارىنان ەڭ العاش سۇرالاتىنى - ناماز. ەگەر دە نامازى تولىق بولسا، وندا ول جەتىستىككە جەتكەن بولىپ سانالادى. ال ەگەر دە تولىق بولماسا، وندا ول انىق شىعىنعا ۇشىراۋشى بولادى»[7].

پايعامبارىمىز (س.ع.س.) ولەر شاعىندا:«ناماز، ناماز، ناماز! نامازدا اللادان قورقىڭدار»،[8]- دەپ ايتىپ كەتكەن. بۇل سويلەمدە نامازدى وقۋدىڭ ارتىقشىلىعى مەن ونى تاستاۋشىعا دەگەن قورقىتۋدىڭ قاتتىلىعى بايقالادى.

سونداي-اق، جان تازالىعىنىڭ دالەلى – ناماز. ويتكەنى ەڭ ابزال ءارى نيەتى ءتۇزۋ ادام ول پايعامبارىمىز (س.ع.س.). ال، ول كىسى تۇندە اياعى كۇپ بوپ ىسكەنشە ناماز وقيتىن بولعان.

جەر بەتىندە ميلليونداعان ادامدار نامازعا نيەتتەنەدى، ءبىراق وقي المايدى. تۋرا جول – اللادان. جاراتقان ءسىزدى ءسۇيىپ، يمان بەردى، نامازبەن سىيلادى. ءوزىنىڭ الدىندا قولدى بايلاپ تۇرۋعا مۇمكىندىك بەردى. قانشالىقتى لايىق بولىپ ءجۇرسىز؟


[1] تيرميزي، ءابۋ ءداۋىد.
[2] بۇحاري، مۋسليم.
[3] بۇحاري.
[4] «قاساس» سۇرەسى، 50-ايات
[5] «تاۋبە» سۇرەسى، 71-ايات
[6] ء«الي يمران» سۇرەسى، 8-ايات.
[7] تيرميزي.
[8] ء«اس-سيلسيلاتۋ ساحيحا» /868. ۋممۋ ءسالاما سوزىنەن.

دەرەككوز: muslim.kz



كەلۋ قاينارى: http://www.elarna.net/koru.php?tur=43&id=1036131

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


جەتىستىكتىڭ قاراپايىم ج 6 مينوت
中国哈萨克语广播网 6 مينوت
اقش پەن سولتۇستىك كورەي 26 مينوت
امانگەلدى ايتالى: نەمە 1 ساعات
4 سمەرتي، كوتورىە موجەت 1 ساعات
中国哈萨克语广播网 1 ساعات
ەلورداداعى پرەزيدەنتتىك 1 ساعات
اعاشتاعى ەشكىلەر - قىزى 1 ساعات
وسى ارانى باسىپ كورىڭىز 1 ساعات
مادەنيەت ءمينيسترى «ازا 1 ساعات
中国哈萨克语广播网 1 ساعات
وسى ارانى باسىپ كورىڭىز 1 ساعات
وسى ارانى باسىپ كورىڭىز 1 ساعات
الماتىدان 744 كم جەردە 2 ساعات
ەگيپەتتە قورعانىس مينيس 2 ساعات
دۇعادان كەيىن بەت سيپاۋ 2 ساعات
中国哈萨克语广播网 2 ساعات
وسى ارانى باسىپ كورىڭىز 2 ساعات
ك.قازىباەۆ ءومىرى مەن ش 2 ساعات
پەتروپاۆلدا بەس قاباتتى 2 ساعات
بەرليندە قورشاعان ورتان 2 ساعات
قازاق بالۋانى نۇرعوجا ق 2 ساعات
كۇرەستەن ءاچ: قازاقستان 2 ساعات
بالا تۋدى جوسپارلاۋعا ب 2 ساعات
中国哈萨克语广播网 2 ساعات
رامازان كەستەسى ەلوردال 2 ساعات
وسى ارانى باسىپ كورىڭىز 2 ساعات
تارازدا ەرەكشە قوعامدىق 2 ساعات
قازاقستان مەن رەسەيدىڭ 2 ساعات
كۇرەس تۇرلەرىنەن ءاچ: ن 2 ساعات