بۇگىن رەسپۋبليكالىق «ازىرەت سۇلتان» مەشىتىندە نۇر-سۇلتان قالاسىنىڭ قاجىلارىنا ارنالعان دايىندىق دارىستەرى باستالدى. نۇر-سۇلتان قالاسى وكىلدىگىنىڭ ۇيىمداستىرۋىمەن ءوتىپ جاتقان ءدارىستىڭ نەگىزگى ماقساتى – بەس پارىزدىڭ ءبىرىن وتەۋگە نيەت ەتكەن ەلوردالىق جاماعاتقا قاجىلىق عيباداتىنىڭ قىر-سىرىن ۇيرەتىپ، قاسيەتتى مەكەندەگى ساپارلارىنىڭ ساۋاپقا تولى وتۋىنە سەپتىگىن تيگىزۋ.

وسى ورايدا ۇيىمداستىرىلعان دايىندىق دارىستەرىنىڭ العاشقى ساباعىن وتكىزگەن «ازىرەت سۇلتان» مەشىتىنىڭ نايب يمامى باقىتجان وتكەلباەۆ بۇگىن جاماعاتقا جالپى قاجىلىق عيباداتى مەن ونىڭ شارتتارى جونىندە، قاجىلىق پارىزدارى تۋراسىندا تۇسىنىكتەمە بەرىپ، قاجەتتى اقپاراتتارعا قانىقتىردى. ارنايى بەكىتىلگەن كەستە بويىنشا بولاشاق قاجىلارعا بۇگىن بىردەن ەكىنشى ءدارىس وتكىزىلىپ، ء«الجان» مەشىتىنىڭ باس يمامى سەرىكباي ءادىلحان ء«تالبيا، ميقاتتار، يحرام» ۇعىمدارىن كەڭىنەن ءتۇسىندىرىپ ءوتتى. ءدارىس بارىسىندا قاتىسۋشىلارعا ارنايى ۆيدەو ساباقتار ۇسىنىلىپ، كورنەكىلىك قۇرالدارمەن اسەرلەنە ءتۇستى.قوس ساباقتىڭ دا سوڭى جاماعاتتىڭ سۇراقتارىمەن جالعاسىپ، قاجىلىق عيباداتىنىڭ قىر-سىرى ەگجەي-تەگجەيلى باياندالدى.

ايتا كەتەيىك، قاجىلىق ساپارىنا دايىندىق دارىستەرى 18-شىلدەگە دەيىن جالعاساتىن بولماق. دارىستەر تاقىرىبىن مىنا سىلتەمەدەن كورۋگە بولادى.

دەرەككوز: Muslim.kz