ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ماسساگەت ماقالالارى

جولدانعان ۋاقىتى: 11:15 - 2020/06/03

Нақты Көзі: http://www.massaget.kz/layfstayl/sport/tulalar/62334/

كەللينيدىڭ باپكەرلەرى، قاس دۇشپانى جانە مادريدتەگى جەڭىلىسى تۋرالى


كەللينيدىڭ باپكەرلەرى، قاس دۇشپانى جانە مادريدتەگى جەڭىلىسى تۋرالى

وسى ايدا يتاليالىق قورعاۋشى دجوردجو كەللينيدىڭ "مەن – دجوردجو" دەگەن اۆتوبيوگرافيالىق كىتابى جارىق كوردى. كەلليني اتالعان كىتابىنماۋريتسيو كروسەتتيمەن (ولۋاقىتىندا دەل پەرونىڭ كىتابىنا بىرلەسكەن اۆتور بولعان جۋرناليست) بىرىگىپ جازعان. اۆتوبيوگرافيالىق شىعارمادا يۋۆەنتۋس كاپيتانىنىڭ فۋتبولداعى العاشقى قادامى مەن كەيىنگى كەزەڭدەرى باياندالعان.

شىعارما يتاليادا بەستسەللەرگە اينالدى. جارىق كورگەنىنە ءبىر اپتا بولماي جاتىپ Amazon-داعى فۋتبول تۋرالى شىعارمالار اراسىندا ساتىلىم جاعىنان كوش باستاپ تۇر. بارلىق كاتەگوريالار بويىنشا دا الدىڭعى وتىزدىققا ەنگەن. اسىرەسە شىعارمانىڭ بىرنەشە تاراۋى كىتاپ باسپادان شىقپاي جاتىپ باسپاسوزدە جاريالانعاننان كەيىن كەلليني بالوتەللي، مەلو جانە ۆيدال سىندى ويىنشىلارمەن جانجالداسىپ قالدى. بۇلاردىڭ ءبارى كىتاپقا جاقسى جارناما بولدى. كىتاپتا كەللينيدىڭ اشىق، اقكوڭىل ادام ەكەنى ءسوز بولادى. نازارلارىڭىزعا اتالعان شىعارماداعى قىزىق مالىمەتتەردى ۇسىنامىز.

ول "ارسەنالعا" نەمەسە "مانچەستەر سيتيگە" اۋىسۋى مۇمكىن ەدى

كەلليني "يۋۆەنتۋس" ساپىندا ويناعانىنا –15 جىل. ول ءقازىردىڭ وزىندە تۋرين ءۇشىن 509 كەزدەسۋ وتكىزدى، ءبىراق بۇل كلۋب تاريحىنداعى بەسىنشى كورسەتكىش بولسا دا، كەيىپكەرىمىز جاس كەزىندە "يۋۆەنتۋستا" ويناۋدى ارمانداماعان. دجوردجو بالا كەزىندە اناسىنىڭ سۇيىكتى كومانداسى – "ميلانعا" جانكۇيەرلىك ەتكەن. ءبىراق ونىڭ ماقساتى قانداي كلۋب بولماسىن، "ا" سەرياسىندا ويناۋ بولعان.

دجوردجو ليۆورنودا تۋىپ، 13 جاسىنان باستاپ جەرگىلىكتى كلۋبتىڭ جاستار كومانداسىندا وينادى. 16 جاسىندا كەللينيگە "ارسەنال" كلۋبى ءوز ساپىنا قوسۋعا ۇسىنىس بىلدىرگەن. لوندوندىقتار وعان جىلىنا شامامەن 100 مىڭ ەۋرو جالاقى تاعايىنداعان.

"بۇل مەن ءۇشىن كوپ اقشا ەدى، ءبىراق باس تارتتىم. ءوزىم وسكەن كلۋبتان كەتۋ دۇرىس ەمەس دەپ ويلادىم. مۇمكىن انگلياعا بارىپ، ءتىل ۇيرەنسەم، بۇل اقىلدى شەشىم بولار ەدى، ءبىراق وتباسىممەن اقىلداسىپ، اسىقپاۋعا كەلىستىك. "مەن ليۆورنومەن "ارسەنال" ۇسىنعان اقشادان 17 ەسە از قارجىعا كەلىسىمشارتقا وتىردىم"، - دەيدى ول.

2002 جىلى كەللينيدىڭ ترانسفەرىنىڭ جارتىسىن "روما" ساتىپ الادى. كەلەسى ماۋسىمدا ليۆورنوعا قوسىلىپ، ب سەرياسىندا 41 ويىن وتكىزگەن كەلليني ريمگە اۋىسۋىنا كامىل سەنگەن.

"مەنىڭ ول كەزدە "روما" ويىنشىسى بولاتىنىما ەش كۇمانىم بولعان جوق. كلۋب باسشىلارى دا كەلىستى. مەن شىنىمەن سپاللەتتيمەن جۇمىس ىستەگىم كەلدى. ءبىز كەلەسى اپتادا كەلىسىمشارتقا وتىرۋىمىز كەرەك ەدى، ءبىراق كلۋب پرەزيدەنتى سپينەللي قوڭىراۋ شالىپ، ماعان تەز ارادا ميلانعا بارۋ كەرەكتىگىن ايتتى"، - دەپ جازدى كەلليني.

وعان "ميلان"، "يۋۆەنتۋس"، "ينتەر" جانە "روما" سىندى ازۋلى كلۋبتار ۇسىنىس بىلدىرگەن. اتالعان كلۋبتار وتە اتاقتى بولعاندىقتان كەلليني كەز كەلگەنىنە بارۋعا دايىن ەدى. ميلاندا دجوردجو بولمەگەمودجي، دجيراۋدو جانە بەتتەگا كىرگەندە ءبارىن تۇسىنەدى. كەلەسى كۇنى "يۋۆەنتۋسپەن" كەلىسىمشارت جاسالادى.

كەللينيدىڭ ايتۋىنشا، ول تۋريننەن ەكى رەت – 2010 جىلى "رەالعا" جانە 2011 جىلى "مانچەستەر سيتيگە" اۋىسا جازداعان. "يۋۆەنتۋس" ەكى جىل قاتارىنان كەستەدە جەتىنشى ورىننان ارى كوتەرىلە الماعان كەزدە كەتۋدى ويلاعان.

"مەنىڭ اگەنتىم "رەالمەن" كەلىسسوزدەر جۇرگىزدى جانە ءبارى ويداعىداي ءوتتى، ءبىراق سوڭعى مينۋتتا موۋرينو كارۆاليۋدى تاڭدادى"، - دەيدى كەللي.

ول 2010/11 جىلعى ماۋسىمدى مانسابىنداعى ەڭ ناشار ماۋسىم رەتىندە ەسكە الادى.

"قورقىنىشتى بولدى، مەن قاتتى شارشادىم. 87 كەلىدەن 82 كەلىگە دەيىن ارىقتاپ، اۋىرىپ قالدىم"، - دەپ ەسكە الادى ول.

سول كەزدە فۋتبولشىنىڭ اگەنتى "مانچەستەر سيتي" وكىلدەرىمەن كەزدەسكەن. ءبىراق پروتسەسس ءبىر كەزدەسۋمەن عانا اياقتالعان.

©football.london

كونتە - موتيۆاتور، اللەگري - ادامدارمەن تەز ءتىل تابىسقىش، سارري-تاكتيكا شەبەرى

كەلليني باپكەرلەرىنىڭ ىشىندە انتونيو كونتە مەن ماسسيميليانو اللەگريگە كوبىرەك توقتالادى. ولارعا كىتاپتا ارنايى ءبىر تاراۋ ارنالعان.

"كونتە – تەك فۋتبولمەن عانا اۋىرادى. ول فۋتبولدان باسقا ەشتەڭەسى جوق ءوزىنىڭ الەمىن قۇرىپ جانە وندا 24 ساعات بويى ءومىر سۇرەدى. ول ەشقاشان بوساڭسىمايدى، ءبىراق بۇل ونىڭ باستى پروبلەمالارىنىڭ ءبىرى. كونتە ءارقاشان باسقالاردى كەز كەلگەن مۇمكىندىكتى قولدانۋعا شاقىرادى جانە ونىڭ ايتقانى ءاردايىم بولا بەرمەيدى. ونىمەن جۇمىس ىستەۋ ادامدى فيزيكالىق جاعىنان گورى رۋحاني شارشاتىپ جىبەرەدى"، - دەيدى كەلليني.

2013 جىلدىڭ ناۋرىزىندا "يۋۆەنتۋس" "ناپوليگە" بارادى. قارسىلاس تۋريندىكتەردەن التى ۇپاي ارتتا قالىپ كەلە جاتىر ەدى. كەلليني جەلتوقسان ايىنان باستاپ جاراقاتىنا بايلانىستى ويناي الماي جۇرگەن بولاتىن. ماتچ الدىندا الاڭعا ورالىپ، توبىعىنان جاراقات الادى. وعان اپتا بويى جاراقاتى مازا بەرمەي، ويىن الدىندا باپكەرگە الاڭعا شىعۋعا دايىن ەمەستىگىن ايتادى.

"كونتە ەشتەڭە بولماعانداي قارادى دا، ويىننىڭ قالاي ءوربيتىنىن ايتىپ، نۇسقاۋلار بەرە باستادى. سودان كەيىن كەلىپ: "ماعان ءبارىبىر، سەن ەرتەڭ الاڭعا شىعاسىڭ. ولار سەنىڭ الاڭعا شىققانىڭدى ​​كورگەندە بۇتتارىنا جىبەرىپ قويۋى كەرەك. ەگەر ناشارلاپ بارا جاتساڭ كورەمىز، اۋىستىرارمىز"، - دەيدى دجوردجو.

وسىدان سوڭ كەلليني اۋىرسىنۋدى باساتىن دارىلەر قابىلداپ، الاڭعا شىعادى جانە توعىزىنشى مينۋتتا گول سوعادى. اياعىنىڭ بار ەكەنىن سەزبەي قالادى، اياعى ءىسىنىپ، ءۇزىلىس ۋاقىتىندا ءتىپتى بۋتتسىسىن شەشە المايدى. ءبىراق ول سوڭىنا دەيىن الاڭدا قالادى.

"مىنە، ناعىز كونتە. شابىتتتاندىرادى! ءسىز ول ءۇشىن بارىنە دايىن بولاسىز. كونتە مەن ءۇشىن فۋتبولدىڭ جاڭا الەمىن اشتى. بۇرىن فۋتبولدى تەك قورعانۋ مەن كوماندالاسىڭا دوپ جەتكىزۋ دەپ قانا ءتۇسىندىم. ول ماعان دوپتى قالاي باسقارۋدى، فۋتبول ويناۋدى ۇيرەتتى"، - دەيدى يۋۆەنتۋس كاپيتانى.

©sports.ru

"اللەگريدىڭ باستى ارتىقشىلىعى – ول ءاردايىم ويىنشىلارمەن قارىم-قاتىناستا. كۇلەدى، ازىلدەيدى، ولاردى تۇسىنۋگە تىرىسادى. اللەگري قىسىمدى جەڭۋدە ەرەكشە، ۇنەمى كوماندانىڭ اتموسفەراسىن ساقتاۋعا تىرىسادى. ول توپتى باسقاراتىن كەرەمەت ديريجەرگە ۇقسايدى. مۇندايدى وقىپ ۇيرەنۋ مۇمكىن ەمەس"، - دەيدى كەلليني ءوزىنىڭ بۇرىنعى تالىمگەرى تۋرالى.

اللەگري تۋرينگە العاش كەلگەندە، "يۋۆەنتۋسكە" ەشتەڭەنى وزگەرتۋ قاجەت ەمەس سياقتى بولعان، ءبىراق باپكەردىڭ ناقتى جوسپارلارى بار ەدى.

"ول باسىنان باستاپ 3-5-2 تاكتيكاسى بويىنشا وينامايمىز دەدى، ويتكەنى ءبىزدىڭ قۇرامدا كوپتەگەن جارتىلاي قورعاۋشىلار بار ەدى. العاشقى ءۇش ايدا ءبىز ءبارىن ەسكى سحەمامەن ويناپ، جەڭدىك، سودان كەيىن بىرتىندەپ 4-4-2 تاكتيكاسىنا اۋىستىق. اللەگري بىردەڭە تۇسىندىرسە، كەز كەلگەن قيىن جاعدايدا وعان سەنەسىز. "باۆاريا" جانە "رەال مادريدپەن" چەمپيوندار ليگاسىنداعى جاۋاپ ويىندارىن ەسىڭىزگە الىڭىز. ءبىز وتە قيىن جاعدايعا ەدىك، ءبىراق ەكى جاعدايدا دا، ماكستىڭ ارقاسىندا كەرەمەت ناتيجەگە قول جەتكىزە جازدادىق"، - دەيدى ول.

©news.sportbox.ru

دجوردجو سونىمەن قاتار ماۋريسيو سارري تۋرالى ويىمەن بولىسەدى: "سارري انتونيو مەن ماكستەن باسقاشا. ول فۋتبولعا عىلىم دەپ قاراپ قاتتى دايىندالادى. بولمەسىنە قامالىپ الىپ بارلىعىن تالدايدى، تاكتيكا مەن ستاتيستيكاعا كومىلىپ قالادى. ونى "تاكتيكا مانياگى" دەسەك تە بولادى. ءسىز ونىڭ سپورتزالداعى ويىنشىلارمەن ازىلدەسكەنىن نەمەسە باسقالارمەن اڭگىمە ايتىپ، كوفە ءىشىپ تۇرعانىن ەشقاشان كورمەيسىز، سەبەبى ول ۇنەمى جۇمىس ىستەيدى.

ونىڭ فۋتبولى ۇساق بولشەكتەر جيىنتىعىنان تۇرادى، سوندىقتان وعان ءبىراز ۋاقىت كەتەدى. ۇلكەن كوماندالاردا كوپ ۋاقىت بولمايدى، ءبىراق ءبىز قاتەلىكتەرىمىزبەن جۇمىس ىستەي باستادىق. ماۋسىمنىڭ ءبىرىنشى جارتىسىندا جەڭىسكە جەتۋ ماڭىزدى بولدى، ءتىپتى وسى جاعدايدا سارري جەتىلدىرۋدى ىزدەدى. ول دوپتى قارسىلاس الاڭىندا ءجۇز پايىز باقىلاۋىمىز كەرەك دەيدى. راس، بۇل ۋتوپيا، ءبىراق ونىڭ يدەياسى تۇسىنىكتى. ەگەر مۇنىڭ ءبارىن جاساي الساق، ءبىز بۇرىن-سوڭدى بولماعان ەڭ ۇلكەن فۋتبولدى كورسەتەتىن ەدىك"، - دەيدى يۋۆەنتۋس كاپيتانى.

©forzajuve.ru

بۋففون – شىنايى دوس

"قورعاۋشى – قاقپاشىنىڭ جاقىن دوسى. قاقپاشى - قورعاۋشىنىڭ سوڭعى ءۇمىتى. الاڭدا ءبىز بىرگەمىز. مەن ءدجيدجيدى جاقسى كورەمىن. فۋتبولدا ول مەنىڭ ەڭ جاقىن دوسىم.

بۋففون ەرەكشە. الەمدەگى ۇزدىك قاقپاشى عانا ەمەس، سونىمەن قاتار كەرەمەت ادام. ساردار، اعا. ءبىز ونىمەن 15 جىل بىرگە وينادىق، بۇل مەنىڭ ءومىرىمنىڭ ماڭىزدى كەزەڭدەرى ەدى. مەن ونىمەن ايەلىمە قاراعاندا كوبىرەك ۋاقىت وتكىزدىم، جانە بۇل شىندىق"، - دەيدى ول تاجىريبەلى قاقپاشى تۋرالى.

كەلليني ءدجيدجيدىڭ "يۋۆەنتۋسقا" ورالۋىنىڭ باستى سەبەبى جاتتىقتىرۋشىنىڭ اۋىسۋى بولعان دەيدى. كلۋب باسشىلىعى ءسارريدى باپكەر ەتىپ تاعايىنداعاننان كەيىن ونىڭ كومانداعا بەيىمدەلۋى ءۇشىن بۋففوندى قايتارعان، ەگەر اللەگري بولسا، بۋففون تۋرينگە ورالماس ەدى.

"مەن ونى ەشقاشان سونشالىقتى سابىرلى كورمەدىم. جاتتىقتىرۋدا نەگىزگى قاقپاشىلاردى كەزدەستىرۋ قيىن، ولار جەكە جاتتىقتىرۋشىلارىمەن بىرگە جۇمىس ىستەيدى. ەندى بۋففون ءاردايىم بىزبەن بىرگە جانە ونىسى كومانداعا وتە پايدالى. ول 42 جاستا بولسا دا، ۇنەمى ءوزىن فورمادا ۇستايدى، سپورتزالعا بارادى، ناعىز ماشينا. مەنىڭ ويىمشا، ول فيزيكالىق تۇرعىدا تاعى بىرنەشە جىل فۋتبول ويناي الادى. بۋففوننىڭ مانسابى قانشا ۋاقىتقا سوزىلاتىندىعىن ۋاقىت كورسەتەدى"، - دەيدى دجوردجو.

©sport.bigmir.net

"ينتەر" مەن يبراگيموۆيچ - ونىڭ قاس دۇشپانى

"مەن الاڭدا جامان ادامعا اينالۋىم كەرەك ەدى. ول ءۇشىن وزىمە جاۋ تاۋىپ، ونىمەن كۇرەسۋىم كەرەك بولاتىن. قارتايىپ وزگەردىم، ءبىراق مانسابىمدا بىرەۋدى جەك كورگەن كەزدەرىم كوپ بولدى.

مەن ينتەردى جەك كورەمىن. بۇل سپورتتىق جەك كورۋشىلىك. مەن كەز كەلگەن كوماندانىنىڭ "سەريا ا-دا" چەمپيون بولعانىن قابىلداي الامىن، ءبىراق "ينتەردىڭ" چەمپيون بولعانىن قابىلداي المايمىن"، - دەيدى دجوردجو.

ار شابۋىلشى ويىن بارىسىندا كەللينيگە جاۋ. ءبىراق ونىڭ باس دۇشپانى – زلاتان يبراگيموۆيچ.

"مەن بۇل جەكپە-جەكتى جاقسى كورەمىن. يبرا سونشالىقتى كۇشتى، وعان قارسى ەڭ جاقسى ويىندى كورسەتۋىڭ كەرەك. ەڭ باستىسى، سەن ودان قورقاتىنىڭدى بىلدىرمەۋىڭ قاجەت. ەگەر زلاتان مۇنى بىلسە، قان ءيىسىن سەزسە، سەنى جانشىپ تاستايدى. ونىڭ اشۋىن تۋعىزۋ قيىن، ويتكەنى زلاتانىڭ ءوزى وعان شەبەر. يبرا رەنجىتپەيدى، بۇل فيزيكالىق كۇرەس، ول ءاردايىم سەنىڭ قاسىڭدا ەكەنىڭدى سەزدىرەدى، سەن جاساعان كەز كەلگەن قاتەلىكتەرىڭ ءۇشىن ول اپ-ساتتە جازالاۋعا دايىن.

مەن ونىمەن ءبىر كوماندادا وينادىم، يبرا كەرەمەت ادام جانە عاجاپ ويىنشى. ونىڭ "التىن دوپتى" الا الماۋىنىڭ سەبەبى - رونالدۋ مەن مەسسي اتتى وزگە عالامشارلىقتار.

©sports.ru

رونالدۋ - ۋلى جىلان، مباپپە - وزگە عالامشارلىق، سەرحيو راموس - الەمنىڭ ۇزدىك قورعاۋشىسى

"مەن كوپتەگەن شابۋىلشىعا قارسى وينادىم، ولاردىڭ ىشىندەگى ەڭ ءقاۋىپتى ۋلى جىلانى - رونالدۋ. ول شاقسا ولتىرەدى. قادالعان جەرىنەن قان الماي قويمايدى. ايىپ الاڭىندا ونىڭ شەبەر قۇبىلاتىنى سونشالىق – ۇستاي المايسىڭ. ول ۇنەمى باعىتىن وزگەرتەدى، كۇتپەگەن جەردە پايدا بولادى. مەن ونىڭ وسىنداي وزگەرىستەرىنەن باسىم اينالىپ قالادى. سەن ونىڭ بارلىق ىس-ارەكەتىن بىلەتىن سياقتىسىڭ، ءبىراق جەمە-جەمگە كەلگەندە وعان قارسى ەشتەڭە ىستەي المايسىڭ.

كورولسىز تاق نەمەسە كورولدىك كلۋب اتىنا ساي بولماي تۇر

سىرتىنان قاراعاندا رونالدۋ قانداي؟ يا، ناعىز كاسىبي، ەڭبەكقور. ءارقاشان ۇزدىك بولۋعا تىرىساتىن برەند-ادام. ادەتتە مۇنداي ويىنشىلار جالعىزدىقتى ۇناتادى، مەن رونالدۋ تۋرالى دا سولاي ويلادىم. ءبىراق كريشتيانۋ ءبىزدىڭ كومانداعا تەز بەيىمدەلدى، ونىڭ ماقساتتارى بىزدىكىمەن سايكەس كەلدى. ءبىزدىڭ ءبىر بولىگىمىز بولا وتىرىپ، ءارقايسىمىزعا بۇدان دا جاقسى ويناۋىمىز ءۇشىن ۇلگى كورسەتتى. مەنىڭ ەڭ جاقسى ماۋسىمىم رونالدۋ كەلگەننەن كەيىن بولعاندىعى كەزدەيسوق ەمەس. ەسەيگەندە كەرەمەت ويىنشىلاردان ۇيرەنىپ، ونى پايدالادانۋعا تىرىساسىڭ"، - دەيدى ول پورتۋگال جۇلدىزى تۋرالى.

جاسوسپىرىمدەر اراسىندا كەللي كيليان مباپپەنى ەرەكشە جاقسى كورەدى.

فۋتبول جاڭا داۋىرگە اياق باسۋى ءۇشىن جاڭا قاھارماندار كەرەك

"مەن ونى العاش رەت 2016 جىلى چەمپيوندار ليگاسىندا، "موناكونىڭ" "مانچەستەر سيتيگە" قارسى ويىنىندا كوردىم. ءبىرىنشى تايمنان كەيىن مەن پاراتيچيگە "بۇل بالا قاي پلانەتادان شىققان؟" دەپ جازدىم. ول 18-دەگى كەرەمەت ويىنشى ەدى، ءقازىر ودان دا مىقتى. جىلدامدىق، تەحنيكا، شەشىم قابىلداۋ، گولدى سەزۋى... شەدەۆر. بولاشاق – ونىكى"، - دەيدى جاس پەرى تۋرالى ول.

كەلليني سونىمەن قاتار كوماندالاستارى تۋرالى سىر شەرتىپ، كانناۆارو مەن ءباردزاليدى ەسكە الادى، بونۋچچي مەن دە ليگتتى دە ماقتايدى، ءبىراق الەمدەگى ەڭ مىقتى قورعاۋشى تۋرالى سۇراعاندا، ول سەرحيو راموستىڭ ەسىمىن ايتادى.

"ونىڭ ءبىر ماۋسىمدا 8-10 گول جىبەرەتىن قاتە ارەكەتتەرىنە كوز جۇمۋعا بولادى. ول مەنىڭ مۇلدەم قاراما-قارسى نۇسقام، ءبىراق ونىڭ ەشكىمدە جوق ەكى قاسيەتى بار: ءبىرىنشىسى، ماڭىزدى ويىنداردا كەرەمەت ويىن كورسەتەدى. ەىكىنشىسى، ونىڭ الاڭعا ءجاي عانا شىعۋى كومانداعا رۋح بەرەدى.

©theguardian.com

دجوردجونىڭ ايتۋىنشا، راموستىڭ سالاحتى چەمپيوندار ليگاسىنىڭ فينالىنداعى جاراقات الدىرۋى – شەدەۆر: "ارينە، ول مۇنى قاساقانا جاساماعانىن ايتتى، ءبىراق ونداي قاقتىعىستىڭ توعىزىنىڭ ناتيجەسى وسىنداي بولادى"، - دەيدى دجوردجو.

كەلليني راموسسىز، ۆاران، كارۆاحال جانە مارسەلو جاستار كومانداسىنا ۇقسايدى، ال "رەال" قورعانسىز بولا سياقتى بوپ قالادى دەپ سانايدى. مىسالى، راموس الاڭعا شىقپاعان "اياكسقا" قارسى ويىندى ەسكە الايىق"، - دەيدى كەلليني.

©abc.com.py

2017 جىلعى چەمپيوندار ليگاسىنىڭ فينالى تۋرالى

2017 جىلعى چەمپيوندار ليگاسىنىڭ فينالىندا "يۋۆەنتۋستىڭ" ەكىنشى تايمنان باستاپ ويىن مانەرى بۇزىلادى. قاقپاسىنا جاۋاپسىز ءۇش گول وتكىزىپ، 1-4 ەسەبىمەن جەڭىلىپ قالادى. كەيىننەن ۇزىلىستە ويىنشىلار اراسىندا جانجال بولىپ، توبەلەسكە ۇلاسقان دەگەن سىبىس تارادى. ءبىراق كەلليني مۇنىڭ ءبارىن جوققا شىعارادى.

"بىرنەشە كۇننەن كەيىن، باسپاسوزدە سىبىس شىققان كەزدە، بۋففون: "مەن ەشتەڭە وتكىزىپ العان جوقپىن با؟" دەپ سۇرادى. سەبەبى، ول ءۇزىلىس كەزىندە دارەتحاناعا بارعان ەدى. سوندىقتان ول گازەتتەردەگى جاڭالىقتارعا تاڭ قالدى. "ەشتەڭە بولمادى"، - دەپ جاۋاپ بەردىم. ءبىز جاي عانا شارشاعان ەدىك. جالپى ەسەپ 1:1 بولعاندا نەگە جانجالداسۋعا بولادى؟ ەگەر 0:3 بولسا، ءبىز ونداي وسەككە سەنۋىمىزگە بولادى، ءبىراق سونداي بولعان كەزدىڭ وزىندە دە ءبىز ءبىر-بىرىمىزدى ايىپتاي المايتىن ەدىك. ءبىز جاي عانا جاعدايدى ءوز قولىمىزعا الۋىمىز كەرەك دەپ ويلاپ، قاراپايىم عانا ويىندى تالقىلادىق. سەبەبى، "رەالدىڭ" ەكىنشى تايمدا كۇشەيەتىنىن بىلەتىن ەدىك"، - دەيدى ول.

"رەال مادريدتەگى" وزگەرىستەر نەمەسە گارەت بەيلدىڭ داۋى

كەللينيدىڭ ايتۋىنشا، فۋتبول تۋرالى قىزىقتى اڭگىمەلەردىڭ بارلىعى جالعان.

"مەن قىزىقتى وقيعالار، تۇنگى كلۋبتار، قىزدار تۋرالى وقيمىن. ءبىراق ماعان سەنىڭىز، جاتتىعۋ كەزىندە مۇندايدى ويلاۋ قيىن، شارشاۋدىڭ سالدارىنان ۇيىقتاۋدان باسقا ارمانىمىز بولمايدى"، - دەيدى ويىنشى.

©zen.yandex.ru

مادريدتەگى اۋىر جەڭىلىس

تۋريندە 0-3 ەسەبىمەن جەڭىلگەن "يۋۆەنتۋس" مادريدتەگى جاۋاپ ماتچىندا ەسەپتى تەڭەستىرەدى، ءبىراق 94-مينۋتتا بۋففون "جۇرەگىنىڭ ورنىندا قوقىس جاشىگى بار" دەپ سيپاتتاعان تورەشى مايكل وليۆەر پەنالتي بەرلگىلەيدى. رونالدۋ گول سوعىپ، "يۋۆەنتۋس" ءتۋرنيردى تارك ەتەدى.

"94-مينۋتتا پەنالتي تەك ەرەجە بۇزىلعانىنا سەنىمدى بولعان جاعدايدا عانا بەرىلۋى مۇمكىن. بۇلاي بولمادى عوي. تورەشى قاتەلەستى. بۋففون دا، مەن دە ءوزىمىزدى ازداپ باسقارا المادىق، قاتەلىك جىبەردىك. مۇنداي پەنالتيدى ءبىرىنشى تايمدا، ەكىنشى تايمنىڭ ورتاسىندا بەرۋگە بولادى، ءبىراق سوڭعى ون سەكۋندتا ەمەس. بەناتيا ۆاسكەسكە وتە جاقىن وينادى، ءبىراق ەرەجەنى انىق بۇزعان جوق. مەن "رەال" ويىنشىلارىنا ايقايلادىم، ءبىراق بۇل جاي عانا ەموتسيا ەدى"، - دەيدى كەلليني.



كەلۋ قاينارى: http://www.elarna.net/koru.php?tur=41&id=1192594

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


«دومبىرا» وقۋ قۇرالى جا 4 مينوت
كوشپەلى ءموبيلدى بريگاد 8 مينوت
6 مىڭ ادام قارجىلاي كوم 13 مينوت
ەلباسى مەرەيلى 80 جاسقا 16 مينوت
قازاقستان حالقى اسسامبل 20 مينوت
6 شىلدە. قازاقپارات كۇن 1 ساعات
بۇگىن - استانا كۇنى 1 ساعات
ەل بىرلىگىنىڭ كەپىلى 1 ساعات
تۋعان ەلىن تورتكۇل دۇني 1 ساعات
نەگىزسىز قىمباتتاۋى رەت 1 ساعات
جامبىلدىقتار زاڭسىز ساق 1 ساعات
تۇلعانىڭ ەڭبەگىن باعالا 1 ساعات
«ليۆەرپۋل» 33-تۋردا «اس 1 ساعات
ونەر سۇيگەن باسشى – حال 1 ساعات
ۋاقىتتان وزعان كوشباسشى 1 ساعات
قحا قۇرىلعانىنا 25 جىل. 1 ساعات
جۇڭگو كوممۋنيستىك پارتي 2 ساعات
ۆەلوسپورت. «تۋر دە فران 2 ساعات
نۇر-سۇلتان پوليتسياسى ە 2 ساعات
اسپانى اشىق، جەرى جاسىل 3 ساعات
رپل. «ورەنبۋرگ» سىرت ال 3 ساعات
ەمتيحان تۇيىندەرىندە دە 3 ساعات
مما. ۋسمان مەن ماسۆيدال 3 ساعات
الماتى وبلىسىندا اۋا را 3 ساعات
زات اينالىم پورتى e پەر 4 ساعات
ۆەلوسپورت. «تۋر دە فران 4 ساعات
شىمكەنتتە ءدارى شىعارات 4 ساعات
شينجياڭداعى تەڭىز دەڭگە 4 ساعات
ەلىمىزدىڭ فۋتبول قۇراما 4 ساعات
قىسقى سپورت. مانەرلەر س 4 ساعات