ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ماسساگەت ماقالالارى

جولدانعان ۋاقىتى: 17:00 - 2020/05/29

Нақты Көзі: http://www.massaget.kz/layfstayl/alemtanu/62288/

"مەن تۇنشىعىپ قالدىم" ۇرانى قالاي پايدا بولدى؟


ميننەاپوليستە 46 جاستاعى افروامەريكالىق دجوردج فلويدتى تۇتقىنداۋداعى قاتىگەزدىك ونىڭ ولىمىنە اكەپ سوقتىردى. پوليتسيا قىزمەتكەرى ۇستالعان ادامدى موينىنان تىزەسىمەن باسىپ ءولتىردى. فبر پوليتسيانىڭ زاڭسىز ارەكەتتەرى تۋرالى ءىس قوزعادى، ءتورت پوليتسيا قىزمەتكەرى جۇمىستان بوساتىلدى. ءبىراق بۇل مىڭداعان نارازىلىق بىلدىرۋشىلەردىڭ كوشەگە شىعۋىنا توسقاۋىل بولا المادى.

ميننەاپوليستەگى نارازىلىق شەرۋى

فلويدتىڭ قازاسىنا جاۋاپ رەتىندە ميننەاپوليستە پوليتسيانىڭ زورلىق-زومبىلىق پەن ناسىلدىك تەڭسىزدىككە قارسى نارازىلىقتارى باستالدى. شەرۋشىلەر پوليتسيا بولىمشەسى عيماراتىنىڭ الدىنا بارىپ، "مەن تۇنشىعىپ قالدىم" دەگەن جازىلعان بەتپەردە كيىپ (فلويد قايتىس بولعانعا دەيىن وسى ءسوزدى قايتالاپ ايتقان) نارازىلىق بىلدىرگەن. كەيبىر نارازىلىق بىلدىرۋشىلەر پوليتسيا كولىكتەرىنە گراففيتي سالىپ، پوليتسيا بولىمشەسىنە تاس لاقتىرعان. پوليتسيا جينالعانداردى تاراتۋ ءۇشىن ءتۇرلى-تۇستى بوياۋ شاشاتىن گراناتتار مەن كوزدەن جاس اعىزاتىن گازدى قولدانعان.

©rnews.co.uk

شەرۋلەر سارسەنبىدە دە توقتاماعان. كەشكە نارازىلىق بىلدىرۋشىلەر پوليتسيا بولىمشەسىن قورشاپ الىپ، تەرەزەلەردى سىندىرعان. پوليتسيا تاعى دا كوزدەن جاس اعىزاتىن گاز بەن رەزەڭكە وقتاردى قولدانعان. سونىمەن قاتار، قالادا تارتىپسىزدىكتەر، توناۋ باستالعان. ميننەاپوليستىڭ ورتالىعىندا بىرنەشە ءىرى ءورت بولىپ، كوپتەگەن دۇكەندەر تولىعىمەن ورتەنىپ كەتكەن.

ميننەاپوليستەگى دەمونستراتسيالار كەزىندە ادامدار قايتىس بولعان. نارازىلىقتىڭ ەكىنشى كۇنى لومبارد يەسى دۇكەندى توناماق بولعان اگرەسسيۆتى شەرۋشىلەرگە وق اتقان. سالدارىنان ءبىر ادام جاراقات الىپ، اۋرۋحانادا قايتىس بولدى. پوليتسيا كۇدىكتىلەردى قاماۋعا العان.

©pulse.com.gh

ۇكىمەت اسكەريلەردەن كومەك سۇرادى

ميننەاپوليس ۇكىمەتى اقش ۇلتتىق گۆاردياسىنان كومەك سۇرادى. ميننەسوتا ۇكىمەتى كومەككە قالاعا قوسىمشا پوليتسيا جاساقتارىن جىبەردى، ەندى اسكەريلەر دە قالاعا كىرەدى دەپ جوسپارلانىپ جاتىر.

قالا اكىمى دجەيكوب فرەي: "ميننەاپوليس تۇرعىندارى، ءبىز بۇل تراگەديانىڭ باسقا تراگەدياعا اكەلۋىنە جول بەرمەۋىمىز كەرەك. سىزدەردەن بەيبىتشىلىكتى ساقتاۋعا كومەكتەسۋلەرىڭىزدى سۇرايمىز"، - دەپ كوپشىلىككە ۇندەۋ جاسادى.

©channel3000.com

لوس-اندجەلەستە تارتىپسىزدىكتەر قايتالاندى

27 مامىردا Black Lives Matter (قارالاردىڭ دا ءومىرى ماڭىزدى) قوزعالىسىنىڭ جاقتاۋشىلارى قالا كوشەلەرىنە شىقتى. دەمونستراتسيا بەيبىت تۇردە باستالىپ، كۇندىز تارتىپسىزدىكتەرگە ۇلاسىپ، بىرنەشە ادام پوليتسيا كولىكتەرىنە شابۋىل جاساپ، تەرەزەلەردى سىندىردى. سودان كەيىن نارازىلىق بىلدىرۋشىلەر قالالىق پوليتسيا شتابىنىڭ عيماراتىنا جاقىنداعان كەزدە جەرگىلىكتى تۇرعىندار مەن ءتارتىپ ساقشىلارى اراسىندا ۇلكەن قاقتىعىستار بولدى. كەيبىر جەرلەردە اقش تۋىن جاققان. سونىمەن قاتار، كەيبىر توپتار تاس جولداردى جاۋىپ تاستادى.

©news.wjct.org

دجوردج فلويد قالاي قايتىس بولدى؟

25 مامىردا قۇقىق قورعاۋ ورگاندارىنىڭ قىزمەتكەرلەرى وقيعا ورنىنا جالعان چەك ارقىلى تولەم جاساۋعا ارەكەت تۋرالى قوڭىراۋ تۇسكەننەن كەيىن كەلەدى. كۇدىكتى ازىق-تۇلىك دۇكەنىنىڭ الدىنداعى كولىكتەن تابىلعان. ول 46 جاستاعى افروامەريكالىق كۇزەتشى دجوردج فلويد بولعان. ونى كولىكتەن شىعارىپ، قولىن بايلاپ پوليتسيانىڭ كولىگىنە الىپ كەلگەن.

قۇقىق قورعاۋ ورگاندارىنىڭ مالىمدەمەسىنە سايكەس، ول تۇتقىنداۋعا قارسىلىق كورسەتكەن. ءبىراق وقيعاعا كۋاگەرلەر جوق. وفيتسەرلەردىڭ دەنەسىندە كامەرالار بولعان، ال جازبالاردى تەرگەۋشىلەر تەرگەۋ ءۇشىن الىپ كەتكەن.

ميننەاپوليستەگى جاعداي تۋرالى ۆيدەو الەۋمەتتىك جەلىلەردە تارادى

ينتەرنەتتە جاريالانعان ۆيدەودا وقيعانىڭ سوڭعى بولىگى كورسەتىلگەن، وندا اق ءناسىلدى پوليتسيا قىزمەتكەرى جەردە جاتقان ادامدى تىزەسىمەن باسىپ تۇرعانى كورىنەدى.

ادامدار اينالاسىنا جينالا باستاعان. ولار پوليتسياعا فلويدتى تۇنشىقتىرۋدى توقتاتۋدى جانە ونىڭ جۇرەك سوعىسىن تەكسەرۋ كەرەك ەكەنىن ايتادى.

©noticel.com

ۆيدەودان كورىنىپ تۇرعانداي، فلويد بىرنەشە رەت: "مەن تۇنشىعىپ قالدىم! مەن تۇنشىعىپ قالدىم!" دەپ پوليتسيادان ءوزىن ولتىرمەۋىن سۇرايدى. ول دەم الۋعا تىرىسادى، ءبىراق پوليتسەي وعان جول بەرمەيدى.

كۋاگەرلەر فلويدتىڭ مۇرنى قاناي باستاعانىن ايتادى. جينالعاندار ونى بوساتۋدى سۇراعان. ۇستالعان ادامعا جەدەل جاردەم شاقىرعانىنا قاراماستان، پوليتسيا قىزمەتكەرى ونىڭ موينىنان اياعىن المايدى. بىرنەشە مينۋتتان كەيىن جەدەل كومەك كەلىپ، ەسىن جوعالتقان فلويدتى زەمبىلگە سالىپ اۋرۋحاناعا الىپ كەتەدى. اۋرۋحانادا ونىڭ قايتىس بولعانى انىقتالادى.

فلويدتىڭ دوستارى مەن تانىستارى ونىڭ زاڭعا باعىنعان جانە جاۋاپكەرشىلىگى بار ازامات ەكەنىن ايتادى.

"ول ەشكىمدى رەنجىتپەيتىن مەيرىمدى ادام ەدى"، - دەيدى فلويدتىڭ اعاسى. مارقۇمنىڭ اپكەسى كوپتەگەن نارازىلىق بىلدىرۋشىلەر سياقتى، پوليتسيا قىزمەتكەرلەرى كىسى ولتىرگەنى ءۇشىن زاڭ الدىندا جاۋاپ بەرۋى كەرەك دەپ سانايدى.

كوزدەن جاس اعىزاتىن گازدان ۋلانعان قارا ناسىلدىگە كومەك كورسەتىلىپ جاتىر.©rtbf.be

پوليتسەيلەر جۇمىستان شىعارىلدى

فلويدتى موينىنان باسىپ تۇنشىقتىرعان پوليتسيا قىزمەتكەرى دەرەك شوۆين 19 جىلدان بەرى قىزمەتتە. وقيعا ورنىندا تاعى ءۇش پوليتسيا قىزمەتكەرى بولعان. ولاردىڭ ءبارى جۇمىستان شىعارىلدى. فبر فلويدتىڭ ولىمىنە قاتىستى تەرگەۋدى باستادى، ال ازاماتتىق قۇقىقتاردىڭ بۇزىلۋ بەلگىلەرىن زەرتتەپ جاتىر.

كەيبىر مالىمەتتەر بويىنشا، پوليتسيا قىزمەتكەرلەرى فلويدتىڭ ەسىرتكى قولدانعانىن ايتقان. ولاردىڭ ايتۋىنشا، فلويد قاماۋعا الىنعان كەزدە بەلسەندى تۇردە قارسىلىق كورسەتكەن، ءبىراق بۇل ينتەرنەتتە تارالعان ۆيدەودا دالەلدەنبەگەن. پوليتسيا سونىمەن قاتار فلويدتىڭ دەنساۋلىعىنا بايلانىستى پروبلەمالار بولعانىن دا ايتقان.

ميننەاپوليس فەدەرالدى پوليتسياسىنىڭ حابارلاۋىنشا، وقيعاعا قاتىسقانداردىڭ ءبارى تەرگەۋمەن بىرلەسە جۇمىس ىستەيدى.

ميننەاپوليس مەرى دجەيكوب فرەي پوليتسيا قىزمەتكەرلەرىن جۇمىستان شىعارۋ شەشىمىن قولداپ، فلويدتىڭ وتباسى مەن قالاداعى بارلىق قارا ءناسىلدى ازاماتتاردان كەشىرىم سۇراعان.

باسپاسوز ءماسليحاتى كەزىندە ول وقيعانى ماسقارالىق دەپ اتاعان.

قالا مەرى پوليتسيا قىزمەتكەرلەرى فلويدقا مۇنداي قاتىگەزدىك جاساۋىنا ەشقانداي سەبەپ جوق بولعانىن ايتادى.

"بۇل جاعداي قاي جاعىنان الىپ قاراساق تا دۇرىس ەمەس ءىس بولعان. امەريكادا قارا ءناسىلدى ازامات بولۋ، ونى بىردەن ءولىم جازاسىنا كەسۋ كەرەك دەگەندى بىلدىرمەيدى"، - دەيدى فرەي.

پوليتسيا قىزمەتكەرلەرى جۇمىستان شىعارىلۋ جازاسىمەن قۇتىلمايدى. فبر وقيعاعا قاتىسقان پوليتسيا قىزمەتكەرلەرىنە قارسى ءىس قوزعاعان.

سۋرەتتە ەريك گارنەر. ©vecer.press

دال وسىنداي جاعداي 6 جىل بۇرىن بولعان

وقيعا تاعى ءبىر افراامەريكالىق ەريك گارنەردىڭ ءىسىن ەسكە تۇسىرەدى. 2014 جىلدىڭ 17 شىلدەسىندە نيۋ-يوركتە اق ءناسىلدى پوليتسيا قىزمەتكەرى دانيەل پانتالەو قارا ءناسىلدى ەريك گارنەردى ۇستاۋ كەزىندە تۇنشىقتۇرۋ ءادىسىن قولدانعان. بۇل وقيعا دا ۆيدەوعا تۇسىرىلگەن. دەمىكپەمەن اۋىراتىن 43 جاستاعى گارنەر ءوزىنىڭ سوڭعى سوزىندە: "مەن دەم الا الماي جاتىرمىن" دەپ 11 رەت ايتقان.

گارنەردى تۇتقىنداۋعا ونىڭ بىرنەشە رەت كوشەدە ءوتىپ بارا جاتقان ادامدارعا تەمەكىنى زاڭسىز ساتقانى سەبەپ بولعان. ءبىراق پانتالەو قىلمىستىق ايىپتاۋلاردان قۇتىلدى. ول 2019 جىلدىڭ تامىزىندا جۇمىستان بوساتىلدى. كەيىننەن مۇنداي شەشىم ءۇشىن ول قالا شەندىلەرىن سوتقا بەرگەن.

"مەن تۇنشىعىپ قالدىم" دەگەن ءسوز 2014 جىلى ەريك گارنەر قايتىس بولعاننان كەيىن پوليتسيانىڭ قارا ناسىلدىلەرگە كورسەتكەن زورلىق-زومبىلىعىنا قارسى كۇرەسىندە جاپپاي ۇرانعا اينالدى.

بۇل پوليتسيانىڭ افروامەريكالىقتارعا قاتىستى سوڭعى ۋاقىتتاعى العاشقى قاتىگەزدىك ەمەس. بۇعان دەيىن مەريلەند شتاتىندا وفيتسەر قارا ءناسىلدى ازاماتتى اتىپ تاستاعانى داۋ-داماي بولعان ەدى.

تىزە ارقىلى تۇنشىقتىرۋ ءادىسى – ميننەاپوليس پوليتسياسىندا رۇقسات ەتىلگەن ادىستەردىڭ ءبىرى. سەيسەنبى كۇنى پوليتسيا باستىعى مەداريا اررادوندو پوليتسيانىڭ تۇتقىنداعاندا قولداناتىن ادىستەرى قايتا قارالادى دەپ مالىمدەدى. فبر بۇل ماسەلەگە ءالى تۇسىنىك بەرگەن جوق.

ميننەسوتا سەناتورى ەمي كلوبۋشار بارلىق تاراپتاردى مۇقيات تاۋەلسىز تەرگەۋ جۇرگىزۋگە شاقىردى.

"بىزدىڭ مەملەكەتىمىز بەن ءبىزدىڭ قوعام اتىنان ادىلەتتىلىك وسى ادامعا جانە ونىڭ وتباسىنا جاسالۋى كەرەك"، - دەدى سەناتور ءوز مالىمدەمەسىندە.

قارا ءناسىلدى ءجاسوسپىرىمنىڭ ءولىمى فەرگيۋسوندا دا نارازىلىق تۋدىرعان ەدى

2014 جىلعى تامىزدا اق ءناسىلدى پوليتسيا قىزمەتكەرى داررەن ۋيلسون فەرگيۋسون قالاشىعىندا قارا ءناسىلدى ءجاسوسپىرىم مايكل براۋندى اتىپ ءولتىردى. وقيعا جاپپاي نارازىلىق تۋعىزدى، ال كىسى ولىمىنە قاتىستى قىلمىستىق ءىس قوزعالماعانى نارازىلىق بىلدىرۋشىلەر مەن پوليتسيا اراسىنداعى قاقتىعىسقا اكەلدى. نارازىلىق اكتسيالارى 2015 جىلى "ۋيلسون كىنالى ەمەس" دەپ اقتالعاننان كەيىن تاعى جالعاستى. سونداي-اق، 2016 جىلى براۋن قايتىس بولعانىنا ەكى جىل تولعاندا ونى ەسكە الۋ ءۇشىن بەلسەندىلەر شەرۋگە شىققان. جاپپاي تارتىپسىزدىك ناتيجەسىندە ۇكىمەت بۇل وكرۋگتە توتەنشە جاعداي جاريالاۋعا ءماجبۇر بولعان ەدى.



كەلۋ قاينارى: http://www.elarna.net/koru.php?tur=41&id=1189677

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


سەرىك ابىكەنۇلى: ەسقالي 5 مينوت
ءمامس: قورعا جارنا تولە 5 مينوت
ەلىمىزدەگى بالىقتىڭ 100 11 مينوت
"ۇشاقپەن قىزىل زات 15 مينوت
ەلىمىزدەگى بالىقتىڭ 100 17 مينوت
اتىراۋ وبلىسىندا شەكتەۋ 25 مينوت
اقتوبەدەگى ءدارىحانالار 29 مينوت
اكىمشىلىك قۇقىق بۇزۋشىل 29 مينوت
رەسەيلىك شابۋىلشى ۆاديم 1 ساعات
قازاقستاندا ءبىر اپتادا 1 ساعات
پرەزيدەنتتىك كلينيكانىڭ 1 ساعات
رەسەيدە كوروناۆيرۋسقا ش 1 ساعات
ەلورداعا جۇك ۇشاعىمەن ك 1 ساعات
13 شىلدە كۇنى ەلوردا ۋا 1 ساعات
قاراعاندىدا قورقور كلۋب 1 ساعات
"شىعارماشىلىققا ور 1 ساعات
تەحاستا اتىس كەزىندە ەك 1 ساعات
«تۋر دە فرانس» ۆەلوجارى 1 ساعات
دانيال احمەتوۆ وسكەمەن 1 ساعات
نۇر-سۇلتانعا كوروناۆيرۋ 1 ساعات
قر اشم دۇنيەجۇزىلىك بان 1 ساعات
قوعامدىق باقىلاۋ مەديتس 1 ساعات
اتىراۋدا ينتەرنەتتىڭ ج 1 ساعات
قازاقستان دۇنيەجۇزىلىك 2 ساعات
انگليانىڭ اڭىز فۋتبولشى 2 ساعات
ءىىم باسشىسى زاڭسىز دار 2 ساعات
تۇرىك ينۆەستورلارى جامب 2 ساعات
ولگا رىپاكوۆا: قازىرگى 2 ساعات
ەلورداعا جۇك ۇشاعىمەن ك 2 ساعات
كىم كاسىپكەر؟ سەيسەمباي 2 ساعات