ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-121795452839 %61 %
2019-11-134580823558 %42 %
2019-11-14719203647 %53 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ماسساگەت ماقالالارى

جولدانعان ۋاقىتى: 11:40 - 2019/10/23

ادامنىڭ ءتۇرلى قاسيەتىن انىقتاۋعا ارنالعان 100 سۇراق ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


ادامنىڭ ءتۇرلى قاسيەتىن انىقتاۋعا ارنالعان 100 سۇراق

كومپانياعا جاڭا قىزمەتكەر قابىلداعاندا ونىڭ كاسىبي بىلىگىنەن بولەك soft skills-ىن (العىرلىعىن) انىقتاۋ كەرەك.

Soft skills — كانديداتتىڭ تۇلعالىق قاسيەتتەرى. مىسالى ءتىل تابىسا ءبىلۋ، كوماندامەن جۇمىس ىستەۋ،تايم-مەنەدجمەنت، كرەاتيۆ. Soft skills سۇراقتارىنا "دۇرىس" نەمەسە "بۇرىس" جاۋاپ بەرۋ مۇمكىن ەمەس، ءبىراق مۇنداي قاسيەتتەردى انىقتاپ الماسا، بولاشاقتا جۇمىسشىلاردىڭ ءوزارا ءتىل تابىسۋىنا، كوماندانىڭ بىرلىگىنە اسەر ەتەدى. نازارىڭىزعا ادامنىڭ ءتۇرلى قاسيەتىن انىقتاۋعا ارنالعان 100 سۇراقتى ۇسىنامىز.

كوممۋنيكاتسيا قابىلەتى

1) گراۆيتاتسيا قۇبىلىسىن 6 جاستاعى بالاعا قالاي تۇسىندىرەر ەدىڭىز؟

2) 80 جاستاعى اجەڭىزگە تابىستى قانداي جولمەن تاباتىنىڭىزدا قالاي ءتۇسىندىرىپ بەرە الاسىز؟

3) ءوز ءونىمىڭىزدى ماعان 5 سويلەممەن ساتىپ كورىڭىز

4) ارىپتەسىڭىز ءسىزدىڭ جۇمىستاعى جەتىستىكتەرىڭىزدى كوپتىڭ الدىندا ايتىپ، ماقتاپ جاتىر. ءسىزدىڭ بۇعان رەاكتسياڭىز قانداي؟

5) سىزگە جازباشا سويلەسكەن ىڭعايلى ما؟ الدە اۋىزبا-اۋىز سويلەسۋدى ءجون سانايسىز با؟

6) ءسىز ءۇشىن قايسى ماڭىزدى: بىرەۋدى جاقسى تىڭداي ءبىلۋ نەمەسە جاقسى كوممۋنيكاتور بولۋ؟

كوماندالىق جۇمىس

7) كوماندامەن نەمەسە جالعىز جۇمىس ىستەۋ؟ قايسىسى ءسىزدىڭ كوڭىلگە قونىمدى جانە ونىڭ سەبەبى قانداي؟

8) ءسىز ءۇشىن كوماندالىق ءىس-شارالاردىڭ ماڭىزى قانداي؟

9) كوماندا مۇشەلەرى ءوزارا كەلىسپەي، جۇمىس ونبەي جاتىر دەلىك. بۇل سيتۋاتسيادا قانداي شەشىم قابىلدايتىن ەدىڭىز؟

10) بەلگىلى ءبىر جوباعا قاتىستى ءسىزدىڭ كوماندالاستارىڭىزدىڭ ويى ءبىر جەردەن شىقتى، ءبىراق ءسىزدىڭ پىكىرىڭىز مۇلدە بولەك.

11) ءسىز ءۇشىن كوماندا رۋحى دەگەن نە؟ ونى قالاي قالىپتاستىرار ەدىڭىز؟

12) كوماندادا وزىنە ارتىلعان مىندەتتى ورىنداماي جۇرگەن جۇمىسشىمەن نە ىستەيتىن ەدىڭىز؟

مەنەدجمەنت

13) مەنەدجەردەن نە كۇتەسىز؟

14) كومانداڭىزدىڭ مۇشەلەرى ءبىرىنىڭ ارتىنان ءبىرى كەتىپ جاتىر. قانداي شارا قولداناسىز؟

15) كوماندا مۇشەلەرىنە مىندەتتەردى ءبولىپ الۋعا كوزقاراسىڭىز قانداي؟

16) ءسىزدىڭ مەنەدجەرىڭىز ءبىر ماسەلەدە 100% قاتەلەسىپ تۇر. نە ىستەر ەدىڭىز؟

17) ءسىزدىڭ كومپانياڭىز قارجى قيىندىعىنا تاپ بولىپ، قىزمەتكەر سانىن قىسقارتۋ كەرەك بولىپ تۇر. كىمدى جۇمىستان شىعارار ەدىڭىز؟ نە سەبەپتى ءدال سول قىزمەتكەر؟

يكەم / بەيىمدەلۋ

18) مانسابىڭىزداعى ەڭ قيىن كەزەڭ قانداي؟

19) سىزگە توسىنسىيلار، كۇتپەگەن جايتتار ۇناي ما؟

20) اياقاستى ءبىر شارۋا شىعىپ قالسا، جوسپارلانعان كەستەنى قالاي وزگەرتەسىز؟

21) قىزمەتكەر وتەۋسىز، جۇمىستان كەتۋگە ءوتىنىش جازسا، نە ىستەر ەدىڭىز؟

22) سىزگە كۇندە قايتالاناتىن جۇمىس ۇناي ما؟

پروبلەمانى شەشۋ

23) ءبىر پروبلەمانى ءساتتى شەشكەن ءبىر مىسال ايتىپ بەرىڭىز.

24)بىر پروبلەمانى شەشكەندە ەرەكشە قادامعا بارىپ، شىعارماشىل ءتاسىل قولدانعان كەزىڭىز بار ما؟

25) پروبلەمانى شەشۋ ءۇشىن اقپاراتتى ساراپتاعان سيتۋاتسيا بولدى ما؟

26) پروبلەمانى انىقتاپ، ەرتە شەشىپ تاستاعان كەزىڭىز بولدى ما؟

27) داعدارىس جاعدايىندا پروبلەمادان قالاي قۇتىلدىڭىز؟

كرەاتيۆ

28) ەگەر ءسىزدىڭ ءومىرىڭىز كىتاپ بولسا، ول قالاي اتالار ەدى؟

29) كرەاتيۆتى ارتتىرۋعا قانداي مىسالدار كەلتىرەسىز؟

30) كومپانيا قالاي كرەاتيۆتى بولۋى كەرەك؟

31) كومانداڭىز بارىنشا كرەاتيۆ ويلاۋى ءۇشىن، ولاردى قالاي ىنتالاندىراسىز؟

تۇلعاارالىق قارىم-قاتىناس

32) ارىپتەستەرمەن جاقسى قارىم-قاتىناس جاساۋداعى ەڭ باستى نارسەلەر؟

33) ارىپتەسىڭىزبەن اراڭىز تىم كۇردەلەنىپ كەتسە نە ىستەيسىز؟

34) بىرەۋگە وتە قيىن، كۇردەلى اقپاراتتى قالاي بەرەر ەدىڭىز؟

35) وزىڭىزگە جاقپايتىن بىرەۋمەن جاقسى قارىم-قاتىناس ورناتا بىلگەن كەزىڭىز بولدى ما؟

تايم-مەنەدجمەنت

36) كوپ ماسەلەنى قاتار الىپ جۇرەتىن قابىلەتىڭىز بار ما؟

37) مىنا سوزدەردىڭ قايسى ءسىزدى دالىرەك سيپاتتايدى: "يدەالدان دا جاقسى جاسالعان" نەمەسە "بارلىعى يدەال بولۋى كەرەك"؟

38) بىرنەشە دەدلاين قاتار كەلىپ قالعاندا، جۇمىستاعى پريوريتەتتەردى قالاي رەتتەيسىز؟

39) دەدلاين جاقىنداپ قالدى. جۇمىس تولىق اياقتالماعان. تىعىرىقتان قالاي شىعاسىز؟

40) ءسىزدىڭ مەنەدجەرىڭىز جۇمىس ۋاقىتى اياقتالاردا ۇلكەن جۇمىس تابىستادى. مۇندايدا قانداي شەشىم قابىلدايسىز؟

جۇمىس ەتيكاسى

41) جۇمىس ۋاقىتىنان تىس كەزدە دە جۇمىس ىستەۋگە بەيىمدەلگەنسىز بە؟

42) ءسىز ءۇشىن جۇمىس كەزىندەگى ەڭ ماڭىزدى ەتيكا قانداي؟

43) ەتيكالىق ديلەمماعا تاپ بولعان كەزىڭىز بولدى ما؟

44) مەنەدجەر كومپانيانىڭ ەرەجەسىن بۇزسا نە ىستەر ەدىڭىز؟

45) ءسىز وزىڭىزگە تاپسىرىلعان جۇمىستى ەرتە ءبىتىرىپ قويدىڭىز. قوسىمشا جۇمىس سۇرايسىز با الدە كۇندى بوس وتكىزەسىز بە؟

كليەنتتەرمەن جۇمىس ىستەۋ

46) قاناعاتتانباعان كليەنتپەن قالاي سويلەسەر ەدىڭىز؟

47) كليەنتتىڭ سەنىمىن جاۋلاۋ ءۇشىن نە ىستەۋگە بولادى؟

48) كليەنتكە ەڭ جاقسى سەرۆيس ۇسىنعان كەزىڭىز تۋرالى ايتىپ بەرىڭىزشى.

49) تىرناق استىنان كىر ىزدەي باستاعان كليەنتپەن قالاي جۇمىس ىستەر ەدىڭىز؟

موتيۆاتسيا جانە ەنتۋزيازم

50) جوبادا جالعىز جۇمىس ىستەسەڭىز، موتيۆاتسياڭىزدى قالاي ساقتايسىز؟

51) ءسىزدى قىزىقتىرمايتىن جوبامەن اينالىسساڭىز، ەرىك-جىگەرىڭىزدى قالاي ساقتايسىز؟

52) جۇمىسقا بارعىڭىز كەلمەگەن كۇندەرى ەنتۋزيازمىڭىزدى قالاي وياتاسىز؟

53) ەنتۋزيازم جەتپەي جۇرگەن ارىپتەستەرىڭىزگە قالاي كومەكتەسەسىز؟

54) مىنا اسپەكتىلەردىڭ قايسى ماڭىزدى: مانساپتىق ءوسۋ، جەڭىلدىك پەن بونۋستار، جالاقى جانە جاقسى كوماندا؟

55) ءبىزدىڭ كومانياداعى العاشقى التى ايدا قانداي جەتىستىككە جەتكىڭىز كەلەدى؟

ۇيىمداستىرۋ قابىلەتى

56) ءسىزدىڭ جوسپارىڭىزبەن شەشىلگەن ماسەلە تۋرالى ايتىپ بەرىڭىزشى.

57) جۇمىستا بىرنەشە جوبانى قاتار ىستەۋ كەرەك بولعاندا ونىڭ بارلىعىن قالاي ۇتىمدى ۇيىمداستىراسىز؟

58) جۇمىس كەزىندەگى ءوز پروگرەسسىڭىزدى قالاي باقىلاپ وتىراسىز؟

59) قانشالىقتى ارتىق فايلداردى ءوشىرىپ، پوشتاڭىزدى تەكسەرىپ وتىراسىز؟

كەلىسسوز جۇرگىزۋ

60) ءسىز قاتىسقان ەڭ قيىن كەلىسسوز قايسى؟ ناتيجەسى قانداي بولدى؟

61) جاڭا ءتاسىلدىڭ ۇتىمدى ەكەنىن ءبىلىپ، ء"بىز وسىلاي ىستەپ ءجۇرمىز" دەگەن ستاندارتتى قالاي تەرىسكە شىعارار ەدىڭىز؟

62) مەنەدجەرىڭىزدى نەمەسە باستىعىڭىزدى ءبىر نارسەگە قالاي كەلىستىرەسىز؟

63) كەلىسسوزدەگى كوزىن جەتكىزىپ سەندىرەتىن ەڭ ۇتىمدى تەحنيكاڭىز قانداي؟

ستراتەگيا

64) ستراتەگيالىق جوسپاردى قالاي تۇسىنەسىز؟ ونىڭ كۇندەلىكتى جوسپاردان قانداي ايىرماشىلىعى بار؟

65) ۇلكەن جوبانى قالاي جوسپارلاعانىڭىزدى ايتىپ بەرىڭىزشى. ونىڭ ناتيجەسى قانداي بولدى؟

66) كومانداڭىزعا ۇزاق مەرزىمدى ماقساتتى قالاي قوياسىز؟

پىكىردى قابىلداۋ

67) ءسىز ءۇشىن كونسترۋكتيۆتى سىن دەگەن نە؟

68) باستىعىڭىز ءسىزدى ناشار جۇمىس ىستەدى دەپ باعالادى. نە دەپ جاۋاپ بەرەسىز؟

69) جۇمىس ساپاسىن جاقسارتۋ ءۇشىن كەرى بايلانىستى پايدالانعان كەزىڭىز بولدى ما؟

70) ءوز مەنەدجەرىڭىزدى ەسكەرتۋلەرى مەن پىكىرىن كۇندە الىپ وتىرعىڭىز كەلە مە الدە اپتا، اي سايىن جىبەرگەنى دۇرىس پا؟

كونفليكتىنى شەشۋ

71) جۇمىستا ءبىر كونفليكتىنى شەشكەن كەزىڭىز بولدى ما؟

72) ارىپتەستەرىڭىز ءوزارا كەلىسپەي جاتسا نە ىستەيسىز؟

73) جۇمىس كەزىندەگى كونفليكتىگە كوزقاراسىڭىز قانداي؟

74) ارىپتەسىڭىزدىڭ اشۋى پروبلەما تۋدىراتىن بولسا وعان قالاي كومەكتەسەر ەدىڭىز؟

سترەسسكە بەيىم بولۋى

75) سترەسسپەن قالاي كۇرەسەسىز؟

76) وسىعان دەيىن مانسابىڭىزداعى ەڭ قاتتى سترەسس العان كەزىڭىز بولدى ما؟ ونى قالاي جەڭدىڭىز؟

77) سترەسستى جوياتىن قانداي جاقسى تاسىلدەر بار؟

78) جۇمىستا قانداي سيتۋاتسيالار ءسىزدى ىڭعايسىز جاعدايدا قالدىرادى؟

شەشىم قابىلداۋ

79) سىزگە قىسىم كورسەتىپ جاتىپ شەشىم قابىلداعان كەزىڭىز بولدى ما؟ ول سيتۋاتسيادان قالاي شىقتىڭىز؟

80) ءسىز جاۋاپتى شەشىم قابىلداۋعا دايىنسىز با؟ الدە ونى باسقا بىرەۋدىڭ ىستەگەنى ىڭعايلى ما؟

81) ءسىز بۇعان دەيىن جۇمىستا قانداي ماڭىزدى شەشىم قابىلدادىڭىز؟ ونىڭ سوڭى قالاي بولدى؟

82) ناشار نەمەسە دۇرىس ەمەس شەشىم قابىلداعانىڭىزدى تۇسىنگەندە نە ىستەيسىز؟

83) شەشىم قابىلداعانداعى ەڭ قيىن نارسە قانداي؟

وزىنە سەنىمدى بولۋى

84) ءسىزدىڭ جوباڭىز ءساتسىز اياقتالدى. بۇل جاعدايدى قالاي ەڭسەرەسىز؟

85) وسىعان دەيىن جۇمىستا وزىڭىزگە سەنىپ شەشىم قابىلداپ، وعان ارىپتەستەرىڭىز بەن باسشىلىق قارسى بولعان جاعداي بولدى ما؟

86) وزىڭىزگە سەنىم جەتپەگەندە نە ىستەيسىز؟

87) وزىڭە تىم سەنىمدى بولىپ كەتۋ قاۋپىنەن قالاي ساقتاناسىز؟

مادەني سايكەستىك

88) ءوزىڭىزدى بارىنشا ءونىمدى، سەرگەك سەزىنەتىن جۇمىس ورتاسىن سيپاتتاپ بەرىڭىزشى.

89) ءسىزدى ءبىرىنشى ايدا-اق جۇمىستى تاستاپ، شىعىپ كەتۋىڭىزگە نە ءماجبۇر ەتۋى مۇمكىن؟

90) ءسىز بۇعان دەيىن ساياساتى ادىلەتسىز، ماردىمسىز كومپانيانى كەزدەستىردىڭىز بە؟ ەگەر ونداي بولسا، ونىڭ ساياساتى قانداي بولدى جانە ونىڭ سەبەبى نەدە؟ ولاردىڭ ورنىندا ءسىز نە ىستەر ەدىڭىز؟

ادالدىق

91) وسىعان دەيىن ء"وز جۇمىس ورنىما لايىق ەمەسپىن" دەگەن سەزىم بولدى ما؟

92) ءسىزدىڭ ارىپتەسىڭىز تەرىس قىلىعىن سىزبە بولىسسە نە ىستەر ەدىڭىز؟

93) جۇمىس پروتسەسىندەگى بەلگىلى ءبىر سيتۋاتسيادا ادال بولۋ مىندەتتى ەمەس دەگەنگە مىسال كەلتىرىڭىزشى.

94) ءسىز وسىعان دەيىن جۇمىستا ادال بولىپ، ءبىراق ول وزىڭىزگە باسقا پروبلەما اكەلدى مە؟ ارتى قالاي اياقتالدى؟

اناليتيكالىق قابىلەت

95) ءبىر پروبلەماعا تاپ بولدىڭىز، ءبىراق ءسىزدىڭ قولىڭىزدا جەتكىلىكتى اقپارات بولمادى. مۇنداي سيتۋاتسيا بولدى ما؟ قانداي شەشىم قابىلدادىڭىز؟

96) شەشىم قابىلدار الدىندا "قولدامايمىن"، "قولدايمىن" دەگەن تاڭداۋلاردى قالاي تارازىلايسىز؟

پرەزەنتاتورلىق قابىلەت

97) پرەزەنتاتسياعا قالاي دايىندالاسىز؟

98) ءسىزدىڭ اۋديتوريانىڭ ءىشى پىسا باستاعاندا نە ىستەيسىز؟

99) ءوز كومانداڭىزعا جامان جاڭالىقتى قالاي حابارلار ەدىڭىز؟

100) وراتورلار قاي جاعدايدا ازىلدەگەن دۇرىس؟



كەلۋ قاينارى: http://www.elarna.net/koru.php?tur=41&id=1063191

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


پرەزيدەنتتىك كادر رەزەر 4 مينوت
قويدان زەكەت بەرەردە قو 4 مينوت
الماتىنى جاسىلداندىرۋدى 4 مينوت
داريعا نازارباەۆا رەسمي 7 مينوت
شەرۋباي قۇرمانبايۇلى: 9 مينوت
ديابەتپەن اۋىرماۋ ءۇشىن 9 مينوت
ميلليونەر (اڭگىمە) R 12 مينوت
تۋربيزنەس وكىلدەرى كاسى 13 مينوت
جات اعىمداعىلاردى وڭالت 19 مينوت
اراعا ادام جۇرگەندە: مە 19 مينوت
قۇرعاق ەرىندى قالاي ەمد 19 مينوت
中国哈萨克语广播网 19 مينوت
اعاجاي التاي تورى 19 مينوت
تيانشان تورى 19 مينوت
وسى ارانى باسىپ كورىڭىز 19 مينوت
ادام ولىمىمەن اياقتالعا 22 مينوت
وتىرىگى جوق ءومىر ̵ 23 مينوت
الماتىدا سمارتفون ۇرلاۋ 25 مينوت
قازاقستاندىق سپورتشى قا 29 مينوت
جان جىلۋىن سەزبەگەندەر 29 مينوت
قانت نەلىكتەن ءقاۋىپتى: 29 مينوت
«قوڭىراۋ شالىپ الايىنشى 1 ساعات
پرەزيدەنت كوكشەتاۋعا كە 1 ساعات
نار سۇتىنەن ءنار العان 1 ساعات
ەلوردادا جۇمىس ىستەيتىن 1 ساعات
قۋانىشتى ءومiر ءسۇرۋدiڭ 1 ساعات
The footballer who hate 1 ساعات
عارىش سالاسىنداعى وڭ ىس 1 ساعات
ناقتى ىستەۋ رۋحىمەن نەگ 1 ساعات
«ۇلى دالانىڭ جەتى قىرى: 1 ساعات