ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-13946291737 %63 %
2019-10-141301382836 %64 %
2019-10-1524280324 %76 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ماسساگەت ماقالالارى

جولدانعان ۋاقىتى: 17:40 - 2019/10/10

كەمەڭگەر كەكىلباەۆ كەڭىستىگى ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


كەمەڭگەر كەكىلباەۆ كەڭىستىگى

"جەراستى قوزعالىستارىنىڭ الدە ءبىر سيقىر قۇدىرەتىمەن عايىپتان پايدا بولىپ، كەيىن كەڭ الەمنىڭ تورىندە ماڭگى باقي ورناپ قالاتىن اقار-شاقار اسقار شىڭدار سياقتى ادامزات الدىنداعى قادىر-قاسيەتى تەك ءبىر عانا عۇمىردىڭ اۋقىمىمەن ولشەنبەيتىن ەلدەن ەرەك ەرەسەن تۇلعالار جۇمىر باستىلار اراسىندا دا ۇشىراسادى. ونداي سيرەك تۋاتىن ادامنىڭ ونەگەلى ءومىرى باقيلىعى مەن باياندىلىعى جاعىنان ولمەس-وشپەس تابيعاتتىڭ وزىمەن عانا باسەكەگە تۇسە الادى".

بۇل – كەمەڭگەر ءابىش كەكىلباي­ۇلىنىڭ ۇلى ويشىل، كلاسسيك جازۋشى لەۆ تولستويعا ارناعان ماقالاسىنىڭ باستاۋى. شىنى كەرەك، وسىناۋ وي-تولعاۋ قايتالاپ وقىعاندا ابەكەڭنىڭ وزىنە ارنالعانداي اسەر قالدىراتىنى راس.

ابىش اعانىڭ تاريحي تۇلعاسى، ءبىرتۋار ءبولمىس-بىتىمى، ويشىل بەي­نەسى، قايراتكەرلىك كەلبەتى تۋرالى ساليقالى پىكىرلەر، پاراساتتى پا­يىمدار رۋحانياتىمىزدا از ايتىلعان جوق. ۋاقىت وتكەن سايىن تاۋ-تۇلعانىڭ تۇڭعيىعىنا بويلاپ، اياۋلى پەرزەنتىنىڭ قىران سامعاۋىن ساراپتاپ، تارلانبوز شاندوزدىڭ عۇمىربايانىن تارازىلايتىن ەلجىرەگەن ەلىنىڭ جۇرەكجاردى پىكىرى، كوزكورگەندەردىڭ كۇندەلىگى تۋا بەرەتىن بولادى. ءوزىمىز دە بۇگىندەرى كۇنى كەشە قاسىمىزدا بىرگە جۇرگەن قابىرعالى قايراتكەر، ساڭلاق ساناتكەر، مارعاسقا قالامگەردىڭ ماعىنالى عۇمىرىنىڭ سىر-سىمباتى جونىندە ءجيى ويلاناتىن بولدىق.

قازاق ادەبيەتىنىڭ "التىن عاسىرى" اتانعان XX عاسىردىڭ 50-60-جىلدارى ادەبيەت الەمىنە ءبىر شوعىر تالانتتار كەلدى. سولاردىڭ اراسىندا تىرناقالدى تۋىندىسى "التىن شۋاقپەن" ادەبيەت الەمىنە بولەك اسەر اكەلگەن ءابىش كەكىلباەۆتىڭ ورنى بولەك ەدى. شاعالاسى تولقىنعا ەركەلەپ، تولقىنى كوككە تۋلاعان اساۋ تەڭىزدىڭ ۇلى – ءابىش ادەبيەت ەسىگىن ولەڭمەن اشتى.

سوز ونەرىنىڭ قاقپاسىن ولەڭمەن قاعىپ، كەيىن كوركەم پروزادا الەمدىك مادەنيەت قازىناسىنا مول ۇلەس قوسقان ءابىش كەكىلباەۆ قالامگەرلىك قۋاتى مول، كەستەلى ءسوز شەبەرلىگى جوعارى تالانتتى تۇلعا، كوپ قىرلى سۋرەتكەر ەدى. ءسوز ونەرىنىڭ تىزگىنىن ۇستاعان ءاربىر سۋرەتكەردىڭ ەڭ اسىل ارمانى مەن ماقسات-مۇددەسى ءوز حالقىن الەمگە تانىتۋ بولسا كەرەك. بۇل تۇرعىدا ءابىش بورىشى وتەلگەن باقىتتى جازۋشى. ونىڭ قالامىنان تۋعان شىعارمالارى الەمنىڭ بىرنەشە تىلدەرىنە اۋدارىلدى. ءوز حالقىنىڭ تالايلى تاعدىرىن، ءجۇرىپ وتكەن جولىن، مۇڭى مەن سىرىن، جانى مەن ارىن، تۇتاس تابيعاتىن تورتكۇل دۇنيەگە تانىتتى. كورنەكتى جازۋشى كەكىلباەۆتىڭ مۇراسى – ۇلتتىق ينتەللەكتۋالدىق قازىناعا اينالدى. ءبىر عانا مىسال، 1982 جىلى ادەبيەتتىڭ عاسىرلىق كەزەڭىن سارالاپ وتىراتىن ەۋروپانىڭ ۇيىمى شىعارعان «سوڭعى ءجۇز جىلدىقتىڭ اتاقتى ءجۇز قالامگەرى» دەگەن پورترەت-پلاكاتتا تولستوي، اۋەزوۆ، دوستوەۆسكي، چەحوۆ، ماركەس، حەمينگۋەي، پاۋستوۆسكي، فەدين، ايتماتوۆ، عامزاتوۆ سىندى الەمدىك تۇلعالار قاتارىنان ءابىش تە ورىن الدى. نەمىستىڭ كىتاپ باسپاسى جۇرگىزگەن ساۋالناما-حاتتاماسىندا "XX عاسىردىڭ تاڭداۋلى جازۋشىلارى" تىزىمىنە دە ەندى. ءسويتىپ تاڭدامالى تۋىندىلارى الەم جازۋشىلارى مەن سىنشىلارىنىڭ نازارىن اۋداردى، شوقتىعى بيىك شىعارماشىلىعى جوعارى باعالاندى.

ابىش الەمىنىڭ ءمىنسىز سوم قۇيىلىسى دا، تابيعي قۇنارلى قۇرىلىسى دا، فەنومەندىك قۇبىلىسى دا – ونىڭ اق راۋشان نيەتىندە، جۇرەك تازالىعىنىڭ جۇپار شىرايىندا. ول كىسى نە جازسا دا، نە ايتسا دا، نەمەن شۇعىلدانسا دا، اقيقاتتان اينالىپ وتپەۋدى مۇرات ەتەتىن. ادامگەرشىلىك، مورالدىق-گۋما­نيستىك قۇندىلىقتاردى ءوزى شۇعىل­دانعان سالانىڭ بارلىعىنا التىن ارقاۋ ەتە ءبىلدى. شىندىق پەن شىنايى­لىقتى، ادالدىق پەن اقيقاتتى تۇعىر ەتكەن تۋراشىل جولى ءاردايىم حالىقتىڭ مۇددەسىنەن، مەملەكەتتىڭ مۇددەسىنەن شىعاتىن.

ابەكەڭ كوزىنىڭ تىرىسىندە-اق زاڭعار جازۋشى، ويعا كەنەن پاراسات يەسى رە­تىندە مويىندالعان سيرەك تۇلعانىڭ ءبىرى. وسىلاي ماڭگىلىك ءومىردى اڭساعان قورقىت، اجالدىڭ الدىن العان قوجا احمەت ياساۋي، جەرۇيىقتى ىزدەگەن اسان قايعى، حالقىنىڭ كەمەلدىگىن اڭساعان اباي، ەلىن الەمدىك وركەنيەتكە جەتەلە­گەن مۇحتار اۋەزوۆ سەكىلدى تاۋ تۇلعا­لاردىڭ قاتارىنا قالامىمەن عالامعا ىزگىلىك تىلەگەن ءابىش كەكىلباەۆ تا قوسىلادى.

وز باسىم ءابىش كەكىلبايۇلى سىندى سان قىرلى تالانت يەسىمەن، پاراساتى مەن ىزگىلىگى جاراسقان بىلىمدارمەن، ەلجاندى دەگدارمەن جەكە تانىستىقتا، ادامي سىيلاستىق-قيماستىقتا بىرگە وتكىزگەن داۋرەنىمدى ەرەن باقىتتى شاعىما بالايمىن. كوكشۋلان تەڭىزدە الىپ كەمەنىڭ جۇزگەنى قانداي بايسالدى دا بايىپتى بولسا، كەمەڭگەر ابەكەڭنىڭ اقىل-وي تەبىرەنىسى دە جۇرتتى لەزدە رۋح تولقىنىمەن شارپىپ، ادەمى اسەرگە قالدىراتىن. ەلىمىز ەگەمەندىك العان توقسانىنشى جىلداردىڭ باسىنان-اق تالاي مارتەبەلى اۋديتوريانى ۇر­شىقتاي ءيىرىپ، ۋىزداي ۇيىتقان بايان­دامالارى، كوركەم سوزدە ولجا، كوسەم­سوزدە جورعا سالعان داڭعىل ونەرپازدىعى ايبىندى الاش ەلىنىڭ مۇددەسىن جاڭا تۇرپاتتاعى زامان مەن قوعامنىڭ بەتبۇرىس توعىسىندا تارازىلاپ تالداعان، رۋحاني ءومىرىمىزدى تۇلەتۋگە سەرپىلىس پەن سىلكىنىس تۋدىرعان دۇنيەلەر بولاتىن.

قالىڭ جۇرتىنىڭ كوكىرەگىنە رۋح قۇي­عان سىرلى سوزدەرى قازاق ەلىنىڭ تاۋەل­سىزدىگىن دارىپتەپ، ازات ويىن شىڭ­داپ، مەملەكەتىمىزدىڭ قالىپتاسۋىنا ءنار بەرىپ، زاڭ ءتۇزىمىن جەتىلدىرۋگە، حالىقارالىق قاۋىمداستىقتا لايىقتى ورنىن ەنشىلەۋگە زور ۇلەس بوپ قوسىلدى.

دالاداي داليعان كەڭ مول پىشىلگەن داڭعايىر دارىن ادەبيەت پەن ونەردىڭ بارلىق سالاسىندا جاسامپازدىقپەن ەڭبەك ەتتى. كينو مەن تەاتر ونەرىنىڭ قىرۋار ماسەلەسىنە جاستىق جىگەرمەن دەم بەردى. ءزارۋ تاقىرىپتار مەن شىرعالاڭ درامالارعا سۇرانىستى قامتاماسىز ەتۋگە كۇش سالىپ ءوزى دە جازدى، الەمدىك كلاسسيكادان تارتىمدى اۋدار­مالار جاسادى. تاۋەلسىزدىك تۇسىندا جىرمەن تولعاعان "ابىلاي حان" دراماسى – ازاتتىق.



كەلۋ قاينارى: http://www.elarna.net/koru.php?tur=41&id=1058320

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


قازاقستان مەن بەلارۋس ا 2 مينوت
ۇلكەن بالاڭىزدى ۇمىتپاڭ 5 مينوت
مينيستر: «60 مىڭ ايلىقپ 5 مينوت
اقتوبەدە جىل سايىن 1500 5 مينوت
中国哈萨克语广播网 5 مينوت
تيانشان تورى 15 مينوت
وسى ارانى باسىپ كورىڭىز 15 مينوت
توكيو وليمپياداسىنا قات 26 مينوت
باياناۋىلدا قانىش ساتبا 1 ساعات
سالاۋات – ساراڭدىقتان س 1 ساعات
تيانشان تورى 1 ساعات
中国哈萨克语广播网 1 ساعات
قازاقستاندىقتار 8 ملرد 1 ساعات
جاپونيادا سۇراپىل داۋىل 1 ساعات
فيليپپيندە بالالاردى پو 1 ساعات
قاسىم-جومارت توقاەۆ سين 1 ساعات
كاتالوندىق ساياساتكەرلە 1 ساعات
توكيو وليمپياداسى: ۇلتت 1 ساعات
بۇل دۇعانى وقىعان ادامع 1 ساعات
ءۇندىستاندا ەكى قاباتتى 1 ساعات
中国哈萨克语广播网 1 ساعات
شىمكەنتتە قاتەرلى ىسىك 1 ساعات
تيانشان تورى 1 ساعات
"بۇل نە كرەاتيۆ؟" توقاە 1 ساعات
الماتىدا قۇرىلىسشىلار م 1 ساعات
قازاقستاندا وتە ءقاۋىپت 2 ساعات
قازاقستان مەن ءازىربايج 2 ساعات
中国哈萨克语广播网 2 ساعات
جارمەڭكە: اقمولالىقتار 2 ساعات
شۋ اۋدانىندا فري كارتو 2 ساعات