ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-08-24497243046 %54 %
2019-08-25515257448 %52 %
2019-08-26126102960 %40 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ماسساگەت ماقالالارى

جولدانعان ۋاقىتى: 16:55 - 2019/07/22

باۋىرجان باباجانۇلى. ءادىل بوتپانوۆقا حات ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


باۋىرجان باباجانۇلى. ءادىل بوتپانوۆقا حات

اسسالاۋماعالەيكۋم، ادىل!
ەرتەڭ – سەنىڭ تۋعان كۇنىڭ! 50 جاس...
ىزدەپ بارىپ قۇتتىقتاۋعا ءوزىڭ، بارىپ، قۇران وقۋعا مولاڭ جوق...
جۇرەكتى جىلىتىپ تۇراتىن ءبىر ءۇمىت بار ەدى، ول دا جىل وتكەن سايىن جىڭىشكەرىپ بارادى...

وزىڭ بولعاندا، بالكىم، قىزىلوردانىڭ اپتابىنا شىجعىرىلىپ، تويدا وتىرار ما ەدىك. “جالىن” جۋرنالىندا توپتاما ولەڭىڭە ءالعىسوز جازىپ، ساتتىلىك تىلەگەن ۇلىقبەك، نەبارى 17 جاسىڭدا جىرلارىڭدى “قارلىعاش” اتتى ۇجىمدىق جيناققا ەنگىزگەن بايبوتا، سەن مويىندايتىن از اقىننىڭ ءبىرى ەسەنعالي، ءار قادامىڭا قۋاناتىن ءمادي اعالارىم تورگە جايعاسار ەدى-اۋ. سولاردىڭ ءبارىن كۇتىپ الىپ، قارقىلداپ كۇلىپ، شاكيزادا اعام جۇرەر ەدى. مارالتاي، جاراس، باتوش، قازىبەك، ساعىندىق ءبارىمىز تىستەسىپ، تەبىسىپ، قاتار وتىرار ەدىك.

...سۆەتقالي جەزدەم جازعانداي، عايىپ-ەرەنگە اينالدىڭ.
قاراپ وتىرسام، ءومىرىڭنىڭ ءبارى جۇمباق ەكەن.
بىرگە تۇسكەن سۋرەتتەرىمىز ساقتالماپتى. بارى دا بۇلىڭعىر.

1990 جىلى شىعۋعا ءتيىس كىتابىڭ اراعا شيرەك عاسىر سالىپ بارىپ شىقتى. “باۋكە، كىتابىن شىعارايىق…” دەپ مەنى قامشىلاعان مارالتايعا، تەگىن شىعارىپ بەرگەن “قازىعۇرت” باسپاسىنىڭ ديرەكتورى تەمىرعالي كوپباەۆ اعامىزعا اللانىڭ نۇرى جاۋسىن.

سول كىتاپتىڭ الماتىدا وتكەن تۇساۋكەسەرىن تاسپاعا تۇسىرگەن جىگىتكە بەرەتىن ءدال سول كەزدە اقشامىز بولماي قالىپ، كەيىن ونى تابا المادىق...

مارالتاي قازاق راديوسىندا مەنىڭ سەن تۋرالى ماتەريالىمدى نەگىزگە الا وتىرىپ، عاجاپ حابار جاساپ ەدى، ديسكىسى اياقاستىنان جوعالىپ كەتتى. كومپيۋتەردە ساقتاپ ەم، ءبىر ۆيرۋس تۇسكەندە ول دا كەتتى. مارالتايدا دا، اعاڭنىڭ ۇيىندە دە ساقتالماپتى...

سەن جوعالىپ كەتىپ، ءۇي ءىشىڭ جاپپاي ىزدەۋ سالىپ جاتقاندا اكەڭە ارناۋلى قىزمەت ورىندارىنان ادام كەلىپ، «سەنىڭ ارنايى تاپسىرمامەن شەتەلگە كەتىپ، ەكى جىلدان كەيىن قايتا ورالاتىنىڭدى، ازىرگە ەشكىمگە ءتىس جارماۋ كەرەكتىگىن...» ەسكەرتكەن. دابىرا كوبەيە بەرسە، بالامنان مۇلدە ايرىلىپ قالارمىن دەپ اكەڭ ىزدەۋدى دوعارىپتى. ەكى جىلدان كەيىن بارسا، الگى ادام «انۋاربەك اقساقالدى مۇلدە تانىمايتىنىن، ارالارىندا مۇنداي اڭگىمە بولماعاندىعىن، ءتىپتى بۇل كىسىنى ءبىرىنشى رەت كورىپ تۇرعاندىعىن» ايتقان. بۇنى ايتقان اكەڭ دە ءقازىر قۇدايدىڭ دارگەيىنە كەتتى...

ينتەرنەت ارقىلى سەنى ۇنەمى ىزدەپ وتىرامىن. بىردە ەكاتەرينبۋرگ قالاسىنداعى ءبىر مەكەمەنىڭ جارناماسىنان «مەنەدجەر بوتپانوۆ اديل انۋاربەكوۆيچ» دەپ شىققاندا دەرەۋ بىرەۋگە زۆونداتىپ ەم، “بىزدە ونداي قىزمەتكەر ىستەمەيدى” دەگەن جاۋاپ الدىق. كەيىن الگى جارناما دا جوعالىپ كەتتى...

شەشۋى ءبىر اللانىڭ قولىنداعى جۇمباق كوپ...

بىرىنشى كۋرستا ءبىز ۇلى اقىن سانايتىن مۇحتار شاحانوۆتى جوققا شىعارىپ، “قادىرعا قاراعاندا، تۇمانباي اقىنداۋ. ويتكەنى وندا سەزىم بار…” دەپ تۇجىراتىن ساعان ۇركە قاراۋشى ەدىك. “قادىردا سحەماتيزم باسىم…” — دەيتىنسىڭ ەزۋىڭدى قيسايتىپ...
“بىزدىڭ پوەزيا مۇلدە باسقا دەڭگەيگە كوتەرىلۋى كەرەك…” — دەيتىنسىڭ كوك ءتۇتىننىڭ اراسىنان كوزىڭ سىعىرايىپ...
ايتپاقشى، سەن: “سىزگە وسى ولەڭ جازۋدى قويۋ كەرەك قوي…” دەپ “ۇكىم” شىعارعان ءبىراز جىگىت سودان كەيىن قولىنا قالام العان جوق...
جاتاقحاناعا ءبىرىنشى كۋرستىڭ ستۋدەنتىن ىزدەپ كەلەتىن جاراسقان اعاڭ دا، ءوزىڭ “ەن سالعان” “باقتالاسىڭ” ءامىرحان دا جوق بۇگىندە...
ەسەسىنە، سەنىڭ ولەڭدەرىڭدى جاتقا وقيتىن جاستار بار. ءبىرازى سەن بولامىز دەپ، بۇرالاڭ جولعا ءتۇسىپ بارىپ، ارەڭ ەس جيدى...
وز ارامىزدا ءادىلجانعا ءجيى وقىتامىز ولەڭىڭدى. ايتپاقشى، بىرنەشە جىل بۇرىن كۋرستاستار ءدال سەنىڭ تۋعان كۇنىڭدە جينالدىق. "ۆەشىرىمىز" سەنىڭ ولەڭىڭمەن باستالدى...
مەرۋەرتىڭ ۇزاتىلعاندا دا جان جارىڭ گۇلسىم مەن ۇلىڭ اقنازاردىڭ جانىندا كۋرستاستارىڭ ءجۇردى.

سولاي، ءادىل.

“تۇپتىڭ ءتۇبى تىرى-ولىدەن بەزىنىپ،
جالعىز مولا جەرلەنەتىن شىعارمىن…” – دەپسىڭ ءبىر ولەڭىڭدە. سول مولاڭدى دا تابا الماي قور بولدىق قوي...

“ول كەلەدى…” – دەپ ولەڭ جازدى ەلۋباي دوسىڭ. سول ايتقانداي، شىنىمەن كەلەر مە ەكەنسىڭ...

كەلسەڭ... سابار ەدىم. “وڭ جاق سامايدان ءبىردى قوي، سول جاق سامايدان ءبىردى قوي، قاق تۇمسىقتان ءبىردى قوي. قۇلاماسا، قۇداي ۇردى عوي…” دەپ ءامىرحان ايتپاقشى، ونداي اتتى كۇن تۋسا، ءبىر ء“مۇيىز شايقاستىرىپ” الىپ، جيىرما جىلدان بەرى ۇمىتقان “سۋاتقا” بىرگە قۇلار ەدىك، ءا؟

...ايتپاقشى، قىزىلوردا جاقتان حابار جوق. فيلفاكتا قاتار وقىعان باۋىرىڭ رۋسلان رۇستەموۆ – وبلىس اكىمىنىڭ ورىنباسارى. جارتى قۇرتتى ءبولىپ جەگەن دوسىڭ امانجول وڭعاربايۇلى “سىر-مەديا” دەيتىن ءدۇمدى مەكەمەنى باسقارىپ وتىر. بەدەلى “...ايقايلاسا، الىم-شومەن ءبىر-اق ۋىس بولاتىن” المات اتاڭنان ءبىر كەم ەمەس شاكيزادا اعام بار، مەرەيتويىڭ ەلەۋسىز قالمايتىن شىعار. ءوزىڭ بولماساڭ دا، ەسىمىڭ جاس ۇرپاقتىڭ قۇلاعىنا سىڭە بەرسە، دەگەن تىلەك قوي بىزدىكى...

سول تويدىڭ ۇستىنە ءوزىڭ كەلسەڭ، قىزىقتىڭ كوكەسى سول بولار ەدى-اۋ...

اۋمين دەيىنشى.

باۋىرجان باباجانۇلى،
22.07.2019



كەلۋ قاينارى: http://www.elarna.net/koru.php?tur=41&id=1025798

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


شقو-دا رەسەي ازاماتى ات 17 سەكوند
شقو-دا ساياجايدىڭ شاتىر 3 مينوت
اۋىرسىنۋدى باساتىن جاقپ 3 مينوت
شىعىس قازاقستاندا ارىس 6 مينوت
سەمەي تۇرعىنى سوعىستا ح 9 مينوت
شقو-دا جاز باستالعالى 2 12 مينوت
شىعىس قازاقستاندا جاستا 15 مينوت
شقو-دا شەتەلدىك كومپاني 24 مينوت
وسكەمەننىڭ 300 جىلدىعى 27 مينوت
وسكەمەن – راحمان قاينار 1 ساعات
KAZ Minerals ورلوۆ شاحت 1 ساعات
شقو-دا شاحتادا جۇمىسشى 1 ساعات
شقو-دا الاكولدىڭ كۋرورت 1 ساعات
وسكەمەندىك جىگىتتى «سەر 1 ساعات
الاكولگە بارا جاتقان اۆ 1 ساعات
شقو-دا 230 كوپبالالى ان 1 ساعات
شقو-دا تاعى دا التىن تا 1 ساعات
26 تامىز. قازاقپارات كۇ 1 ساعات
وسى ارانى باسىپ كورىڭىز 3 ساعات
نايزاعاي، داۋىل، جەل: 2 3 ساعات
ەلوردادا «احمات قازاقست 3 ساعات
دۇيسەنبى كۇنى وسكەمەندە 4 ساعات
اتىراۋدا 71 ءۇي مەن 12 6 ساعات
لا-مانش بۇعازىن ءجۇزىپ 6 ساعات
ءيزرايلدىڭ اۋە كۇشتەرى 6 ساعات
قوستانايدا جول اپاتىنا 6 ساعات
قوستانايدا بال اراسىن و 6 ساعات
جولسەرىكتەردەن ءزابىر ك 6 ساعات
قوستاناي وبلىسىندا 6 مى 6 ساعات
قوستاناي وبلىسىندا ەگىس 6 ساعات