ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-151110375335 %65 %
2019-09-161515454335 %65 %
2019-09-17736227439 %61 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: «ءبىلىم-ال» ماقالالارى

جولدانعان ۋاقىتى: 15:00 - 2019/06/12

ومىرتقانىڭ مويىن بولىگىنىڭ لوردوزىن قالاي ەمدەۋگە بولادى - دەنساۋلىق - Bilim - All


ومىرتقانىڭ مويىن بولىگىنىڭ لوردوزىن قالاي ەمدەۋگە بولادى

ومىرتقانىڭ مويىن بولىگىنىڭ لوردوزى دەگەنىمىز نە؟ بالالار مەن ەرەسەكتەردە پايدا بولۋ سەبەبى. قانداي بەلگىلەر اۋرۋدىڭ بار ەكەنىن بىلدىرەدى. پاتولوگيالىق وزگەرىستەردى كەشەندى تۇردە ەمدەۋ، اۋرۋدى الدىن الۋ مۇمكىندىگى تۋرالى وقي الاسىز.

مويىن لوردوزى — بۇل ومىرتقانىڭ تابيعي دوعاسىنىڭ شامادان تىس ءيىلىپ نەمەسە تۇزەلىپ كەتۋى. پاتولوگيالىق وزگەرىستەر مويىن ومىرتقاسىنىڭ ءبارىن جانە ۇستىڭگى ەكى ارقا ومىرتقاسىن قامتيدى. بىلىكتەن، كوبىنەسە العا قاراي، انومالدى اۋىتقۋ دەنە ءمۇسىنىن وزگەرتىپ، ءومىر ساپاسىن ايتارلىقتاي ناشارلاتادى جانە مۇگەدەك قىلىپ تاستاۋى مۇمكىن.

«ومىرتقانىڭ مويىن بولىگىنىڭ لوردوزى» اۋرۋىنىڭ سيپاتتاماسى

ومىرتقانىڭ قالىپتاسۋى ادام قۇرساقتا جاتقان كەزىندە باستالىپ، ءومىر بويى جالعاسادى. 18 جاسقا قاراي سۇيەك قاتادى، ءبىراق ءيىلىم سىرتقى جانە ىشكى فاكتورلاردىڭ اسەرىنەن وزگەرە بەرۋى مۇمكىن. مويىن ومىرتقاسىنىڭ سۇيەكتەرى جىلجىپ، ولار ۇرشىق ءتارىزدى بىر-بىرىنەن الشاقتاي باستايدى، ديسكىلەر تىعىزدالادى نەمەسە الشاقتايدى، قىلقاندى وسىندىلەردىڭ اراقاشىقتىعى وزگەرەدى.

مويىننىڭ فيزيولوگيالىق ءيىلىمىنىڭ نورماسى — 19-25°. ول ارتقان كەزدە بۇرىش 25-35° جەتۋى مۇمكىن — بۇل اۋرۋ گيپەرلوردوز دەپ اتالادى. مويىن ومىرتقاسى ءيىلىمى وتە از بولعان كەزدە گيپولوردوز دياگنوزىن قويادى، ءيىلىم بۇرىشى 12-28° كەمىپ كەتەدى.

ء

مۇسىننىڭ ءبۇلىنۋى سالماق تۇسەتىن جەردى وزگەرتىپ، سكوليوزدى دامىتىپ جىبەرۋى مۇمكىن. باستىڭ يىلۋىندەگى وزگەرىس ومىرتقانىڭ جانىندا تۇراتىن كۇرە تامىرلاردىڭ قىسىلىپ قالىپ، قان اينالىمىن بۇزۋى مۇمكىن. قورەكتىك زاتتار مەن وتتەگىنىڭ جەتىسپەۋشىلىگى ونج فۋنكتسيالارىنىڭ بۇزىلۋىنا اپارىپ سوعادى.

مويىن لوردوزىنىڭ پايدا بولۋ سەبەپتەرى

پاتولوگيانىڭ دامۋىنا تۇقىمدا بار جانە تۋا بىتكەن انوماليالار، جۇرە پايدا بولعان اۋرۋلار مەن ءتۇرلى سەبەپتەردەن بولعان جاراقاتتار ىقپال ەتەدى. ءومىر سالتى مەن الەۋمەتتىك جاعداي دا ىقپال ەتەدى.

بالالارداعى مويىن لوردوزى

بالانىڭ كۇتىمى دۇرىس بولماۋى ءمۇسىنىن ءبۇلدىرىپ، ونىڭ ارى قارايعى ومىرىنە اسەر ەتەدى.

بالالار مويىنىنىڭ فيزيولوگيالىق ءيىلىمىنىڭ وزگەرىپ كەتۋ سەبەپتەرى:

◉ تورسيوندىق ديستونيا مەن قيسىق مويىن بولعانى ءۇشىن ىڭعايلى پوزادا تۇرۋ قاجەت بولادى، بۇل اۋرۋدى كۇشەيتە بەرەدى.

◉ گەنەتيكالىق فاكتورلار نەمەسە دەنساۋلىققا قاتتى اسەر ەتكەن جۇكتىلىكتىڭ كەسىرىنەن بولاتىن انوماليالار مەن پاتولوگيالار.

◉ بۇلشىقەت پەن بايلانىستىرۋشى اپپاراتتىڭ دامۋى تەجەلىپ قالىپ، سۇيەكتەردىڭ، ونىڭ ىشىندە ومىرتقانىڭ جىلدام ءوسىپ كەتۋى.

◉ كورۋ جانە ەستۋ قابىلەتىنىڭ ناشارلاۋى. قانداي ءبىر زاتتى كورۋ نەمەسە دىبىستاردى ەستۋ ءۇشىن ءسابي رەفلەكتورلى تۇردە باسىن يۋگە، ەڭكەيۋگە تىرىسىپ تۇرادى.

◉ وتە تار نەمەسە كەرىسىنشە، كەڭ كيىم، جاتتىعۋ جاساۋعا ءتيىستى جاعدايدىڭ جاسالماۋى.

بالالىق شاقتا پايدا بولىپ، لوردوزدىڭ قالىپتاسۋىنا ىقپال ەتەتىن اۋرۋلاردى بولەك قاراستىرىپ وتكەن ابزال:

1. انكويلوز — ومىرتقاداعى شەمىرشەكتىك نەمەسە فيبروزدىق ءتىننىڭ استاسىپ كەتۋى;

2. راحيت — سۇيەك ءتىنىنىڭ مينەراليزاتسياسىنىڭ بۇزىلۋى.

بۇل كۇي ءارتۇرلى اۋرۋلاردى ۇشىقتىرادى: مويىن بولىگىندەگى جاڭا پايدا بولعان ىسىكتەر (قاتەرلى جانە قاتەرسىز)، قابىنۋ ۇدەرىستەرى.

ەرەسەك ادامنىڭ لوردوزى

ەرەسەكتەردىڭ ومىرتقاسىنىڭ مويىن بولىگىندەگى پاتولوگيالىق ءيىلىم بالالىق شاعىندا جوعارىدا ايتىلىپ وتكەن سەبەپتەر بويىنشا قالىپتاسۋى مۇمكىن نەمەسە كەسەلدەرگە نەمەسە كاسىبي قام-قارەكەتىنە بايلانىستى 18 جاستان سوڭ پايدا بولۋى مۇمكىن.

ەرەسەكتەردە مويىن لوردوزىنا سەبەپ بولاتىن فاكتورلار:

◉ سۇيەك جانە بۇلشىقەت تىندەرىنە زيان كەلتىرەتىن اۋرۋلار: بەحتەرەۆ اۋرۋى، وستەوميەليت، وستەوپوروز، وستەوحوندروز، سۇيەك تۋبەركۋلەزى.

◉ ءمۇسىندى بۇلدىرەتىن كيفوزداردىڭ (قۇنىس اۋرۋى) نەمەسە لوردوزداردىڭ بولۋى.

◉ مەتوبوليزم دەڭگەيىنە ىقپال ەتۋشى ەندوكريندىك جۇيەنىڭ اۋرۋلارى — قانت ديابەتى، گيپەرتيرەوز، گيپوتيرەوز.

◉ ۇزاق ۋاقىت، كەيدە ىڭعايسىز، قالىپتا بولۋ قاجەت كاسىبي جاعداي، جۇمىس ورنىنا جارىقتىڭ جەتكىلىكسىز ءتۇسۋى.

◉ كورۋ جانە ەستۋ قابىلەتىنىڭ ۇدەمەلى تۇردە ناشارلاۋى.

◉ كاسىبي زياندىلىقپەن، تەمەكى تارتۋمەن، الكوگول ىشىمدىكتەرىن جانە ەسىرتكىلەردى تۇتىنۋمەن بايلانىستى ۋلانۋ.

ەگەر بالالارداعى لوردوزدى تۋدىراتىن سەبەپتەردى جويۋ كەزىندە پاتولوگيالىق وزگەرىستەردىڭ ورنىن تولتىرۋعا بولاتىن بولسا، ەرەسەكتەردە ءمۇسىننىڭ ءبۇلىنۋى سول كۇيى قالا بەرەدى.

ومىرتقا مويىن لوردوزىنىڭ نەگىزگى سيمپتومدارى

بالالاردىڭ لوردوزعا شاعىناتىن كەزدەرى سيرەك. اۋرۋ تۋا بىتكەن بولسا، ولار باسىن قالاي ىڭعايلى بولسا، سولاي ۇستاۋعا ەتى ۇيرەنىپ كەتىپ، باستىڭ ىقتيارسىز ءيىلىپ تۇرعانى جاعىمسىز سەزىم تۋدىرمايدى.

لوردوز بىرتىندەپ قالىپتاساتىن بولسا، مويىنداعى جاعىمسىز سەزىمدەر، سامايىندا نەمەسە ماڭدايىندا از ۋاقىتقا اۋىرسىنۋ سەزىمى مازالايدى. بىرتىندەپ باسىنىڭ العا قاراي نەمەسە ءبىر شەتىنە قاراي ءيىلىپ كەتكەنى بايقالادى.

كلينيكالىق جاي-كۇي مىنا جاعدايدا ناشارلايدى:

1. اۋىرسىنۋ كۇشەيىپ، مويىنعا نەمەسە جاۋىرىنعا وتەدى، باستى يۋ نەمەسە بۇرۋ قيىنداپ كەتەدى.

2. باس اينالىپ، قۇلاق شۋلاي باستايدى.

3. بەت تەرىسىنىڭ جانى كەتىپ، بۋىندارى تۇرشىگەدى، قول ۇيىپ قالادى، تاڭەرتەڭ ساۋساقتار يكەمگە كەلمەي قويادى.

4. تابەت ناشارلاراپ، قاي-قايتا جۇرەك ايني بەرەدى.

5. مىيعا وتتەگى از بارىپ تۇرعاندىقتان، انەميا ۋشىعا باستايدى.

6. ەستە ساقتاۋ قابىلەتى ناشارلاپ، ءبىر نارسەگە زەيىن سالۋ قيىندايدى.

ومىرتقانىڭ بارلىق بولىكتەرى ءبىر بىرىمەن بايلانىستى بولعاندىقتان، مويىن لوردوزى ومىرتقانىڭ باسقا بولىكتەرىنىڭ ءيىلىپ كەتۋىنە سەبەپ بولادى، كوكىرەك قۋىسىنىڭ پوشىمى وزگەرەدى. بۇل تىنىس الۋدىڭ بۇزىلۋىنا اپارىپ سوعادى — تەرەڭ تىنىستاۋ قيىن بولىپ كەتەدى. ستەنوكارديا مەن تاحيكارديا پايدا بولادى. ىركىلىستىك قۇبىلىستار وجج (ورتالىق جۇيكە جۇيەسى) مەن مىيدىڭ ىلەسپە اۋرۋلارىن تۋدىرۋى مۇمكىن.

ومىرتقانىڭ مويىن بولىگىنىڭ لوردوزىن ەمدەۋ ەرەكشەلىكتەرى

ەرەسەكتەردىڭ مويىن تۇسىنداعى ومىرتقاسىنىڭ فيزيولوگيالىق ءيىلىمىن تولىقتاي قالپىنا كەلتىرۋ مۇمكىن ەمەس. تەراپاۆتتىك شارالاردىڭ ماقساتى — اۋىرسىنۋدى كەتىرۋ، قيمىل-قوزعالىستى قالپىنا كەلتىرۋ جانە دەنساۋلىقتىڭ ناشارلاۋىن توقتاتۋ.

مويىن لوردوزىن مەديتسينالىق دارى-دارمەك ارقىلى ەمدەۋ

فارماتسەۆتيكالىق قۇرالدار قابىنۋ ۇدەرىستەرى كەزىندە اۋىرسىنۋ سەزىمىن كەتىرۋ ءۇشىن پايدالانىلادى.

مىنانداي دارىلەر بەلگىلەنەدى:

◉ قابىنۋعا قارسى بەيستەرويدتى دارى-دارمەك (ككبسد). تابلەتكالاردى جانە ينەمەن سالىناتىن دارىلەردى قولدانادى. ولارعا يبۋپروفەن، ديكلوفەناك، كەتونال جاتادى. اس قورىتۋ اعزالارى قابىنىپ كەتپەۋى ءۇشىن بۇل دارىلەر 5-7 كۇننەن ارتىق پايدالانىلمايدى. ءموۆاليستى (مەلوكسيكام) 7-10 كۇن پايدالانۋعا بولادى، ول اسقازاننىڭ شىرىشتى قابىعىنا زيان كەلتىرمەيدى. تابلەتكالاردى كۇنىنە 3 رەت تاماقتان سوڭ ىشەدى، ينەكتسيالاردى ەكى رەت — تاڭەرتەڭ جانە كەشكە سالادى.

◉ B توبىنىڭ دارۋمەندەرى (B1، B6، B12). نەيروبيوننىڭ نەمەسە نەيرورۋبيننىڭ قۇرامىندا بۇل دارۋمەندەر تولىعىمەن بار. ەمدەۋ كۋرسى — 10 كۇن، ءبىر رەت قانا پايدالانىلادى.

◉ بۇلشىقەتتىڭ اۋىرسىنۋ سەزىمىن كەتىرۋ. ميدوكالم نەمەسە ونىڭ انالوگتارى: سيردالۋد، توپەريزون، باكلوفەن. بۇلشىقەتكە تاۋلىگىنە 2 رەت سالىنادى، تامىرعا ءبىر رەت سالىنادى.

ەمدەۋ ۇزاقتىعىن جانە قاي ءدارىنىڭ قانشا رەت قولدانىلاتىنىن ءار پاتسيەنتتىڭ جەكە باسى ەرەكشەلىكتەرىنە كاراي ناقتىلايدى.

اۋىرسىنۋ جويىلىپ، قان اينالىمى قالپىنا تۇسكەن سوڭ، ومىرتقانىڭ مويىن بولىگىنىڭ قيمىل-قوزعالىسى مەن قوزعالعىشتىعىنىڭ امپليتۋداسىن ورنىنا كەلتىرۋ ءۇشىن ارنايى جاتتىعۋلاردى جاساۋعا كەڭەس بەرىلەدى.

مويىن لوردوزى بولعاندا جاسالاتىن جاتتىعۋلار

ەدشك (ەمدىك-دەنە شىنىقتىرۋ كابينەتىندەگى) جاتتىعۋلار قابىنۋ ۇدەرىسى توقتاعان سوڭ باستالادى. بۇل ۋاقىتتى پاتسيەنت اۋىرسىنۋدى سەزبەۋى ءتيىس. ەمدىك كەشەندى دارىگەر پاتسيەنتتىڭ كلينيكالىق احۋالىنا قاراي، مويىن تۇسىنداعى ومىرتقانىڭ جاي-كۇيىن ەسكەرە وتىرىپ تاڭداپ الادى.

العاشقى كۇندەرى نۇسقاۋشىمەن بىرگە جاتتىعۋعا كەڭەس بەرىلەدى، ودان كەيىن، تۇسەتىن كۇش دەڭگەيىن ەسكەرە وتىرىپ، بۇنى ۇيدە ىستەي بەرۋگە بولادى. ەدشك دەيىن جانە ودان كەيىن قان قىسىمى مەن جۇرەك سوعىسى جيىلىگى تەكسەرىلىپ تۇرادى.

جاتتىعۋدى، بۇلشىقەتتى قىزدىرۋ جانە جاراقات الىپ قالماۋ ءۇشىن، دەنەنى ىسىتۋدان باستايدى. ەگەر پاتسيەنت توسەك تارتىپ جاتسا، وندا الدىن الا اياق-قول مەن مويىنعا ماسساج جاسالادى. ناۋقاس ءوزى شىنتاعى مەن تىزەسىن بۇگىپ-جازادى، كوتەرىلگەن قولدارى مەن اياقتارىن بۋىندارىندا ارى بەرى بۇرادى.

ەگەر پاتسيەنتتەر توسەك رەجيمىن ساقتاۋى قاجەت بولماسا، وندا دەنە قىزدىرۋعا ءجۇرىس، اياڭ جۇگىرىس، قولدى كوتەرۋ جانە ەكى جاققا جازۋ كىرەدى.

مويىنعا ارنالعان جاتتىعۋلار:

1. باياۋ قارقىنمەن باستى اينالدىرۋ. اۋەلى وتىرىپ، سوسىن تۇرىپ، ءار جاققا 5 رەت رەتتەن ىستەلەدى.

2. باستى العا، ارتقا، وڭعا جانە سولعا قاراي يۋ. تەك وتىرعان كۇيدە ىستەلەدى، باس اينالىپ كەتپەۋى ءۇشىن كوز اشىق بولادى. وڭ نە سول جاققا ەڭكەيىپ-جانتايعاندا قۇلاق يىققا مەيلىنشە جاقىن بولۋى ءتيىس. ءار قيمىل 6 رەتتەن ارتىق جاسالمايدى.

3. «قايىق». شالقالاپ جاتۋ كەرەك. ءبىر ۋاقىتتا يەكتى كەۋدەگە تاقاپ تۇرىپ، اياقتى قۇشاقتاپ، ىشكە قاراي تارتادى. وسىلاي 10 رەت تەربەتىلەدى. جاتتىعۋ 5 رەت جاسالۋى ءتيىس.

4. «مىسىق». بۇل جاتتىعۋ لوردوزدىڭ بارلىق تۇرلەرى كەزىندە پايداسى تيەدى. تىزە-شىنتاققا تايانىپ تۇرادى، جاۋىرىن تۇسىندا ءيىلىپ، اقىرىنداپ جوعارى قاراۋ كەرەك، سوسىن باستى ءتۇسىرىپ، يەكتى كەۋدەگە تيگىزەدى.

5. «تەرەزەدەن قاراعان اپاي». گوريزونتالدى بەتكەيگە ەتپەتىنەن جاتادى. يەك تۇسىنا قالىڭ كىتاپتى قويادى، ونىڭ ۇستىنە ەكى قول ءبىرىن ءبىرى ۇستاپ تۇرادى. يەكتى تىگىنەن قويادى دا، ءبىر مينۋت بويى وسى كۇيدە تۇرادى، باستى ءبىر جاققا قاراي بۇرادى. ءار جاققا 5 رەتتەن 10 رەت قايتالاپ جاسالانادى.

ەدشك كەشەنىن اياقتاپ، شالقالاپ جاتادى. باستى كەۋدەگە قاراي يەدى، قولدىڭ دەمەۋىمەن وتىرادى، باستى كوتەرەدى. تۇرىپ، قولدى قاعادى.

لوردوز كەزىندە جاسالاتىن جاتتىعۋلار مويىن تۇسىنداعى قان اينالىمىن جانداندىرا تۇسۋگە، بايلانىستىرۋشى اپپاراتتى نىعايتۋعا، ومىرتقانىڭ قوزعالىمدىعىن جاقسارتۋعا سەپتىگىن تيگىزەدى.

بالالارعا بۇل ەمدىك كەشەنگە شۆەد قابىرعاسىن (گيمناستيكالىق اكسەسسۋارعا ارقامەن جابىسىپ تۇرىپ، باستى ەڭكەيتەدى) جانە نۇسقاۋشىنىڭ كوزىنشە دوپپەن وينايتىن قوزعالىمدى ويىنداردى قوسىپ بەرەدى. ەرەسەكتەرگە جۇزۋمەن اينالىسۋعا كەڭەس بەرىلەدى.

شەنتەمىر (بانداج) ارقىلى مويىن لوردوزىن تۇزەۋ

مويىنعا تاعىلاتىن بانداج — بۇل پوشىمى كيىم جاعاسى ءتارىزدى تىعىز جاستىقشا. ول مويىندى بەلگىلى ءبىر قالىپتا ۇستاپ تۇرادى، قان اينالىمىنىڭ بۇزىلىسىن جانە نەرۆ تالشىقتارىنىڭ قىسىلىپ قالۋىن بولدىرمايدى. قاتتى، شالا قاتتى جانە ازداپ قىسىپ ۇستايتىن كونسترۋكتسيالارى پايدالانىلادى.

قولدانۋ ءۇشىن كوبىنەسە مىنا اكسەسسۋارلار تيپتەرى بەلگىلەنەدى:

◉ شانتس شيناسى. قاڭقاسى تىعىز ماتەريالدان، پلاستيك شينادان نەمەسە پوليۋرەتاننان جاسالادى. بۇل بۇيىم مويىن پوشىمىن قايتالايدى، قان اينالىمىن جاقسارتادى، جىلىجاي اسەرىن بەرىپ، جىلىتادى. مويىن ومىرتقالارىنىڭ اراسىن اشىپ جانە بۇلشىقەتكە تۇسكەن كۇشتى ازايتاتىن ەمدىك اسەرى بار.

◉ «فيلادەلفيا» بانداجى. گيپواللەرگەندى كوبىكپوليۋرەتان جاسالعان، مويىن تۇسىنداعى ساڭىلاۋدىڭ ارقاسىندا جىلىجاي اسەرى بولمايدى. بۇل كورسەت ءتۇرىن تراحەوستومامەن بىرگە تاعىپ جۇرە بەرۋگە بولادى. ارنايى جابىسقاق تۇيمەلىكتىڭ ارقاسىندا ول تاعىپ الۋعا جانە شەشىپ تاستاۋعا قولايلى. جاراقات العان سوڭ، وپەراتسيادان سوڭ، مويىن ومىرتقاسىنىڭ ورىنىنان تايعان، مويىن بۇلشىقەتى سوزىلعان كەزدە پايدالانىلادى.

◉ جەل تولتىرىلاتىن قۇرساما (جاعا). بىرنەشە پايدالانۋ نۇسقاسى بار. مويىنعا سالىپ، كەرەكتى كولەمگە دەيىن ۇرلەپ، فيزيولوگيالىق كۇيىندە ۇستاتىپ قوياتىن رەزينا جاستىق تۇرىندەگى ەڭ قاراپايىمى. ىشىندە اۋا تولتىرىلاتىن ەلەمەنت بولاتىن ءوزارا بىرىكتىرىلگەن ەكى جولاقتان قۇرالعان كۇردەلىرەك ءتۇرى. بۇنداي بانداجدى تاعىپ ۇيىقتاۋعا دا بولادى.

بانداجدىڭ ءتيپى مەن ەمدەۋ ۋاقىتىنىڭ ۇزاقتىعىن دارىگەر ايقىندايدى. بۇيىمدى ەش شەكتەۋسىز تاعىپ جۇرە بەرسە، گيپولوردوز كۇش الىپ كەتۋى جانە احۋالدىڭ ناشارلاپ كەتۋى مۇمكىن.

ومىرتقانىڭ مويىن بولىگىنىڭ لوردوزى بولعان كەزدەگى حيرۋرگيالىق ارەكەت

تۋا بىتكەن نەمەسە جاراقات العان سوڭ پايدا بولىپ، اسقىنعان لوردوز كەزىندە حيرۋرگيالىق وتاعا جۇگىنەدى. ىستىك، تىلىمشە جانە توعىن تۇرىندەگى ارنايى مەتاللكونسترۋكتسيالار ارقىلى ومىرتقا دوعاسىنىڭ ءيىلىمىن ارتتىرادى نەمەسە ازايتادى.

لوردوز بىرتىندەپ وزگەرىپ وتىرادى. مەتاللكونسترۋكتسيالاردىڭ قىسىمى ءيىلىمدى ارتتىرىپ نەمەسە ازايتىپ، فيزيولوگيالىق كۇيدى قالپىنا كەلتىرەدى. پاتسيەنتتىڭ ورگانيزمى وزگەرىستەرگە بىرتىندەپ كونىگۋى ءۇشىن ەمدەۋ كەزىندە جانە وڭالتىپ-ساۋىقتىرۋ بارىسىندا مويىنىن قوزعالمايتىن ەتىپ تاستايدى.

وتا ارەكەتىنىڭ كولەمى ءار جاعدايدا ناۋقاستىڭ جەكە باسى ەرەكشەلىكتەرىنە قاراي بەلگىلەنەدى. جالپى ناركوز قولدانىلۋى مىندەتتى. وڭالتۋ كەزەڭى ءبىر جىلعا جۋىق بولادى.

قيمىل-قوزعالىستى قالپىنا كەلتىرۋگە ارنالعان تەراپەۆتتىك امالدار:

1. باس كەزىندە تۇراقتى تۇردە تاعىلاتىن بانداج;

2. ماسساج، فيزيولوگيالىق ەم جانە ينە سالۋ ارقىلى ىستەلەتىن رەفلەكسوتەراپيا;

3. مىندەتتى تۇردە قولدانىلاتىن ەدشك كەشەنى.

مويىن تۇسىنىڭ ماسساجى، شيپاجاي-كۋرورتتىق ەم جانە فيزيوتەراپيا — ماگنيتپەن ەمدەۋ، ۋلترادىبىس، ينە پىسكىلەۋ جانە باعىتتالعان ينفراقىزىل اعىنمەن قىزدىرۋ ومىرتقانىڭ مويىن بولىگىنىڭ لوردوزىن ەمدەۋ كەزىندە قولدانىلاتىن قوسىمشا امالدار بولىپ تابىلادى.

راتسيوننان بۋىندارعا تۇز تۇرىپ قالۋىنا سەبەپ بولاتىن قۇرامىندا پۋريندەر بار ازىق-تۇلىك: مايلى ەت، ءسۋبونىم، كونسەرۆىلەر، دامدەۋىشتەر مەن استاتىم تۇزدىقتار، بۇرشاق تۇقىمداستار، الكوگول جانە ءتاتتى تاعامدار الىنىپ تاستالادى.

اۋرۋ قايتىپ سوقپاۋى ءۇشىن ارنايى تاڭداپ الىنعان جاتتىعۋلاردى ۇنەمى جاساپ ءجۇرۋ جانە ورتوپەديالىق جاستىقتى جاستانىپ ۇيىقتاۋ كەرەك.

ومىرتقانىڭ مويىن بولىگىنىڭ لوردوزىن ەمدەۋدى باستاماي تۇرىپ، ول پاتولوگيانى تۋدىرعان جانە دامىتقان ناقتى سەبەپتى انىقتاپ الۋ قاجەت. نەگاتيۆتى فاكتوردى جويعان سوڭ، ومىرتقانىڭ بەل بولىگىندەگى دەگەنەراتيۆتى وزگەرىستەردىڭ ءتۇزىلۋىن توقتاتىپ تاستاۋعا بولادى.

وقۋعا كەڭەس بەرەمىز:

يشياس

بەلدى قورعاۋدىڭ 10 جولى

سۇيەك-بۋىن تۋبەركۋلەزى

وستەوپوروز


الەۋمەتتىك جەلىلەردە ءبولىسىڭىز:


كەلۋ قاينارى: http://www.elarna.net/koru.php?tur=40&id=1007946

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


جازاسىن وتەپ شىققان اقت 3 مينوت
بيىل 2 ميلليوننان استام 6 مينوت
باسكەتبولنايا كوماندا ۆ 9 مينوت
قوستاناي وبلىسىندا 7-سى 9 مينوت
ءامينا ءومىرزاقوۆانىڭ 1 9 مينوت
ميحاەل شۋماحەر: قارجىلى 9 مينوت
ەل بەرەكەسى – بىر 9 مينوت
الماتىلىق وقۋشىلار نورم 9 مينوت
الماتىدا VIII رەسپۋبليك 9 مينوت
جاڭا جۇڭگو قۇرىلعاندىعى 9 مينوت
قاناتتىڭ كەلەسى قارسىلا 9 مينوت
قۇندىز دۇكەي قىزى مەن ا 9 مينوت
توڭكەرىستەنگەن، وسىزاما 9 مينوت
سىرداريالىق ديقاندار كۇ 9 مينوت
تۇركىستان جۇرتشىلىعى جو 15 مينوت
«بولاشاق» باعدارلاماسى 18 مينوت
مەملەكەت باسشىسى جاقسىن 19 مينوت
ۇكىمەت ءۇيىنىڭ الدىندا 19 مينوت
لوندوندا سەمەي پوليگونى 21 مينوت
ۆ 6 سلۋچاياح موجنو سموت 24 مينوت
قانات يسلامنىڭ قارسىلاس 24 مينوت
مىرزاكەنتتىڭ ورتالىق ال 24 مينوت
تاتارستاندا اۋدارىسپاقت 27 مينوت
از ۇلتتاردىڭ 11 - كەزەك 29 مينوت
«حالىقارالىق ساۋدا» يند 29 مينوت
ۆالەنتينا يسلاموۆا ايەل 1 ساعات
قازاقستاننىڭ ارزان بەنز 1 ساعات
مينيستر: قازاقستاندىق و 1 ساعات
قازاقستان بيزنەس جۇرگىز 1 ساعات
قر پرەزيدەنتى جۇمىس ساپ 1 ساعات