ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەگەمەن قازاقستان ماقالالارى مەن جاڭالىقتارى

جولدانعان ۋاقىتى: 06:48 - 2020/08/10

Нақты Көзі: https://egemen.kz/article/244798-shyn-khakim-sozinh-asyl-–-bagha-dgetpes

ال، ەندى، ولاي بولسا، كىمدى الالىق؟

قازاقتا قاي جاقسى بار كوز سالارلىق؟

شىن ىزدەسەك، تابارمىز شىنى عالىم،

كۇندە كۇيلەي بەرمەلىك بوزبالالىق.

ساق بولالىق، ءبىر شوقىپ، ءبىر قارالىق!

قاراۋىلدار مەزگىل عوي، تۇر، قارالىق!

ء

جۇز ايتقانمەن، وزگەنىڭ ءبارى نادان،

جالىنالىق ابايعا، ءجۇر، بارالىق!

ء

بىلىمدى سول كىسىدەن ىزدەنەلىك!

«ادەيى ىزدەپ ءبىز كەلدىك سىزگە» دەلىك.

ء

«ومىر زايا بولماستىق ونەر ۇيرەت،

اقىلىڭدى اياما بىزگە» دەلىك.

بۇل اباي ساۋداگەر عوي اقىل ساتقان،

ء

ارتۇرلى اسىلى كوپ وتپەي جاتقان.

تەگىن بىلسەڭ – الاسىڭ، بوس بەرەدى،

تۇستاسىنان ەشكىم جوق مۇنى تاپقان.

مىناۋ اباي – ءبىر عالىم جول شىعارلىق

زامانداسى بولمادى ءسوزدى ۇعارلىق.

امالى جوق، اينالدى ەندى بىزگە،

كۇن تۋدى ەتەگىنە جابىسارلىق.

قوي، ويلالىق شاتىلىپ، شاتاسپاستان،

وڭامىز با ابايدان باتا الماستان؟

اسىل الساق، اسىلىن ايامايدى،

كەلدى عوي ءوز ەلىنە ساتا الماستان.

پۇلى وتسە، ءۇمىتى بار قۋانباقتان،

ەڭبەگىم جاندى عوي دەپ جۇبانباقتان.

اباي كەتسە، وسى ەلدە كىم قالادى،

نە تابامىز ناداننان سۇرانباقتان؟

وسىعان قازاق بار ما جاناسارلىق،

عىلىم، ونەر، اقىلمەن ساناسارلىق؟

جۇرت الماسا، اقىلىن ءبىز الالىق،

وزگەدەي نادان ەمەس اداسارلىق.

بۇل ەلدە تۇك اقىل جوق جاراسارلىق،

راحىم عىپ بىر-بىرىنە قاراسارلىق.

ء

وز ابايىن وزدەرى ۇناتپايدى،

شىن نادان وسىلار عوي ءبىز قاشارلىق.

شاكارىم قۇدايبەردىۇلى

ابايدىڭ سۋرەتى

مىناۋ تۇرعان ابايدىڭ سۋرەتى مە؟ —

ولەڭ — ءسوزدىڭ ۇقساعان قۇدىرەتىنە،

اقىل، قايرات، ءبىلىمدى تەڭ ۇستاعان،

قارسى كەلەر ابايدىڭ كىم بەتىنە!

اقىن اتىن تاراتقان ءاربىر تۇسقا،

سوڭعىلارعا قالدىرعان ۇلگى-نۇسقا،

ارعىن، نايمان سوزىنە تاڭىرقاعان —

قانداي ارمان بار دەيسىڭ بۇل تۋىستا!

تەرەڭ ويدىڭ تۇرىندە تەڭىزى بار،

تەسىلە كوپ قاراساڭ كوڭىل ۇعار.

سول تەرەڭگە ءسۇيسىنىپ جان ۇڭىلمەي،

ەسىل ساباز ىزامەن وتكەن شىعار!..

جامبىل جاباەۆ

1

ۇستازى كوركەم ءسوزدىڭ

(ۇزىندى)

ۇستازى كوركەم ءسوزدىڭ اسىل اباي،

ء

بىلىمدى، زەيىنى اسقان، اقىن اباي،

زەيىنى ارتىق ۇشقىر جاننان اسقان،

وزاتشا استانادان زاتىڭ، اباي.

سىڭىرگەن بايتاق ەلگە ەڭبەگىڭمەن

شاشىلدى جەر جۇزىنە اتىڭ، اباي!

اسقار تاۋ، بيىك شىڭسىڭ قول جەتپەگەن،

بىلىكپەن زەيىنىنە ءسوز جەتپەگەن.

بۇتاعىڭ كوك تىرەگەن سەن بايتەرەك

ماۋەڭە قاراسا جۇرت كوز جەتپەگەن.

زەيىنىڭ ارتىق اسقان، كوڭىلىڭ كەڭىس،

اقىلىڭ، اقىندىعىڭ ءبارى تەگىس.

ۇلگىڭنەن، اباي اقىن، نۇسقاۋ كورىپ

اقىندار كۇننەن-كۇنگە تاپتى ءورىس.

ۇلگىڭ دەپ سەنىڭ بەرگەن، اقىن اباي،

زاماندا راحاتتى جەدىك جەمىس.

اۋزىڭنان شىققان ءسوزىڭ گاۋھار-مارجان،

جىرىڭنىڭ باس-اياعى بىردەي تەگىس.

ابايدىڭ ءوزى ولسە دە، ءسوزى ولگەن جوق،

ابايعا ەشبىر اقىن تەڭەلگەن جوق.

ماڭگىلىك بۇگىنگىدەي سەنىڭ جىرىڭ،

ەسكىرىپ ايتقان ۇلگىڭ كونەرگەن جوق.

حالىققا ۇلگى بەرگەن سەنەن وزگە

اقىندا ءسىز سياقتى شەبەر دە جوق.

كوڭىل سالىپ وقىڭىز اباي جىرىن،

اۋزىنان شىققان جىرى شەكەر-شىرىن.

ۇلگىلى ايتقان جىرى اقىن اباي،

حالىققا ۇلگى بەرگەن بىزدەن بۇرىن.

نۇرپەيىس بايعانين

اتاقتى اقىن – ءسوزى التىن حاكىم ابايعا

شىن حاكىم، ءسوزىڭ اسىل – باعا جەتپەس،

ء

بىر ءسوزىڭ مىڭ جىل جۇرسە، ءدامى كەتپەس،

قارادان حاكىم بولعان سەندەي جاندى،

دۇنيە قولىن جايىپ ەندى كۇتپەس.

سوزىڭە قۇلاق سالىپ، باعا بەرمەي،

قيسايىپ، قىڭىرايدى جۇرتتىڭ يتتەس!

بۇرتيىپ، تەرىس قاراپ: «اۋلاق ءجۇر!» – دەپ،

بولدى عوي جاقىن تۋعان ءبارى كەكتەس.

تىنىش ۇيىقتا قابىرىڭدە، ۋايىم جەمە،

«قور بولدى قايران ءسوزىم بوسقا!» دەمە.

ارتىندا قازاقتىڭ جاس بالالارى،

ء

سوزىڭدى كوسەم قىلىپ، جۇرەر جونگە!

اي، جىل وتەر، دۇنيە كوشىن تارتار،

ء

ولتىرىپ تالاي جاندى، جۇگىن ارتار.

كوز اشىپ، جۇرتىڭ وياۋ بولعان سايىن،

حاكىم اتا، تىنىش بول، ءقادىرىڭ ارتار.

جۇرگەن جاننىڭ ارتىندا ءىزى قالار،

ەتىكشى ولسە، بالعا مەن ءبىزى قالار.

ء

بىر باي ولسە، ءتورت تۇلىك مالى قالار،

جۇيرىك ولسە، ارتىندا ءسوزى قالار!

سۇم دۇنيە سىلاڭ بەرىپ كوپتەن وتەر،

ساۋ قالعاننىڭ كوبىسى ەرتەڭ بىتەر.

توقتاماس دۇنيەنىڭ دوڭگەلەگى،

جۇيرىكتىڭ ايتقان ءسوزى كوپكە كەتەر.

ماعجان جۇماباەۆ

اسىل ءسوز

اسىل ءسوزدى ىزدەسەڭ،

ابايدى وقى ەرىنبە.

ادامدىقتى كوزدەسەڭ،

جاتتاپ، توقى كوڭىلگە.

ء

سوز ءمانىسىن بىلمەسەڭ،

ولەڭ وقىپ نە كەرەك؟

نە ايتقانىن سەزبەسەڭ،

جاراپازان نە بەرەد؟

سۇلتانماحمۇت تورايعىروۆ

ابايعا ايتارىم

(ۇزىندى)

بۇل كۇنگە لايىق الىپسىڭ!

ول كۇنگە قالاي سىيعانسىڭ!

ء

بىر ءوزىڭ بۇكىل حالىقسىڭ،

قالدىرماي ءبارىن جيعانسىڭ.

جارىلىپ كەتە جازداپتى-اۋ،

جىرلاماي تىنساڭ جۇرەگىڭ;

ايتپاعان ءسوزىڭ از قاپتى-اۋ،

بولەك ءبىر تۋعان كىم ەدىڭ!..

اتانىڭ ۇلى ەمەسسىڭ،

(كەشىرە جاتار كەڭگىرباي)،

حالىقتىڭ ۇلى بوپ ءوستىڭ

«يبراھيم» دەمەي، – دەدى «اباي».

اباي دەسە ابايسىڭ،

ابايلادىڭ جان-جاقتى،

ريزا ەتتىڭ، جارايسىڭ

«قالىڭ ەلىڭ – قازاقتى».

سەن ولگەلى ەلۋ جىل، –

دەگەن سوزگە كىم نانار؟

ء

جۇز توعىزدا سەن بيىل، –

ء

بىر مۇشەلىڭ تويلانار.

ال، اقساقال، مەن قويدىم،

ايتسىن ەندى باسقالار;

قيىرى جوق بۇل تويدىڭ

قىزىعى ەندى باستالار.

قاسىم امانجولوۆ

دالا دانىشپانى

دالا جاتىر – ءون بويى تۇنعان ولەڭ،

اباي، مىنە، جاپاندا تۇرعان ەمەن.

اتا ءسوزى تەربەتكەن بەسىگىمدى،

اتا ءسوزىن ومىردە تىڭداپ ولەم.

...ۇلى ەمەس اباي جالعىز ساحارانىڭ،

(مەن ەمەس، سولاي دەگەن اتالارىم).

سول ۇراندى ۇرپاققا اپارامىن،

مەن قازاق – اباي بولىپ اتانامىن.

ۋھ، دالا!

دالا تولعان كول-كوسىر جىر،

دالا – قوبىز تۇتپايدى پەرنەسىن كىر.

ء

تىرى ابايدى الديلە، دارحان دالام،

ولەڭ سەلى ءوڭىردى تەربەسىن ءبىر.

دالا، دالا...

سال – دالا سەلەۋلەگەن،

جىرمەن ۇيىقتاپ، ويانعان ولەڭمەنەن.

دالا دەگەن – كۇي ساندىق بۇل قازاققا،

اباي دەسە قۇلاعى ەلەڭدەگەن.

جىلدار، جىلدار...

قانشاما الىستادىق،

قانشاما وزەن وزگەرتتى اعىستارىن.

ۋاقىت وزدى، سەن ءبىراق قالىسپادىڭ،

ۋا، ارمىسىڭ، ارىسىم، دانىشپانىم!

مۇقاعالي ماقاتاەۆ

وي ءتۇتىپ، ءسوز ەسىپ...

وي ءتۇتىپ، ءسوز ەسىپ،

قۇياسىڭ سىرعا مۇڭ.

كەزەسىڭ، كەزەسىڭ،

ابايدىڭ جىر-باعىن.

شاباسىڭ،

تالاسىپ

شىقتى اناۋ العا كىم؟

تالاسپا،

الاسىڭ

ابايدان قالعانىن.

اباي-اي، ءاي، ءتىپتى،

بەرگەن-اۋ بەرەرىن.

ايتارىن ايتىپتى،

الىپتى كەرەگىن.

كوپ نارسە قالىپتى

وعان دا كورىنبەي:

قىز قاپتى ورىمدەي،

شەشىلمەي داۋ قاپتى.

قانشا اباي كۇرەسسىن،

جىعىلماي انىق ءبىر،

ء

بىر جاڭا، ءبىر ەسكى

كۇنشىلدىك قالىپتى.

جانعىرىق قايتالاپ

داڭقتى تانىتتى.

كەتكەنمەن تاۋ-تالانت،

بۇلتتارى قالىپتى.

تەك قانا…

از عانا

تاڭدانام، تاڭعالام:

سول اباي جازباعان

جاقسى ولەڭ قالماعان.

جۇمەكەن ناجىمەدەنوۆ

اباي اعا!

بيىكتە مە – قايدا ءجۇر ارۋاعىڭ؟

قۇلاعىڭا جەتە مە ءشاعىم-انىم؟

كوكتى كەزىپ ىزدەر ەم – جەردە مەنى

شىرماپ قويدى شىرعالاڭ شارۋا، مۇڭ.

جەردىڭ بەتى بالشىق پەن بىلىق ءالى،

جول تابادى جىلپوس پەن ۇرى-قارى.

جۇرتىڭ داڭعوي ءام نادان باياعىشا.

ء

ماز بولادى ءبىر-بىرىن جىعىپ ءالى.

التىن شاپاق شاشپاي تۇر قىردىڭ تاڭى،

اياقتى الشاڭ باسقانعا قۇلمىن تاعى.

ساعان دەرت بوپ جابىسقان ەل تىرلىگى

بۇگىن مەنىڭ جانىمدى شىڭعىرتادى.

جىلىمشى ءومىر جانىمدى قۇلازىتتى،

تالماپ-تالماپ تاۋىستىم جىر-ازىقتى.

قۇداي ەمەس، كىسىدەن كەلگەن جۇتاڭ

شولگە اينالعان جەرىمنەن قۇلان ىقتى.

اشسام دەگەن جۇرت كوزىن قىران ەدىڭ،

مەرت ەتكەندە سەنى دە قۇبا جەرىم،

ەل ەتەم دەپ تىرتىڭداۋ نە تاشىمە،

كەرەك ەكەن دەسەڭشى مىنا مەنىڭ!

قالقيدى ءانىڭ – رۋحىڭنىڭ كەپتەرى مە،

ۇستايمىن دەپ اۋرەمىن تەككە، مىنە.

دارىنىڭنان، ويىڭنان بەرمەي ماعان،

تەك دەرتىڭدى جۇقتىرىپ كەتكەنىڭ نە؟..

فاريزا وڭعارسىنوۆا


كەلۋ قاينارى: http://www.elarna.net/koru.php?tur=4&id=1237005

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ءسوز توركىنى: ء«زار»، ء 2 مينوت
شىدامنىڭ دا شەگى بار، ج 2 مينوت
قازاق ءتىلدى ينتەرنەت ر 2 مينوت
اۆتونوميالى رايوندىق 13 2 مينوت
قازاقستاندا قانداي كولى 2 مينوت
قازاقستاندا التى بانك ج 2 مينوت
الاياقتىعى ءۇشىن ايىپتا 2 مينوت
قوستاناي جىلۋ ەنەرگيا ك 5 مينوت
سارىاعاشتا اناسى مەن با 5 مينوت
جاركەنتتە اۋرۋحاناعا وت 11 مينوت
قوستانايلىق ديقاندار قا 12 مينوت
الماتى قالاسى اكىمىنىڭ 12 مينوت
22 قىركۇيەك كۇنى ۇكىمەت 14 مينوت
باس ءمۇفتي اتىراۋ يمامد 17 مينوت
قادىر مىرزا ءاليدىڭ افو 17 مينوت
21 قىركۇيەك 2020 جىل - 17 مينوت
مەكتەپ وقۋشىلارىنا تەگى 20 مينوت
اليمەنت تولەمەگەن ەلورد 20 مينوت
قىمىز - دۇكەنباي دوسجان 22 مينوت
شىنياڭ ”18 - قىركۇيەكتى 22 مينوت
رەسەي قازاقستاندىقتارعا 22 مينوت
كوروناۆيرۋس: 1،7 مىڭنان 26 مينوت
قازاقستاندا مىڭنان اسا 26 مينوت
بقو تەاترىندا جۇباننىڭ 29 مينوت
ستيۆەن كينگ | ادەبيەت پ 1 ساعات
ءابۋ حانيفانىڭ اناسى &# 1 ساعات
30 مينۋتتىڭ ىشىندە تۇزد 1 ساعات
مۇحتار شەرىم. اكىم بولع 1 ساعات
سولتۇستىك قازاقستاندا ء 1 ساعات
Nur Otan پارتياسى حالىق 1 ساعات