ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەگەمەن قازاقستان ماقالالارى مەن جاڭالىقتارى

جولدانعان ۋاقىتى: 07:18 - 2020/04/08

Нақты Көзі: https://egemen.kz/article/228320-bul-–-bizdinh-azamattyq-paryzymyz

ۆولونتەرلەر قازىرگىدەي كەزدە قام­­قورلىق پەن كومەكتى قاجەت ەتەتىن قوعامنىڭ وسال توپتارىنا كومەك كورسەتۋدە. سونىمەن بىرگە تۇر­عىندار اراسىندا ىندەتىڭ الدىن الۋ مەن ودان ساقتانۋعا قاتىستى جان-جاقتى ءتۇسىندىرۋ جۇمىستارىن جۇر­گىزۋدە. شتاب مۇشەلەرى تاراپىنان اقپاراتتىق پاراقشالار ازىر­لەنىپ تاراتىلۋدا. ۆولونتەرلەر ءوز قولدارىمەن تىگىپ، تۇرعىندارعا تەگىن بەرىلگەن مەديتسينالىق بەتپەردەلەر دە ولارعا دەگەن ريزاشىلىق سەزى­مىن تۋعىزدى. مۇنداي جىلى پىكىردى مۇقتاج جاندارعا شتاب مۇشەلەرىنىڭ قولىمەن جەتكىزىلىپ بەرىلگەن ازىق-تۇلىك جيىنتىعى مەن گيگيەنالىق قۇرالدارعا قاتىستى ايتۋعا دا بولادى.

اقتوبە وبلىستىق جاستار رەسۋرس­تىق ورتالىعىنىڭ باسشىسى گۇل­نار قابيەۆانىڭ ايتۋىنشا، ۆولون­تەرلەردىڭ قايىرىمدىلىققا تولى ءىس-قيمىلدارى تۇتاستاي ءوڭىر بويىنشا كورىنىس تابۋدا. وبلىس اۋداندارى ارا­سىندا ونىڭ باستى لەگىن 19 توپتان قۇرالعان شالقار اۋدانىنىڭ ۆولون­تەرلەرى باستاپ كەلەدى.

– ايماقتاعى ءاربىر ۆولونتەر تو­بىنىڭ وزگەنى قايتالاي بەرمەيتىن وزىندىك ءىس-جوسپارلارى بار. بۇلار قوعامدىق ءومىردىڭ سان ءتۇرلى باعىتتارى بويىنشا قۇرىلعان. ايتسە دە ولاردىڭ ءبارىنىڭ الدىنا قويعان ماقساتتارى ورتاق. بۇل قيىن جاعدايعا تاپ بولعان الەۋمەتتىك توپتارعا قولۇشىن بەرۋ، – دەيدى شالقار اۋداندىق جاستار رەسۋرستىق ورتالىعىنىڭ جەتەك­شىسى جاننا ابدەنوۆا.

بۇدان بولەك وبلىس اۋماعىندا قىزىل اي قوعامى وبلىستىق فيليا­لىنىڭ ۆولونتەر جاستارى مەن «Antikor» ورتالىعىنىڭ وكىلدەرى قا­يى­رىمدىلىق قاعيداتتارىن ويدا­عىداي ورىنداپ جۇرگەنى دە وڭ پىكىرگە ابدەن لايىقتى. قازىرگى كەزدە وبلىس اۋماعىندا بەلگىلەنگەن ايرىقشا رەجىمدەگى شەكتەۋ شارالارىنا بايلانىستى جەتى بلوك-بەكەت جاساقتالدى. ۆولونتەرلەر وسى ورىنداردا كۇندىز-تۇنى جۇمىس ىستەپ جۇرگەن ماماندارعا كومەك بەرۋگە دە ءبىر كىسىدەي جۇمىلعان.

بۇل باعىتتا م.وسپانوۆ اتىنداعى باتىس قازاقستان مەملەكەتتىك مەدي­تسينالىق ۋنيۆەرسيتەتىنىڭ جاس دارى­گەر-رەزيدەنتتەرىنەن قۇرىلعان ۆولونتەرلەر توبى ناعىز ەرلەر مەن قاھار­ماندارعا ءتان ءىس-قيمىل كورسەتۋدە. ءار اۋىسىمدا 14 ادامنان تۇراتىن ۆولونتەرلەردىڭ جۇمىس ءتارتىبى وتە تىعىز ءارى وتە كۇردەلى. ولاردىڭ باستى مىندەتتەرى بەلگىلەنگەن نۇسقاۋلىققا سايكەس رۇقسات ەتىلگەن جۇرگىزۋشىلەر مەن كاسىپكەرلەرگە ارنايى قىزمەت توپتارى مۇشەلەرىنە جانە ترانزيتتىك تۇرعىنداردى مەديتسينالىق تەكسەرۋلەردەن وتكىزىپ، قىزۋىن ولشەۋ ءارى وزگە دە كلينيكالىق وزگەرىستەردى بايقاۋ بولىپ وتىر.

ولاردىڭ جيناعان اقپاراتتارى ءوز كەزەگىندە تاۋارلار مەن كورسەتىلەتىن قىزمەتتەردىڭ ساپاسى جانە قاۋىپ­سىز­دىگىن باقىلاۋ دەپارتامەنتىنىڭ ماماندارىنا جولدانادى. ماسەلەنىڭ ارعى جاعى بەكىتىلگەن حاتتاما بويىنشا شەشىمىن تابادى.

دارىگەر ۆولونتەرلەردىڭ ءبىرى رۋس­لان اراقباەۆ اقتوبە – اتىراۋ اۆتوتراسساسى باعىتىندا قويىلعان بلوك-بەكەتتە تۇتاستاي تاۋلىك بويى ەكى ادامنان كەزەك­شىلىككە تۇراتىنىن ايتىپ بەردى. جاس دارىگەر-رەزيدەنت وتباسىن قۇرعان، سابيلەرى بار.

– تۇتاستاي ەلىمىزگە قاۋىپ-قاتەر ءتوندىرىپ وتىرعان ىندەت كەزىندە وسىنداي شەشىم قابىلداۋدى ازاماتتىق پارىزىم دەپ ەسەپتەدىم. كوروناۆيرۋس ينفەكتسياسى تارالۋىن نەعۇرلىم تەزىرەك تەجەسەك، قالىپتى ومىرگە سو­عۇر­لىم جاقىنداي تۇسەمىز. بۇعان ەش­قانداي كۇمانىم جوق. وسىنداي وتە كۇردەلى كەزەڭدە ارىپتەسىم ارمان امانتاەۆ ەكەۋمىز جاي عانا باقى­لاۋشى بولىپ قالعىمىز كەلمەدى، – دەيدى رۋسلان.

رۋسلاننىڭ وي-تۇجىرىمىنا ساي­ساق، وزدەرىمەن بىرگە بلوك-بەكەت­تەردە ۋاقىتپەن ساناسپاي كەزەكشىلىكتە جۇر­گەن پوليتسيا مەن اسكەري قىزمەت­شىلەر، سا­نيتارلىق دارىگەرلەر مەن دەزينفەكتور ماماندار، اتقارۋشى بيلىك وكىلدەرى دە ءدال وسىلاي ويلايدى. «كەزەكشىلىك كەزىندە بىر-بىرىمىزبەن تەز ءتىل تابىسىپ كەتت­ىك. ارامىزدا ەش­قانداي تۇسىنبەستىك تۋىنداعان ەمەس. ءارقايسىمىز ءوزىمىز اتقاراتىن مىن­دەتتەردى تەرەڭ سەزىنىپ ءجۇرمىز دەپ ايت­قىم كەلەدى. الداعى ۋا­قىت­تا دا ءدال سولاي بولا بەرەتىنىنە سە­نىمىم مول»، دەپ تۇيىندەدى ول ءوز ويىن.

ەلىمىزدىڭ ءار ازاماتى ءوزىنىڭ الەۋ­مەتتىك جاۋاپكەرشىلىگىن جاس ۆولونتەر دا­رىگەر-رەزيدەنت رۋسلانشا سەزىنە السا، ىندەتتى سوعۇرلىم تەزىرەك جەڭىپ شى­عاتىنىمىز انىق.

اقتوبە


كەلۋ قاينارى: http://www.elarna.net/koru.php?tur=4&id=1147753

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


قازاقستاننىڭ ءبىرقاتار 2 مينوت
كوكتەمگى ەگىس ناۋقانى و 2 مينوت
الماتىدا كوروناۆيرۋستەن 5 مينوت
كوروناۆيرۋس جۇقتىرۋدان 5 مينوت
ۆ ليۆي زادەرجان پروتۋرە 7 مينوت
مارقۇم الماتىلىق پوليتس 8 مينوت
ۆلاديمير نيدەرگاۋس ۇزدى 11 مينوت
ءوندىرىس قۋاتتىلىعى 174 11 مينوت
ابايدا پوەما ۇشەۋ ەمەس، 13 مينوت
ۇلىبريتانيادا كارانتين 13 مينوت
ەسداۋلەت حالىقارالىق بە 13 مينوت
شينجياڭ ۋاكىلدەر ۇيىرمە 13 مينوت
شينجياڭ گازەتشىلىك مەدي 13 مينوت
چەرنوگوريادا COVÙ‰D-19 13 مينوت
بولات باقاۋوۆ ءىسى: باس 14 مينوت
مينيستر اياگوزدەگى وقيع 20 مينوت
رۋمىنيانىڭ سپورت ءمينيس 20 مينوت
ءۇندىستاندا ىشكى اۋە رە 22 مينوت
الەمدە كوروناۆيرۋسكە شا 23 مينوت
قازاقستان مەن موڭعوليا 23 مينوت
بۇگىن «شەرتپە كۇي» فەست 23 مينوت
«قايرات» پەن «استانانىڭ 23 مينوت
ەلىمىزدە ەت كولەمىنىڭ ء 26 مينوت
"تەلنۇسقا بەرۋدى" باسىپ 26 مينوت
8 969 ناۋقاس: ەلىمىزدە 29 مينوت
قازاقستان مەن موڭعوليا 1 ساعات
ماقتاارالدا سۋ شايىپ كە 1 ساعات
اقتاۋدا ماس كۇيىندە كول 1 ساعات
مەملەكەتتىك ەكى ءماجىلى 1 ساعات
بلوكپوستاعى كولىك اپاتى 1 ساعات