ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەگەمەن قازاقستان ماقالالارى مەن جاڭالىقتارى

جولدانعان ۋاقىتى: 06:48 - 2020/04/08

Нақты Көзі: https://egemen.kz/article/228312-tutqadaghy-tazalyq

جالپى، قوس قولدىڭ ادام ءۇشىن اتقاراتىن قىزمەتىن اۋىزبەن ايتىپ تاۋىسۋ مۇمكىن ەمەس. كوزىمىزدى تىرناپ اشقاننان ەكى بىلەك، قوس الاقان، ون ساۋساقسىز ەشقانداي تىرلىگىمىز ونبەس ەدى. ونىڭ ءبارىن ءقازىر تىزبەلەپ وتىرۋ ارتىقتىق ەتەر، ءبىر عانا ەسىك تۇتقاسىن اشۋعا قولىڭىز بولماسا قورلىقتىڭ كوكەسىن كوردىم دەي بەرىڭىز.

يا، ەسىك تۇتقاسى دەپ قالدىق قوي، بۇگىندە الەمدى ابىگەرگە سالعان الەكتىڭ باسى وسى تۇتقالارعا دا تىكەلەي بايلانىستى ەكەنىن ەشكىم جوققا شىعارا قويماس.

جۋىردا New England Medicine جۋرنالىنان كوروناۆيرۋس تۋرالى ماڭىزدى ماقالانى وقىدىق. ونىڭ اۆتورلارى ۆيرۋس ءۇش ساعاتتان ءۇش كۇنگە دەيىن ءارتۇرلى زاتتا ساقتالاتىنىن انىقتادى. اڭگىمە، داۋاسىز دەرتتىڭ ۆيرۋسى اينالامىزدى قورشاپ تۇرعان ەلەمەنتتەردە ءارتۇرلى ءومىر سۇرەتىندىگىندە بولىپ وتىر.

ماقالاداعى مالىمەتتەردى ايتپاس بۇرىن، ىلگەرىدە الەۋمەتتىك جەلىدەن مىس – ءəربىر 8 ساعات سايىن ءوز-وزىن ميكروپتان تازارتىپ تۇراتىن قاسيەتكە يە مەتالل دەگەن اقپاردى كوزىمىز شالىپ قالعان بولاتىن. بىردەن كوپ قاقپالاردىڭ تۇتقالارى مىستان جاسالاتىنى سودان ەكەن دەگەن وي تۇيگەن ەدىك. بۇل رەتتە كۇمىستىڭ دە ادامدى ءقاۋىپتى ميكروپتاردان تازالاپ تۇراتىنىن جاقسى بىلەمىز. جاڭا تۋعان نارەستەنى كۇمىس تەڭگەگە شومىلدىرىپ جاتاتىنىمىزدىڭ دا قۇپياسى سول بولسا كەرەك. اشەكەيدى كۇمىستەن تاعۋدىڭ دا ءمانى تازالىقتى ءبىرىنشى ورىنعا قويۋدان باستالعان. نەگىزى كۇمىستەن، مىس­تان قۇيىلعان اقشا اينالىمى دا ءقاۋىپتى ميكروپتاردىڭ ادامدار اراسىندا تارالۋىنا تەجەۋ بولادى.

ەندى جوعارىدا اتاعان اقپارات كوزىندە ايتىلعان دەرەكتەرگە كەلسەك، مىستان جاسالعان زاتتاردا ۆيرۋس 4 ساعات ءومىر سۇرەتىنى جازىلعان. بۇل ءبىز ايتقان دەرەككوزدەن دە جاڭا اقپارات. سونداي-اق تۇماندى اۋا مەن شاڭ-توزاڭدا ۆيرۋس 3 ساعات، پلاستيكتەن جاسالعان ءتۇرلى زاتتا 3-4 كۇنگە دەيىن ساقتالادى. قاعاز ونىمدەرىندە ءبىر كۇنگە دەيىن اتى جامان اۋرۋدى تاسىمالداۋشى ۆيرۋس ءومىر سۇرەدى-مىس.

مىنە، كورىپ-بايقاعانىمىزداي، قاقپا­لار­عا سارى جەز تۇتقالار تەگىننەن-تەگىن قويىل­ماي­تىنىن وسىدان-اق بايقاۋعا بولادى. ءبىراق قاقپانى قاداعالاۋمەن عانا ءقاۋىپتى ىندەتتى قاقپايلاۋعا بولادى دەسەك، تاعى قاتەلەسەمىز. جۋىردا ەۋروپانىڭ بىرنەشە ەلىنە ساپار شەككەنىمىزدە بايقاعان باستى ەرەكشەلىك، ماڭىزدى عيماراتتار مەن قوناقۇيلەردىڭ ەسىگىندە شۆەيتسارلاردىڭ اق قولعاپ كيىپ الدىڭىزدان شىعادى، ەرەكشە پەيىلمەن ەسىك اشقانىنا كادىمگىدەي ءسۇيسىنىپ قالاسىڭ. ىندەتتەن بولەك ىزەتكە دە كوپ نارسە بايلانىس­تى عوي، جالپى. وكىنىشكە قاراي، سول ەۋروپاڭىز ءبىراق قاتەرلى دەرتتىڭ قالىڭ قۇشاعىندا ءبارىبىر قالىپ وتىر.

جالپى، ءبىزدىڭ ەلدە ەسىك تۇتقاسىنا ەرەكشە ءمان بەرىپ جاتقاندىعىمىز كوپ بايقالمايدى. جۇرت ءجيى جينالاتىن ويىن-ساۋىق، ساۋدا ورتالىقتارىنىڭ ەسىكتەرى ءالى دە تازالىققا توسقاۋىل بولا المايتىنداي. كەشە عانا ەلوردانىڭ قاق تورىندەگى «ارتەم» ساۋدا ۇيىنە باردىق. اتالعان نىساننىڭ قاي قاقپاسىنان كىرسەڭ دە بىرنەشە ەسىكتىڭ تۇتقاسىن تۇگەندەۋىڭە تۋرا كەلەدى.

زامان دامىپ، نەبىر تەحنولوگيالار العا وزعان ۋاقىتتا وسىنداي ءىرى-ىرى ساۋدا وشاقتارى ءوزى اشىلاتىن ەسىكتەر ورناتۋىن قاراپايىم حالىق تالاپ ەتۋىمىز كەرەك دەپ ويلايمىز. بۇل بىرىنشىدەن تازالىقتى كۇشەيتسە، ەكىنشىدەن ەكى قولىنا زىلدەي دوربا ءىلىپ جوڭكىلىپ جاتقان جۇرتقا كوپ كومەك بولار ەدى.

بارىن ايتىپ جاتىرمىز عوي، دەسەك تە ەسىمىزدەن شىعارماۋ كەرەك ەڭ باستى تالاپ، دارىگەرلەر ەسكەرتكەندەي، مۇمكىن بولسا، قوعامدىق شارالارعا جانە ادامدار كوپ جينالاتىن ورىندارعا بارۋدان باس تارتا تۇرۋىمىز كەرەك. قولىڭىزدى ءجيى جۋىپ، تۇشكىرگەندە نەمەسە جوتەلگەندە بەتىڭىزدى جابىڭىز. بولمەنى جەلدەتىپ، ىلعالدى شۇبەرەكپەن زاتتاردى ءجيى تازالاڭىز. ەڭ الدىمەن دالاعا شىعۋدى شەكتەي تۇرىڭىز. اق حالاتتى ابزال جاندار وزدەرى ايتقانداي، ء«بىز سىزدەر ءۇشىن جۇمىسقا كەلدىك، سىزدەر ءبىز ءۇشىن ۇيدە وتىرىڭىزدار».

سونىمەن مىس تۇتقا مەتالل سيپاتىمەن ءوزىن ءوزى تازالاپ تۇرۋعا بەيىم بولدى. ال ادام شە؟! ادام سول مەتالداردىڭ بارلىعىنان دا كۇردەلى قۇبىلىس ەمەس پە؟ ءبىز دە ەندەشە قاتەرلى دەرتكە شالدىقپاس بۇرىن الدىمەن تازالىق، ودان بۇرىن جان دۇنيەمىزدى وكپە، رەنىش، قىزعانىش، ارامدىق، كۇنا سىندى ميىمىزداعى ميكروپتاردان، ونە بويىمىزدى دەرتتى قىلىپ، جۇرەكتى قارايتاتىن جامان سوزدەن تازارتىپ تۇرۋدى دا ۇمىتپاعانىمىز ابزال.


كەلۋ قاينارى: http://www.elarna.net/koru.php?tur=4&id=1147740

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


ءۇندىستاندا ىشكى اۋە رە 2 مينوت
الەمدە كوروناۆيرۋسكە شا 2 مينوت
قازاقستان مەن موڭعوليا 2 مينوت
بۇگىن «شەرتپە كۇي» فەست 2 مينوت
«قايرات» پەن «استانانىڭ 2 مينوت
ەلىمىزدە ەت كولەمىنىڭ ء 5 مينوت
"تەلنۇسقا بەرۋدى" باسىپ 5 مينوت
8 969 ناۋقاس: ەلىمىزدە 8 مينوت
قازاقستان مەن موڭعوليا 11 مينوت
ماقتاارالدا سۋ شايىپ كە 11 مينوت
اقتاۋدا ماس كۇيىندە كول 12 مينوت
مەملەكەتتىك ەكى ءماجىلى 12 مينوت
بلوكپوستاعى كولىك اپاتى 12 مينوت
الماتىداعى بلوكبەكەتتە 12 مينوت
عايرات مامۇت: ءبىر ءوڭى 12 مينوت
5 جىلدا ءسۇت يمپورتتىن 14 مينوت
دارىگەرلەر بلوك-بەكەتتە 17 مينوت
قازاقستان مەن موڭعوليا 17 مينوت
ءبىلىم ءمينيسترى: مۇعال 20 مينوت
شومىلۋ ماۋسىمىنىڭ ۋاقىت 22 مينوت
قاراعاندى وبلىسىنداعى ء 23 مينوت
مال شارۋاشىلىعىندا ەكسپ 26 مينوت
اۋىل شارۋاشىلىعى داقىلد 26 مينوت
اسحات ايماعامبەتوۆ مەكت 29 مينوت
جەلكەن جايىپ، ەسكەكتى ە 1 ساعات
جالپى تۇلعالىق جاقتان ج 1 ساعات
ەلوردادا «جەڭىس با 1 ساعات
ەلوردادا مەشىت جاماعاتى 1 ساعات
الماتىدا قازا بولعان 2 1 ساعات
اسا تاماشا جاعدايدى قاس 1 ساعات