ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جۇڭگو قازاق راديو تورابى

جولدانعان ۋاقىتى: 08:30 - 2020/07/05

Нақты Көзі: http://www.kazakcnr.com/zdgz2019/202007/t20200702_1405035.html


اۋەلگى كەلۋ قاينارى: http://www.kazakcnr.com/zdgz2019/202007/t20200702_1405035.html

بالاعا ەڭ جاقىن ءۇش ادام بالانىڭ ءومىرىن بەلگىلەيدى

«جاقسىدان شاراپات، جاماننان كەساپات» دەيدى حالىق دانالىعى.

قانداي اداممەن بىرگە جۇرسەڭ، ءدال سونداي ىقپالعا ۇشىرايسىڭ. ەرەسەك ادامداردىڭ ءوزى وسىلاي بولعان ەكەن، بالالارعا بولاتىن ىقپالىن ايتپاساق تا تۇسىنىكتى.

بالالار قانداي اداممەن ەتەنە بايلانىستا بولسا، كىسىلىك ساپارىن ءدال سول كىسى سياقتى باساتىن بولادى. بالاعا ەڭ جاقىن مىنا ءۇش كىسى بالانىڭ ءومىرىن بەلگىلەيدى.

1

اكە ـ بالا ءومىرىنىڭ جالپى جاعدايىن بەلگىلەيدى

«اكە ـ اسقار تاۋ دەيدى» دەيدى حالقىمىز. مىنە وسىدان-اق، اكەنىڭ بالا ءۇشىن كىم ەكەنىن تۇسىنە قويامىز. اكە ـ بالا ءومىرىنىڭ جالپى جاعدايىنا نەگىز قالايتىن كىسى.

بەينە سۋحوملينسكي ايتقانداي: «ءاربىر اكە تۇگەل ەلشى، ەلشىلەر وزدەرىن ۇزدىكسىز كەمەلدەندىرىپ، كوزقاراسى مەن مىنەز-قۇلقىن دۇرىستاپ وتىرعاندا عانا، ونان باۋلىسىن كورگەن بالالار ەل قاتارىنان قالماي، وزىنە تيەسەلى ورىن تابادى».

وتباسىندا اكە بالانىڭ ەڭ جاقسى ۇلگىسى، تاماشا ۇستازى. ادەتتە، بالالار اكە بويىنداعى تاڭداۋلى قاسيەتتى وزىنە ماقتان تۇتادى ءارى وزىنە دە وسى ولشەممەن تالاپ قويادى.

اكەسى ۇنەمى سەرىك بولاتىن، اكە قامقورلىعىنا بارىنشا بولەنگەن بالا ءتىپتى دە جۇرەكتى، سەنىمدى بولادى دا، ەل-جۇرتپەن ارالاسۋ بارىسىندا قورعانشاقتاماي، جاسقانشاقتاماي، ەمىن-ەركىن كىرىسەدى. بەينە جارقىراي نۇر شاشقان كىشكەنتاي عانا كۇن ءتارىزدى، ەشكىمنىڭ كومەگىنسىز-اق جۇرگەن جەرىنە تۇگەل شۇعىلاسىن توگەدى.

ا ق ش-نىڭ بۇرىنعى پرەزيدەنتى وبامانىڭ ايتقانى بار: «مەن ءومىر بويى پرەزيدەنت بولا المايمىن، الايدا، ءومىر بويى جاقسى اكە بولۋىم كەرەك».

قىزى سۋدا مالتاۋدى ۇيرەنگەندە، ول ءوزى جاتتىقتىرعان؛ قىزى جازدىق دەمالىسىندا سەرۋەن باقشاسىنا بارعىسى كەلسە، ۋاقىت شىعارىپ ءوزى بىرگە باراتىن.

ول قىزىنىڭ ءار رەتكى تۋعان كۇنىنە توتەنشە ءمان بەرەتىن، ءتىپتى، پرەزيدەنت سايلامى قارساڭىندا دا، قىزىنىڭ ءار جولعى اتا-انالار جيىنىنان قالىپ كورگەن ەمەس.

اكەسىنىڭ سەرىك بولۋىندا، ونىڭ قىزى ايتۋلى بالا بولىپ ەسەيدى. كۇنى كەشە عانا اكەسىنىڭ ەركە-شولجاڭى بولعان كىشكەنتاي لوريدىڭ بۇگىن مىنە قىزىعۋ اۋەسى بارىنشا كەڭ، وزىنە سەنىمدى، كىسىلەر قىزىعا نازار تاستايتىن تالانتتى وقۋشىعا اينالعانىنا بۇكىل دۇنيە ءجۇزى كۋا بولدى.

امەريكا ەليۋ ۋنيۆەرسيتەتىنىڭ زەرتتەۋىنە نەگىزدەلگەندە: ەر ادامعا ىلەسىپ ەسەيگەن بالالاردىڭ اقىل-وي ورەسى جوعارى بولادى ەكەن دە، مەكتەپتەگى ۇيرەنۋ ناتيجەسى دە ۇزدىك بولىپ، قوعامعا شىققان سوڭ، تابىسقا جەتۋى دە وڭايعا تۇسەدى ەكەن.

سوندىقتان، بالام ۇزدىك بولسىن دەيدى ەكەنبىز، اكەلەردىڭ كوكىرەك قويناۋى كەڭ بولۋى، كوبىرەك ۋاقىت اجىراتىپ، بالالارمەن بىرگە بولۋى قاجەت. ءسىزدىڭ ۇزدىك بولۋىڭىز- بالا ءۇشىن تاپتىرماس تاربيە!

2

بالانىڭ كىسىلىگى، مەيىر-شاپاعاتتىلىعى شەشەگە بايلانىستى

انا بەينە سۋعا ۇقسايدى، كۇللى عالامعا ءۇن-تۇنسىز عانا تىرلىك تىنىسىن سيلاپ، ءومىر بەرىپ كەلە جاتقان سۋ مەن انا ۇپ-ۇقساس. ول وتباسىنا جىلۋلىق سيلايدى، بالاعا سۇيىسپەنشىلىك نۇرىن سەۋىپ، نازىكتىكتى، بيازىلىقتى ۇيرەتەدى، بالالاردىڭ كىسىلىگى مەن مەيىر-شاپاعاتى انادان كەلەدى.

مويان ـ جۇڭگودان شىققان تۇڭعىش نوبەل سيلىعىنىڭ يەگەرى، سوناۋ جىلى نوبەل سيلىعىنىڭ سيلىق مىنبەسىندە تۇرىپ، وزىنە ومىرلىك ىقپال ەتكەن كىسى اناسى ەكەندىگىن ايتىپ، تورتكىل دۇنيەگە جار سالعان-دى.

بالالاردىڭ ادەتتە اناسىمەن بىرگە بولاتىن ۋاقىتى ەڭ كوپ، انالار بالانى ومىرتقاسىن ءۇزىپ ون اي كوتەرىپ، الەمنىڭ جارىعىن سيلاعاننان باستاپ-اق، بالالار نەگىزى اناعا يەك سۇيەۋمەن بولادى.

انانىڭ مىنەز-قۇلقى جايدارى بولسا، وتباسىنىڭ رايىن تەڭشەۋگە شەبەر بولىپ، جانۇيانى شاتتىققا بولەي السا، بالالاردىڭ كوڭىل-كۇيى ورنىقتى بولادى، جانۇيا جاراسىمدى، تاتۋ-ءتاتتى بولادى.

ال، انانىڭ مىنەزى جامان بولسا، ۇنەمى داۋىس كوتەرە سويلەپ، باسقالارعا اشۋ شاقىرا جونەلەتىن بولسا، جۇبايىمەن شارماياقتاسىپ، بالاعا زەكىپ، اقىراتىن ادەتى بار بولسا، بالا دا ناشار ىقپالعا ۇشىرايدى دا، نە تىم جاسىق، قورعانشاق بولىپ وسەدى، نە وتە ىزاقور، تىم اشۋشاڭ بولىپ ەرجەتەدى.

پسيحولوگيا دوكتورى، مي ءبولىمىنىڭ مامانى حۇڭ لان حانىم TED دە لەكسيا سويلەگەندە، ءوزىنىڭ ەرلەر مەن ايەلدەردىڭ ۇلكەن ميىنا جۇرگىزگەن زەرتتەۋ مالىمەتىنەن سيتات كەلتىرىپ، عىلمي تۇرعىدان تۇسىندىرگەنى بار: «ادامزاتتىڭ وزگەرۋ تۇرعىسىنان ايتساق، ايەلدەردىڭ كوڭىل-كۇي قۋاتى ەرلەردەن الدە قايدا اسىپ تۇسەدى، انا- جانۇيانىڭ جانى،انا كوڭىلدى بولسا، بۇكىل وتباسى شادىمان بولادى، ال، انا مازاسىزدانسا، بۇكىل وتباسىن ۋايىم باسادى».

انا مەيىربان، جايدارلى بولسا، بالا دا ۇمىتكەر، جايدارمان، اناسىمەن نيەتتەس بولىپ وسەدى؛ انا مىنەزى الماعايىپ بولىپ، كوڭىلدەنۋى دە، تۇنەرۋى دە تەز بولسا، بالا قورقاق، ۋايىمشىل بولادى.

انا ءبىر وتباسىنىڭ جانۇيا جاراسىمدىلىعىن بەلگىلەپ عانا قويماي، بالانىڭ كىسىلىگى مەن مەيىر-شاپاعاتتىلىعىنا ءوزى دە سەزبەگەن كۇيدە اسەر ەتەدى.

3

وقىتۋشى ـ بالانىڭ ۇيرەنۋ پوزيتسياسىن بەلگىلەيدى

«نىساناعا جەتۋ جولى» اتتى كىتاپتا، ۋيلليام دامون مىنالاردى باسا دارىپتەيدى: «وتباسىنان تىسقارى ەرەسەك ادامدار بالانىڭ ەرجەتۋىندە ماڭىزدى رول اتقارادى، وسىنىڭ ىشىندەگى توتەنشە ماڭىزدى ادام - وقىتۋشى».

«ءبىر كۇندىك ۇستاز ـ مىڭ كۇندىك اكە» دەگەن ەكەن بۇرىنعىلار. وسىدان-اق، ۇستازدىق ەتۋشى كىسىنىڭ بالاعا بولاتىن ىقپالى قانشالىق ەكەنىن بىلە بەرىڭىز.

كۇندەلىك وقىتۋ بارىسىندا مىنا جايىتتى بايقاپ قالامىز: بالالار الدا-جالدا ءبىر وقىتۋشىسىن جەك كورىپ قالسا، سول مۇعالىم وتەتىن ساباقتى ۇيرەنۋى اسا قيىنعا سوعادى؛ كەرىسىنشە، بالا ەگەر ءبىر مۇعالىمدى جاقسى كورەتىن بولسا، سول مۇعالىمنىڭ وقىتۋ ورەسى تىم جوعارى بولماسا دا، وقۋشى ونىڭ ساباعىن ۇيرەنۋدەن ەش قينالمايدى، ۇيرەنۋ ناتيجەسى دە ناشار بولمايدى.

ءارقانداي كلاستا ۇيرەنۋ ناتيجەسى ۇزدىك وقۋشىلار دا، ۇيرەنۋ ناتيجەسى جەتەرسىز وقۋشى دا كەزدەسەدى. وقۋشىنىڭ ۇيرەنۋ ناتيجەسىنىڭ جاقسى-جامان بولۋىن بەلگىلەيتىن سەبەپ كوپ، مۇنى وقىتۋشى بەلگىلەي المايدى، الايدا، وقىتۋشى ءوزىنىڭ بالاعا قاراتقان پوزيتسياسى ارقىلى، وقۋشىنىڭ ۇيرەنۋ پوزيتسياسىنا ىقپال ەتە الادى.

ۇيرەنۋ ناتيجەسى ۇزدىك بالالاردى قادىرلەي ءبىلۋ كەرەك، الايدا، اسپەنسىتىپ، سي-قۇرمەتكە بولەۋگە بولمايدى؛ ۇيرەنۋ ناتيجەسى ورتاشا بالالارعا كوڭىل ءبولۋ كەرەك، ولاردى ەسكەرۋسىز قالدىرۋعا بولمايدى؛ ۇيرەنۋ ناتيجەسى ناشار بالالارعا دامۋ كوزقاراسىمەن قاراپ، ولاردىڭ ارتىقشىلىقتارىن كورە ءبىلۋ كەرەك.

«ۇستازى جاقسىنىڭ، ۇستامى جاقسى» دەيتىن اتالى ءسوز بار. وقىتۋشى بالانىڭ ۇيرەنۋ پوزيتسياسىنا اسەر ەتە الادى، ءارقانداي جاقسى وقىتۋشى بالاعا ۇزدىك ۇيرەنۋ ناتيجەسىن سيلاي الماسا دا، ولاردى ۇيرەنۋدى سۇيەتىن، ىنتالى ەتىپ تاربيەلەي الادى، مۇنداي وقىتۋشىنىڭ قولىنان شىققان بالا ۇيرەنۋدەن مەزى بولمايدى، قاشقالاقتامايدى.

تاربيەنىڭ قۇدىرەتى مىنە وسىندا، وقىتۋشىنىڭ كىشكەنتاي عانا ءىس-ارەكەتى وسىنشاما كەرەمەت ناتيجە جاراتا الادى.

كوپتەگەن ۋاقىتتا وقىتۋشىنىڭ ءوزى دە بۇل جايىتتەردىڭ تۋىلىپ جاتقاندىعىن بىلمەي قالۋى مۇمكىن، الايدا، وقىتۋشى ىزگىلىگىنەن ونگەن وركەن وقۋشى جۇرەگىندە ءۇنسىز بۇرشىك جارىپ، قاۋلاي اشىلادى.

وقۋ-اعارتۋدىڭ ءوزى دە ءبىر اعاشتان ءبىر اعاشتىڭ ماۋە الۋى، ءبىر تولقىننىڭ ەندى ءبىر تولقىندى قۋالاۋى، ءبىر رۋحتىڭ ەندى ءبىر رۋحتى وياتۋى عوي!

مەيلى اتا-انا بولسىن، الدە وقىتۋشى بولسىن، بالالاردى ءتىپتى دە ۇزدىك بولسىن دەيدى ەكەنبىز، ولارعا ەڭ زور ىقپال ەتەتىن كىسىلەر بولۋ تۇرعىسىنان، ەڭ اۋەلى وزىمىزگە قاتاڭ تالاپ قويىپ، ءوزىمىز تولىمدى كىسىلەردەن بولايىق. ءوزىمىزدى شۋاقتى نۇرعا اينالدىرايىق تا، بالاپانداردىڭ ەسەيۋ جولىنا ساۋلەمىزدى سەبەيىك!

اۋدارعان: نۇرگۇل قۇمارقان قىزى

END

来源:中国教育报

编辑:阿依娜


كەلۋ قاينارى: http://www.elarna.net/koru.php?tur=37&id=1214131

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


اقمولا وبلىسىندا " 1 مينوت
الماتى — ەكولوگيا 4 مينوت
كۇزدە الماتىدا 250 مىڭ 4 مينوت
قىرىق تيىننىڭ حيكاياسى 7 مينوت
ەل جانە ەلباسى - " 7 مينوت
"قايتىس بولىپ كەتك 7 مينوت
"بۇل ابسۋرد". 7 مينوت
رەسەيلىك ۆاكتسينا قانشا 7 مينوت
ورتالىق راديو-تەلەۆيزيا 7 مينوت
دەرەۆيانچەنكو جۋرناليست 7 مينوت
ەلورداداعى 27 مەديتسينا 10 مينوت
قازاقستاندىق مەتسەناتتا 10 مينوت
نەكەسىز بالالى بولۋ دۇر 12 مينوت
ەكولوگيا مينيسترلىگى دي 13 مينوت
الماتىداعى جەو-2 مەن جە 16 مينوت
التىن قۇيماسىنا دەگەن ى 16 مينوت
جين - ي توبى جەمىس – جي 17 مينوت
جوڭىشقانى شاپشاڭ ورۋدا 17 مينوت
الماتىدا جەو-2-نى جاڭعى 19 مينوت
تەڭگە باعامىنا سىرتقى 19 مينوت
باس ءمۇفتي بەلگىلى قالا 22 مينوت
حاكىم اباي – جاستار كوز 22 مينوت
"Nur Otan" پارتياىشىلىك 22 مينوت
باس ءمۇفتي مارات توقاشب 22 مينوت
الماتى اسپانىندا نەگە ت 25 مينوت
اتىراۋدا اتموسفەرالىق ا 25 مينوت
«Nur Otan»: پرايمەريزدى 27 مينوت
الماتىدا وتەتىن بوكس كە 28 مينوت
اتىراۋ وبلىسىندا تۇماۋع 28 مينوت
برازيليادا ۆيرۋس براز 28 مينوت