ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-071600666656 %44 %
2019-12-082923931263 %37 %
2019-12-0924435763 %37 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جۇڭگو قازاق راديو تورابى

جولدانعان ۋاقىتى: 23:30 - 2019/11/19


اۋەلگى كەلۋ قاينارى: http://www.kazakcnr.com/zdgz2019/201911/t20191118_1372461.html

ديكتور:گۇلجان زارقىنبەك قىزى

اۋدارعان: العا اقانۇلى

1

ادامدار كوبىنەسە ٴارقانداي جەمىستىڭ ءدامدى-دامسىزدىگىن، جىلقى ەكەش جىلقىنىڭ دا جۇيرىك-جابىلىعىن ءوڭ-تۇرقىنا، سىرتقى بەينەسىنە قاراپ اجىراتىپ جاتادى. بابالارىمىزدىڭ «ٴتۇسى جىلىدان تۇڭىلمە»، «كوڭىلى سۇلۋدىڭ ٴوڭى سۇلۋ»-دەيتىن دانالىعىنان الىپ ايتساق، ادامداردىڭ دا كەيدە سىرتقى بەينەسىنەن ىشكى بولمىسىن پارىقتاپ الۋىمىزعا بولادى.

مەن ۇنەمى ءبىر تاڭعى اس تاعامجايىنا بارىپ جۇرەتىنمىن، بۇل جەردىڭ قوجايىنىن جۇرت «لي اعاي» دەپ اتاسادى. بۇل تاعامجايدىڭ ساۋداسى ىلعي دا كۇسەت بولىپ جاتادى، ال توڭىرەگىندەگى تاعامجايلاردى بايقاساڭ قاريدارلارى وتە از كورىنەدى. مەن وسى ماڭايداعى ۇنەمى تاماقتانىپ جۇرەتىن ادامداردان اقىرىن سۇراستىرىپ كورسەم، ناقتىلى جاعداي مىناداي ەكەن.

لي اعايدىڭ اسحاناسىنىڭ تاعامدارى وتە ءدامدى، ونىڭ ۇستىنە قىزمەت وتەۋلەرى دە كەرەمەت ەكەن. لي اعاي قاشان دا قاريدارلارعا كۇلە قاراپ، سىپايى سالەمدەسىپ، ىشكى ەسەبى بويىنشا كىمنىڭ نەنى ۇناتىپ جەيتىنىن ەستەلىككە الىپ وتىرادى ەكەن. سول ارقىلى قاريدارلارمەن ءبىر ءۇيدىڭ ادامىنداي ەتەنە بولىپ كەتىپتى.

ادەتتە تاڭەرتەڭگىلىك استى دايارلاۋ ءۇشىن تاڭ بوزىنان تۇرىپ قيملداۋ قاجەت. وعان وتە توزىمدىلىك پەن قايرات جىگەر بولماسا ءىسىڭ وڭعا باسپايدى. باسقا تاعامجايلاردىڭ قىزمەتكەرلەرى شارشاپ-شالدىعىپ جۇرگەندىكتەن قاريدارلاردى كۇلە قارسى الۋ بىلاي تۇرسىن، قاباقتارى اشىلماي، ۇنجىرعالارى ٴتۇسىپ، پەيىلسىز، تەك مىندەت وتەۋ ٴۇشىن عانا قيمىلدايتىن كورىنەدى. ال، لي اعاي قانشالىقتى شارشاپ-شالدىعىپ جۇرسە دە، توزىمدىلىكپەن ىشكى بولدىرعان كۇيىن سىرتقا سەزدىرمەي، جۇزىنەن كۇلكى ٴۇيىرىلىپ،اشىق-جارقىن بەينەسىمەن قاريدارلاردى قارسى الۋدى ادەتىنە ايلاندىرىپتى.

كونەلەردە: «كوز كوڭىلدىڭ ايناسى» دەيتىن اتالى ٴسوز بار، باسقالارعا قالاي مامىلە جاساۋ ءبىزدىڭ كىم ەكەنىمىزدى تۇسىندىرەتىن، كىسىلىگىمىز بەن ادامدارعا دەگەن قۇرمەتىمىزدى، ٴتىپتى ادامدىق ساپامىزدى بىلدىرەتىن بىردەن-ٴبىر جارنامامىز سىپەتتى. ەگەر ٴسىز شىنىمەن ادامدارعا مەيىرىمدى، جىلى ٴجۇزدى بولساڭىز، وزگەلەردى وزىڭىزگە باۋراۋدىڭ سىرتىندا اسا سەنىمدى، شىنايى، قامقور ەكەندىگىڭىزدى بىلدىرە الاسىز، تۇرمىستىڭ ٴتۇرلى سالماعى ٴتۇسىپ جۇرگەن قاريدارلار ٴسىزدىڭ پەيىلىڭىزدەن ٴلازاتتانادى، ونىڭ ۇستىنە اس-تاعامىڭىزدان تاتقان سوڭ ونان ارى جاقىنداي تۇسەدى، اۋەلى ماڭىڭىزدان الىستاعىسى كەلمەيدى.

سوندىقتان ساۋداعا توسەلگەن ىسپور ادامداردىڭ بارلىعى باسقالاردىڭ سەنىمىنە يە بولۋمەن بىرگە، قاشان دا قاباعى اشىق جۇرەدى. سوندىقتان دا ولاردىڭ ٴاربىر قادامى اشىلا بەرەدى، ولار مىنانى جاقسى تۇسىنەدى: قانداي جاعدايدا قيىنشىلىقتى جەڭەتىن نارسە كوڭىلسىزدىك، كەيۋ، ابىرجۋ ەمەس، قايتا، كوڭىلدى اشىق قاباق پەن ٴتوزىم، ومىرگە ۇمىتپەن قاراۋ.

سوندىقتان، قاشان دا جۇرەگىڭدە مەيىرىم، جۇزىڭدە جىلىلىق بولسا تابىسقا دا جەتەسىڭ، جولىڭ دا اشىق بولادى، بارلىق ىستەرىڭ وڭىنا باسىپ، قولداۋشىڭ كوبەيەدى، ال ىشكى رياسىز كوڭىل كۇيىڭ، سىرتقى بەينەڭنەن دە مەنمۇندالاپ تۇرادى.

2

بۇرىنعىلاردا: «ٴبىلىمدىنىڭ بەتى جارىق،ٴبىلىمسىزدىڭ بەتى كونشارىق» دەيتىن دانالىق ٴسوز بار. ال، كىتاپ وقىماعان ادام، كۇن تۇسپەگەن جەرمەن تەڭ دەگەن دە ايتىلىم بار. ەندەشە كىتاپ وقۋدى ٴسوزسىز داعدىعا اينالدىرۋ كەرەك. كىتاپ وقۋ ءاربىر ادامنىڭ سالاۋاتى مەن ساپاسىنان دەرەك بەرەدى.

جازۋشى سانماۋ بىلاي دەگەن ەكەن: «كىتاپتى وقىعان سايىن ٴجۇزىڭ نۇرلانىپ، ٴوڭىڭ دە تابيعي وزگەرىس بولادى. كوپ جاعدايدا، ادامدار وقىعان كىتابىن ەسىنە ساقتاپ جاتپايدى، شىنىن قۋساق، ولار ءسوز-ارەكەتىندە، كىسىلىك سالاۋاتىندا، كوڭىل كوكىرەگىندە، تۇرمىسىندا جانە قولىنا قالام العاندا كىتاپ وقىعانىن دالەلدەپ تۇرادى». ولەڭمەن ورنەكتەلگەن ءومىر دەيتىنىمىز دە وسىدان بولار.

كەيبىرەۋلەر اۋزى كوپىرشىپ: «كىتاپ وقۋدىڭ نەگە قاجەت ەكەنىن بىلمەدىك، مەن كىتاپ وقىماسام دا قىمبات اۆتوكولىك ءمىنىپ ٴجۇرمىن،-عوي؟ سەرىكتىگىمدەگى نەشە ءجۇز قىزمەتكەردىڭ كەز كەلگەنىنىڭ ايلىعى وقۋ وقىعانداردان ارتىق»،-دەپ جاتادى.

مۇندايلاردىڭ بايلىعى بولعانىمەن ۇزاققا بارمايدى. ەل-جۇرتقا جارنامالايتىنى قىمبات ماشيناسى، قورا-جايى سياقتىلار بولار، ال شىنايى ساپا مەن انىق سالاۋات ىشكى جان دۇنيەدەگى مەيىرىم، قايىرىم، جان بايلىعى. دۇنيەسىمەن ماقتانىپ جۇرگەندەردىڭ ىشكى جۇتاڭدىعى بەلگىلى بولىپ تۇرادى.

دەگەنمەن، مەن مىنا ءبىر قاعيدانى قۇپتايمىن: «كىتاپ وقۋ مەن وقىماۋدىڭ اراسى جەر مەن كوكتەي. كىتاپ وقي بىلەتىن كىسى «وقىعانىم قاجەتىمە جارادى ما؟» دەگەنگە ءساپ سالىپ جاتپايدى. ورەلى ءبىلىم ولارعا قاشان دا ومىرگە تەرەڭ كوزقاراس ورناتاتىن ناعىز ساپا قالىپتاستىرادى دا، ىلعي دا تاسى ورگە دومالايدى.

سوندىقتان ولار داڭعازا، قارابايىر تۇرمىسقا بوي ۇرمايدى؛ كىتاپتى قانشالىق وقىعان سايىن ءوزىنىڭ ءالى دە بىلمەيتىنى كوپ ەكەنىن سەزىنە تۇسەدى دە، ادامدارمەن كىشپەيىلدىكپەن ارالاساتىن بولادى.

كىتاپ وقۋ ادامنىڭ قاناتىن كەڭگە جايدىرىپ، كىسىنى ءبيازى سۇيكىمدىلىككە تاربيەلەيدى، وزگەلەرگە قۇرمەتپەن قارايتىن ىزگىلىككە جەتكىزەدى. ال، ۇلىلىق دەگەنىمىز مىنە وسى، وعان جارنامانىڭ كەرەگى جوق، ىشكى بولمىسىڭ سىرتقى تۇلعاڭنان دا مەنمۇندالاپ تۇرادى.

3

ٴبىز جاي تۇرمىستا كەيبىرەۋلەردىڭ ۇلدە مەن بۇلدەگە ورانىپ، كەرەمەتتەي مەنمەنسىپ، باردامسىپ جۇرگەنىمەن، ولاردىڭ زاڭدىق بىلىمنەن جۇرداي ەكەنىن، قوعامدىق ٴمورال، ادامدار ارا قارىم قاتىناستا قاتتى نادان ەكەنىن بايقايمىز. كوپ ساندى ادامدار ولاردان بويىن اۋلاققا سالادى، ويتكەنى ولاردىڭ وركوكىرەكتىگى مەن وزىمشىلدىگىن،زاڭسىز ىستەرىن تالاي كورىپ، ولاردان جيىركەنەتىن بولعان.

حالىقتا مىناداي دانالىق ٴسوز بار: «جەمىستى اعاش،ٴيىلىپ تۇرادى»

مەيىرىمدى كىسىنىڭ جۇزىنەن نۇر ويناپ تۇرادى دا، ادامداردى ەرىكسىز وزىنە باۋراي الادى. ونداي ادامدارمەن ارالاسۋ ماقتانىش سەزىمىن سيلايدى، كوڭىلدى بولاسىڭ، الاڭسىز، سەنىمدى كۇندەر وتكىزەسىڭ. ال ەندى ءوزىمشىل، الاياق، ەسەپشىل ادامداردىڭ ءوڭ-الپەتى ءبىر قاراعاندا كەلىستى كورىنگەنىمەن، جۇرە كەلە سەنى ىڭعايسىز كۇيگە تۇسىرەدى دە، قاجىىتادى، ٴتىپتى مەزى بولىپ، قۇتىلۋعا اسىعاسىز.

ٴيا، سىرتقى ٴوڭ الپەتكە گرەم جاعىپ، ادەمى كورىنۋ قولدان كەلەر، كەيدە ادەمى كيىم-كەشەكتىڭ دە ادامداردى كەرەمەتتەي كورسەتۋى مۇمكىن، الايدا ونىڭ ٴبارى كورەر كوزگە عانا، ال شىنايى سۇلۋلىق جان دۇنيەدە، مىنەزدە، عىلمي ساپادا، ادامگەرشىلىكتە. بۇل ىشكى بولمىس قيمىل ارەكەتتەن-اق باسقالارعا كىم ەكەنىڭدى ايقىنداپ تۇرادى.

مىنا ءبىر قورتىندى ءسوزدىڭ كوڭىلگە قونىمى بولەك ەكەن: ەرنىم سۇيكىمدى بولسىن دەسەڭ، ءسوزىڭ سىپايى بولسىن؛ كوزىم كوركەم بولسىن دەسەڭ، باسقالاردىڭ ارتىقشىلىعىن عانا كورەتىن بولسىن؛ دەنەم سىمباتتى بولسىن دەسەڭ، اشىققاندارمەن ازىعىڭدى بولىسە ءبىل؛ ءجۇرىس-تۇرىسىم ۇنامدى بولسىن دەسەڭ، باسقالارعا قول ٴۇشىن بەرە ءبىل. سىرتىڭ جالتىراپ، ءىشىڭ قالتىراسا، سورلاعانىڭ؛ ءىشى-سىرتىڭ بىردەي بولعاندا عانا سالاۋاتتى، سۇيكىمدى، ناعىز سۇلۋ بولاسىڭ.

كىتاپ جان ازىعى، كىتاپ وقىماعان ادامنان قورقۋ كەرەك، كوكىرەگىندە وتى بولماعان بىلىمسىزدەر قاشان دا ادامزاتقا زياندى، جىلدار، ايلار ايالسىز وتە بەرەر، الايدا ۋاقىتتى شەڭگەلدەۋدىڭ بىردەن-ٴبىر جولى، ادامزاتتى باقىتقا اپاراتىن دا، بولاشاقتى جاراتاتىن دا ۇيرەنۋ، ەڭبەك، مەيىرىم. سوندىقتان بارلىق ادامعا ٴجۇزىڭ جىلى، جانىڭ مەيىرىمدى، ىشكى الەمىڭ كەڭ، نۇرلى بولاشاقتى جاراتۋ سەنىمىڭ كامىل بولسىن دەپ جار سالامىز. مەيىرىمدى ادامنىڭ ەرتەڭى ماڭگى نۇرلى بولادى!


    كەلۋ قاينارى: http://www.elarna.net/koru.php?tur=37&id=1073830

    پىكىرلەر:


    جازعان لەبىزىڭىز300 ارىپتەن اسپاسىن!
    ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

    ەل-ارنا ءوز گازەتى