ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-092218827250 %50 %
2019-12-102001851947 %53 %
2019-12-111656685246 %54 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جۇڭگو قازاق راديو تورابى

جولدانعان ۋاقىتى: 20:30 - 2019/10/09


اۋەلگى كەلۋ قاينارى: http://www.kazakcnr.com/jdt2019/201910/t20191008_1365925.html

اۆتورى:ماقسات قيزات ۇلى

«مال الاسى سىرتىندا، ادام الاسى ىشىندە»،- دەيدى ەكەن حالقىمىز، بىلاي قاراساڭ ادامنىڭ ىشكى الەمى ءاۋ باستا قۇددى بوس بوتەلگەگە ۇقساپ قالادى. ءيا، كادىمگى سۋسىندىقتىڭ جارقىراعان اينەك بوتەلكەسى بار عوي، ءدال سودان اۋمايدى.

ءبىزدىڭ ەل بۇنى: جان تورسىعىم،-دەگەن عوي.

ءبىز ىشىمىزدەگى بوتەلكەمىزگە نە قۇيساق، سول بولىپ شىعاتىنىمىزدى بىلدىك پە ەكەن وسى؟

مىنا ءومىر، مىنا قوعام قۇددى جاڭاعى جان تورسىعىڭىزعا سۋسىندىق تاراتاتىن ۇلكەن زاۆود ىسپەتتى.

ءسىز وسى الاڭعا كىرەسىز دە، جارقىراعان جان تورسىعىڭىزدى ءتۇرلى سۋسىندىقتارمەن تولتىرىپ شىعۋعا حاقىلىسىز.

بۇل جەردە ءسىزدىڭ ءشولىڭىزدى ماڭگى قاندىراتىن ءزامزام سۋى دا، جانىڭىزدى قارايتاتىن ۋلى سۋسىندىق تا بار.

......

مىنا ادامنىڭ كەيپىنە قاراشى، وزىنەن ءوزى جۇدەپ توزىپ كەتىپتى، ول الاڭعا كەلدى دە، قۇسا-مۇڭنىڭ كەرمەك تۇنباسىنىڭ الدىنا كەلىپ، جان تورسىعىن توسا قالدى.

قاباعىنان قار جاۋىپ تۇر.

-نالىماساڭشى، ۋاقىتشا عوي، ءبارى دە ءوتىپ كەتەدى، ودانشا قۋانىشتىڭ بالزامىنان، ۇمىتتىڭ سۋسىنان ءدام تات، سول عانا ساعان جولداس بولادى،-دەگەن دوسىنىڭ ءسوزىن ول ەسكەرگەن جوق.

-مەن باقىتسىزبىن، مەن سورلىمىن،-دەدى دە، تارام-تارام كوز جاسىن سۇرتپەستەن قارا قوشقىل تۇنبادان قىلقىلداتتى.

سودان ونىڭ باتتاسقان كوڭىل بوتەلكەسىن كورگەن جاندار الىستان قاشاتىن بولدى.

ـ جولاما، قاسىندا جارىم ساعات وتىرساڭ بولدى اۋرۋ بولاسىڭ، ايتقانىڭ ءبارى زار، نالا، كەۋدەڭدى كۇيىككە تولتىرادى،-دەدى ماڭايىنداعى جاقىن-جاعالاستارى.

سول بەتى ونىڭ جان تورسىعىن قاسىرەتتىڭ كۇيىك شالعان كىر تۇنباسى باسىپ قالا بەردى.

......

مىنە قاراڭىز، انا ءبىر جاس بالا الاڭعا كەلدى دە، اڭتارىلىپ تۇرىپ قالدى. نە ىستەرىن بىلمەي اكە-شەشەسىنە قارادى.

اكەسى تاربيە سۋسىنىن، شەشەسى ءبىلىم سۋسىنىن نۇسقادى. ول ەكىلەنگەن جوق، كەلدى دە ءبىلىم سۋسىندىعىنا باس قويدى.

ول ءار رەت بوتەلكەسى بوساپ، شولدەگەن كەزدە الاڭنىڭ مەكتەپ، كىتاپحانا دەيتىن بۇرىشىنا كەلىپ، جان تورسىعىن ءبىلىم سۋسىندىعىمەن تولتىرىپ الادى.

ونىڭ ءىشى تولعان عىلىم بولدى، اسپانعا ورلەدى، ابىرويلى بولدى، بۇل اباي اتامىزدىڭ : دۇنيەدە ءوزى، مال دا ءوزى، عىلىمعا كوڭىل بولسەڭىز،-دەپ ولەڭىن بوي تۇمار قىلعان جاس عالىم ەدى.

......

ال مىنا سۇرقى قاشقان تار شەكەنىڭ سىقپىتىن قارا، كەلدى دە، وپاسىزدىقتىڭ اشتى ءسىراسىن جان تورسىعىنا باسى-كوزگە قاراماي قۇيىپ جاتىر. جالعىز سەنەرى اتاسىنىڭ :ەي، ۇلىم، ونى ىشپە، بۇنىڭ ساعان پايداسى جوق،-دەگەنىنە قاراعان جوق.

-اۋىلدان ۇزاپ شىقپاعان سەن نەنى بىلەسىڭ، ەسەمنىڭ كەتكەنىنە وكىنەمىن-دەدى دە سىلقىلداتا بەردى.

ءتىپتى ول: بۇل سۋسىندىقتى ىشۋگە قاتاڭ تيىم سالىنادى،-دەگەن باقىرايىپ تۇرعان ەسكەرتپە جازۋدى دا ەلەمەدى.

ول ىشتەگى بوتەلكەسىنە قاستاندىق پەن سۇرقيالىقتىڭ سىراسىن تولعانشا قۇيدى، قۇيىپ العان سوڭ قۇنى-پەرەن قوعامنىڭ قالتارىسىنا قۇيىپ كەتتى.

ەشكىمگە جانى اشۋدى بىلمەدى، تۋعان-تۋىس، اعايىن-دوستى زارلاتتى، ءوز تۋعان اكە-شەشەسىن دە كۇيىكتەن ولتىردى.

سوڭىندا تەمىر توردىڭ ارجاعىنان بىراق شىقتى، ول سوندا بارىپ ءوزىنىڭ ىشكەن سۋسىندىعىنىڭ ادامزاتقا قارسى الاپات اكەلەتىن ازعىندىقتىڭ اتاۋ كەرەسى ەكەنى ءبىلدى.

......

اناۋ كەلە جاتقان ادامنىڭ ءبىر مومىنى ەدى. ول باسقا سۋسىندىقتىڭ ءبارىن قايىرىپ قويدى دا، قامقورلىقتىڭ بۇلاعىنان مەيلىنشە ءسىمىردى.

ءموپ-ءمولدىر بوتەلكەنىڭ سىرتىنا: جاقسىلىق جاساۋ – ءومىرىڭدى كوگەرتىپ، جۇرەگىڭدى جاسارتادى،-دەگەن جازۋدى شاپتاتىپ الدى.

ونى كورگەن ەلدىڭ ءبارى قۇشاعىن جايا قارسى الىپ: جاقسىلىقتىڭ جارشىسى مەيىرىم كەلەدى، جول بوساتىڭدار، ءتور بەرىڭدەر-دەپ قول قۋسىراتىن بولدى.

ول جاقسىلىق سۋسىندىعى عانا جانىن جادىراتاتىنىن ءبىلدى. سونى ولە-ولگەنشە ءىشىپ كەتتى. ءومىرى ماعىنالى ءوتتى.

......

مىنە كوردىڭىز بە، بارلىعىمىز دا ءبىر-ءبىر جان تورسىعىنىڭ يەسىمىز، ىشىمىزگە نە قۇيساق، سونى سىمىرەمىز. ءبىزدىڭ ىشكەن رۋحاني ازىعىمىز ءبىزدىڭ قانداي ادام بولاتىنىمىزدى انىق بەلگىلەيدى.

مىنا ومىردە ماحاببات، ۇيات، وكىنىش، ساعىنىش، كەشىرىم، شابىت، شىدامدىلىق، قايسارلىق، قامقورلىق سۋسىنى دا، ساتقىندىق، تۇرلاۋسىزدىق، الدامشىلىق، وسەكشىلدىك، كورە الماۋشىلىق، ازعىندىقتىڭ دا شالابى بار.

بۇل قوعامدا سەنىمسىزدىك، تابانسىزدىق، ۇمىتسىزدىك، دۇنيە قۇمارلىق، وكپەشىلدىلدىكتىڭ قارا ءشايى دا، ارمان، مۇرات، بولاشاق، باقىت، ۇيات، بايلىق، شۇكىرشىلىك، سابىرلىلىقتىڭ دا قىزىل قوڭىر ءشارباتى دا بار.

وتەلكەڭدى نەگە تولتىرۋ ءوز جۇرەگىڭنىڭ قالاۋى، بوتەلكەڭدە نە بولسا، سەن دە سونىڭ نارىنەن ءنار الاسىڭ.

ەگەر بوتەلكەڭە تازا ءشاربات قۇيساڭ، ول ىشكى جان دۇنيەڭدى مولدىرەتىپ، جارقىراتادى.

بوتەلكەڭە ىلاي سۋ قۇيساڭ، ول تۇنىعانىمەن دە تۇبىندە باتپاقتارى كورىنىپ تۇرادى.

بوتەلكەڭە قۇم، توپىراق سالساڭ، وندا ول بوتەلكەڭدى اۋىرلاستىرىپ، ارقاڭا اۋىر جۇك بولادى.

......

ەرتەدە ءبىر موناق تاۋداعى شاكىرتىن ەرتىپ ەتەككە ءتۇسىپتى. جول ورتادا ولار ءبىر كىشكەنە وزەنگە كەزىگىپتى. وزەن بويىندا ءبىر بويجەتكەن قىز سۋدى كەشىپ وتە الماي داعدارىپ تۇرعان ەدى.

بۇنى كورگەن ادال موناق قىزدى ارقالاعان بويى ارعى جاعاعا جەتكىزىپتى. قىز ۇستازعا باسىن ءيىپ، راقىمەتىن ايتىپ جولىنا ءتۇسىپتى.

قىزدى ارقالاعان ۇستازىنىڭ قىلىعى شاكىرت بالانىڭ زىعىردانىپ قايناتىپتى. موناق ەشتەڭەگە ءمان بەرمەي ءوز جولىمەن تارتا بەرىپتى.

قىز قىرقادان اسقان سوڭ شاكىرتى ۇستازىنا: ءپىرىم-اۋ، مىناۋىڭ نە قىلعانىڭ، موناق باسىڭمەن ايەل زاتىن ارقالاعانىڭ نە، ءجون-جوسىنىمىز قايدا قالدى،-دەپتى كۇيىپ پىسىپ.

سوندا موناق: مەن قىزدى وزەننەن اعالىق مەيىرىممەن، اكەلىك جونىممەن ارقالاپ وتكىزدىم، مەنىڭ ويىمدا تەك قانا جاناشىرلىق تۇردى.

ال سەن ءشى، سەن ونى كوتەرمەي جاتىپ كوڭىلىڭ بۇزىلدى. سەنىڭ ءىشىڭ تازا ەمەس ەكەن-دەپتى.

بۇنى ەستىگەن شاكىرتى ۇيالعانىنان نە دەرىن بىلمەي ءۇنسىز قالىپتى.

مىنە، كوردىڭىز بە، ءبىزدىڭ ءىشىمىز قانداي بولسا، ءىسىمىز سونداي بولماق، جانىمىزدىڭ بوتەلكەسى جارقىراپ تۇرسا، جان-جاعىمىزعا جاقسىلىقتان ساۋلە شاشامىز، جانىمىزدىڭ بوتەلكەسى كىرلەسە، ىستەگەنىمىز ورگە باسپاي، كىسى ىسىنە كەسىرىمىز تيەدى.

سول ءۇشىن كوڭىل بوتەلكەڭىز اق بولسىن، ادالدىق، باقىت سىزگە جاق بولسىن، جان تورسىعىڭىز جارقىراپ، جايناي بەرسىن،-دەگىمز كەلەدى.


كەلۋ قاينارى: http://www.elarna.net/koru.php?tur=37&id=1057866

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


يسلامداعى وتباسى تۋرالى 5 مينوت
中国哈萨克语广播网 5 مينوت
قايتا ورالعان «بەس بويد 5 مينوت
انتاليادا اۋا رايىنا با 5 مينوت
قازاقستاندا جوعارى نەمە 5 مينوت
كوشەرباەۆ سىبايلاس جەمق 8 مينوت
سالبۋرىن سالتاناتى R 9 مينوت
ترامپ پۋتينگە اقش-تاعى 15 مينوت
الماتىدان 491 شاقىرىم ق 15 مينوت
ءبىلىم ءمينيسترى گرانت 15 مينوت
التىن قازىنانىڭ بىلگىرى 16 مينوت
16 جاستاعى گرەتا تۋنبەر 23 مينوت
«ۇلى دالانىڭ ۇلتارالىق 25 مينوت
16-17 جەلتوقساندا ەلورد 25 مينوت
ارۋلار مەن سۇلتاندار س 1 ساعات
يسلامداعى وتباسى تۋرالى 1 ساعات
بقو-دا قىزمەت بابىن اسى 1 ساعات
سيرياعا بارعانداردىڭ ءو 1 ساعات
ءۇي قيسايماعان: الماتىد 1 ساعات
中国哈萨克语广播网 1 ساعات
ەلوردادا «وربۇلاق شايقا 1 ساعات
توقاەۆ پرەزيدەنتتىك كاد 1 ساعات
قاراعاندىلىق ستۋدەنتتەر 1 ساعات
ديماش قۇدايبەرگەن «اقتو 1 ساعات
قر پرەزيدەنتى ۇلتتىق با 1 ساعات
استانادا ەرىكتىلەردىڭ ر 1 ساعات
«الەم بارىسى» اتانعان ر 1 ساعات
اقتاۋداعى مەكتەپكە فاري 1 ساعات
مۇسىلمان وتباسىنىڭ نەگى 1 ساعات
ەتنيكالىق قازاقتاردىڭ ە 1 ساعات