ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-12711272041 %59 %
2019-10-13946291737 %63 %
2019-10-14420135937 %63 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جۇلدىز جۋرنالى

جولدانعان ۋاقىتى: 19:00 - 2019/10/10



تۇرىك شايىرى ەديپ دجانسەۆەردىڭ «كەلىپ ەڭ، تابىلدىم» كىتابىنان اۋدارمالار. ءومىربايانى:

ەديپ دجانسەۆەر – 1928 جىلى، 8 تامىزدا ىستامبۇل قالاسىندا تۋدى. مەكتەپتى بىتىرەتىن كەزىندە وقۋدان شىعىپ، ساۋدامەن اينالىستى. العاشقى ولەڭىن 1944 جىلى «ىستامبۇل» جۋرنالىندا جاريالادى. بىرنەشە گازەت، جۋرنالداردا شىققان ولەڭدەرىن «ەكىنتىدەن كەيىن» كىتابىنا جينادى. 1951 جىلى «نۇكتە» جۋرنالىن شىعاردى. بۇل جۋرنالدى جاس اقىنداردى قولداۋ نيەتىندە باستىرعان بولاتىن.

العاشقى كىتابىنان 7 جىل وتكەن سوڭ، «تىرشىلىك» كىتابى جاريالاندى. 1957 جىلى «قالامپىر» كىتابىمەن تۇرىك پوەزياسىنا جاڭا تىنىس اكەلدى. ەديپ جانسەۆەردىڭ پوەزياسى بۇلىڭعىر، تۇسىنىكسىز بولىپ كورىنگەنىمەن، ماعىناسىن جوعالتپاعان تۇرىك پوەزياسىندا ەڭ كوپ وقىلعان اقىن رەتىندە قابىلدانۋدا. 1976 جىلدان باستاپ بارلىق جۇمىسىن قويىپ پوەزيامەن عانا اينالىستى، ۇزدىكسىز ولەڭ جازدى. 1986 جىلى، 28 مامىردا بودرۋم شاھارىندا ميىنا قان كەتىپ جان ءتاسىلىم ەتتى.

ۇستەل

ادام ءومىردىڭ باعى ىشىندە،

ۇستەلگە

كىلتتەرىن قويدى،

گۇلساۋىتتاعى ءلالالاردى قويدى،

سۇتتى ھام جۇمىرتقانى قويدى،

تەرەزەدەن تۇسكەن جارىقتى قويدى،

ۆەلوسيپەد سەسىن، شىعىر دىبىسىن،

اۋانىڭ نان سىڭگەن جۇمساقتىعىن قويدى.

ادام ۇستەلگە

ويىنداعىنىڭ بارىن قويدى،

جالعانداعى ارماندارىن قويدى،

كىمدەردى جاقسى كوردى،

كىمدەردى جەككوردى،

ادام ۇستەلگە سولاردى قويدى.

ۇشتى ۇشكە كوبەيتىپ الىپ،

ادام ۇستەلگە توعىزدى قويدى،

تەرەزەنىڭ قاسىندا ەدى،

اسپاننىڭ جانىندا،

قولىن سوزىپ ۇستەلگە باقيدى قويدى.

سىرا ىشسەم دەپ ءجۇر ەدى قانشاما كۇن،

ۇستەلگە سىرانىڭ توگىلگەنىن قويدى.

ۇيقىسىن قويدى، ويانعانىن قويدى،

توقتىعىن ءارى اشتىعىن قويدى...

يا، ۇستەل دە مىعىم ەكەن

مۇنشا جۇكتى ماعان ارتتىڭ دەمەدى،

بىر ەكى رەت قانا شايقالىپ تۇردى،

ال، اكەم قويىپ جاتتى...

ىنتىماقتاستىق

رازىمىن ساعان، باۋىرىم جانىم،

ۇيالام ءبىراق، قاۋىمنان.

كوفە مەن ادام ءبىر جاعىم،

بىر جاعىم ءدۇنيا اعىلعان.

ەھ، مىرزىلار كۇش كەرەك سويلەۋگە،

جۇمىسىم بىتسە، جاعالاۋدى اسىپ

ساتۋشى بولام كوفەمدى ۇستاپ

بۋىنا ماسايىپ اينالار باسىم.

مىنە، وسىلاي بۇزامىن ءبارىن

جاناردان جالعان ساعىم بوپ وتكەن.

داعدىلاندىم ەكەن قاي سەبەپپەن

اي ساۋلەسىنە مالىنىپ تەككە.

جول – مەنىڭ جولىم،

سياقتى ما الدە؟

تۇندى جاسىرىپ بوزارعان تاستاق.

كوفە بۋىنان رۋبايلار ۇشار،

قوعام پەيىلىن بازارعا تاستاپ.

ەتىم ۇيرەنگەن ءىسىم – ءىس،

تۇكپىرگە ەنگەن الا كولەڭكە.

بازار مەن كوككە كوزىمدى تىگەم

ايماققا ءبىر ءسات قاراپ وتەردە...

كوفەشى كوفەنى العان ساتتە،

تاۋعا ەڭكەيەد كۇن يەگىن باسىپ.

ۇيالشاقتىعىم بولماسا،

جانىممەن سۇيەم دۇنيەنى وسى.

ىشىمە ءسىڭىپ اۋداننىڭ ءيسى،

قۇستاردىڭ كوكتەن جاڭعىرار سەسى.

جۇرەگىمدەگى سىزداعان جارا –

الىستاپ كەتكەن تاعدىرلار ءىزى.

قىرسىق مىنەزىم سەبەپ تە شىعار،

دارمەن تاپپادىم سانسىز مۇڭىما.

ۇزاق ايماقتا سورپالار قاينار،

قاراما-قارسى جالعىزدىعىما.

ەھ، مىرزالار شەرلى كوكىرەگىم،

جۇمىس بىتكەسىن كوبە ءتۇن قالار.

كوفەمدى قايناتىپ بولعانىمشا،

اسپان وزگەرىپ كەتەتىن بولار.

سۋلىعىمنان قان اعادى

بارلىق جەرگە جەتۋگە بولادى

ەشتەڭەگە كەشىكپەي-اق، ءبىراق،

قۇلىنىم مەنى كەشىرشى،

احمەت اعا سەن دە عافۋ، ەتشى!

موينىم سالبىراپ تۇرسام ەگەر

ىشىمدە سولاي بولعانى ءۇشىن ەمەس،

بىراق ەشتەڭە ەتپەس.

اھ، كورىكتى احمەت اعام مەنىڭ،

ادام تۇرعان جەرىنە ۇقسايدى ەكەن:

سول جەردىڭ سۋىنا، سول جەردىڭ توپىراعىنا،

سۋدا جۇزگەن بالىعىنا،

توپىراقتا جايقالعان گۇلىنە،

تاۋلار، توبەلەردىڭ تۇمانعا يىلگەنىنە،

كونيانىڭ اپپاق،

انتەپتىڭ قىرمىزى جازىعىنا ۇقسايدى،

كوگىنە ۇقسايدى، كوز جاسى – كوگىلدىر،

تەڭىزىنە ۇقسايدى، تولقىندارى – قاراشىعى...

ۇيلەرىنە، كوشەلەرىنە، بۇرىشتارىنا

سونشالىقتى ۇقسايدى ەكەن-اۋ.

جانە اۋلاسىنا

(بىر ساقينانىڭ قۇدىعىنا قىسىلعان جۇرەگى)

جانە سوزدەرىنە

(ياعني، قالتا ايناسىنىڭ باعاسىنا دا بالكىم)

جانە ءبىر كۇنى بىرەۋدىڭ بەيمالىم مەكەنجاي سۇراعانىنا ۇقسايدى،

سۇراعانىندا، ءبىر كوڭىلسىز ءۇيدى نۇسقاعانىنا دا.

اينەكشىنىڭ اينەك كەسۋىنە، اعاش ۇستاسىنىڭ ۇككىشىنە،

تەمەكى تۇتاتقانىنا، گازدى سۋسىن اشقانىنا،

شاعىن اۆتوبۋستارىنا، كەپەلەرىنە،

قاسىرەتىنە، جالعاندىعىنا ۇقسايدى ەكەن.

ەستەلىگى – جالعىزدىق،

كۇيىگى – ويى،

پىشاعى – كوز جاستارى قۇرعاعالى تۇرعان، ەلىڭ...

كۇلە المايسىڭ، كۇلۋ دەگەنىڭ –

حالقىڭ قۋانعاندا كۇلۋ عوي.

تۇركياعا سونداي ۇقسايمىز، احمەت اعا!

ادەمى ءبىر بوكال ۇستاۋىڭ بار ەدى بۇرىننان

شىنتاعىڭ داستارحانعا سۇيەنىپ،

«ۋاقىتتار اسپانعا سۇيەندى» دەۋشى ەم مەن سوندا.

تەمەكى قورابىندا جازۋلار، سۋرەتتەر;

سۇگىرەتتەر – اباقتى،

سۇگىرەتتەر – ساعىنىش،

سۇگىرەتتەر – ەسكىلىكتەر.

جانە ءبىر قاسىڭ جوعارى كوتەرىلىپ

سۇيۋىڭ جىلدام،

دوستىعىڭ تەز بولاتىن.

ال ءقازىر قاراسام

سوناۋ بوكال كۇپىر سياقتى تۇرادى قولىڭدا.

جانە «ۋاقىت» دەگەنىمىز نە، احمەت اعا؟

بىز ەسكىدەن سەنىمەن،

ستانتسيالاردى جەكە-جەكە ارالاۋشى ەدىك،

نازيللي اڭقۋشى ەدى،

جانە جاڭبىر استىندا قالاتىن ەدىرنە پوشتاسى،

سەن قىلداي جىڭىشكە ىستامبۇل جاڭبىرىنىڭ استىندا

قارا تورى ايەلگە عاشىق بولعانداي تۇرۋشى ەدىڭ،

ايەلدىڭ – ۇتىكتەلگەن باتەسىندەي ءتانى،

اققۋداي موينى،

كىرپىكتەرى،

جانە ساعان احمەت اعا

ۇزاقتان، ۇزاقتان قىزاناق، ىرىمشىك كەسىپ جاتقانداي،

داستارحان جاياتىن ەدى،

ساۋساعىن سۋعا ماتىرعانداي، جۇرەگىندەگى مولدىرلىككە مالاتىن-دى،

قاپاسقا تۇسسەڭ تەمەكىڭدى اكەلەتىن ەدى،

ۇرىم-بۇتاعىڭدى كوبەيتەتىن ەدى،

جانە سول بالالاردىڭ الەمدى وزگەرتەتىن قولدارىن

شىلتەر توقىعانداي سيپايتىن ەدى.

سول بالالار وسەدى،

سول بالالار وسەدى،

سول بالالار...

بىلمەستەن كەلمە احمەت اعا،

ۇمىتىڭدى ويات،

ۇمىتسىزدىكتى قوي!

ايتارىم مىناۋ;

جوعالعان زاتتارعا ۇقساۋشى ەدى ول شاقتا پويىزدار،

ال ءقازىر شە – كۇندەلىكتى قوزعالىستا،

قايدا دا بولسىن ارمانسىز ءومىر ءسۇرىپ جاتىرمىز.

بالالارعا، ايەلدەرگە، ەركەكتەرگە

پويىزدار لىق تولى.

پويىزدار، قالا ىشىندەگى پويىزدارعا ۇقساس،

جۇمىسشىلارى –

المانيا جولاۋشىلارىنداي.

ايەلدەرى –

بىرى جولدىڭ، ءبىرى قاشىقتىقتىڭ كۇزەتشىسىندەي.

قولدارىندا شاماداندار، اۋلار،

يىس سۋلار، سۋ شىنىلارى مەن پاكەتتەر،

سولاردىڭ ءبارى –

بىر بايلاۋلى اعاشتاي قالاۋسىز جەرىندە وسكەن.

اھ، كورىكتى احمەت اعام مەنىڭ،

كوردىڭ بە، قاراشى

شاشىلعان بازارعا ۇقسايدى ءقازىر ستانتسيالار،

جانە شاشىلعان بازارداي مەملەكەتىمىز.

قولىمىزدان مۇڭايۋ دا كەلمەيدى ءتىپتى،

كەلسە دە

ىلعي دا ەمەس،

بىر دجاز مۋزىكاسى سياقتى كەلىپ كەتەدى مۇڭ،

سونشالىقتى تەز،

سونشالىقتى قىسقا،

مىنە، سونشالىقتى عانا.

احمەت اعا، كورىكتىم، ءبىر سۋلىق نەگە قانايدى،

تىس ەمەس، تىرناق ەمەس، ءبىر سۋلىق نەگە قانايدى؟

سۋلىعىمنان قان اعادى.

كىتاپ، قوعاجاي، تىرناق

باقشا ىشىندە شەزلونگقا جانتايىپ

كىتاپ وقيدى ادام.

اندا-ساندا باسىن كىتاپتان كوتەرىپ قويادى.

بىر رەزەڭكە قۇبىرشەگىنىڭ جالتىلى ماڭىنداعى جۇيەككە ەگىلگەن

قوعاجايدىڭ ق-سىنا جالعىز قاراپ تۇر (كۇن ەسىك ۇستىنەن كوگىلدىر بوپ قاراپ تۇر). سول ءبىر قوعاجاي – گۇل تۇسىنىگىنەن قۇتىلعانى ءۇشىن، ءتىرى.

ادام – ءسۇيۋ تۇسىنىگىنەن قاشقانى ءۇشىن، باقىتتى.

جانە تەڭىز دە ادامنىڭ تىنىشتىعىنداي جايباراقات.

ولەڭنىڭ كولەڭكەسى بولۋى ءتيىس قىركۇيەك (دەپ ويلادى).

  • ولەڭ وقىمايمىن، - دەدى - جۇبايى

ارقاسىن قابىرعاعا سۇيەپ،

كوكتەگى ءبىر ۇشاقتىڭ كۇمىس بوياۋلى ىزىنە قاراپ تۇرىپ،

(جۇزىندە بىر-بىرىنە ۇقساماعان ءۇش ءتۇرلى ۇزاقتىق).

سالدەن سوڭ، - ءبىراز تاعى تىرناقتارىمدى كەسسەم

كۇز مەندىك بولادى، - دەدى.

كىتاپقا ەنگەن ادام.

ازداعان ءشوپ جۇلعان ايەل.

مەن مىنا جەردەن، ياعني ۇستەلىمنەن كورە الاتىن ەمەسپىن ءشوپ تۇقىمىن،

قايىرلى كۇن تىلەيمىن ولارعا الىستان،

جانە جالعىزدىققا ۇقساس كوپ نارسە بىلەمىن.

ادامنىڭ قولىنداعى كىتاپ مەنىڭ كىتابىم،

وقىعان ولەڭى بولسا، مىنە، ءسىز وقىپ تۇرعان ولەڭ.

تراگەديالار ءىىى / KORO

ويدا جوقتا كەز كەلگەن جەردە جالعىز بولساڭىز،

جانە بۇدان قورىقساڭىز،

تىپتى، ەڭ كىشكەنتاي زاتتاردان دا. مىسالعا;

بىرىنەن ساعات سۇراساڭىز،

بىر كوشەنىڭ ءبىر بەتىنەن كەلەسى بەتىنە وتسەڭىز،

داۋسىزىڭىزدى تومەندەتىپ، اينالاڭىزعا ساقتىقپەن قاراساڭىز،

بوگدەمەن ءبىر نارسەلەر سويلەسسەڭىز،

جانە ءار كۇنى كىتاپتار، جۋرنالدار الساڭىز.

پوشتاشى كۇن سايىن حات اكەلسە،

سونىمەن قاتار، ءبىر سۋرەت تولى عيماراتتا

كوپ ۋاقىتىڭىزدى ولتىرسەڭىز،

بىر-ەكى اۆتوبۋستى بىرىنەن سوڭ ءبىرىن جىبەرىپ الساڭىز،

تىم بولماسا ەشتەڭە ىستەمەسەڭىز،

بىر ءتۇرلى،

بارى جۇزىڭىزگە كۇمانمەن قاراپ تۇرعانداي بولاتىنى نەسى.

شىڭىراۋ

اعاش توبىرلارىنىڭ ۇستىنەن،

كوپ اعاش ىشىندەگى ءبىر اعاش بۇتاقتارىنىڭ ۇستىنەن،

كۇن نۇرى ءتۇسىپ جاتىر كەسىلگەن ليمون تىلىمدەرى سياقتى

شاراپ تولى ستاقانىمنىڭ ىشىنە،

ماعان تيەسىلى ەمەس ءبىر باقىت سەزىنەم.

تۇرعان جەرىمىزدى ورتاسىنان كەسىپ ءوتتىم،

اي، كورىنىس! سەنى ءبىر جاعىنان ەش تۇسىنبەيمىن –

اياقتارىمنىڭ استىندا ەمەس، تامىرلارىندا،

تەرەڭدىگىن سوندا ۇستاعان، سوندا تاۋىسقان

تۇپسىز تەرەڭ ءبىر شىڭىراۋ بار.

ۋاقىتپەن ەمەس، ءبىر جەردە،

مەندىك ەمەس، ءبىر نارسەمەن قارتايىپ جاتىرمىن،

وتىپ بارامىن، جۇزىمە سىزىلىپ العاشقى كۇندەر،

اۋىر اۋىر جانادى ءبىر كىرپىش قوسپاسىندا

حرۋستال تىلشىكتەرى.

جۇرەگىم، قاڭعىباسىم-اۋ، مەنىڭ!

ەسىمسىز ءبىر گۇل

الەمگە رەڭكىن العاش رەت ۇسىنعان،

ەسىمسىز ءبىر گۇلدەي كۇلىم قاعار كوزدەرىم،

سۇيىكتىم ماعان «سەن ءبىر شايىرسىڭ» دەگەن ساتتە.

جالعىز ساعان جازىپ جاتىرمىن بۇل ولەڭدى

قالاساڭ ءبىر عانا ولەڭ دەپ وقىما،

سەبەبى، جىل سايىن قايتالاپ جازامىن بۇنى –

اۋاعا سۋىق ەنە باستاعان شاقتا،

شاقىرىمداردى ءجۇرىپ وتكەننەن كەيىن،

تاڭ شاپاعىنا تۇمسىعىن سۇققان قۇستىڭ قۋانىشىمەنەن.

جانە جازعان بولىپ سانالامىن،

ار داۋىردە، ءار كەزەڭدە

سەزىمنىڭ وزىنە ءتان تىلىمەنەن.

نە الۋىم قاجەت وزىممەن

ولەڭ ءۇشىن: قورقىنىش، تىنىشتىق، باياۋ ۇيلەسىمدىلىك كەرەك.

قايعى ءۇشىن: ءبىر مايشام، ءبىر كۇلساۋىت، ءبىر سىنىق ورىندىق

(بالالار ەسىك الدىندا وتىرۋى، ويناۋى ءۇشىن نەمەسە...) كەرەك.

تۇس ءۇشىن: ءوزىن تەڭىزدەمىن دەپ ويلاعان الجاسقان كاپيتان كەرەك

(كەرەك بولعاندا قانداي).

ان ءۇشىن: ءبىر تارماعى بولسىن ەسىمدە قالماپتى، ءبىراق سول تارماقتىڭ اۋەنى – ەڭ العاش رەت شىرقالعان كۇندەگىدەي القىزىل رەڭك-تى.

ۋاقىت ءۇشىن: جەر اۋىستىرعان كولەڭكە جەتكىلىكتى.

مەزگىل ءۇشىن: اپەلسين، بۇلدىرگەن، سۇيىق ماي ءلازىم.

ماحاببات ءۇشىن: ۇمىتشاقتىق نەمەسە ابايلاپ وتكىزگەن جانە الماستىرىلعان بىرنەشە ءسات قانا قاجەت.

وكپە ءۇشىن: ماركس، لەنين، ت.ب. كەرەك.

وقۋ ءۇشىن: دوستوەۆسكي، ماركەس، سايت فايك، (باسقا كىم بار ەدى، ويلانۋ كەرەك...) جالعاسسا، ارينە اقتەڭىز شايىرلارى دا قاجەت-اق.

باكى، شەگە، كەمپىراۋىز،

شىنى-اياق، ءبارى كەرەك.

بىر قايىق جاعادا،

اقشام سالقىنى،

قالتىراعان اناۋ ماڭدا قامىستار.

قامىس دىرىلدەگەن سول ماڭنان

بىر كۇنى تاڭ ازانمەن

كۇن تۋماي تۇرىپ

ويدا جوقتا ەكەۋمىز

ايكەزبەدەي ءبىر ولەڭدى

بىلىنەر-بىلىنبەس وز-وزىمىزدەن ىزدەيمىز.

ىشىڭدەگى سەسسىز شۇعىلا

ىشىڭدەگى سەسسىز شۇعىلا

قولىڭڭىڭ كەسىپ العان جەرىنەن كورىنەر;

مىسالى،

بىر تىرناقتىڭ كوبەسىندە،

جۇرەگىڭ سويلەپ جاتقاندا – جۇرەگىڭدە،

بىر ولەڭ وقىپ جاتقاندا، ولەڭنەن تامشىلاعان قاندا.

سولاي عوي،

كوزدەرىڭ كوك بولسا دا، قىزعىلتپەن قارايسىڭ ماعان.

قالار قاپەرىمدە،

سەبەبى ول،

قازان كۇندەرىنە، جەلتوقسانسىز بويانعان.

بىر وزەننىڭ تىنىق دىبىسى، جاقسى،

قازان ايى دا كەلدى، مىنە!

ال قاراشاعا قانشا ۋاقىت قالدى ەكەن؟

ياعني، ءبىر ءشاي وشاعىنىڭ باسىندا،

بىر ادام بال-شەكەرگە بالالىعىن سۇيگىزەدى.

قايدان، قاي جاققا؟

كەشە اقشامدا ءۇيىڭنىڭ الدىنان ءوتتىم،

نەگە سوقپادىم ەكەن ساعان؟

بالكىم ءدۇنيانى وراعان ءبىر گۋىل

ازايا-ازايا

جول بويىندا جاپىراقتاردا پايدا بولدى.

بۇعاز كەمەجايلارىنىڭ بىرىندە

سارى المانى تىستەدى ءبىر كەمەيجاي قىزمەتكەرى،

الى دە ەسىمدە،

كۇندەردەن بەيسەنبى ەدى جانە اقشام بولاتىن

سونشالىقتى اقشام دا ەمەس ەدى،

جەڭىلدەۋ كۇيگەن سيميت توزە الاتىن ەدى.

وقي السام بۇرىشتاعى ەسكى بۇرقاقتىڭ،

شاشتارى ورىلگەن بۇرقاقتىڭ،

ماڭدايى تاڭبالى بۇرقاقتىڭ،

جازۋلارى وڭاي وقىلا الاتىن ەدى.

گوكسۋ سايىندا، سول ماڭدا،

ەسكى اعاشتان ءبىر ءۇي،

توبەسىندە جازۋى بار: `Brasserie`

باسقىنشىلىق زامانىنان قالعان دەپ ويلايمىن.

احمەت اعام موتورىن جاعاعا سۇيرەپتى.

قازىرگى ساتتەردە تىگىس تىگىپ جاتىر لاشىقتا،

سانسىز كورگەندەرىمنىڭ ءبارى عايىپتا،

عاسىر وتكەندەي ارادان،

شىنىمەن، ۋاقىت دەگەنىمىز نە؟

ول بولماسا ەدى، ولار بولماسا ەدى،

كەلەشەكتە ادام سياقتى ءومىر ءسۇرۋدىڭ ارى -

البەتتە كەشىگەر ەدى.

رەتى كەلگەن سوڭ ايتقانىم عوي،

قۇرمەتپەن، شىن جۇرەكپەن،

امان بول، احمەت اعا!

ساعات 20:15 ءبىر پاراحود بار كوپىرگە

شاي وشاعىنىڭ قارسىسىندا وتىرامىن.

دەمدەلگەن ءشاي ءىشىپ وتىرعان ەم،

كوك كوزدەرىڭ ەسىمە ءتۇستى.

كوزدەرىڭ نەگە كوك؟

بىردەن ويىما كەلدى،

ىستامبۇلدا تۋىپ وسكەن

اركىم

كوكپەڭبەك ويلايدى ءوزىن ءبىر موزايكا سەكىلدى.

كوك ءبىر الەمنەن كەلەتىڭ ەدىڭ الدىمەن،

كوكتەرمەن قارتاياتىن ەدىڭ،

قويۋ كوك ءبىر توپىراقپەن جابىلاتىن ءۇستى.

قويا بەرىڭىز،

تاعى دا ويلاعىم كەلمەيدى ءولىمدى.

جەتەر، كەمىمەسىن وكپەم،

جەتەر، اقىل كۇشىم ورنىندا

سوڭىنا دەيىن يلىكپەيتىندەي.

اتىمدى ۇمىتىپ،

بىر جارتاستاي قاتتى جانە كوركەم قالۋدى بىلەيىن،

البەتتە، ۇمىتسىزدىككە تۇسەمىن كەيدە.

البەتتە، ءۇمىتتىمىن ءارقاشان.

نەگە جازىلادى ءبىر ولەڭ،

نەگە وقىلادى مۇنشا جازۋ،

باسقاعا قالاي ۇيرەنىسەدى

ادام شىرماۋىعى.

يا،

كەشە اقشامدا ءۇيىڭنىڭ الدىنان ءوتتىم...

ىشىم ەشكىمسىز ھام قۇجىناعان ەدى.

دەمەك، سەزىمسىز ويلاي المايمىن سەزىمدى...

ماعان ءسوز بەر ەرتەڭ كەشكە;

«اينالاما زەر سالامىن سوسىن ءۇنسىز ءتىل قاتامىن» دەپ.

ءار سەزىم

«جاڭا ماحاببات سوزدەرى،

جاڭا ۇيرەنگەن نازىكتىكتەر،

اربىر سۇيىكتىڭدە ساقتالعان

ف. سكوتت فيتسدجەرالد

ار سەزىم – باستاۋى جاڭا سەزىمنىڭ،

باسقاسى قولىن بۇلعار ءبىرى بىتپەي جاتىپ،

بىز قالاساقتا، قالاماساقتا وسىلاي جالعاسا بەرمەك.

قاراساق، كۇندەردىڭ كۇنىندە ۇمىتىپپىز ءبارىن،

سول ءبىر سەزىمدەر مەن سوزدەردىڭ ءبىرى دە قالماپتى.

جيناپ قاراساق ءبارىن بىرگە;

ونداعان سەزىم – ءبىر عانا سەزىم ەكەن،

اينالىپ تۇراتىن باسىمىزدىڭ ۇستىندە.

كوزدەردەن، سوزدەردەن، شاشتاردان،

قولداردان، يىقتاردان قۇرىلعان ءبىر حالدە.

جانە ءاربىرى شىڭىلداعان قارۋدىڭ جانعانى ىسپەتتەس،

عۇمىر بويى ءبىز تەتىگىن ءبىر رەت باسقانعا دەيىن.

اۋدارعان: نۇربەك نۇرجانۇلى



ماتەريالدى كوشىرىپ جاريالاۋ ءۇشىن رەداكتسيانىڭ نەمەسە اۆتوردىڭ جازباشا، اۋىزشا رۇقساتى قاجەت جانە Adebiportal.kz پورتالىنا گيپەرسىلتەمە بەرىلۋى ءتيىس. اۆتورلىق قۇقىق ساقتالماعان جاعدايدا قر اۆتورلىق قۇقىق جانە ساباقتاس قۇقىقتار تۋرالى زاڭىمەن قورعالادى. Adebiportal@gmail.com 8(7172) 79 82 12 (ىشكى – 112)

ماقالا اۆتورىنىڭ كوزقاراسى رەداكتسيانىڭ كوزقاراسىن بىلدىرمەيدى.




كەلۋ قاينارى: http://www.elarna.net/koru.php?tur=30&id=1058375

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


الماتى پوليتسياسى مالاي 1 مينوت
الماتىنىڭ كاسىپكەرلىك ج 4 مينوت
قازاقستاندا ەت، نان جان 7 مينوت
تيانشان تورى 7 مينوت
قىزىلوردالىقتار قالا كۇ 7 مينوت
نۇرلان نوعاەۆ: ءسابي ءو 10 مينوت
تۇركىستان وبلىسىندا كەد 16 مينوت
برازيليادان قازاقستانعا 19 مينوت
ء"وزىن بانكروت جار 22 مينوت
ۇكىمەت زاڭدى تۇلعالاردى 22 مينوت
اعاجاي التاي تورى 27 مينوت
بولاشاقتا كينو ءتۇسىرۋش 27 مينوت
دەمالىس كۇندەرى پاۆلودا 28 مينوت
«قازاۆتوجولدىڭ» شقو-داع 1 ساعات
اسقار مامين جينالعان اس 1 ساعات
ەلوردالىق قازاقستان حال 1 ساعات
ەلىمىزگە تاۋەلسىزدىك ال 1 ساعات
جاپونيا قالاي ەڭ تازا م 1 ساعات
ءىىم: بيشىمباەۆتىڭ وتەل 1 ساعات
2022 جىلعا قاراي شيكىزا 1 ساعات
نىعماتۋلين پارلامەنتارا 1 ساعات
تيانشان تورى 1 ساعات
YouTube تاريحىندا العاش 1 ساعات
اعاجاي التاي تورى 1 ساعات
قازاقستاندىققا 568 تەڭگ 1 ساعات
قازاقستاندا 19،1 ملن تو 1 ساعات
ءبىر وتا كەزىندە تۇڭعىش 1 ساعات
اكىمدەر مەملەكەتتىك سات 1 ساعات
جاپونياداعى حاگيبيس داۋ 1 ساعات
قىزىلوردالىقتار قالا كۇ 1 ساعات