ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-2010832600477 %23 %
2019-09-21812349637 %63 %
2019-09-2217865146 %54 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جۇلدىز جۋرنالى

جولدانعان ۋاقىتى: 21:00 - 2019/09/12



كوپتەن بەرى قۇرداسىم تۋرالى جازۋدى ويعا العان ەدىم... ءبىر قىزىعى، جۋرفاكتا بىرگە وقىعان جىگىتتەردىڭ بارلىعى دوس بولىپ كەتەدى. ول مەنەن ءبىر كۋرس جوعارى وقيتىن ەدى، ءارى اقىندىعىمەن ءدۇيىم جۇرتتى اۋزىنا قاراتقان كوركەم جىگىت. قىزدار ما؟ قىزدار ەكىباستان عوي... سۇڭعاق بويلى، ات جاقتى، قياق مۇرتتى، ايالى تۇڭعيىق كوزدەرى، قاپ-قارا مولىدەي قايراتتى شاشى قارىنداستىردى سەلت ەتكىزبەي قويماعان. جانە ونىسىن ءوزى جاقسى بىلەدى، ءۇپىر-شۇپىر قاراكوزدەر قايشالىسقان دالىزدەر مەن زالداردا الشاڭ باسادى. جانىندا مارقۇم تابىلدى، يماندى بولعىر باۋىرجان (ۇسەنوۆ)، زاماناۋي تەلەۆيزياشى ارمان، قازىرگىدەي ساياساتقۇمار ەمەس ساۋىققۇمار ءامىرجان جانە كوپتەگەن ىعاي مەن سىعايلار ۇيلىعىسا شۇبىرادى.

ەكەۋمىزدى اۋەلى جاقىنداستىرعان ولەڭ، سوسىن وتباسىلىق جاعداي. ول مەكتەپتى بىتىرە سالىپ وقۋعا تۇسكەن ەكەن دە، جۋرفاكتا ءبىر جىل وقىپ اسكەرگە اتتانىپتى. مەن اسكەردەن كەيىن وقۋعا ىلىككەندە، ول وتان الدىنداعى بورىشىن وتەپ، ەكىنشى كۋرسقا ورالدى. اۋەلدەن ۇيىندەي بولىپ كەتكەن فاكۋلتەتتە قىسىلماي-قىمتىرىلمايدى، ەركىن. اڭقىلداعان، ادامدى جاتسىنبايتىن مىنەزىمەن باۋراپ، از ۋاقىتتا جاقىن دوستارعا اينالىپ كەتتىك. سول دوستىعىمىز كۇنى بۇگىنگە دەيىن جالعاسىپ كەلەدى.

بىز كورگەن وتكەن عاسىرداعى سەكسەنىنشى جىلداردىڭ ەكىنشى جارتىسى ادەبي شارالارعا تولى ەدى. جۋرناليستيكا فاكۋلتەتىنىڭ مۇحامەدجان سەرالين اتىنداعى ادەبي بىرلەستىگى كوشپەلى اكادەميا سياقتى. ونى تالانتتى جازۋشى، مارقۇم ەسجان اينابەكوۆ باسقارادى. اپتا سايىن جيناپ اپ، شىعارمالارىمىزدى تالقىعا سالادى. باس تورەشىلەرىمىز سابىرلى دا ساليقالى بەسىنشى كۋرس ستۋدەنتى باۋىرجان وماروۆ، ودان كەيىن ءۇشىنشى كۋرستا وقيتىن امانتاي ءشارىپوۆ سياقتى وزگە دە بىلگىرلەر. ولاردىڭ تاراپىنان جىلى ءسوز ەستىپ قالۋ – جارتى باقىت.

وسىنداي ولەڭدى تالداعان، ادەبيەتتى ءسوز ەتكەن جيىندار مەن جىر كەشتەرى كوپ بولاتىن داۋرەن ەدى. سونداي جىر كەشىنىڭ بىرىندە مەنىڭ دوسىم قاۋمالاعان توپتىڭ الدىنا شىعىپ، جۇدىرىعىنا ءبىر جوتكىرىنىپ، سوسىن، كومىردەي قارا شاشىن وڭ قولىمەن سول جاعىنا قاراي قايىرىپ تاستاپ، ولەڭ وقيتىن.

جاقسىنى داتتاپ – جوق قىلدىق،

جاماندى ماقتاپ – كوپتىردىك.

قاندەنگە قاسقىر العىزىپ،

قۇمايعا تىشقان سوقتىردىق.

جالعاننىڭ جالعان ەكەنىن،

قوس مۇشەل جاسقا كەپ بىلدىك.

(«جۇرەكتەگى اقىننىڭ جازبالارى» كىتابى، 5-بەت)

اقتامبەردى جىراۋدىڭ ارىنىمەن وسى ولەڭدى جازعاندا ول 21-لەردىڭ شاماسىندا. ءومىردىڭ كەرەعارلىعىن سول كەزدە اڭداپ، جاقسىلارعا قاراعاندا جامانداردىڭ اتى وزىپ شىعاتىنىن كەسكىندى سۋرەتتەگەن. كوپتىرىپ، ماقتاپ-ماقتاپ قاندەندەردى بۇگىندە «ارلان» جاساپ جۇرگەنىمىز جاسىرىن ەمەس. «تەرەڭ سۋ ءۇنسىز اعادى» دەگەندەي، ۇستامى مىقتى تالانتتىلار ءۇنسىز عانا ادەبيەتكە ەڭبەك ەتىپ ءجۇر. توماعا تۇيىقتىقتىڭ ءبىر جامانى – ولار نازاردان تىسقارى قالىپ قويعان. شىعارمشىلىق ۇيىمدار دا، توبىرلار دا قاساقانا قاتارعا قوسۋعا قۇلىقسىز. اركىم بارىپ جاتقان سىرتتاعى جيىندى بىلاي قويعاندا، ەلدەگى ادەبي جيىندارعا دا شاقىرمايدى. ونەر ادامىن ولتىرگىڭ كەلسە، كوپە-كورىنەۋ ەلەمەي قويۋ... سوسىن، كەۋدە ۇرىپ، كوكىرەك جىرتۋدى حوش كورمەيتىندەر بۇيىعى مىنەزىمەن بۇگىنگى تىرلىگىن قاناعات تۇتادى.

اۋىرىپ ءجۇرمىن، تۇسىمدە ولەڭ كورىپ،

جازىلماسپىن جالعاندا مەن ەمدەلىپ.

ومىر ءسۇرىپ كەلەمىن ولەڭ ءۇشىن،

كورىنبەيتىن ءبىر كۇشكە كوگەندەلىپ.

جيىپ-تەرىپ جوق-باردى تىزبەكتەدىڭ،

سيار ەدى ءجۇز جولعا ءجۇز بەتتەگىڭ.

«ولەڭىڭدى سۇيمەسە ولەمىن» دەپ،

قورقىتپاشى، وقىرمان قىز دەپ پە ەدىڭ.

لەرمونتوۆتىڭ جاسىنا لەزدە كەپ،

لەپىرىپ، تۇك ايتپاپپىز ءتۇرى وزگەرەك.

ايعا دا ازۋ

بىلەدىك اقىماق بوپ،

«اقىن اعا، – دەگەنگە، – مىنەز كەرەك».

تىرىلتە الماس سەكىلدى ابايدى اكتەر،

بىزدەن اقىن شىقپاس-اۋ، ابايلاپ كور.

تالاي داپتەر جوعالدى.

«ىشكەن جاننىڭ

بارى مۇقاڭ بولمايدى».

سولاي دەپتى ەل.

جۇتارمىز-اۋ اراقتى جۇتا العانشا،

نە جۇبايدىڭ جۇيكەسى جۇقارعانشا.

مۇقاڭدارشا مۇڭايىپ وتىزعا كەپ،

ۇلى بولا الماپپىز مۇقاڭدارشا.

وتىزىندا ءولىپتى سەرگەيدى الساق،

سەرگەي، سەرگەي!

نە ارمان بار سەندەي بولساق.

بىزگە ەلىكتەپ جۇرمەسىن كەيىنگى جاس،

ولىپ كەتىپ، كەنەتتەن ولمەي قالساق!

(سوندا، 77-بەت)

ول جۇمەكەن ناجىمەدەنوۆتى تەرەڭ ويلى ولەڭدەرى ءۇشىن وتە قاستەرلەپ، بيىككە قويىپ كەلەدى. ءار جولىندا تۇتاس ءبىر عۇمىرلىق ءپالساپا جاتاتىن جىر شايىرىن ولاي قاستەرلەمەسە بولماس.

سولدان وڭعا قاراي تابىلدى دوسىموۆ، باۋىرجان ۇسەنوۆ، رايا ابدۋللاەۆا، اۋباكىر سىمايىلوۆ، ارمان سقابىلۇلى، بولاتبەك قوجانوۆ جانە ەكى جىگىت.

جاراسقان ابدىراشەۆتى ۇشقىر دا ءوتىمدى ولەڭدەرى مەن ولاردىڭ ءارالۋان نۇسقاسى ءۇشىن توبەسىنە كوتەرە قۇرمەتتەيدى. شىنىندا دا جاراسقان اقىننىڭ ۇيقاستارىنىڭ ءوزى بەس، التى، كەيدە جەتى، سەگىز بۋىننان تۇرادى. ءتىپتى، شۋماقتىڭ ءبىرىنشى قاتارى ەكىنشى قاتارىمەن تۇتاس ۇيقاسىپ وتىرادى. سوسىن جۇماتاي، ەسەنعالي، بايبوتا، مەيىرحان، ۇلىقبەك اعالارىنىڭ ءسوز ساپتاستارىنا تامسانا ءتانتى بولادى.

تۇمانباي مولداعاليەۆتىڭ «ستۋدەنت داپتەرى» جىر جيناعىن قۇلاي وقىدى. ريزا بولعانى سونداي «تۇما-اعانىڭ بۇل كىتابى نە ءبارى 22 جاسىندا جارىققا شىعىپتى، سوندا ونداعى دۇنيەلەرى جيىرمالارىندا جازعان ولەڭدەر عوي... شىركىن، وسىدان كەيىن ول كىسى ولەڭ جازباي-اق قويۋى كەرەك ەدى نەمەسە جاستاي ءولىپ كەتكەندە، ءمىنسىز قالپىندا قالار ەدى» دەگەن ويىن وپىنعان حالدە بىرنەشە قايتالاعانى جادىمدا...

بالكىم، وسىنداي ۇستانىمعا ەرتەدەن بەكىنگەندىكتەن بولار، ءوزى دە ولەڭ جازۋدى دوعارعانىنا شيرەك عاسىردىڭ اۋقىمى بولىپ قالدى. «جۇرەكتەگى اقىننىڭ جازبالارى» دەگەن ءبىر عانا كىتاپ شىعاردى. ونى دا ءوزى ەمەس، ولەڭ سۇيەر قاۋىم كىتاپ ەتىپ ۇسىندى. انىقتاماسىندا «كىتاپقا اۆتوردىڭ ءار جىلدارى جازىلعان جانە رەسپۋبليكالىق باسىلىم بەتتەرىندە جاريالانعان تۋىندىلارى ەنگىزىلدى» دەپ كورسەتىپتى.

مۇمكىن، دارىندى دوسىمنىڭ جازباي كەتۋىنە مەملەكەت قالىپتاسۋداعى وتپەلى كەزەڭدەگى ءولارا شاقتىڭ الاساپىرانى اسەرىن تيگىزدى مە ەكەن؟ ويتكەنى، ۇلكەن ومىرگە ارالاسار شاقتا قايتا قۇرۋ داۋرەنى شارىقتاپ كەپ، كەڭەس وكىمەتىنىڭ كۇيرەگەن تۇسىنا ءدوپ تۇستىك. قولىمىزعا ديپلوم الىپ، تاڭەرتەڭگى اقىل تۇسكە اس بولىپ جارىمايتىن اشكوز قوعامنىڭ ورتاسىنا ميداي ارالاستىق. جاناشىر جان جوق، ال باسپانا ەكىباستان... مەملەكەتتىڭ ءوزى قايدا بەت بۇرارىن بىلمەي سانسىراپ قالعان. بازارلار مەن دۇكەندەر سورەلەرى جىلان جالاعانداي... ال كوشەدە اڭىرىپ، سەڭدەي سوعىسقان ەل...

بىر ايتپاي كەتپەيتىن نارسە، تۇرمىستىق تاۋقىمەتتىڭ سالدارىنان مەنىڭ قاتارلاستارىمنىڭ ءبارى جازۋدى تاستاپ، كۇن كورىستىڭ قامىمەن اقشا تولەيتىن جاقتارعا لاجسىز اۋىستى. ەكىنشى جاعىنان، وتباسىن اسىراۋ ءۇشىن قۋانا اۋىستى. دوسىم دا قازاقستان قورعانىس مينيسترلىگىنىڭ وفيتسەرى بولىپ شىعا كەلدى. ايتەۋىر، سوسىن، بىرەر جىلدا پاتەر ءتيىپ، كوشپەلى ومىرىنەن قۇتىلدى. ءبىراق، اقىننىڭ شىعارماشىلىق ءومىرى قىم-قۋىت اسكەري سالانىڭ بوداۋىنا بايلاندى. ۇلكەن ءبىر تالانت يەسى شىعارماشىل باعىتىن ءۇزدى. وكىنىشتى...

كەزدەسۋ

قىزىقتى بىزگە ەل سوندا،

قىزعانار مەندە جوق ادەت.

ەكى جاس ۇلكەن بولساڭ دا،

ەركەلەۋشى ەدىڭ «اعا» دەپ.

ايتەۋىر الەم بولدى اسەم،

داريا بويى، تىمىق ءتۇن.

ەسىڭدە بار ما، الدە سەن،

الدە سەن ءبارىن ۇمىتتىڭ.

ەرنىڭنەن ءسۇيىپ مەن ەپپەن،

دەۋشى ەدىم: «ماڭگى بىرگەمىز».

كەنەتتەن، ءيا، كەنەتتەن،

بولىنىپ كەتتى ىرگەمىز.

وزگەردى ءومىر، جاڭعىردى،

جادىمدا سول ءبىر وقيعا.

جات جۇرتتىق بولىپ، جان قۇربى،

جونەلدىڭ ماڭگى-باقيعا.

كۇدىكتى بىلمەي ءجۇرىپتى،

جاقسىعا قۇمار جاس كوڭىل.

بىزدەردى توسىپ تۇرىپتى،

باسقا وشاق، باسقا ءۇي، باسقا ءومىر!

...ارادا ءوتتى التى جىل،

سەرگىتىپ ءسال-پال قايعىنى.

توڭىرەك تۇگەل القىزىل،

كوشەگە شىقتىم ماي كۇنى.

تارىزدى تاعدىر تار قاماۋ،

كەزدەسۋ قيىن دەسە دە.

سول كۇنى، جولىم بولعان-اۋ،

جولىعىپ قالدىق كوشەدە.

وزگەرگەن ءوڭىڭ ءسال عانا،

كۇلكىڭ بە؟

كۇلكىڭ – بۇرىنعى.

سۇيدىم مەن قىسىپ، تولعانا،

سەنى ەمەس، سەنىڭ ۇلىڭدى!

(سوندا، 47-بەت)

ول ۇلدىڭ سول ساتتە قانشادا ەكەنىن ءبىز بىلمەيمىز. بىلەتىنىمىز، شاعىن ولەڭدە تاعدىر مەن دراما جاتىر. ارۋ بەينەسىندەگى پوەزيالىق كەيىپكەر ونىڭ شىعارماشىلىق جولى سياقتى، كەنەتتەن ايىرىلىپ كەتتى... ولەڭدى وقىپ بىتكەندە وزەگىڭدە الدەبىر وكىنىش قالادى. جۇرەگىڭ مۇڭعا سازىپ، سىزداعانىن اڭعاراسىڭ.

ولەڭنىڭ ميسسياسى دا سانا مەن جۇرەككە سالماق ءتۇسىرۋ عوي. بۇل جاعىنان ونىڭ دۇنيەلەرى مۇلتىكسىز بارىپ نىساناعا ءدوپ تيەدى. سوندىقتان دا قازاق پوەزياسىنىڭ فاريزاسى ونى وتە جاقسى كوردى، ءىلتيپاتى ەرەكشە ەدى. ول كىسىنىڭ ءۇمىتىن اقتاپ، «دارىن» مەملەكەتتىك سىيلىعىنىڭ تۇڭعىش لاۋرەاتى اتاندى. ال بۇگىندە «دارىندى» كىم الماي جاتىر...

كەشە عانا وتكەن ازيا ەلدەرى قالامگەرلەرىنىڭ ءى فورۋمىندا اقىن ولجاس سۇلەيمەنوۆ «اقىلدى ادامداردىڭ قاتارى كۇرت قىسقاردى، ينتتەلەكتۋالدار سارقىلدى، ادەبيەت قوجىرادى» دەپتى. سولايى سولاي شىعار. نەگىزىنەن، مۇنداي ويدى قالىپتاستىرىپ جاتقان، وتاردىڭ الدىندا جۇرەتىن توپ ەشكى سياقتى سەلتەڭبايلاردىڭ شىعارمالارى ما دەيمىن... ناعىز اي ءمۇيىزدى اق قوشقارلار قالىڭنىڭ ورتاسىندا توقكوڭىلمەن، سامارقاۋ جۇرمەيتىن بە ەدى. ال ولاردىڭ تۋىندىلارى ناسيحاتتالىپ، نازارعا ۇسىنىلمايدى. ەگەر وقىلعاندا، بالكىم، «ادەبيەت جوق» دەگەن جاڭساق پىكىردىڭ جولى كەسىلەر مە ەدى...

مايمىل تۋرالى اڭىز

قورلىق-اي بۇل،

كەلبەتىم بار دەدى ەكەن ءوڭدى ءقايبىر،

ابايسىزدا قولىنا اينا ءتۇسىپ،

العاش رەت ءوز-وزىن كوردى مايمىل!

«و، ءتاڭىرىم، وسىنشا شەبەر مە ەدىڭ،

بىزدەن باسقا ايتەۋىر جوق ەرمەگىڭ.

تىل تارتپاي-اق ولەر ەم تيتتەي جەرىم،

ۇقساس بولسا مىناعان ەگەر مەنىڭ»، –

دەپتى مايمىل.

بۇل – ءبىرى كونە اڭىزدىڭ،

ەستىگەنبىز اۋزىنان انامىزدىڭ.

(جاڭامىزدىڭ كوبىسى كونە دۇنيە،

ۇمىت قالعان قۋىسىندا سانامىزدىڭ).

كەي ءازىلدىڭ ءىش-تىسىن سەزبەي نەگە،

كۇلەدى ادام، مۇنى ءجاي ءسوز عوي دەمە.

اڭىز-اڭىز، ايتسە دە وقاسى جوق،

وڭاشادا قاراپ ال ءوز بەينەڭە!

(سوندا، 6-بەت)

جيىرماسىنشى عاسىردىڭ سوڭىنداعى «جوعالعان بۋىن» ادەبيەتكە دەگەن ادىلدىگىنەن اينىعان جوق جانە بويىنداعى تەكتىلىگىن دە تانىتا الدى. سوندىقتان ولار ءبىر كىتاپ جازىپ تاستاپ، ەڭبەگىن مىندەتسىنە ولەرمەندىكپەن ورشەلەنبەيدى، داڭعازا قۋمايدى، اتاق ىزدەمەيدى.

كۇنى بويى ءسوز ەتىپ وتىرعان ابۋباكىر دوسىم سونىڭ ناقتى دالەلى. ول كىتابىنىڭ ءبىرىنشى بەتىنە:

«مەن اقىن ەمەسپىن. اباي ايتپاقشى «ولەڭگە تالاسىم» دا جوق. ءبىراق، ءار ادامنىڭ جۇرەگىندە ءبىر اقىن ءومىر سۇرەدى دەگەن ادەمى اڭىزعا يمانداي سەنەمىن.

مەنىڭ دە جۇرەگىمدە ءبىر اقىن ءومىر ءسۇرۋشى ەدى، سونىڭ ساڭقىلداعان داۋىسى كوپتەن بەرى ەستىلمەي كەتتى، قايدا ءجۇر ەكەن؟..» دەگەن پىكىرىن قالدىرىپتى.

ابۋباكىر سمايىلوۆ ءبىر كەزدە توپتى جارىپ جارق ەتىپ شىعىپ نازاردا ءجۇردى دە، بىرتە-بىرتە ءىزى سۋىپ، قالىڭ ءنوپىردىڭ ىشىنە ءسىڭىپ كەتتى. ءبىراق، ونىڭ تۇسىنە ولەڭ ەنىپ، مازا بەرمەيتىنىن بىلەمىن...

ولىلەر تۋرالى ەستەلىك جازۋ، ولاردىڭ شىعارماسىن تۇگەندەۋ تىرىلەرگە ءتان نارسە. ال، كوزى ءتىرى اقىندى جوعالتۋ – قوعامنىڭ ۇلكەن كۇناسى بولسا كەرەك... ەرتەرەكتەگى نەمىستىڭ ءبىر كەزدە اۋىزعا ءىلىنىپ، كەيىن ۇمىت بولىپ قالعان جازۋشىسى لافونتەننىڭ تاعدىرىن ەشكىمگە جازباي-اق قويسىن.

الايدا، «ونەردە ءولىپ كەتىپ، پەندەلەردىڭ اراسىندا ولمەي ءجۇرۋ» قانشاما قاسىرەت ەكەنىن، بىلايعى جۇرت بىلە بەرە مە ەكەن.



ماتەريالدى كوشىرىپ جاريالاۋ ءۇشىن رەداكتسيانىڭ نەمەسە اۆتوردىڭ جازباشا، اۋىزشا رۇقساتى قاجەت جانە Adebiportal.kz پورتالىنا گيپەرسىلتەمە بەرىلۋى ءتيىس. اۆتورلىق قۇقىق ساقتالماعان جاعدايدا قر اۆتورلىق قۇقىق جانە ساباقتاس قۇقىقتار تۋرالى زاڭىمەن قورعالادى. Adebiportal@gmail.com 8(7172) 79 82 12 (ىشكى – 112)

ماقالا اۆتورىنىڭ كوزقاراسى رەداكتسيانىڭ كوزقاراسىن بىلدىرمەيدى.




كەلۋ قاينارى: http://www.elarna.net/koru.php?tur=30&id=1047326

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


قازاقستاننىڭ كەي وڭىرىن 3 مينوت
جەڭىس قاسىمبەك قر ءىىم- 12 مينوت
مەملەكەت باسشىسى ءبىرقا 13 مينوت
وسى ارانى باسىپ كورىڭىز 13 مينوت
جەڭىس قاسىمبەك قر ءىىم- 18 مينوت
مەملەكەت باسشىسى بەلگىل 23 مينوت
پرەزيدەنتتىك جاستار كاد 23 مينوت
بقو مەكتەپتەرىندە «جاس 1 ساعات
الەمدە كليماتتىڭ وزگەرۋ 1 ساعات
ەلوردادا ەكى مىڭعا جۋىق 1 ساعات
تۇركىستاندا العاش رەت « 1 ساعات
"ورتالىق - 2019" ستراتە 1 ساعات
بوكستان الەم چەمپيوناتى 1 ساعات
ماڭعىستاۋ وبلىسىنداعى ك 1 ساعات
22 قىركۇيەك. تۋعان كۇن 1 ساعات
پاۆلوداردا اسىلىپ قالعا 1 ساعات
بۋراباي اكىمى ماس كۇيدە 2 ساعات
تۇركيادان گرەكياعا كۇن 2 ساعات
"وڭاي" كارتاسى دوللار ب 2 ساعات
اقتوبە وبلىسىندا ۇيدەن 2 ساعات
500-دەن استام سولتۇستىك 2 ساعات
قازاقستان سەناتورلارى ك 2 ساعات
مىڭداعان الماتىلىق جارى 2 ساعات
22 قىركۇيەك. قازاقپارات 2 ساعات
ءابليازوۆتىڭ سىبايلاستا 3 ساعات
الماتىدا حالىق جازۋشىسى 3 ساعات
Əبۋ ناسىر ءال-فارابي جə 3 ساعات
ۆيتسە-مينيستر كوپبالالى 3 ساعات
باس پروكۋراتۋرا قازاقست 3 ساعات
ءدىنتانۋشى: ءداستۇرلى ي 3 ساعات