ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-07-15525205545 %55 %
2019-07-16613359642 %58 %
2019-07-175818218 %82 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: جۇلدىز جۋرنالى

جولدانعان ۋاقىتى: 16:30 - 2019/07/12



بوزقاراعان ۇمىتتەر ءبۇر جارىپتى،

جاپىراقتىڭ بەتىندە جىر قالىپتى

ديۋاناعا ءبارى ولەڭ بوپ كورىنەر،

ساۋ ادامعا ءبارى دە ءبىر قالىپتى...

يا. جازارمانعا ءبارى ولەڭ. جارىسىپ ۆارياتسيا جاساۋدا. قاپتاپ شىعىپ جاتقان كىتاپ تا كوپ. وقىلىپ جاتقاندارى دا شامالى. ادەبيەتتە كوشتەن قالماسام بولدى دەگەن تۇسىنىك بولماۋى كەرەك. جاز نەمەسە جازبا. ءبىر قالىپتى تىرشىلىك پوەزياعا كەراعار.

جوعارىداعى ولەڭنىڭ اۆتورى – ەرعانات كەڭەسبەكۇلى. ەرعانات – ازامات. ەرعانات – اقىن. ەشقانداي توپقا جاتپايتىن اقىن. ول جالعىز. ولەڭدەرى دە ءبىر قالىپتى تىرشىلىكتەن اۋلاق.

ماعجاننىڭ «اقىندا ادامزاتتىڭ دوس بولمايدى، تەك قانا مۇڭىن شاعار قالامىنا» دەگەنىن بىلەمىز. شىنايى شىعارماشىلىق ادامدارى كوبىنەسە وقشاۋلانىپ جۇرەتىنى انىق. «جاستار توپتاسىپ جۇرەدى، سوندىقتان جىرلارى بىر-بىرىنە ۇقساس» دەگەن اعالارىمىزدىڭ پىكىرلەرىن دە وقىپ ءجۇرمىز. «جالعىزدىڭ شاڭى شىقپاس» دەپ وزدەرىن الداپ جۇرگەندەر دە بار. ۋاقىت وتە ءوز جولدارىن تاۋىپ كەتسە قۇبا-قۇپ.

ال، ەرعاناتتىڭ جالعىزدىعى-تابيعاتىندا. تاعدىرى سونداي مىنەز، بولمىس بۇيىرتقان. ءبىتتى. شىندىقتى بەتكە ايتىپ سالىپ، ايتقانىنان قايتپايتىنى تاعى بار. وسى جاعىنان كوپ ادام ونى ۇناتپاۋى مۇمكىن. قالا بەردى بىرەۋ-بىرەۋگە ۇناۋعا دا مىندەتتى ەمەس. س اقسۇڭقارۇلى ايتادى: «جاستاردا ءبارى بار، ولەڭ تەحنيكاسى، ءبىلىم، تەك بىردەڭە جوق. ول-پوەزيا!». نەنى مەڭزەگەنىن تۇسىنگەن بولارسىزدار.... م.ماقاتاەۆتىڭ ، «مەنىمەن سىرلاسقىڭىز كەلسە، ولەڭدەرىمدى وقىڭىز» دەگەنى بار. توپتان اۋلاق جۇرەتىن اقىننىڭ كىسىكيىكتىگىنىڭ استارىن ولەڭىنەن ىزدەپ كورەلىك.

نازاسىنا ءجيى ۇرىنعان وسالدىڭ،

بار جازىعىم يلىكپەيتىن اساۋمىن.

استامدىعىم-اق كوڭىلىم شىعار ول،

قايدا باستاپ بارادى ەكەن مىنا جول...

قولىمىزعا قالام الدىرعان ەرعاناتتىڭ «اليف» اتتى جىر كىتابى. ول وتىز جاسىندا وردا بۇزدى. جاقىندا عانا جارىق كوردى. ەرەكشە قولتاڭباسى ەسكەرىلىپ، جاناشىر اعالارى تىرناقالدى كىتابىن «پاراسات-م» باسپاسىنان شىعارىپ بەرگەن. كىتاپ ەكى بولىمنەن تۇرادى.

  1. زام-زام.
  2. شىراعدان.

العاشقى ءبولىمنىڭ اتاۋىنىڭ ءوزى جۇمباق. وقىرماندى ىنتىقتىرۋى ءسوزسىز. ارينە، كوكىرەگىندە كوزى بار وقىرمان مەككەدەگى قاسيەتتى ءزام-زام قۇدىعى جايلى بىلەدى.

اقىننىڭ تالعامپازدىعى كۇمانسىز... ول تاعدىرلى اقىن. ولەڭدەرىندە ءوز تاعدىرى مەن تاعدىرلاستارى بار. جالپى كىتاپتا ء«زام-زام»، «الحورى قىز» سياقتى ولەڭدەر بارشىلىق.

ەكىنشى «شىراعدان» اتتى بولىمگە اۋدارمالارى توپتاستىرىلعان. جاستايىنان جارقىلداپ، ەلدى ەلەڭ ەتكىزگەن كەڭەسبەكتىڭ ۇلى مۇزافار الىمباەۆ، فاريزا وڭعارسىنوۆا سىندى پوەزيانىڭ دۇلدۇلدەرىنەن باتا العان. وقۋشى كەزىندە مۇزافار الىمباەۆتىڭ ەرعاناتقا جازعان حاتى دا بار. سودان بەرگى عۇمىرى ولەڭگە دەگەن ادالدىقپەن ءوتىپ كەلەدى.

ونىڭ ەسىمى رەسپۋبليكادا كوزى قاراقتى وقىرمانعا تانىس. شىعارماشىلىق جولىن ايتىستان باستاسا دا ولەڭدەرىندە ايتىسقا ءتان ەلەمەنتتەردى كورمەدىك. كىتاپتاعى ولەڭدەردىڭ تاقىرىپتارى ءار الۋان. ءار ولەڭىندە ءبىر وزەك بار. ءبىراق يدەيانى اشىق-شاشىق ۇسىنۋ جات. شەشىمدى كوبىنە وقىرمانعا قالدىرادى. ارينە كەمشىلىك-كلاسسيك دەگەن اقىننىڭ وزىندە دە بار. ءمىنسىز پەرىشتە عانا. ەرعاناتتىڭ ولەڭدەرىندە ەرەكشەلىك بىردەن كوز تارتادى. مىنا ءبىر تاقىرىپسىز ولەڭىنە توقتالىپ كورەلىك.

تارپاڭدىعىن استە قويماس تارلان ەل،

ويتكەنى، ونىڭ رۋحى بەكەم، ارمانى ءور.

مەن وسىنداي ءھام قاتىگەز، ءھام اڭعال،

جالقى جۇرتتىڭ مۇراتى ەدىم ال-جالەل...

وز باسىم جاقىن ارادا وسى سارىنداس ولەڭ كەزدەستىرە قويعان جوقپىن. «اليف» كىتابىن پاراقتاپ وتىرىپ، ءالعىسوزدى دە، اقىننىڭ ءومىربايانىن دا تاپپادىق. مۇنىڭ ءوزى ولەڭمەن ءومىر سۇرە ءبىلۋ بولار.

ەرعاناتتى ەشكىممەن سالىستىرماق ويىمىز جوق. سەبەبى، ول قولتاڭباسى ايقىندالعان، قالىپتاسقان اقىن. ءوز تاقىرىبى، ءوز ءستيلى بار. «تاقىرىبى جوق پا، اقىن دا جوق» دەگەنى بار ولجاس سۇلەيمەنوۆتىڭ. بۇل جەردەگى تاقىرىپتى اقىننىڭ بەرىك ۇستانىمى جاعىنان قاراستىرعان ءجون بولار. ۇستانىمى بىلاي،

«تۇيسىنۋ»:

«تەرىس قاراپ تىر جالاڭاش جالعاننان،

بارىنە دە ءبىر سىلتەدىم قولىمدى.

ەشبىر ادام ارمان قىلماس ارماننان،

تاپقان دۇرىس جولىمدى!».

كۇندەلىكتى كۇيبەڭگە قولىن سىلتەي الماسا، تاپتالعان جولمەن سىلتىپ باسسا، الىسقا قاراي الماي، اياعىنىڭ استىنا ۇڭىلە بەرسە ودان اقىن شىقپاسى انىق.

جوعارىداعى ء«تۇيسىنۋ» دەگەن ولەڭنىڭ ءتۇيىنى اقىننىڭ بۇل ساتىلاردان وتكەندىگىنە دالەل.

دۇرلىگىستەردەن،

سۇرلىگىستەردەن،

بايقاسام تىرلىك

سابىرى قاشقان.

ولەڭگە وراپ

ۋاتا الام با،

قارا جەردى مەن

ساعىنىش باسقان؟..

ال، سۇيسىنبەي كورىڭىز. ىشكى ارپالىس. ىشكى قاتال سىن. جاۋاپكەرشىلىك. ارتىق ەشتەڭە تابا الماسىڭىز انىق. پوەزيا داستۇردەن ادا بولماۋى كەرەك. «شىدەر» دەگەن ولەڭىنەن ءۇزىندى كەلتەرەلىك.

«شۇبار اۋىل.

شۇبار بەل.

شۇبار دالا

شۇبار بۇلتتان كۇن كۇلدى مۇنارلانا.

شۇبارتاۋدا جايىلعان شۇبار ايعىر

شىدەرىنە قارادى كۇماندانا» – دەي كەلە

«ھاقتان ريزىق تىلەگەن جالبارىنىپ،

قالا جاققا باستادى الداعى ءۇمىت...

قارا بازار ىشىندە قارا قازاق،

قارا قازان قالىپتى اۋدارىلىپ» – دەپ تۇيىندەگەن.

ناعىز بۇگىنگى قازاقتىڭ بولمىسى. ءاربىر قازاق تامسانىپ وقىرى ءسوزسىز. ورەسى جەتسە، ارينە. ۋىزىنا جارىعان دەگەن وسى بولسا كەرەك.

جاستايىنان اۋىز ادەبيەت پەن جىراۋلار پوەزياسىن ساناعا ءسىڭىرىپ وسكەنى انىق. شەتەل ادەبيەتىن دە جاستانىپ وقيتىن ول، ۇلتتىق قاينارىنان اجىراعان ەمەس. ولەڭ تاقىرىپتارىندا دا ۇلتتىق بوياۋ باسىم. كىتاپتا بىرەن-ساران جاستىقتىڭ بۋىمەن جازىلعان ولەڭدەر دە بار. ءبىراق ءبىز مۇنى تاعى ولەڭگە ادالدىق دەگىمىز كەلىپ وتىر. ويتكەنى اقىن جەتىلۋ، دامۋ ۇستىندە...

وكىنىشكە وراي كەيبىر جاستارىمىز ماحاببات ليريكاسىن تاستاپ كەتكەن نەمەسە قاراماي كەتكەن عاشىقتارى تۋرالى ولەڭدەرمەن ەكشەپ ءجۇر. سەزىم دەگەن جالپى ءومىردى سەزىنۋ بولسا كەرەك-تى. ەرعانات ماحاببات تاقىرىبىندا بىلاي كوسىلەدى:

«تاپقانمەن سارايىڭنىڭ كىلتىن ەپتەپ،

بىر مۇڭىن ىلەستىرىپ ءبىر كۇن وتپەك.

كوزىڭنەن سۇيگىم كەلدى و نەسى ەكەن،

تۇيسىگىم جۇپارىڭدى تۇرتىنەكتەپ».

جالعان مۇڭ مەن پافوستان اۋلاق. جىلاۋىق ولەڭدەر كىتاپتا مۇلدەم جوق.

«سەن دە جالعىز، بۇل كۇندە مەن دە جالعىز،

بىر مۇڭ سىيلاپ كەتەدى كەرساعال كۇز.

كوزدەن اققان جاسىڭنىڭ قۇنى قانشا؟

ەلگە كوكتەم سىيلايتىن كەرمارال قىز».

«وتىزعا كەلىپ شىعارعان جالعىز كىتاپ پا؟» دەپ قالماڭىز. كىتاپتا ەرعاناتتىڭ ەنگىزىلگەن اۋدارمالارى ءبىر توبە. فرانسۋا ۆيون، اننا احماتوۆا، الەكساندر بلوك سياقتى الەمدىك پوەزيا وكىلدەرىنىڭ جىرلارىن قازاقشا سويلەتكەن. جالپى اۋدارما جانرى وڭ جامباسىنا كەلەتىنىن بايقادىق. اۋدارما وتە قىراعىلىقتى تالاپ ەتەدى. اۋداراتىن اقىنىڭ وزىڭمەن رۋحاني تەتەلەس بولۋى كەرەك. ەرعاناتتىڭ تالعامى مەن تالانتىنا تاعى دا تاڭداندىق. ءوزى اۋدارعان اقىنداردان دا ءوزىن تاۋىپ الىپتى. «ادەبيەت-ايقاي ەمەس» دەگەن ءسوز تاعى الدىمىزدان شىقتى.

ج.ۆيزبوردان «شىراعدان»:

«شىراعدان كۇزەتكەن قاراڭعى ءتۇن:

ول دا ءبىزدىڭ عۇمىرداي قاراڭعى-تىن.

تاعدىر مەن تاعدىردىڭ باسىن قوسىپ،

ساۋلە بولىپ ساناڭدا جانام بۇگىن» – دەي كەلە،

«مەن بەرگەن ءتۇن كىلتىنەن ساعىم ىزدەپ،

قاس قارايسا كەۋدەمىز جانىن ۇزبەك.

پەرىشتە كور تۇسىڭدە تەرەزەدەن،

پەش تۇبىندە الاۋلار جالىنبىز دەپ» – دەپ تۇيىندەگەن.

يا. اۋدارما ارقىلى دا وقىرمانعا وسىلاي وي سالعان اقىننىڭ تاعى ءبىر اۋدارماسىنا توقتالايىق.

ۆ. شيمبرسكايادان «اداسقاق»:

«مەزگىل -مەزگىل ءوز بويىڭنان الىستاپ،

جانىڭمەنەن قاۋىش قايتا اداسقاق» – دەپ باستاپ:

«ولەرمەننىڭ قوجايىنى ەمەس ول،

كورەرمەننىڭ كوزايىمى ەمەس ول.

جۇبانىشتىڭ كورشىسىندەي بوپ كەلىپ،

قۋانىشتىڭ ەنشىسىندەي كەتتى ەرىپ... – دەپ وربىتە تۇسكەن.

نە جازارىڭدى، قالاي جازارىڭدى بىلگەنگە نە جەتسىن! «اداسقاقتى» اۋدارسا دا ازىرگە ەرعانات ءوز جولىنان اداسقان جوق..... ءار قاراي كەتتىك.

جانىنا جاقىن اقىندى

بالتىق بويىنان تاپقان ەكەن.

پولياكتىڭ ءىرى اقىنىنىڭ تاعى ءبىر «تۇسىمە ماداق» ولەڭى:

«وڭ-تۇسىمدە سۋرەت جازام نە ءتۇرلى،

تۋرا ۆەرمەەر ۆان دەلفت سەكىلدى.

مىنە-مىنە تاۋسىلارداي قاعازىم،

ۇلى-ۇلى پوەمالار جازامىن» دەي كەلە،

«اتلانتيدا اشقانىمدا ارەدىك،

ەسسىز جۇرتتا قالماس ءسىرا زارە-قۇت.

جاۋىعۋعا مىندەتتى ەمەس جاۋىر مۇڭ

مەن بەيكۇنا ءسابيىمىن ءداۋىردىڭ!» دەپ تۇيىندەگەن. ءبىتتى. وسىدان ارتىق قانداي ءساتتى ءتۇيىن كەرەك. ءبىز ەرعاناتتىڭ نە جازسا دا، قاي قۇرلىقتا ساپار شەكسە دە، ءوز ازاماتتىق ۇستانىمىنان، ۇلتتىق تامىرىنان الىستاماي اينالىپ سوعىپ وتىراتىنىنا كوز جەتكىزدىك. مارەگە دە سولاي بارارىنا سەنىم كامىل.

ال، قازاق ولەڭىندەگى ءبىسمىللاسىن اليفتەن باستاعان ءزام-زامداي تاتىمدى ولەڭدەرىنە ءشول قاندىرۋشىلار كوپ بولسىن!

ماقالامىزدى ەرعاناتتىڭ «شاشىلعان شۋماقتار» دەگەن ولەڭىمەن اياقتاعاندى ءجون كوردىك. قالعانىن وقىرمان ءوزى باعامداپ، باعاسىن بەرە جاتار.

بىرەۋدىڭ كوپ ەستىلدى بۇرناعى ءانى،

ال بىرەۋ ءوزىن-وزى بۇرمالادى.

الەمدى جالت قاراتىپ ۇركىتپەسە،

سەنىڭ ولەڭ جازعانىڭ كىمگە ءدارى؟!..



ماتەريالدى كوشىرىپ جاريالاۋ ءۇشىن رەداكتسيانىڭ نەمەسە اۆتوردىڭ جازباشا، اۋىزشا رۇقساتى قاجەت جانە Adebiportal.kz پورتالىنا گيپەرسىلتەمە بەرىلۋى ءتيىس. اۆتورلىق قۇقىق ساقتالماعان جاعدايدا قر اۆتورلىق قۇقىق جانە ساباقتاس قۇقىقتار تۋرالى زاڭىمەن قورعالادى. Adebiportal@gmail.com 8(7172) 79 82 12 (ىشكى – 112)

ماقالا اۆتورىنىڭ كوزقاراسى رەداكتسيانىڭ كوزقاراسىن بىلدىرمەيدى.




كەلۋ قاينارى: http://www.elarna.net/koru.php?tur=30&id=1022362

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


وسى ارانى باسىپ كورىڭىز 11 مينوت
ءوزىن-وزى باسقارۋعا كوم 21 مينوت
ارىس قالاسىندا 1172 ءۇي 1 ساعات
اقمولا وبلىسىندا جول اپ 1 ساعات
ەلوردالىق از قامتىلعان 1 ساعات
ماسا شاققان بويجەتكەننى 1 ساعات
قازاقستان-رەسەي شەكاراس 1 ساعات
وسى ارانى باسىپ كورىڭىز 1 ساعات
تەننيس: بۋبليك نيۋپورت 1 ساعات
نۇركەن مازباەۆ «استانا» 1 ساعات
التى جاستان تومەنگى بال 1 ساعات
قاراعاندىلىقتار ايماقتا 2 ساعات
كازاحستانتسى موگۋت وبرا 2 ساعات
قازاقستاندىق بالۋان قىز 2 ساعات
«كيەلى التاي» 2 ساعات
ناركوديلەر يز ۆكو پريزى 2 ساعات
كازاحستان ۆوشەل ۆ سپيسو 2 ساعات
قۇقىق بۇزۋشىلاردى قوعام 2 ساعات
نۇر-سۇلتاندا از قامتىلع 2 ساعات
تاراز تۇرعىنىنان 21 كەل 3 ساعات
نۇر-سۇلتاندا بوكستان قر 3 ساعات
نۇركەن مازباەۆ «استانا» 3 ساعات
ءادىلحان ماكين «سلاۆيان 3 ساعات
ەۋرووداق تۇركياعا قارسى 4 ساعات
كانادانىڭ شىعىسىندا ۇشا 4 ساعات
قاراعاندىدا كارىزگە قۇل 4 ساعات
وڭىردە بيىل ىسكە قوسىلع 4 ساعات
بولات باقاۋوۆ: دۇكەن سو 4 ساعات
وسى ارانى باسىپ كورىڭىز 4 ساعات
قازاقستاندا 90 مىڭنان ا 4 ساعات