قاراعاندى. قازاقپارات – قاراعاندىلىق ارتىستەردىڭ Qaraģandy توبى تاراز ماڭىنداعى «بەستوبە» يپپودرومىندا وتكەن كوكپاردان رەسپۋبليكالىق «ونەر كوكپارى» سايىسىندا ءۇشىنشى ورىن الدى، دەپ حابارلايدى قازاقپارات ءتىلشىسى.

ۇقساس جاڭالىقتار

كارانتين: تۇركىستان وبلىسىندا جىل باسىنان بەرى 48 كوكپار وتكەن

بىرىنشى كەزەڭدە قاراعاندىلىق كوكپارشىلار شىمكەنتتىك «قۇلاگەر» كومانداسىمەن جارىسىپ، 2:1 ەسەبىمەن ۇتىلدى.

سودان كەيىن كەنشىلەر شاھارىنىڭ وكىلدەرى تارازدان كەلگەن «اۋليە ات»« كومانداسىمەن باق تالاستىرىپ، الاڭ يەلەرىن 3:1 ەسەبىمەن جەڭدى. ء

ۇش گولدىڭ ەكەۋىن كاپيتان ەرىك تەزەكباەۆ جانە ءبىر گولدى دانيار دۇيسەنباەۆ سوقتى.

ۇشىنشى ورىن ءۇشىن كۇرەستە Qaraģandy 4:1 ناتيجەسىمەن الماتىلىقتاردى جەڭدى. تاعى دا ەرىك تەزەكباەۆ ء(ۇش) پەن دانيار دۇيسەنباەۆ ء(بىر) گول سوقتى.

ەستەرىڭىزگە سالا كەتەيىك، كوكپاردان ارتىستەر اراسىندا تۋرنير العاش رەت وتكىزىلدى. جارىستى ۇيىمداستىرۋشى - قازاقستان رەسپۋبليكاسى ۇلتتىق سپورت قاۋىمداستىعى.

جوبا ۇيلەستىرۋشىسى – قازاقستاننىڭ ەڭبەك سىڭىرگەن قايراتكەرى، دارىندى جاستار مەملەكەتتىك سىيلىعىنىڭ لاۋرەاتى دوسىمجان تاڭاتاروۆ.

تۋرنيرگە قاراعاندى، شىمكەنت، الماتى، نۇر-سۇلتان قالالارىنىڭ تانىمال ادامدارى قاتىستى. قاتىسۋشىلار اراسىندا كومپوزيتور باۋىرجان ەسەباەۆ، اكتەر ماديار سەرىكباەۆ، كينو جۇلدىزى تاۋەكەل ءمۇسىلىم، «قازاقستان داۋىسى» جوباسىنىڭ جەڭىمپازى شاحريزات سەيداحمەت، انشىلەر باعلان ءابدىرايىموۆ، سەرىك يبراگيموۆ جانە باسقالار بولدى.

كوكپاردان رەسپۋبليكالىق تۋرنير قازاقستان تاۋەلسىزدىگىنىڭ 30 جىلدىعىنا جانە حالىق اقىنى جامبىل جاباەۆتىڭ 175 جىلدىعىنا ارنالدى.