نۇر-سۇلتان. قازاقپارات - كەيبىر جوعارى وقۋ ورىندارى بۇزۋشىلىقتاردى جاسىرىپ، بعم تاراپىنان جۇرگىزىلەتىن تەكسەرۋلەرگە كەدەرگى جاساۋعا تىرىسادى، دەپ حابارلايدى قازاقپارات مينيسترلىكتىڭ رەسمي Telegram-كانالىنا سىلتەمە جاساپ.
«جوو-لار بۇزۋشىلىقتاردى انىقتاۋدى بولدىرماۋ ءۇشىن ءتۇرلى ارەكەتكە بارادى. مىسالى:
- ءبىلىم تۋرالى قۇجاتتاردى نوستريفيكاتسيالاۋدىڭ بولماۋىنا بايلانىستى شەتەلدىك ستۋدەنتتەردى جاپپاي وقۋدان شىعارۋ. ۋنيۆەرسيتەت ءبىر بۇيرىقپەن 800-گە جۋىق ستۋدەنتتى وقۋدان شىعارىپ، تەكسەرۋ اياقتالعاننان كەيىن قايتا قابىلداعان;
- وزگە وقۋ ورىندارىندا جۇمىس ىستەيتىن وقىتۋشىلاردىڭ قۇجاتتارىن ۇسىنۋ. كەيبىر وقىتۋشىلار باسقا ۋنيۆەرسيتەتتەردە جۇمىسقا تىركەلگەندەرىن وزدەرى دە بىلمەگەن مىسالدار بار. ياعني، تەكسەرۋ الدىندا ۋنيۆەرسيتەتتەر ولاردى قۇجات جۇزىندە جۇمىسقا قابىلداپ، كەيىن جۇمىستان شىعارعان;
- جۇمىسقا ورنالاستىرۋ كورسەتكىشىن بەلگىلەنگەن تالاپتارعا سايكەستەندىرۋ ءۇشىن جوو-لار زەينەتاقى تولەۋ جونىندەگى مەملەكەتتىك ورتالىققا تۇلەكتەردىڭ اتىنان ەڭ تومەنگى تولەم ەنگىزگەن;
- تەكسەرۋ قارساڭىندا جوو-نىڭ كىتاپحانا قورىن تولىقتىرعان جانە ت.ب»، دەلىنگەن حابارلامادا.
ۆەدومستۆو ۋنيۆەرسيتەتتەر ءجيى جىبەرەتىن بۇزۋشىلىقتاردى اتاپ ءوتتى.
ء«بىلىم الۋشىلارعا پاندەردى تاڭداۋعا مۇمكىندىك بەرىلمەۋ;
كوپتەگەن ۋنيۆەرسيتەتتەردىڭ ماگيستراتۋرا مەن دوكتورانتۋراعا ليتسەنزيا الىپ، عىلىمي جوبالاردى جۇزەگە اسىرماۋى;
ماگيسترانتتار مەن دوكتورانتتاردى پەداگوگيكالىق جانە زەرتتەۋ پراكتيكاسىنىڭ بازالارىمەن بارلىعى بىردەي قامتاماسىز ەتپەۋى;
جەكە نورماتيۆتىك قۇجاتتاردى فورمالدى ازىرلەۋ;
وقۋ ورنىنىڭ ماتەريالدىق-تەحنيكالىق بازاسىن جاقسارتۋعا كوڭىل بولمەۋ جانە ت.ب»، دەلىنگەن حابارلامادا.
ءتۇرى: قازاقپارات جاڭالىقتارى
جولدانعان ۋاقىتى: 00:54 - 2021/02/24
