نۇر-سۇلتان. قازاقپارات - 2020 جىلدىڭ 1 جەلتوقسانىندا ۇجىمدىق قاۋىپسىزدىك شارتى ۇيىمىنا قاتىسۋشى مەملەكەتتەردىڭ قورعانىس ۆەدومستۆالارى باسشىلارىنىڭ كەزەكتى وتىرىسى بەينە كونفەرەنتسيا بايلانىسى رەجيمىندە ءوتتى.
قورعانىس مينيسترلەرىنىڭ كەڭەسى اسكەري ساياسات، اسكەري قۇرىلىس جانە اسكەري-تەحنيكالىق ىنتىماقتاستىق سالاسىنداعى ءوزارا ءىس-قيمىلدى ۇيلەستىرۋ ماسەلەلەرى جونىندەگى ۇيىمنىڭ رەسمي جارعىلىق كونسۋلتاتيۆتىك جانە اتقارۋشى ورگانى بولىپ تابىلادى، دەپ حابارلايد قازاقپارات قر قورعانىس مينيسترلىگىنىڭ رەسمي سايتىنا سىلتەمە جاساپ.
اتالعان كەڭەسكە قازاقستان رەسپۋبليكاسىنىڭ اتىنان قورعانىس ءمينيسترى گەنەرال-لەيتەنانت نۇرلان ەرمەكباەۆ قاتىستى.
قورعانىس ۆەدومستۆولارىنىڭ باسشىلارى اسكەري قاۋىپسىزدىككە تونەتىن قاۋىپ-قاتەرلەرگە قاتىستى پىكىر الماستى، اسكەري شەڭبەردەگى ۇقشۇ قىزمەتىنىڭ باسىم باعىتتارىن كەلىستى.
وتىرىس بارىسىندا ماتەريالدىق-تەحنيكالىق، مەديتسينالىق قامتاماسىز ەتۋ، بىتىمگەرشىلىك قىزمەت، كادرلار دايارلىعىن، عىلىمي-زەرتتەۋ جۇمىستارىن جەتىلدىرۋ، سونداي-اق ۇقشۇ ۇجىمدىق كۇشتەرىنىڭ بىرلەسكەن جاۋىنگەرلىك دايارلىق ءىس-شارالارى قاتىستى ءبىرقاتار ماسەلەلەر قارالدى.
«وقۋ-جاتتىعۋ ستسەناريىنە قازىرگى قارۋلى قاقتىعىستاردان الىنعان ساباقتاردى قوسۋ قاجەت دەپ سانايمىز. ءبىز قاۋىپ-قاتەرلەرگە ۇجىمدىق تويتارىس بەرۋگە دايىن ەكەنىمىزدى كورسەتىپ، جاۋىنگەرلىك ءىس - قيمىلداردى جۇرگىزۋدىڭ جاڭا ادىستەرى مەن تاسىلدەرىن پىسىقتاۋعا ءتيىسپىز»،- دەپ گەنەرال-لەيتەنانت نۇرلان ەرمەكباەۆ اتاپ ءوتتى.
سونىمەن قاتار، تاراپتار 2021-2025 جىلدارعا ارنالعان ۇيىمعا مۇشە مەملەكەتتەردىڭ اسكەري ىنتىماقتاستىقتى دامىتۋ جوسپارىن تالقىلادى.
ءتۇرى: قازاقپارات جاڭالىقتارى
جولدانعان ۋاقىتى: 21:45 - 2020/12/01
