نۇر-سۇلتان. قازاقپارات – تۇركىستاندا ۇزىندىعى ءبىر شاقىرىمعا جەتەتىن «كەرۋەن-ساراي» سالىنادى. بۇل تۋرالى قر تۇڭعىش پرەزيدەنتى— ەلباسى نۇرسۇلتان نازارباەۆ «Qazaqstan» ۇلتتىق ارناسىنداعى «تۇركىستان: كونە مەن كەلەشەك كوپىرى» دەرەكتى فيلمىندە اتتى، دەپ حابارلايدى قازاقپارات.

ۇقساس جاڭالىقتار

نۇرسۇلتان نازارباەۆ: جاڭا زامان كەلدى – ءبارىمىز وزگەرۋىمىز كەرەك

تۇركىستاننان تاشكەنتكە تەمىر جول سالىنادى – نۇرسۇلتان نازارباەۆ ەلباسى: ابىلاي حاننىڭ ارمانىن ورىنداپ جاتىرمىز ەل استاناسى تۇركىستانعا كوشۋى مۇمكىن بە – نازارباەۆتىڭ جاۋابى

ء«قازىردىڭ وزىندە تۇركىستاندا بەس جۇلدىزدى ەكى ءقوناقۇي (Hilton، Rixos) سالىندى. ۇزىندىعى ءبىر شاقىرىم بولاتىن «كەرۋەن-ساراي» اشىلادى، ونىڭ ىشىندە قوناقۇيلەر، ساۋدا-ساتتىق ورىندارى، باسقا دا مادەني نىساندار بولادى. سول كەزدە تۇركىستان باياعىداي تۋريزم مەن حالىق كەلەتىن ورتالىق بولادى»، - دەدى ن. نازارباەۆ.

ەلباسى اتاپ وتكەن «كەرۋەن ساراي» كوپفۋنكتسيالى تۋريستىك كەشەنى تۇركى الەمىن عانا ەمەس، الەم نازارىن اۋداراتىن جوباعا اينالماق. جوبا الداعى كوكتەمدە پايدالانۋعا بەرىلۋى ءتيىس.

قازاقستان، ەۋروپا جانە ورتالىق ازيا مادەنيەتىن ءۇشتاستىراتىن جوبا كونە شاھار ۇلگىسى نەگىزىندە سالىنعان، جانە وندا زاماناۋي قوناقۇيلەر، شىعىس بازارى، مەيرامحانالار جانە جاساندى كول پايدا بولادى.

ايتا كەتەيىك، «تۇركىستان: كونە مەن كەلەشەك كوپىرى» دەرەكتى ءفيلمى ن.نازارباەۆتىڭ «قازاقستان» رەسپۋبليكالىق تەلەراديوكورپوراتسياسىنىڭ باسقارما ءتورايىمى، جۋرناليست ءلاززات تانىسبايعا بەرگەن سۇحباتى نەگىزىندە ازىرلەندى. دەرەكتى تۋىندى «Qazaqstan» تەلەرناسىنان بۇگىن 20:00-دە ەفيرگە شىقتى.

بۇعان دەيىن ن. نازارباەۆ «ەل استاناسىنىڭ تۇركىستانعا كوشۋى مۇمكىن بە؟» دەگەن سۇراققا جاۋاپ بەرگەن ەدى.

سونىمەن بىرگە، تۇركىستاننان تاشكەنتە تەمىر جول سالىنىپ، سامارقان، بۇقارا، تاشكەنت، شىمكەنت، تۇركىستان قالالارىنان ۇلكەن شەڭبەر جاسالماق.