تۇركىستان. قازاقپارات - بۇگىن تۇركىستان قالالىق پوليتسيا باسقارماسىنىڭ جانىنان تۇرعىنداردى قابىلداۋعا ارنالعان حالىقتىق-كەڭسە سالتاناتتى تۇردە اشىلدى، دەپ حابارلايدى قازاقپارات ءىىد ءباسپاسوز قىزمەتىنە سىلتەمە جاساپ.
جاڭا عيماراتتىڭ اشىلۋىنا قر ءىىم قوعامدىق كەڭەس مۇشەسى مارات قوعاموۆ، قر مونيتورينگتىك توپ باسشىسى ايگۋل سولوۆەۆا، تۇركىستان وبلىسى پوليتسيا دەپارتامەنتىنىڭ باستىعى پوليتسيا گەنەرال-مايورى قايرات دالبەكوۆ جانە نيۋ-يورك قالاسىنىڭ ۇزدىك پوليتسەيى، جەرلەسىمىز ديماش نيازوۆ، تۇركىستان قالاسى اكىمىنىڭ ورىنباسارى م.بازارقۇلوۆ، تۇركىستان وبلىسى بويىنشا سىبايلاس جەمقورلىققا قارسى ءىس-قيمىل دەپارتامەنتىنىڭ باستىعى حاكيم كوشقاليەۆ، ءىىو-نىڭ ارداگەرلەرى مەن جەكە قۇرام قاتىستى.
اشىلۋ سالتاناتىندا العى ءسوز العان پوليتسيا گەنەرال-مايورى ق.دالبەكوۆ «تۇركىستان وبلىسى پوليتسيا دەپارتامەنتىنە قاراستى 16 اۋداندا زاماناۋي ۇلگىدەگى حالىقتىق-كەڭسەلەر اشىلدى. قازىرگى تاڭدا ولار تۇرعىندار ءۇشىن ءوز قىزمەتتەرىن جاساۋدا. پوليتسيانىڭ اشىقتىعى مەن قولجەتىمدىلىگىن كوزدەيتىن حالىقتىق-كەڭسەلەردە وبلىس بويىنشا بۇگىنگى كۇنگە دەيىن مىڭداعان ازاماتتارعا كومەك كورسەتتى»،- دەپ اتاپ ءوتتى. سونىمەن قاتار، ءىس-شاراعا قاتىسقان قۇرمەتتى قوناقتار دا پوليتسەيلەردىڭ حالىق ءۇشىن اتقارىپ جاتقان اۋقىمدى ىستەرىنە وڭ باعاسىن بەرىپ، تۇركىستان وبلىسى پوليتسەيلەرىنىڭ مارتەبەسى قاشاندا بيىك ەكەندىگىن ايتتى.
حالىقتىق-كەڭسە – پوليتسيانىڭ اشىقتىعى مەن قولجەتىمدىلىگىن قامتاماسىز ەتەدى. مۇندا تۇرعىندار پوليتسياعا قاتىستى كوكەيدەگى ساۋالدارىن قويىپ، ناقتى جاۋاپتار الا الادى. ياعني ءاربىر ارىز-شاعىم كەزەكسىز وسى جەردە قارالىپ، ءتيىستى ماماندارعا جولدانادى. حالىقتىق-كەڭسە ازاماتتاردىڭ يگىلىگى ءۇشىن قىزمەت ەتەتىن بولادى. اتالعان فرونت-وفيستە جەكە قۇرام جانە تەرگەۋ، اكىمشىلىك پوليتسيا قۇرىلىمى، قۇجاتتامامەن قامتاماسىز ەتۋ ءبولىمىنىڭ ماماندارى تۇرعىنداردى قابىلدايدى. ازاماتتار اپتانىڭ دۇيسەنبىسى مەن جۇما كۇندەرى ارالىعىندا تاڭعى 09:00-دەن كەشكى 19:00-گە دەيىن جۇمىس جاسايتىن كەڭسەگە كەلىپ، پوليتسيا قىزمەتىنە بايلانىستى سۇراقتارىنا جاۋاپ، ماسەلەلەرىنە قۇقىقتىق-كەڭەستەر الادى. زاماناۋي نىساندا حالىققا ىڭعايلى بولۋ ءۇشىن بارلىق جاعداي جاسالعان جانە بەينەباقىلاۋ جۇيەسىمەن قامتىلعان.
ءتۇرى: قازاقپارات جاڭالىقتارى
جولدانعان ۋاقىتى: 21:51 - 2019/11/22
