ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-121795452839 %61 %
2019-11-134580823558 %42 %
2019-11-14529148652 %48 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقپارات جاڭالىقتارى

جولدانعان ۋاقىتى: 08:45 - 2019/10/24

اقتاۋ. قازاقپارات - ماڭعىستاۋ وبلىسى ەكولوگيا دەپارتامەنتى شەتپە اۋىلىنا جاقىن ورنالاسقان بىرنەشە كارەرگە تەكسەرۋ جۇرگىزىپ، ءتيىستى شارا قولدانعان، دەپ حابارلايدى قازاقپارات ءتىلشىسى.

ۇقساس جاڭالىقتار
قىزىلوردادان الماتىعا سەكسەۋىلدى زاڭسىز تاسىعاندار ۇستالدى قازاقستاننىڭ ءۇش قالاسىندا اۋا ساپاسى ناشارلايدى ساعىنتاەۆ كوكتوبەدە كوشەتتەردى تولىق وتىرعىزباي كەتكەن قىزمەتكەرلەردى جازالادى

بۇگىندە ماڭعىستاۋ وبلىسى ماڭعىستاۋ اۋدانىنا قاراستى شەتپە اۋىلىندا قۇرىلىس تاستارىن ءوندىرۋشى 28 كاسىپورىن بار. مەكەمەلەر تاستى ۋاتۋ ارقىلى قيىرشىق تاس الىپ وتىر. سالدارىنان شەتپە اۋىلى كارەرلەرمەن قورشالعان جانە كۇندەلىكتى قيىرشىق تاس ءوندىرۋ، جارىلىس، تيەۋ-تۇسىرۋ مەن تاسىمالداۋ جۇمىستارى شاڭ كوتەرىلۋىنە سەبەپكەر بولادى.

ء

وز كەزەگىندە اۋىل تۇرعىندارى سوڭعى 10-15 جىلدان بەرى قيىرشىق تاس وندىرەتىن كارەرلەردەن شاڭ كوتەرىلىپ، ادام دەنساۋلىعىنا زيان كەلىپ وتىرعانىن ايتىپ شاعىمدانۋدا.

الايدا، سوڭعى جىلدارى كارەر سانى كوبەيمەسە، ازايعان ەمەس. سونىڭ ناتيجەسىندە قورشاعان ورتاعا كەلىپ وتىرعان زيان الدەقايدا جوعارى.

پروكۋرورلىق ارەكەت ەتۋ اكتىسى ناتيجەسىندە، ماڭعىستاۋ وبلىسى ەكولوگيا دەپارتامەنتى «مكدسم» اق، «تاس» جشس، «تەمىرتاس-1 جشس، «ايان-اقتاۋ جشس، «ديس» جشس جانە «باي-بەگ» جشس-گە قازاقستان رەسپۋبليكاسى ەكولوگيالىق زاڭنامالارىنىڭ ساقتالۋى جونىندە جوسپاردان تىس تەكسەرۋلەر جۇرگىزدى. ينسپەكتورلىق تەكسەرۋلەر كورسەتكەندەي، ەكولوگيالىق زاڭنامالاردىڭ ورەسكەل بۇزىلۋىنا 6 كارەر تاراپىنان جول بەرىلگەندىگى انىقتالدى.

ماسەلەن، «مكدسم» اق تاس قۇرىلىسىن وڭدەۋ جۇمىستارىن جۇرگىزۋ كەزىندە مەملەكەتتىك ەكولوگيالىق ساراپتاما قورىتىندىسى جانە ەكولوگيالىق رۇقساتناما بولماي شىقتى. جوبالىق شەشىمدەر دە ورىندالماعان، ياعني شاڭ باسۋ شارالارى جۇرگىزىلمەگەن. قر اكىمشىلىك قۇقىقبۇزۋشىلىق تۋرالى كودەكسىنىڭ 332 جانە 328 باپتارى ساقتالماعان. ورىن العان زاڭ بۇزۋشىلىقتارعا جول بەرگەن كاسىپورىنعا جالپى سوماسى 429 250 تەڭگە كولەمىندە ايىپپۇل سالىندى، سونىمەن قاتار شىعىن مولشەرى ەسەپتەلگەن، بۇگىندە ول 1 079 106 تەڭگەنى قۇراپ وتىر.

«تاس» جشس-نە 151 500 تەڭگە ايىپپۇل تولەۋ مىندەتتەلدى، ال كەلتىرىلگەن شىعىن كولەمى 642 954 تەڭگەنى قۇراعان. «تەمىرتاس-1» جشس بيۋدجەتتى 252 500 تەڭگەمەن تولىقتىرادى، كەلتىلىرگەن شىعىن 582959 تەڭگەنى قۇراعان. «ايان-اقتاۋ» جشس 151 500 تەڭگە ايىپپۇل تولەيدى، كەلتىرىلگەن شىعىن مولشەرى 115 083 تەڭگەنى كورسەتتى. «ديس» جشس بيۋدجەت قازىناسىن 126 250 تەڭگەمەن تولىقتىرادى. «باي-بەگ» جشس 126 250 تەڭگە ايىپپۇل تولەيتىن بولدى، بۇل كاسىپورىن 2 335 038 تەڭگە كولەمىندە شىعىن كەلتىرگەن.

سونىمەن قاتار، «مكدسم» اق ەكولوگيالىق قۇجاتتامالارىن قايتارۋ جونىندە سوتقا تالاپ-ارىز بەرىلدى. قالعان 5 كاسىپورىنعا قاتىستى ەكولوگيالىق قۇجاتتاردى كەرى قايتارۋ، ۋاتقىش قوندىرعىلاردى جانە تاس ءوندىرۋدى توقتاتۋ جونىندە تالاپ-ارىز ەنگىزىلدى.

سونىمەن قاتار، الداعى ۋاقىتتا باسقا دا كارەرلەرگە تالداۋ جاسالىپ، پروكۋرورلىق ارەكەت ەتۋ اكتىسى ناتيجەسىندە قر ەكولوگيالىق زاڭنامالارىنىڭ ورىندالۋى جونىندە 12 كارەرگە تەكسەرۋ جۇرگىزۋ جوسپارلانىپ وتىر. اتاپ ايتقاندا «بۋزاچي نەفت»، «ستروي دەتال»، «اتىراۋينجتەحنوتسەنتر»، «شەتپە تاس»، «Royal Stone Group»، ء«تۇپقاراعان»، «ازيا تاس-1000»، «ساپسان»، «ەرجۇرەك حولدينگ»، «كازىنا-ماڭعىستاۋ»، «سامعاۋ كارەر» جانە «التىن اركا-XXI» جاۋاپكەرشىلىگى شەكتەۋلى سەرىكتەستىكتەرى.

سونداي-اق، ماڭعىستاۋ وبلىسى اكىمىنىڭ ورىنباسارى باقىتجان كاچاكوۆتىڭ شەتپە اۋىلىن شاڭ-توزاڭنان تازارتۋ جونىندەگى بەكىتكەن جوسپارىنا سايكەس، ۋاتقىش جانە باسقا دا ينفراقۇرىلىمدىق قوندىرعىلاردى شەتپە اۋىلىنان 10 شاقىرىم جەرگە ۇستىمىزدەگى جىلدىڭ 25 قاراشاسىنا دەيىن كوشىرۋ جونىندە تاپسىرما بەرىلدى. سونىمەن بىرگە شاڭ كوتەرەتىن ماتەريالدار تاسىمالدانىپ كەلگەن 2 اۆتوجول جابىلادى.

بۇل، ءوز كەزەگىندە، قورشاعان ورتانىڭ لاستانۋ تاۋەكەلىن تومەندەتەدى جانە وسىلايشا ەكولوگيالىق احۋالدىڭ جاقسارۋىنا سەپتىگىن تيگىزەدى.


كەلۋ قاينارى: http://www.elarna.net/koru.php?tur=3&id=1063579

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار