ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-191340442541 %59 %
2019-09-2010832600477 %23 %
2019-09-21667272339 %61 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقپارات جاڭالىقتارى

جولدانعان ۋاقىتى: 10:09 - 2019/08/25

قازاقستانداعى اپتا ىشىندەگى جاڭا كادرلىق تاعايىنداۋلار

نۇر-سۇلتان. قازاقپارات – وسى اپتادا قازاقپارات اگەنتتىگى 19-25 تامىز ارالىعىنداعى باستى تاعايىنداۋلارعا شولۋ ۇسىنادى.

ۇقساس جاڭالىقتار
الماتىداعى جەتىسۋ اۋدانىنىڭ تۇرعىندارى ەسىنەپ وتىراتىن اكىمدەرىنە شاعىمداندى قازاقستانداعى ەڭ تانىمال ماماندىقتار بەلگىلى بولدى قوستانايدا جوعالعانداردى ىزدەيتىن سايت ىسكە قوسىلدى

اپتا باسىندا قر پرەزيدەنتى ق.توقاەۆتىڭ جارلىعىمەن بەردىبەك ساپارباەۆ قر پرەمەر-مينيسترىنىڭ ورىنباسارى لاۋازىمىنا تاعايىندالدى.

بەردىبەك ماشبەكۇلى ساپارباەۆ 1953 جىلى 9 اقپاندا قىزىلوردا وبلىسىندا دۇنيەگە كەلگەن. 1977 جىلى الماتى حالىق شارۋاشىلىعى ينستيتۋتىن «ەكونوميكا جانە ماتەريالدىق-تەحنيكالىق جابدىقتاۋ» ماماندىعى بويىنشا ءبىتىردى. ەكونوميكا عىلىمدارىنىڭ دوكتورى، پروفەسسور.

ەڭبەك جولىن قىزىلوردا وبلىسىنىڭ زادارينسكي سوۆحوزىنىڭ جۇمىسشىسىنان باستادى (1969-1971 جىلدارى); اسكەري قىزمەتىن وتكەردى (1971-1973 جىلدارى). ينستيتۋتتى بىتىرىسىمەن رەسپۋبليكالىق مەملەكەتتىك ەڭبەك جيناقتاۋ كاسسالارى (گوسترۋدسبەركاسسى) باسقارماسىندا ەكونوميست (1977); قازكسر قارجىمينىندە ەكونوميست، اعا ەكونوميست، جەتەكشى، باس ەكونوميست، ءبولىم باستىعىنىڭ ورىنباسارى (1977-1988 جىلدارى); جوسپارلاۋ-قارجى باسقارماسىنىڭ باستىعى، باس ەكونوميكا باسقارماسىنىڭ باستىعى، قر ءبىلىم ءمينيسترىنىڭ ورىنباسارى (1988-1993 جىلدارى); پرەزيدەنت اپپاراتى ءبولىمى مەن قر مينيسترلەرى كابينەتى مەڭگەرۋشىسىنىڭ ورىنباسارى (1993); قر مينيسترلەر كابينەتىنىڭ ىستەر باسقارماسىنىڭ قارجى، ەڭبەك جانە الەۋمەتتىك قورعاۋ ءبولىمى مەڭگەرۋشىسىنىڭ ورىنباسارى جانە مەڭگەرۋشىسى (1994-1995 جىلدارى) بولدى. قر مينيسترلەر كابينەتى اپپاراتىنىڭ باسشىسى (1995); قىزىلوردا وبلىسىنىڭ اكىمى (1995-1999 جىلدارى); وڭتۇستىك قازاقستان وبلىسىنىڭ اكىمى (1999-2002 جىلدارى) قىزمەتتەرىن اتقاردى.

قر كەدەندىك باقىلاۋ اگەنتتىگىنىڭ ءتوراعاسى، قر قارجى ۆيتسە-مينيسترى - كەدەندىك باقىلاۋ كوميتەتىنىڭ ءتوراعاسى (2002-2006); پرەمەر-مينيستر كەڭسەسى باسشىسىنىڭ ورىنباسارى - قر پارلامەنتىندەگى ۇكىمەتتىڭ وكىلى (2006-2007); قر ەكونوميكا جانە بيۋدجەتتىك جوسپارلاۋ ۆيتسە-مينيسترى (2007 جىلى اقپان - 27 تامىز). 2007 جىلدىڭ تامىزىنان قر ەڭبەك جانە حالىقتى الەۋمەتتىك قورعاۋ ءمينيسترى. 2009-2014 جىلدارى - شىعىس قازاقستان وبلىسىنىڭ اكىمى. 2014-2015 جىلدارى قر پرەمەر-مينيسترىنىڭ ورىنباسارى. 2015-2019 جىلدارى اقتوبە وبلىسىنىڭ اكىمى قىزمەتىن اتقاردى. قر ەڭبەك جانە الەۋمەتتىك قورعاۋ ءمينيسترى لاۋازىمىن 2019 جىلدىڭ اقپانىنان بەرى اتقارىپ كەلدى.

بەردىبەك ساپارباەۆتىڭ ورنىنا قر ەڭبەك جانە حالىقتى الەۋمەتتىك قورعاۋ ءمينيسترى قىزمەتىنە ءبىرجان نۇرىمبەتوۆ ءتاعايىندالدى.

بىرجان بيدايبەكۇلىنۇرىمبەتوۆ1968 جىلى 19 ناۋرىزدا تۋعان. ءال-فارابي اتىنداعى قازاق مەملەكەتتىك ۋنيۆەرسيتەتىن «مەحانيكا جانە قولدانبالى ماتەماتيكا» ماماندىعى جانە الماتى ەكونوميكا جانە ستاتيستيكا اكادەمياسىن «قارجى» ماماندىعى بويىنشا بىتىرگەن.

1993-1997 جىلدارى جامبىل قالاسى بويىنشا سالىق ينسپەكتسياسىنىڭ سالىق ينسپەكتورى، ءبولىم باستىعى، جامبىل وبلىسى اكىمىنىڭ ءبىرىنشى ورىنباسارىنىڭ كەڭەسشىسى، جامبىل وبلىسى اكىمى اپپاراتىنىڭ سەكتور مەڭگەرۋشىسى قىزمەتتەرىن اتقاردى. 1997-2008 جىلدارى «زەينەتاقى تولەۋ مەملەكەتتىك ورتالىعى» رمكك جامبىل وبلىسى بويىنشا فيليالىنىڭ ديرەكتورى بولدى. 2008-2009 جىلدارى – قر ەڭبەك جانە حالىقتى الەۋمەتتىك قورعاۋ مينيسترلىگىنىڭ باقىلاۋ جانە الەۋمەتتىك قورعاۋ كوميتەتىنىڭ ءتوراعاسى، 2009-2012 جىلدارى – قر ەڭبەك جانە حالىقتى الەۋمەتتىك قورعاۋ ۆيتسە-مينيسترى، 2012-2015 جىلدارى – قر پرەمەر-مينيسترى كەڭسەسى باسشىسىنىڭ ورىنباسارى بولدى. 2015-2017 جىلدارى – قر دەنساۋلىق ساقتاۋ جانە الەۋمەتتىك دامۋ ۆيتسە-مينيسترى، قر ەڭبەك جانە حالىقتى الەۋمەتتىك قورعاۋ ۆيتسە-مينيسترى، 2017 جىلعى جەلتوقساننان – قر كاسىپوداقتار فەدەراتسياسى ءتوراعاسىنىڭ ءبىرىنشى ورىنباسارى قىزمەتىن اتقاردى.

قر ۇكىمەتىنىڭ قاۋلىسىمەن اسەت يرعاليەۆ قر ۇلتتىق ەكونوميكا ۆيتسە-مينيسترى قىزمەتىنە تاعايىندالدى.

اسەت ارمانۇلى يرعاليەۆ 1986 جىلى قوستاناي قالاسىندا دۇنيەگە كەلگەن. 2008 جىلى قازاقستاندىق مەنەدجمەنت، ەكونوميكا جانە بولجامداۋ ينستيتۋتىن، شۆەتسيادا حالىقارالىق بيزنەس مەكتەبىن، 2009 جىلى — يورك ۋنيۆەرسيتەتىن جانە 2010 جىلى — نوتتينگەم ۋنيۆەرسيتەتىن ءتامامداعان. ماماندىعى — ەكونوميست. مەملەكەتتىك – قازاق، ورىس، اعىلشىن جانە نەمىس تىلدەرىن مەڭگەرگەن.

ەڭبەك جولىن 2010 جىلعى قىركۇيەك ايىندا لوندونداعى ەۋروپا قايتا قۇرۋ جانە دامۋ بانكىنىڭ (ەققدب) ەكونوميكا دەپارتامەنتىندە شىعىس ەۋروپا جانە كاۆكاز بويىنشا ەكونوميكالىق ساياساتتىڭ ايماقتىق تالداۋشىسى رەتىندە باستاعان. 2011 جىلعى قازان ايىنان 2012 جىلعى قاراشا ارالىعىندا وسى دەپارتامەنتتە باس وڭىرلىك تالداۋشى بولىپ قىزمەت اتقارعان. 2011 جىلعى قاراشا ايىندا بانكتىڭ وڭىرلىك ەكونوميسى بولىپ ەڭبەك ەتكەن. 2013 جىلعى قاڭتاردا «ەكونوميكالىق زەرتتەۋلەر ينستيتۋتى» اق كاسىپكەرلىكتى دامىتۋ ورتالىعىنىڭ ديرەكتورى بولىپ تاعايىندالعان. اتالعان قۇرىلىمدا ءا. يرعاليەۆ 2016 جىلدىڭ باسىنا دەيىن باسقارما ءتوراعاسىنىڭ ءبىرىنشى ورىنباسارى، باسقارما ءتوراعاسىنىڭ ورىنباسارى، ۆيتسە-پرەزيدەنت لاۋازىمدارىن اتقارعان. 2016 جىلعى اقپان ايىندا «ەكونوميكالىق زەرتتەۋلەر ينستيتۋتى» اق باسقارما ءتوراعاسى بولىپ تاعايىندالعان. 2016 جىلعى قازان ايىندا «بايتەرەك» ۇبح» اق باسقارما ءتوراعاسىنىڭ كەڭەسشىسى قىزمەتىن اتقاردى، 2016 جىلعى جەلتوقساندا قر پرەمەر-مينيسترىنىڭ كەڭەسشىسى بولىپ تاعايىندالعان. 2017-2018 جىلدارى قر پرەمەر-مينيسترى كەڭسەسىنىڭ جوبالىق باسقارۋ ورتالىعىنىڭ مەڭگەرۋشىسى لاۋازىمىن اتقارعان. 2018 جىلعى قىركۇيەكتەن 2019 جىلعى ناۋرىز ارالىعىندا قر ۇلتتىق ەكونوميكا ۆيتسە-مينيسترى قىزمەتىن اتقارعان. 2019 جىلعى ناۋرىزدان قازىرگى تاعايىنداۋعا دەيىن قر پرەمەر-مينيسترىنىڭ كەڭسەسى باسشىسىنىڭ ورىنباسارى بولىپ قىزمەت ەتكەن.

قر پرەمەر-مينيسترى كەڭسەسى باسشىسىنىڭ ورىنباسارىقىزمەتىنە شىمكەنت قالاسى اكىمىنىڭ ورىنباسارى بولعان دانات جۋمين كەلدى.

دانات ەسبولۇلى جۋمين 1983 جىلى 14 ساۋىردە قوستاناي وبلىسىندا دۇنيەگە كەلدى. 2006 جىلى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىن «ساياساتتانۋشى»، 2009 جىلى اقش مونتانا ۋنيۆەرسيتەتىن «مەملەكەتتىك باسقارۋ ماگيسترى» ماماندىعى جانە 2017 جىلى اقش گارۆارد بيزنەس مەكتەبىن جوعارى باسشىلاردى دايارلاۋ باعدارلاماسى بويىنشا بىتىرگەن.

2003-2007 جىلدارى قازاقستان جاستار كونگرەسىنىڭ اتقارۋشى ديرەكتورى، 2009-2011 جىلدارى قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ديپلوماتيا ينستيتۋتى رەكتورىنىڭ كەڭەسشىسى، ديرەكتوردىڭ ورىنباسارى، 2011-2013 جىلدارى استانا قالاسىنداعى «Apex Consult» ءجشس-نىڭ باس ديرەكتورى، 2013-2014 جىلدارى «بايتەرەك» ۇلتتىق باسقارۋشى حولدينگى» اق حاتشىلىعىنىڭ باسشىسى، باسقارۋشى ءتوراعاسىنىڭ كەڭەسشىسى بولعان. 2014-2016 جىلدارى «قازاقستان 2050» جالپىۇلتتىق قوزعالىسى كەڭەسىنىڭ ءتوراعاسى، 2016-2017 جىلدارى شىمكەنت قالاسى اكىمىنىڭ شتاتتان تىس كەڭەسشىسى، 2017-2018 جىلدارى «نۇر وتان» پارتياسى ورتالىق اپپاراتىندا ساياسي جۇمىستار دەپارتامەنتىنىڭ ديرەكتورى قىزمەتتەرىن اتقارعان. 2018-2019 جىلدارى شىمكەنت قالاسى اكىمىنىڭ ورىنباسارى بولدى.

سونىمەن بىرگە، قر ەكولوگيا، گەولوگيا جانە تابيعي رەسۋرستار ۆيتسە-مينيسترىلاۋازىمىنا سانجار جاركەشوۆ تاعايىندالدى.

سانجار سەرىكبايۇلى جاركەشوۆ 1986 جىلى 24 قازاندا قاراعاندى وبلىسىندا تۋعان. 2009 جىلى قازاق ەكونوميكا، قارجى جانە حالىقارالىق ساۋدا ۋنيۆەرسيتەتىن «قارجى» ماماندىعى بويىنشا، ال 2010 جىلى – اقش تەحاس ۋنيۆەرسيتەتىن «مۇنايگاز ينجينيرينگى» ماماندىعى بويىنشا بىتىرگەن.

ەڭبەك جولىن 2008 جىلى تەحاستا (اقش) وستين قالاسىندا مۇناي جانە گەوجۇيەلىك ينجينيرينگ ورتالىعىنىڭ زەرتتەۋشى ينجەنەرى بولىپ باستادى. 2010-2016 جىلدارى «ExxonMobile» كورپوراتسياسىندا كاليفورنيا، كولورادو جانە تەحاس (اقش) شتاتتارىندا بۇرعىلاۋ جونىندەگى ينجەنەر، يراكتا بۇرعىلاۋ جونىندەگى اعا ينجەنەر، رەسەيدە (ساحالين ارالى) بۇرعىلاۋ جونىندەگى باس ينجەنەر، اتىراۋ قالاسىندا اعا جوبالىق ينجەنەر بولىپ ەڭبەك ەتتى. 2016-2018 جىلدارى - شوتلاندياداعى پەرت قالاسىندا «Merlin ERD» كومپانياسىندا كاسىپشىلىك سۋپەرۆايزەرلەر باسشىسى جانە بۇرعىلاۋ جونىندەگى جەتەكشى ينجەنەر بولدى. 2018 جىلدىڭ ناۋرىز ايىنان قازىرگە دەيىن ۇلىبريتانيادا لوندون قالاسىندا McKinsey and Company كومپانياسىندا مۇناي ونەركاسىبىنىڭ جاھاندىق ساراپشىسى جانە باسقارۋشى كەڭەسشىسى بولىپ جۇمىس ىستەدى.

ەكولوگيا، گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ جاڭا ءتوراعاسى بولىپ اسحات قايناربەكوۆتاعايىندالدى.

اسحات قاناتۇلى قايناربەكوۆ 1975 جىلى 23 اقپاندا تۋعان. 1997 جىلى اباي اتىنداعى الماتى مەملەكەتتىك ۋنيۆەرسيتەتىن «قۇقىقتانۋ» ماماندىعى، 2003 جىلى ت. رىسقۇلوۆ اتىنداعى قازاق ەكونوميكالىق ۋنيۆەرسيتەتى «ەكونوميكا» ماماندىعى بويىنشا، 2006 جىلى م. ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن; 2009 جىلى گارۆارد بيزنەس مەكتەبىن، 2016 جىلى كولۋمبيا ۋنيۆەرسيتەتىن بىتىرگەن. «بولاشاق» باعدارلاماسىنىڭ تۇلەگى. ەكونوميكا بويىنشا مەملەكەتتىك باسقارۋ ماگيسترى.

ەڭبەك جولىن 1998 جىلى قر سىرتقى ىستەر مينيسترلىگى ەكىنشى دەپارتامەنتىنىڭ مامانى بولىپ باستاعان. 1999-2001 جىلدارى قر ءسىم تمد دەپارتامەنتىنىڭ رەفەرەنتى، اتتاشە، ءۇشىنشى حاتشىسى لاۋازىمدارىندا جۇمىس ىستەدى. 2001-2002 جىلدارى – الماتى وبلىسى تالعار اۋدانى اكىمىنىڭ ورىنباسارى، 2010-2018 جىلدارى اقمولا وبلىسى اكىمىنىڭ ورىنباسارى قىزمەتىن اتقاردى. 2018 جىلدىڭ قاڭتار ايىنان اتالعان تاعايىنداۋعا دەيىن قر پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى قىزمەتىن اتقاردى.

قر ۇلتتىق ەكونوميكا مينيسترلىگى باسەكەلەستىكتى قورعاۋ جانە دامىتۋ كوميتەتىنىڭ ءتوراعاسى بولىپ رۋستام احمەتوۆ تاعايىندالدى.

رۋستام نۇرلانۇلى احمەتوۆ 1978 جىلى 22 اقپاندا قاراعاندى وبلىسى تەمىرتاۋ قالاسىندا تۋعان. 1999 جىلى قازاق مەملەكەتتىك زاڭ ۋنيۆەرسيتەتىن بىتىرگەن.ەڭبەك جولىن 1999 جىلى قر مەملەكەتتىك كىرىستەر مينيسترلىگىنىڭ كىنارات-قۋىنىم جۇمىسى ءبولىمىنىڭ جەتەكشى مامانى بولىپ باستادى. 2001 جىلى قر پرەزيدەنت اكىمشىلىگىنىڭ مەملەكەتتىك-قۇقىقتىق ءبولىمىنىڭ اعا رەفەرەنتى قىزمەتىنە قابىلداندى. ءتۇرلى جىلدارى قر پرەزيدەنت اكىمشىلىگىنىڭ مەملەكەتتىك-قۇقىقتىق ءبولىمىنىڭ كەڭەسشىسى، زاڭناما جانە قۇقىقتىق ساراپتاما ءبولىمىنىڭ باس ساراپشىسى، سەكتور مەڭگەرۋشىسى بولىپ جۇمىس ىستەدى. 2011 جىلى قر تابيعي مونوپوليالاردى رەتتەۋ اگەنتتىگىنىڭ جاۋاپتى حاتشىسى قىزمەتىنە تاعايىندالدى. 2014 جىلدىڭ تامىز ايىنان 2017 جىلدىڭ ءساۋىر ايىنىڭ ارالىعىندا قر ۇەم تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتى ءتوراعاسىنىڭ ورىنباسارى بولدى.2017 جىلعى ءساۋىر ايىنان قازىرگە دەيىن قر ۇلتتىق ەكونوميكا مينيسترلىگىنىڭ تابيعي رەسۋرستاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتى ءتوراعاسىنىڭ ورىنباسارى لاۋازىمىن اتقاردى.

22 تامىزدا قر كاسىپوداقتار فەدەراتسياسى اتقارۋ كوميتەتىنىڭ وتىرىسىندا فەدەراتسيا ءتوراعاسىنىڭ جاڭا ورىنباسارلارى سايلاندى. ءتوراعانىڭ ءبىرىنشى ورىنباسارى بولىپ نۇرمۇحامبەت ابدىبەكوۆ تاعايىندالدى.

نۇرمۇحامبەت قاناپيۇلى ابدىبەكوۆ – ماماندىعى بويىنشا تاۋ-كەن ينجەنەرى، وندىرىستەگى كاسىپوداقتاردىڭ جۇمىسىمەن ەتەنە تانىس. ءار جىلدارى اقتوبە، اتىراۋ كاسىپورىندارىندا جانە مەملەكەتتىك ورگانداردا قىزمەت اتقارعان، قر يندۋستريا جانە جاڭا تەحنولوگيالار ۆيتسە-مينيسترى، اقتوبە قالاسىنىڭ اكىمى، اقتوبە وبلىسى اكىمىنىڭ ءبىرىنشى ورىنباسارى، قاراعاندى وبلىسىنىڭ اكىمى،ەسەپ كوميتەتىنىڭ ءتوراعاسى، «قازاقستان ينجينيرينگ» ۇلتتىق كومپانياسى» اق باسقارما ءتوراعاسى بولعان.

ال ءتوراعانىڭ ورىنباسارى بولىپ ەرجان ەگەمبەرديەۆ سايلاندى. قر كف قۇقىقتىق قامتاماسىز ەتۋ جانە حالىقارالىق ارىپتەستىك دەپارتامەنتىنىڭ ديرەكتورى لاۋازىمىن اتقارعان. ەرجان وشاقبايۇلى ەگەمبەرديەۆ – زاڭ عىلىمدارىنىڭ كانديداتى. ءار جىلدارى جوعارعىسوت جانىنداعى سوت تورەلىگى اكادەمياسىندا، قر پرەزيدەنتى جانىنداعى مەملەكەتتىك باسقارۋ اكادەمياسىندا، ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە جانە قر ادىلەت مينيسترلىگىندە قىزمەت اتقارعان.

«Nur Otan» پارتياسىنىڭ جەتەكشىسى ءن.ا. نازارباەۆتىڭ قاۋلىسىمەن ومارحان وكسىكباەۆ پارتيا جانىنداعى سىبايلاس جەمقورلىققا قارسى ءىس-قيمىل جونىندەگى رەسپۋبليكالىق قوعامدىق كەڭەستىڭ ءتوراعاسى، پاۆەل كازانتسەۆ پارتيالىق باقىلاۋ كوميتەتىنىڭ ءتوراعاسى بولىپ تاعايىندالدى.

ومارحان نۇرتايۇلى وكسىكباەۆ 1954 جىلى 22 جەلتوقساندا الماتى وبلىسى بالقاش اۋدانى كوكتال اۋىلىندا تۋعان. الماتى حالىق شارۋاشىلىعى ينستيتۋتىن ءبىتىرىپ، فرانتسيادا (پاريجدە) «نارىقتىق ەكونوميكاداعى اۋديتورلىق قىزمەت» ماماندىعى بويىنشا ءبىلىم الدى. ەكونوميكا عىلىمدارىنىڭ دوكتورى. قر پرەزيدەنتى اكىمشىلىگى باس باقىلاۋ ينسپەكتسياسىنىڭ باسشىسى، قر قاۋىپسىزدىك كەڭەسىنىڭ حاتشىسى، رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتوراعاسى قىزمەتتەرىن اتقارعان. 2016 جىلعى 25 ناۋرىز ايىنان باستاپ – التىنشى شاقىرىلعان قر پارلامەنتى ءماجىلىسىنىڭ دەپۋتاتى، «نۇر وتان» حالىقتىق-دەموكراتيالىق پارتياسىنىڭ مۇشەسى. «قۇرمەت»، «پاراسات» وردەندەرىمەن مەدالدارمەن ماراپاتتالعان.

پاۆەل ولەگوۆيچ كازانتسەۆ 1960 جىلدىڭ 22 ناۋرىزىندا تومسك قالاسىندا دۇنيگە كەلگەن. التىنشى شاقىرىلعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى. تسەلينوگراد ينجەنەرلىك-قۇرىلىس ينستيتۋتىن، ف.ە.دجەرزينسكي اتىنداعى كسرو مقك جوعارى مەكتەبىن بىتىرگەن. ءار جىلدارى قر تۇڭعىش پرەزيدەنتى – ەلباسى قورىنىڭ دامۋ بويىنشا مەنەدجەرى، باعدارلامالاردى، ءىس-شارالاردى، سىرتقى بايلانىستار مەن كوممۋنيكاتسيانى جوسپارلاۋ قىزمەتىنىڭ جەتەكشىسى، قر كاسىپوداقتار فەدەراتسياسى ءتوراعاسىنىڭ ورىنباسارى بولعان. «قۇرمەت»، «ەرەن ەڭبەك ءۇشىن» مەدالدارىمەن ماراپاتتالعان.

قر پرەزيدەنتى تەلەراديو كەشەنىنىڭ باس ديرەكتورى بولعان ەرلان بەكحوجين «حابار» اگەنتتىگى» اقباسقارما ءتوراعاسى بولىپ تاعايىندالدى.

ەرلان قاليجانۇلى بەكحوجين 1963 جىلى 6 مامىردا دۇنيەگە كەلدى. شىمكەنت قالاسىندا تۋعان. قازاق مەملەكەتتىك ۋنيۆەرسيتەتىن، ورتالىق ازيا ۋنيۆەرسيتەتىن بىتىرگەن. 1994-1997 جىلدارى - «حابار» اگەنتتىگى اقپاراتتىق باعدارلاماسىنىڭ جۇرگىزۋشىسى، «جەتى كۇن» اقپاراتتىق باعدارلاماسىنىڭ اۆتورى ءارى جۇرگىزۋشىسى. 1998-2003 جىلدارى - قازاقستان رەسپۋبليكاسىنداعى «مير» حالىقارالىق تەلەراديوكومپانياسىنىڭ ديرەكتورى. 2003-2009 جىلدارى «ليتەر-مەديا» جشس باس ديرەكتورى، «ليتەر» جانە «ايقىن» گازەتتەرى رەداكتسيالىق كەڭەستەرىنىڭ ءتوراعاسى. 2009 جىلعى اقپاننان سوڭعى تاعايىنداۋعا دەيىن قر پرەزيدەنتى تەلەراديو كەشەنىنىڭ باس ديرەكتورى بولدى. «باس رەداكتورلار كلۋبىنىڭ» پرەزيدەنتى. «قۇرمەت» وردەنىمەن ماراپاتتالعان. «جىلدىڭ ۇزدىك ءجۋرناليسى» نوميناتسياسىندا «التىن جۇلدىز» سىيلىعىنىڭ لاۋرەاتى (1996). رەسەي جۋرناليستەر وداعىنىڭ (1997) جانە قازاقستان جۋرناليستەر وداعى (2000) سىيلىقتارىنىڭ لاۋرەاتى. باق سالاسىنداعى قر پرەزيدەنتى سىيلىعىنىڭ لاۋرەاتى (2008).

وڭىرلەرگە كەلسەك، الماتى اكىمى باقىتجان ساعىنتاەۆتىڭ وكىمىمەن جانە قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن ەرلان قوجاعاپانوۆ قالا اكىمىنىڭ ورىنباسارى قىزمەتىنە تاعايىندالدى.

ەرلان قوجاعاپانوۆ 1968 جىلى تۋعان. 1992 جىلى قاراعاندى مەملەكەتتىك ۋنيۆەرسيتەتىن «ەكونوميكا» ماماندىعى بويىنشا ءبىتىردى. 1999 جىلى - الماتى مەملەكەتتىك ۋنيۆەرسيتەتى «قارجى» ماماندىعى بويىنشا، 2006 جىلى رف مەملەكەتتىك كەدەن كوميتەتىنىڭ رەسەي كەدەن اكادەمياسىن «زاڭگەر» ماماندىعى بويىنشا ءبىتىردى. 1987-1989 جىلدارى كسرو قارۋلى كۇشتەرىندە قىزمەت ەتتى.1990 جىلدان 1994 جىلعا دەيىن كاسىپكەرلىكپەن اينالىسقان. 1994-2007 جىلدارى - مەملەكەتتىك ورگاندار مەن كاسىپورىنداردا جۇمىس ىستەدى. 2007-2013 جىلدارى استانا قالاسى اكىمىنىڭ ورىنباسارى، 2013-2016 جىلدارى – قر سپورت جانە دەنە شىنىقتىرۋ ىستەرى اگەنتتىگىنىڭ ءتوراعاسى جانە قر فۋتبول فەدەراتسياسىنىڭ پرەزيدەنتى، 2016-2017 جىلدارى قر پرەمەر-مينيسترىنىڭ كەڭەسشىسى، 2017 جىلدان باستاپ – قر مادەنيەت جانە سپورت ۆيتسە-مينيسترى قىزمەتىندە بولعان.

سونداي-اق، تانىمال قازاقستاندىق سپورتشى ءارى قوعام بەلسەندىسى ءۋاليحان تەن الماتى قالاسىنىڭ اكىمى باقىتجان ساعىنتاەۆتىڭ كەڭەسشىسى ءبولدى.

ۋاليحان تەن 1979 جىلى تۋعان، ەكى جوعارعى ءبىلىمى بار. ول ەنەرگەتيكا جانە بايلانىس ينستيتۋتىن، سونداي-اق سپورت جانە تۋريزم اكادەمياسىن بىتىرگەن. تەن - پاۋەرليفتينگ بويىنشا الەم، ەۋروپا جانە ازيا چەمپيونى، بوديبيلدينگتەن قر چەمپيونى، ەكى دۇركىن الەم جانە ازيا چەمپيونى، پاۋەرليفتينگ بويىنشا ەۋروپا چەمپيونى. قازىرگى ۋاقىتتا - World Class Almaty فيتنەس-كلۋبىنىڭ باسقارۋشى ديرەكتورى. ول سونىمەن بىرگە WRPF KZ پاۋەرليفتينگ فەدەراتسياسىنىڭ جانە WPC ءKZ-تىڭ پرەزيدەنتى، ءWRPF-تىڭ قازاقستانداعى رەسمي وكىلى.

2018 جىلدىڭ اياعىنان باستاپ، مما ارالاس جاۋىنگەرلىك جەكپە-جەك فەدەراتسياسىنىڭ باس ديرەكتورى. سونداي-اق، ول «Almaty Triathlon Federation» قوعامدىق بىرلەستىگىنىڭ جانە ء«بىرىنشى بولۋ باتىلدىق!» (الماتى مارافونى) كورپوروتيۆتىك قورىنىڭ قامقورشىلىق كەڭەستەرىنىڭ مۇشەسى.2015 جىلى سپورتشى كوپجىلدىق تاجىريبە نەگىزىندە «درۋگوي تى!» كىتابىن جازدى، وندا دەنە شىنىقتىرۋ، تاماقتانۋ، كۇن ءتارتىبى جانە ت.ب. ساباقتار بويىنشا ۇسىنىستار ايتىلدى.

ماڭعىستاۋ وبلىسى اكىمىنىڭ ورىنباسارى قىزمەتىنە باقىتجان قاشاقوۆ تاعايىندالدى.

باقىتجان امانجولۇلى قاشاقوۆ 1982 جىلى تۋعان، ۇلتى قازاق، ءبىلىمى جوعارى. 2002 جىلى قازاق-امەريكالىق ۋنيۆەرسيتەتىن «قارجى جانە كرەديت» ماماندىعى بويىنشا، 2003 جىلى ديكينسون مەملەكەتتىك ۋنيۆەرسيتەتىن (اقش) قارجى - ەكونوميست ماماندىعى بويىنشا اياقتاعان.

ەڭبەك جولىن 2003 جىلى «كومپانيا تەررا حولدينگ لتد» جشس قارجى ماسەلەسى بويىنشا ديرەكتوردىڭ ورىنباسارى بولىپ باستاعان. 2007-2009 جىلدارى الماتى قالاسى بويىنشا، مەدەۋ اۋدانى بويىنشا سالىق كوميتەتى زاڭدى تۇلعالار ءاۋديتى ءبولىمىنىڭ مامانى-سالىق ينسپەكتورى، جەتەكشى مامانى-جەتەكشى سالىق ينسپەكتورى بولىپ قىزمەت اتقاردى. 2009-2012 جىلدارى الماتى قالاسى بويىنشا سالىق كوميتەتى حالىقارالىق سالىق سالۋ ءبولىمىنىڭ باس مامانى-باس سالىق ينسپەكتورى بولىپ جۇمىس ىستەدى. 2012-2013 جىلدارى قر قۇرىلىس جانە تۇرعىن ۇي-كوممۋنالدىق شارۋاشىلىق ىستەرى اگەنتتىگى تۇرعىن ءۇي قۇرىلىسى دەپارتامەنتىنىڭ ۆەدومستۆولىق باعىنىستى قارجىلىق ۇيىمدارمەن جۇمىس بويىنشا باسقارمانىڭ باستىعى لاۋازىمىن اتقاردى.

2013-2014 جىلدارى قر وڭىرلىك دامۋ مينيسترلىگىنىڭ ساۋلەت، قالا قۇرىلىسى جانە قۇرىلىس دەپارتامەنتىنىڭ قۇرىلىس جانە قارجى ينستيتۋتتارىمەن جۇمىس باسقارماسىنىڭ باس ساراپشىسى، باسشىسى لاۋازىمدارىن، 2014-2016 جىلدارى قر ۇلتتىق ەكونوميكا مينيسترلىگىنىڭ قۇرىلىس، تۇرعىن ۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتىنىڭ جوبالىق جۇمىستار باسقارماسىنىڭ باس ساراپشىسى، قارجى ينستيتۋتتارىمەن جۇمىس باسقارماسىنىڭ باسشىسى، تۇرعىن ءۇي قۇرىلىسى جانە تۇرعىن ۇي-كوممۋنالدىق شارۋاشىلىعىن ەكونوميكالىق تالداۋ باسقارماسىنىڭ باسشىسى لاۋازىمدارىن اتقاردى. 2016 جىلعى قاراشادان 2017 جىلعى ساۋىرگە دەيىن قر ۇلتتىق ەكونوميكا مينيسترلىگىنىڭ قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتى ءتوراعاسىنىڭ ورىنباسارى لاۋازىمىن اتقاردى. 2017 جىلعى 20 ساۋىردەن باستاپ قر ينۆەستيتسيالار جانە دامۋ مينيسترلىگى قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتى ءتوراعاسىنىڭ ورىنباسارى لاۋازىمىن اتقارادى. 2019 جىلى اقپاننان باستاپ قر يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتى ءتوراعاسىنىڭ ورىنباسارى بولدى.


كەلۋ قاينارى: http://www.elarna.net/koru.php?tur=3&id=1038534

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


جەتىستىكتىڭ قاراپايىم ج 6 مينوت
中国哈萨克语广播网 6 مينوت
اقش پەن سولتۇستىك كورەي 26 مينوت
امانگەلدى ايتالى: نەمە 1 ساعات
4 سمەرتي، كوتورىە موجەت 1 ساعات
中国哈萨克语广播网 1 ساعات
ەلورداداعى پرەزيدەنتتىك 1 ساعات
اعاشتاعى ەشكىلەر - قىزى 1 ساعات
وسى ارانى باسىپ كورىڭىز 1 ساعات
مادەنيەت ءمينيسترى «ازا 1 ساعات
中国哈萨克语广播网 1 ساعات
وسى ارانى باسىپ كورىڭىز 1 ساعات
وسى ارانى باسىپ كورىڭىز 1 ساعات
الماتىدان 744 كم جەردە 2 ساعات
ەگيپەتتە قورعانىس مينيس 2 ساعات
دۇعادان كەيىن بەت سيپاۋ 2 ساعات
中国哈萨克语广播网 2 ساعات
وسى ارانى باسىپ كورىڭىز 2 ساعات
ك.قازىباەۆ ءومىرى مەن ش 2 ساعات
پەتروپاۆلدا بەس قاباتتى 2 ساعات
بەرليندە قورشاعان ورتان 2 ساعات
قازاق بالۋانى نۇرعوجا ق 2 ساعات
كۇرەستەن ءاچ: قازاقستان 2 ساعات
بالا تۋدى جوسپارلاۋعا ب 2 ساعات
中国哈萨克语广播网 2 ساعات
رامازان كەستەسى ەلوردال 2 ساعات
وسى ارانى باسىپ كورىڭىز 2 ساعات
تارازدا ەرەكشە قوعامدىق 2 ساعات
قازاقستان مەن رەسەيدىڭ 2 ساعات
كۇرەس تۇرلەرىنەن ءاچ: ن 2 ساعات