ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-092218827250 %50 %
2019-12-102001851947 %53 %
2019-12-1130492451 %49 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقپارات جاڭالىقتارى

جولدانعان ۋاقىتى: 18:27 - 2019/08/14

ەنەرگەتيكا ءمينيسترى مەملەكەت باسشىسىنا نە جايىندا باياندادى

نۇر-سۇلتان. قازاقپارات – قازاقستان پرەزيدەنتى قاسىم-جومارت توقاەۆ ەنەرگەتيكا ءمينيسترى قانات بوزىمباەۆتى قابىلدادى، دەپ حابارلايدى قازاقپارات ءتىلشىسى ەنەرگەتيكا مينيسترلىگىنىڭ ءباسپاسوز قىزمەتىنە سىلتەمە جاساپ.

قانات بوزىمباەۆ قازاقستان پرەزيدەنتىنە وتكەن جەتى ايدىڭ قورتىندىسىن بايانداپ، ەنەرگەتيكا سالاسىنىڭ جوسپارلى دامىپ جاتقانىن حابارلادى. بايانداماعا سايكەس، مۇناي ءوندىرۋ كولەمى 52،23 ملن توننانى قۇراپ، بيىلعى جوسپار 101،2 پايىزعا ورىندالعان. ونىڭ ىشىندە ءۇش ءىرى جوبانىڭ ۇلەسىنە 31،6 ملن توننا تيەسىلى. (قاشاعاندا - 7،2 مون توننا، تەڭىزدە- 17،5، ملن توننا قاراشىعاناقتا - 6،9 ملن توننا.)

«شىنى كەرەك، وسى جىلدىڭ ماۋسىم ايىندا قاشاعاندا كۇردەلى جوندەۋدەن ءوتىپ، ءوندىرۋ كولەمى تۇراقتى تۇردە تاۋلىگىنە 380 مىڭ باررەلگە شىقتى. ال، مۇناي ءوندىرۋدىڭ اعىمداعى قارقىنى جىلدىق جوسپاردى 89 ملن توننا كولەمىندە ورىنداۋعا مۇمكىندىك بەرەدى»، - دەدى مينيستر.

سونىمەن قاتار، مۇناي ونىمدەرىن وڭدەۋ سالاسىندا دا وڭ ديناميكا ساقتاۋلى. ياعني وڭدەۋ كولەمى 9،58 ملن تونناعا جەتىپ، بىلتىرعى كورسەتكىشپەن سالىستىرعاندا 3،1 پايىزدىق ءوسىمدى كورسەتىپ وتىر. بەنزين بويىنشا وڭدەۋ 10،8 پايىزعا ، ديزەل 7،8 پايىزعا ، اۆياوتىن 2،2 ەسەگە ءوسىپ وتىر. وسىنىڭ ناتيجەسىندە جىل باسىنان بەرى نارىقتاعى بولشەك ساۋدادا باعا تومەندەگەن. اسىرەسە بەنزيننىڭ اي-92 ماركاسى 6 پايىزعا ارزانداعان.

ايتا كەتۋ كەرەك، اعىمداعى جىلى قازاقستان ەەق-تان تىس جەرلەرگە اي-92 ماركاسىن 70 مىڭ تونناعا دەيىن، اي سايىن اي-95 ماركاسى بويىنشا 15 مىڭ تونناعا دەيىن تازا-ەكسپورتتاۋشى بولىپ وتىر.

وتكەن جەتى ايدا، گاز ءوندىرۋ كولەمى 33،1 ملرد تەكشە مەتردى قۇراپ، جوسپار 101،8 پايىزعا، ال تاۋارلى گاز ءوندىرىسى 19،6 ملرد تەكشە مەترگە جەتىپ، بەلگىلەنگەن جوسپار 104،8 پايىزعا ورىندالدى. سوندىقتان ىشكى نارىقتا تۇراقتىلىق ورناتىلىپ، گاز باعاسىن نەگىزسىز وسۋىنە جول بەرىلمەي كەلە جاتىر. حالىقتى گازبەن قامتۋ 49،7 پايىزعا جەتكەن. ءقازىر 9 ملن-عا جۋىق ادام كوگىلدىر وتىنعا قول جەتكىزگەن.

كەزدەسۋ بارىسىندا مينيستر مۇناي حيميا سالاسىنا دا توقتالىپ، ءبىرقاتار جۇيەلى جۇمىستاردى باياندادى. بيتۋم ءوندىرىسى 464 مىڭ تونناعا جەتىپ، بەلگىلەنگەن جوسپار 103 پايىزعا ورىندالعان.

وتاندىق مۇناي-گاز حيمياسىنداعى وسى جىلدىڭ ماڭىزدى وقيعاسى - اتىراۋ موز-دە حوش ءيىستى كومىرسۋتەكتەردىڭ (بەنزول، پاراكسيلول) ونەركاسىپتىك ءوندىرىسىن باستاۋى. ءبىرىنشى جارتىجىلدىقتا 95 مىڭ توننا حوش ءيىستى كومىرسۋتەكتەر ءوندىرىلىپ، ولار ەكسپورتقا (رەسەي) جىبەرىلدى. 2019 جىلعا جوسپار - 180 مىڭ توننا.

ال، ەلەكتر ەنەرگياسىن ءوندىرۋ جالپى تۇتىنۋعا سايكەس 60،4 ملرد كۆتساع قۇراپ وتىر.

سونداي-اق، كەزدەسۋدە مينيستر پرەزيدەنتكە ەنەرگەتيكا سالاسىنا جاسالىپ جاتقان ينۆەستيتسيالار تۋرالى دا مالىمەت بەردى.

مۇناي وندىرىسىندە ءۇش ءىرى جوبانى ىسكە اسىرۋعا قۇيىلعان ينۆەستيتسيا كولەمى 44،5 ملرد اقش دوللارىن قۇرادى. بۇل قاراجات ءۇش ءىرى جوبانى ىسكە اسىرۋعا - تەڭىزدى بولاشاقتا كەڭەيتۋ جوباسى (38 ملرد اقش دوللارى)، قاراشىعاناق ءوندىرۋ دەڭگەيىن ۇزارتۋ جوبالارىنا (4،5 ملرد اقش) جۇمسالادى.

وسىلايشا، تەڭىزدى بولاشاقتا كەڭەيتۋ جوباسى ساپالى وندىرۋگە سەرپىلىس بەرمەك. ياعني جىل سايىنعى دەڭگەيدى 2023 جىلدان باستاپ، بىردەن 12 ملن تونناعا ارتتىرۋعا مۇمكىندىك بەرەدى. مۇناي-گاز حيميا سالاسىندا جالپى قۇنى 12،3 ملرد اقش دوللارىن قۇرايتىن 8 ينۆەستيتسيالىق جوبا جۇزەگە اسىرىلۋدا. بۇل - پوليپروپيلەن مەن پوليەتيلەن جوبالارى جاقىن شەت ەلدەر اراسىندا پوليمەرلەر وندىرىسىندەگى ەڭ ءىرى جوبالارى. ەكى جوبا بويىنشا ينۆەستيتسيا كولەمى - 9 ملرد دوللار. قۇرىلىس كەزىندە كەمىندە 3 مىڭ جۇمىس ورنى جانە پايدالانۋ كەزەڭىندە – 1 مىڭ ادام تۇراقتى جۇمىسپەن قامتىلادى.

پوليپروپيلەن جوباسى بويىنشا قۇرىلىس كەستە بويىنشا ءجۇرىپ، 2021 جىلى اياقتالادى.

ايتا كەتۋ كەرەك، قازىرگى تاڭدا جاڭارتىلاتىن ەنەرگەتيكانى دامىتۋ دا تۇراقتى جولعا قويىلعان. وسى سالاداعى كورسەتىلەتىن مەملەكەتتىك قولداۋ شارالارى ينۆەستورلاردىڭ بەلسەندى تۇردە قىزىعۋشىلىعىن تۋدىرادى. ءقازىردىڭ وزىندە ينۆەستيتسيالىق كولەمى 2 ملرد اقش دوللارىن قۇرايتىن 82 ررا كەلىسىمشارتقا قول قويىلدى.

جىل سوڭىنا دەيىن، جەك وبەكتىلەرىنىڭ جيىنتىق قۋاتى 733-تەن (77 نىسان) 967 مۆت-قا (85 نىسان) دەيىن ارتادى. 2020 جىلى جەك سانىن 95-كە (1483 مۆت) دەيىن، 2021 جىلى 119-عا (بۇل 2096 مۆت) دەيىن جەتكىزۋ جوسپارلانۋدا.

ء

سوز سوڭىندا پرەزيدەنت ەنەرگەتيكا سالاسىنىڭ دامۋىنا وڭ باعاسىن بەرىپ، الداعى ۋاقىتتا قالىپتاسقان تۇراقتىلىقتى ساقتاۋدى تاپسىردى.


كەلۋ قاينارى: http://www.elarna.net/koru.php?tur=3&id=1034391

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى